ລິ້ງ ສຳຫລັບເຂົ້າຫາ

ການກວດສອບເບິ່ງ ບັດເລືອກຕັ້ງຄືນໃໝ່ ດຳເນີນຕໍ່ໄປ ໃນອັຟການິສຖານ (ວີດີໂອ)


ບັນດາ​ເຈົ້າ​ໜ້າ​ທີ່ອັຟກາ​ນິສຖານ ​ໄດ້ສືບ​ຕໍ່​ທຳ​ການກວດ​ສອບ​
ເບິ່ງແລະ ນັບຄືນ​ໃໝ່ ບັດ​ເລືອກ​ຕັ້ງຈາກ​ການເລືອກຕັ້ງປະທາ
ນາທິບໍດີ​ຮອບ​ຊີ້ຂາດຂອງ​ປະ​ເທດ ຫຼັງ​ຈາກໄດ້​ໂຈະ​ໄວ້​ໃນ​ວັນ​
ເສົາ​ວານ​ນີ້ ​ເພາະວ່າ ທ່ານ​ອັບ​ດູລລາ ອັບ​ດູລລາ ຜູ້​ສະໝັກ​ເລືອກ
​ຕັ້ງ​ປະທານາ​ທິບໍດີ​ຄົນ​ນຶ່ງ ຍັງ​ບໍ່​ທັນ​ໄດ້​ຕົກລົງ​ເຫັນ​ດີນຳ​ ວິທີ​ການ​
ຕັດສິນ​ກ່ຽວກັບວ່າ​ບັດ​ຄະ​ແນນ​ໃດຖືກຕ້ອງ ຫຼື​ບໍ່​ຖືກຕ້ອງ​ນັ້ນ.

ການ​ນັບ​ບັດ​ເລືອກ​ຕັ້ງ​ຄືນ​ໃໝ່ ​ໄດ້​ເລີ້ມ​ຄືນ​ໃນ​ເຊົ້າ​ວັນ​ອາທິດ​ມື້​ນີ້
ຫຼັງ​ຈາກ​ມີ​ການ​ຊັກ​ຊ້າດັ່ງກ່າວ ​ເຖິງ​ແມ່ນ​ທີ​ມ​ເລືອກ​ຕັ້ງ​ຂອງ​ທ່ານ​
ອັບ​ດູລລາ ບໍ່​ໄດ້​ໄປມີໜ້າ ​ກໍ​ຕາມ. ແຕ່ທີ​ມ​ເລືອກ​ຕັ້ງ​ຂອງ​ທ່ານ
Ashraf Ghani ຄູ່​ແຂ່ງຂັນ ​ແລະ​ພວກ​ນັກ​ສັງ​ເກດ​ການ​ແຫ່ງ​ຊາດ​ແລະ​ນາໆ​ຊາດ​ໄດ້​ໄປ​ມີໜ້າ​ໃນ​ການກວດ​ສອບ​ຄືນ​ດັ່ງກ່າວ.

ບັນດາ​ນັກວິ​ເຄາະ​ເຫດການ ກ່າວ​ວ່າ ຄວາ​ມບໍ່​ແນ່ນອນ​ທາງ​ດ້ານ​ການ​ເມືອງ ກຳລັງສ້າງ
​ຄວາມ​ເສຍ​ຫາຍ​ໃຫ້​ແກ່​ເສດຖະກິດ​ຂອງ​ອັຟກາ​ນິສຖານ ​ແລະວ່າ ການ​ຊັກ​ຊ້າ​ໃນການ
​ກອບ​ສອບ​ເບິ່ງ​ການ​ເລືອກ​ຕັ້ງ​ຄືນ​ໃໝ່​ນີ້ ສາມາດເປັນ​ອັນຕະລາຍ​ຢ່າງ​ຮ້າຍ​ແຮງ​ໄດ້ ຕໍ່
​ອະນາຄົດ​ຂອງ​ອັຟກາ​ນິສຖານ.

ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John Kerry ​ໄດ້​ໂອ້​ລົມທາງ​ໂທລະສັບ​ ຄົນ​ລະ​
ເທື່ອ​ກັບ​ທ່ານ​ອັບດູລລາ ​ແລະທ່ານ Ashraf Ghani ​ຜູ້​ສະໝັກ​ແຂ່ງກັບ​ທ່ານ​ອັບ​ດູລລາ ໃນ
​ວັນ​ສຸກ​ຜ່ານ​ມານີ້​ ເພື່ອ​ ໃຫ້ການ​ສະໜັບສະໜຸນ​ແກ່​ການ​ດຳ​ເນີນ​ຂັ້ນ​ຕອນ​ການ​ເລືອກ​ຕັ້ງ​ໃນ​ອັຟກາ​ນິສຖານນັ້ນ. ກະຊວງ​ການ​ຕ່າງປະ​ເທດ​ສະຫະລັດ ກ່າວ​ວ່າ ທ່ານ Kerry ​ໄດ້​ກ່າວ​ເນັ້ນ​ເຖິງ​ຄວາມ​ຈຳ​ເປັນ​ ສຳລັບ​ໃຫ້​ການກວດ​ສອບ​ເບິ່ງ​ບັດ​ຄະ​ແນນ​ສຽງ​ນີ້​ ສຳ​ເລັດເສັດ​ສິ້ນ
​ລົງ​ໃນ​ເວລາ​ທີ່​ເໝາະ​ສົມ.

​ໃນ​ການ​ກະກຽມ​ສຳລັບການກວດ​ສອບ​ຄືນ​ເບິ່ງ​ນີ້ ບັດ​ຄະ​ແນນສຽງ​ຈຳນວນ​ຫຼາຍ​ກວ່າ 8
ລ້ານ​ບັດ​ ​ໄດ້​ຖືກ​ສົ່ງ​ກັບ​ມາ​ຍັງ​ນະ​ຫຼວງ​ຫຼວງ​ຄາ​ບູລ ມາ​ຈາກ​ທຸກ​ແຈ​ທຸກ​ມຸມ​ຂອງ​ອັຟກາ​ນິສ
ຖານ. ​ໃນ​ນັ້ນ ມີ​ຫຼາຍ​ກວ່າ 22 ພັນ​ບັດ ທີ່​ຕ້ອງ​ຖືກກວດ​ສອບເບິ່ງ​ວ່າ ​ມີ​ຮ່ອງຮອຍ​ການ​ສໍ້​ໂກງຫຼືບໍ່.

ການ​ຕົກລົງ​ໃຫ້​ມີ​ການ​ກວດ​ສອບ​ເບິ່ງ​ບັດ​ເລືອກ​ຕັ້ງ​ຄືນ​ໃໝ່​ນີ້ ​ໄດ້ມີ​ຂຶ້ນ​ໃນລະຫວ່າງ​ການ​ຢ້ຽມຢາມສຸກ​ເສີນບັ້ນ​ນຶ່ງ​ ຂອງ​ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry ​ໃນ​ເດືອນ​ກໍລະກົດ​ຜ່ານ​ມາ.

XS
SM
MD
LG