ລິ້ງ ສຳຫລັບເຂົ້າຫາ

ເຕັ້ນອາ​ໂຣບິ​ກ ສາມາດຫລຸດຜ່ອນ ການເປັນໄຂ້ຫວັດໄດ້

  • ບົວສະຫວັນ

ການແລ່ນໄລຍະໄກ ກໍເປັນການອອກກໍາລັງກາຍແບບນຶ່ງ ທີ່ຊ່ວຍໃຫ້ສາມາດ ຕ້ານທານກັບພະຍາດໄດ້ ເພາະມັນຊ່ວຍກະ​ຕຸ້ນ​ໃຫ້ຫົວ​ໃຈ​ເຕັ້ນ​ໄວ​ຂຶ້ນ​ ແລະ​ເຮັດ​​ໃຫ້​ເຫື່ອ​ແຕກ​ອອກ.

ມີການຄົ້ນຄວ້າຫລາຍໆບັ້ນ ທີ່ໄດ້ດຳເນີນມາ​ໃນ​ຊ່ວງໄລຍະຫລາຍປີທີ່ຜ່ານມາ ຊຶ່ງລົງ ຄວາມເຫັນວ່າ ຜູ້ຄົນທີ່ມີການ​​​ເຄື່ອນ​ໄຫວ​ທາງຮ່າງກາຍຫລາຍ ຫລືອອກກຳລັງກາຍ​ຢູ່ ເລື້ອຍໆນັ້ນ ແມ່ນຈະ​ມີໂອກາດເປັນ​ພະຍາດ​ທີ່​ຮ້າຍ​ແຮງ ​ເຊ່ນໂຣກຫົວ​ໃຈນັ້ນ ໜ້ອຍກວ່າ ພວກທີ່ບໍ່ມັກອອກກຳລັງ​ກາຍ. ແຕ່ມາ​ບັດນີ້ ການສຶກສາຄົ້ນຄວ້າ​ໃໝ່ ຊີ້​ໃຫ້​ເຫັນ​ວ່າພວກ ​ທີ່​ມັກ​​ອອກກຳລັງ​ກາຍ​​ແບບ​ເຕັ້ນອາ​ໂຣບິ​ກ​ເລື້ອຍໆນັ້ນ ປະກົດ​ວ່າບໍ່ຄ່ອຍ​ມັກ​ຈະ​ເປັນ​ ໄຂ້ຫວັດ ຫລື ມີ​ອາການຂອງພະຍາດທີ່​ກ່ຽວກັບ​ການ​ຫາຍ​ໃຈ ​ຫລາຍປານ​ໃດ.

ມີການຄົ້ນຄວ້າຫລາຍໆ ບັ້ນ ທີ່ໄດ້ດຳເນີນມາ​ໃນ​ຊ່ວງ
ໄລຍະຫລາຍປີທີ່ຜ່ານມາ ຊຶ່ງລົງຄວາມເຫັນວ່າຜູ້ຄົນທີ່
ມີການເຄື່ອນ​ໄຫວ​ທາງຮ່າງກາຍຫລາຍ ຫລືອອກກຳລັງ
ກາຍ​ຢູ່ເລື້ອຍໆນັ້ນ ແມ່ນຈະ​ມີໂອກາດເປັນ​ພະຍາດ​ທີ່​ຮ້າຍ​
ແຮງ ເຊ່ນໂຣກຫົວ​ໃຈນັ້ນ ໜ້ອຍກວ່າພວກທີ່ບໍ່ມັກອອກ
ກຳລັງກາຍ. ແຕ່ມາ​ບັດນີ້ ການສຶກສາຄົ້ນຄວ້າ​ໃໝ່ຊີ້​ໃຫ້
ເຫັນ​ວ່າ ພວກທີ່​ມັກອອກກຳລັງ​ກາຍແບບ​ເຕັ້ນອາ​ໂຣບິ​ກ
ເລື້ອຍໆນັ້ນ ປະກົດ​ວ່າບໍ່ຄ່ອຍ​ມັກ​ຈະ​ເປັນ​ໄຂ້ຫວັດ ຫລືມີ
ອາການຂອງພະຍາດທີ່​ກ່ຽວກັບ​ການ​ຫາຍ​ໃຈຫລາຍປານ​ໃດ.

ພວກ​ເຂົ້າຮ່ວມ​ການ​ສຶກສາຄົນຄວ້າ ນຶ່ງພັນ​ຄົນ ໄດ້​ຈົດບັນທຶກປະຈຳ​ວັນ ກ່ຽວກັບການ
ອອກກຳລັງ​ກາຍຂອງ​ຕົນໄວ້ ​ແລະຈາກ​ນັ້ນ ຕົວ​ເລກທີ່​ບັນ ທຶກ​ໄວ້ ກໍ​ໄດ້​ຖືກ​ຮວບ​ຮວມ
ຄິດ​ໄລ່​ໂດຍ​ພວກນັກຄົ້ນຄວ້າ ທີ່ຢູ່ໃຕ້​ການ​ນຳພາ​ຂອງທ່ານ David Nieman ແຫ່ງມະ
ຫາວິທະຍາ​ໄລ Appalachian State University ຂອງ​ລັດ North Carolina ທີ່
ກ່າວວ່າ:

ພວກ​ເຮົາພົບ​ວ່າ ປະເດັນດ້ານ​ແບບ​ແຜນ​ດຳລົງ​ຊີວິດທີ່ສຳຄັນທີ່ສຸດໃນການທໍາ
ນາຍ​ບອກ​ຈຳນວນ​ມື້ ທີ່​ເຈັບ​ປ່ວຍໃນ​ລະດູໜາວ ​ແລະ ລະດູ​ໃບ​ໄມ້​ຫລົ່ນນັ້ນ
ແມ່ນ​ຈຳນວນ​ມື້ທີ່​ມີ​ການ​ອອກກຳລັງ​ກາຍຂອງ​ພວກ​ເຂົາ​ເຈົ້າ.

ເວົ້າສະ​ເພາະ ກໍແມ່ນການ​ອອກກຳລັງ​ກາຍ​ແບບ​ເຕັ້ນອາ​ໂຣບິ​ກ ​ເປັນ​ເວລາປະມານ 20
ນາທີ ຫລື ດົ​ນກວ່າ​ນັ້ນ ຊຶ່ງ​ແມ່ນ​ພຽງພໍ​ທີ່ຈະກະ​ຕຸ້ນ​ໃຫ້ຫົວ​ໃຈ​ເຕັ້ນ​ໄວ​ຂຶ້ນ ​ແລະ​ເຮັດໃຫ້
ເຫື່ອ​ແຕກ​ອອກ.ທ່ານ Nieman ເວົ້າວ່າ:

ຜູ້​ຄົນ​ທີ່​ອອກກຳລັງ​ກາຍ​ແບບ​ນັ້ນ 5 ມື້ຕໍ່ອາທິ​ດ ​ເປັນ​ໄລຍະ12 ອາທິດລຽນຕິດ​
ກັນ ​ແມ່ນສາມາດ​ຫລຸດ​ຈຳນວນ​ມື້ເຈັບ​ປ່ວຍ​ລົງ​ໄດ້
ເຖິງ 40%. ​ແລະ​ຜົນອັນ​ນີ້​
ແມ່ນໄດ້​ຮັບ ພາຍຫລັງ​ທີ່ໄດ້​ຄວບ​ຄຸມປະ​ເດັນ​ອື່ນໆ ທັງໝົດທີ່​ຂ້າພະ​ເຈົ້າ​ໄດ້​
ກ່າວ​ເຖິງ​ນັ້ນ​ແລ້ວ.

ຊຶ່ງ​ລວມມີ ປະເດັນ ​ເຊ່ນ ການ​ກິນ​ອາຫານ, ນ້ຳໜັກ, ການ​ສຶກສາ ​ແລະ ​ເພ​ດ​.

ການ​ເຕ້ນອາໂຣບິກ 5 ​ເທື່ອ​ຕໍ່ອາ​ທິດເປັນປະຈໍາ, ​ເທື່ອ​ລະ​ປະມານ 20 ນາທີ​ນັ້ນ ປະກົດ​ວ່າ​
ໃຫ້​ຜົນ​ດີ​ທີ່​ສຸດ. ສຳລັບ​ພວກ​ທີ່​ອອກກຳລັງ​ກາຍແບບນີ້ ໜ້ອຍກວ່າ​ນັ້ນ​ແມ່ນ​ມັກ​ຈະ​ເປັນ​
ໄຂ້ຫວັດ​ເລື້ອຍ​ກວ່າ.

ຜູ້ຊາຍຄົນນີ້ເປັນໄຂ້ຫວັດ​ຊຶ່ງເປັນການເຈັບປ່ວຍ ທໍາ​ມະ​ດາທີ່ຜູ້​ຄົນມັກ​ຈະເປັນ​ຫລາຍທີ່​ສຸດຊະນິດ ນຶ່ງ ຢູ່ໃນຫລາຍພາກຂອງ​ໂລກ
ຜູ້ຊາຍຄົນນີ້ເປັນໄຂ້ຫວັດ​ຊຶ່ງເປັນການເຈັບປ່ວຍ ທໍາ​ມະ​ດາທີ່ຜູ້​ຄົນມັກ​ຈະເປັນ​ຫລາຍທີ່​ສຸດຊະນິດ ນຶ່ງ ຢູ່ໃນຫລາຍພາກຂອງ​ໂລກ

ທ່ານ Nieman ​ເວົ້າວ່າ ພວກ​ເຮົາ​ສາມາດອະທິ​ບາຍ​ໄດ້
ໂດຍ​ເບິ່ງ ຈາກປະຕິກິລິຍາ​ທີ່​ເກີດ​ຂຶ້ນຕໍ່ແຊ​ລຂອງ​ເມັດ​ເລືອດ​
ຂາວ​ຈໍາພວກນຶ່ງ ຊຶ່ງ​ກໍ​ຄື ແຊລ Neutrophils ແລະ​ແຊ​ລ
ທີ່ເປັນ​ໂຕ​ຂ້າ​ເຊື້ອໂຣກໂດຍ​ທຳ​ມະ​ຊາດນັ້ນ ​ໃນ​ເວລາທີ່
ຮ່າງກາຍກ້າວເຂົ້າສູ່ຈັງຫວະ​ການ​ອອກກຳລັງ​ກາຍ: ​ແຊ​ລ
ພູມ​ຕ້ານທານເຫລົ່ານີ້ ​ເລີ້ມແລ່ນໄປຕາມເສ້ນເລືອດ​ຕ່າງໆ
ທີ່ໄຫລວຽນໄປ​ທົ່ວຮ່າງ​ກາຍ ​ເພື່ອ​ຊອກ​ຫາ​ສິ່ງ​ທີ່​ຈະ​ມາ​ຈູ່​ໂຈມ​ຮ່າງກາຍ ​ເຊ່ນ ​ເຊື້ອ​ໄວ​ຣັສ ທີ່​ເຮັດໃຫ້​ເປັນຫວັດ ​ແລະພາໃຫ້​ຕິດ​ເຊື້ອ​ໂຣກ​ຫາຍ​ໃຈ​ອັນ​ອື່ນໆ.

ພວກ​ນັກ​ຊ່ຽວຊານ​ດ້ານການ​ສຶກສາ​ພູມ​ຕ້ານ​ທານ ​ສ່ວນ​ໃຫຍ່ ແປ​ຄວາມໝາຍ ຂອງ​ປະຕິກິລິຍາ ຂອງແຊລດັ່ງກ່າວໃນ​ຕອນ​ອອກກຳລັງ​ກາຍນີ້ວ່າ​ ເປັນ​ສິ່ງ​ທີ່​ພວກ​ເຂົາ​ເຈົ້າ ​ເອີ້ນກັນ​ວ່າ ການ​ເຝົ້າລະວັງ​ຂອງ​ພູມ​ຕ້ານທານຂອງ​ຮ່າງກາຍ ທີ່​ໄດ້​ຮັບ​ການ​ປັບ​ປຸງດີຂຶ້ນ ຫລື ຄວາມ​ສາມາດ​ຂອງລະບົບ​ພູມ​ຕ້ານທານ ​ເພື່ອ​ກວດ​ຈັບ ​ແລະ ຈາກ​ນັ້ນກໍ​ເຂົ້າ​ໄປ​ຫາ​ເຊື້ອ​ໂຣກ ​ແລ້ວ​ກໍ​ຂ້າ​ພວກ​ເຊື້ອພະຍາດ​ເຫລົ່ານັ້ນ

ສິ່ງ​ທີ່​ພວກ​ເຮົາ​ເອີ້ນກັນ​ວ່າ ໄຂ້ຫວັດ​ທຳ​ມະ​ດານັ້ນ ແມ່ນ​ການ​ເຈັບ​ປ່ວຍ ທີ່ຜູ້​ຄົນມັກ​ຈະເປັນ​
ຫລາຍທີ່​ສຸດຊະນິດນຶ່ງ ຢູ່ໃນ​ຫລາຍ​ໆເຂດ​ຂອງ​ໂລກ. ອີງ​ຕາມ​ການ​ສຶກສາຄົ້ນຄວ້າ​ອັນ​ນຶ່ງ
ການສິ້ນ​ເປືອງ​ທາງເສດຖະກິດ ຍ້ອນ​ການ​ເຈັບ​ປ່ວຍ​ແບບ​ນີ້ ຢູ່ໃນ​ແຕ່​ສະຫະລັດເທົ່າ​ນັ້ນ​ແມ່ນ
ຄາດ​ຄະ​ເນ​ວ່າ ຕົກ​ເປັນ​ເງິນຈຳນວນ 40 ພັນ​ລ້ານ​ໂດ​ລາຕໍ່ປີ.

ທ່ານ​ສາມາດ​ຊອກ​ອ່ານ ຜົນການ​ສຶກສາຄົ້ນຄວ້າ​ຂອງ​ທ່ານ David Nieman ໄດ້ ຢູ່​ໃນ
“ວາລະສານການ​ຢາສໍາລັບການ​ກິລາຂອງ​ອັງກິດ” ຫລື “British Journal of Sports Medicine.”

XS
SM
MD
LG