ກອງປະຊຸມສະມັດຊາໃຫຍ່ສະຫະປະຊາຊາດ ສະໄໝທີ 71 ໄດ້ໄຂຂຶ້ນທີ່ນະຄອນ
ນິວຢອກ ໂດຍມີຜູ້ຕາງໜ້າຈາກ 193 ປະເທດທີ່ເປັນສະມາຊິກເຂົ້າຮ່ວມ ຕາງໜ້າໃຫ້ ສປປ ລາວ ໃນປີນີ້ ແມ່ນ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ທີ່ໄດ້ກ່າວຕໍ່ກອງປະຊຸມສະມັດຊາໃຫຍ່ ໃນວັນທີ 23 ກັນຍາຜ່ານມານີ້. ກິ່ງສະຫວັນ ມີລາຍລະອຽດ ມາສະເໜີທ່ານໃນ ອັນດັບຕໍ່ໄປ.
ໃນຕອນບ່າຍວັນສຸກ ທີ 23 ກັນຍາ ທີ່ຜ່ານມານີ້ ພະນະທ່ານທອງລຸນ ສີສຸລິດ ນາຍົກລັດ ຖະມົນຕີ ສປປ ລາວ ໄດ້ກ່າວຄຳປາໄສຕໍ່ກອງປະຊຸມສະມັດຊາໃຫຍ່ ອົງການສະຫະປະ ຊາຊາດ ໂດຍເລີ້ມຕົ້ນດັ່ງນີ້:
ພະນະທ່ານທອງລຸນ ກ່າວວ່າ ວົງຄະນາຍາດສາກົນ ຍັງສືບຕໍ່ມີຄວາມເປັນຫ່ວງຕໍ່ສິ່ງທ້າທາຍ ແລະສະພາບການທີ່ເກີດຂຶ້ນໃນພາກພື້ນຕ່າງໆຂອງໂລກ ຊຶ່ງທ່ານໄດ້ກ່າວກ່ຽວກັບເລື້ອງນີ້ວ່າ:
ພະນະທ່ານທອງລຸນ ກ່າວວ່າພາກພື້ນອາຊີຕາເວັນອອກສ່ຽງໃຕ້ຍັງສືບຕໍ່ມີສັນຕິພາບ ແລະສະຖຽນລະພາບ ອັນເປັນເງື່ອນໄຂພື້ນຖານທີ່ເອື້ອອໍານວຍໃຫ້ແກ່ການສ້າງສາພັດ ທະນາເສດຖະກິດສັງຄົມ ຂອງບັນດາປະເທດໃນພາກພື້ນ ກໍຄືການເສີມຂະຫຍາຍການ ຮ່ວມມືພາກພື້ນ ທີ່ໄດ້ກ້າວເຂົ້າສູ່ສັງກາດໃໝ່ ແຫ່ງການເປັນປະຊາຄົມອາຊຽນ ນັບແຕ່ ວັນທີ 31 ທັນວາ 2015 ແລະການຮັດແໜ້ນການຮ່ວມມືລະຫວ່າງ ອາຊຽນກັບພາຍນອກ
ແນໃສ່ສ້າງປະຊາຄົມອາຊຽນໃຫ້ເຂັ້ມແຂງ ແລະຈະເລີນກ້າວໜ້າຕາມວິໄສທັດປະຊາຄົມ ອາຊຽນ 2025 ໂດຍຜ່ານບັນດາກົນໄກການຮ່ວມມືທີ່ອາຊຽນລິເລີ້ມຂຶ້ນ. ທ່ານກ່າວວ່າ ພວກຂ້າພະເຈົ້າຫວັງວ່າ ວົງຄະນາຍາດສາກົນ ໂດຍສະເພາະຄູ່ເຈລະຈາ ກໍ່ຄືຄູ່ຮ່ວມພາຍ ນອກຕ່າງໆຂອງອາຊຽນ ຈະສືບຕໍ່ສະໜັບສະໜູນອາຊຽນ ແລະຄວາມເປັນແກນກາງ ຂອງອາຊຽນໃນໂຄງສ້າງພາກພື້ນ.
ພ້ອມດຽວກັນນີ້ ພະນະທ່ານທອງລຸນ ຍັງກ່າວເຖິງຄວາມພາກພູມໃຈ ແລະກຽດຂອງ ສປປ ລາວ ທີ່ໄດ້ເປັນປະທານໝູນວຽນຈັດກອງປະຊຸມອາຊຽນໃນປີ 2016 ທີ່ນະຄອນ ຫລວງວຽງຈັນ ຊຶ່ງພະນະທ່ານທອງລຸນ ໄດ້ກ່າວກ່ຽວກັບເລື້ອງນີ້ວ່າ:
ພະນະທ່ານທອງລຸນ ໄດ້ກ່າວສັນລະເສີນການຈັດຕັ້ງປະຕິບັດວາລະ 2030 ຮວມທັງເປົ້າ ໝາຍການພັດທະນາແບບຍືນຍົງ ຊຶ່ງທ່ານໄດ້ກ່າວວ່າ:
ນອກນັ້ນ ພະນະທ່ານທອງລຸນ ຍັງໄດ້ກ່າວເຖິງການເລືອກຕັ້ງສະພາແຫ່ງຊາດໃນຕົ້ນປີນີ້ ທີິ່ໄດ້ຮັບຮອງເອົາຄະນະລັດຖະບານຊຸດໃໝ່ຂອງ ສປປ ລາວ ຊຶ່ງທ່ານ ໄດ້ກ່າວກ່ຽວກັບເລື້ອງນີ້ວ່າ:
ນອກຈາກນັ້ນອີກແລ້ວ ພະນະທ່ານທອງລຸ່ນ ຍັງໄດ້ຍົກບັນຫາໃນຄວາມເປັນຫ່ວງກ່ຽວກັບການເກັບກູ້ລະເບີດ ທີ່ຍັງຕົກຄ້າງບໍ່ທັນແຕກຢູ່ໃນລາວ ແລະຕ້ອງການຢາກເກັບກູ້ໃຫ້ ຫລາຍຂຶ້ນ ເພາະຍັງເປັນໄພອັນຕະລາຍຕໍ່ຊີວິດການເປັນຢູ່ຂອງປະຊາຊົນ ຊຶ່ງພະນະທ່ານທອງລຸນ ໄດ້ກ່າວວ່າ:
ກ່ຽວກັບການປ່ຽນແປງຂອງດິນຟ້າອາກາດ ແມ່ນເປັນໄພພິບັດແກ່ໂລກທີ່ໄດ້ຖືກຍົກຂຶ້ນມາກ່າວຢູ່ໃນກອງປະຊຸມສະມັດຊາໃຫຍ່ ຊຶ່ງລັດຖະບານ ສປປ ລາວ ກໍແມ່ນປະເທດນຶ່ງ ທີ່ໄດ້ໃຫ້ການສະໜັບສະໜູນ ແລະເປັນພາຄີສົນທິສັນຍາປາຣີໃນປີກາຍນີ້ ຊຶ່ງພະນະທ່ານທອງລຸນ ໄດ້ກ່າວກ່ຽວກັບເລື້ອງນີ້ວ່າ:
ພະນະທ່ານທອງລຸນ ສີສຸລິດ ຍັງໄດ້ກ່າວສະແດງຄວາມເປັນຫ່ວງການນຳໃຊ້ກຳລັງອາ
ວຸດ ເພື່ອແກ້ໄຂບັນຫາທີ່ເກີດຂຶ້ນໃນຫຼາຍພາກພື້ນຂອງໂລກມີແຕ່ຈະນຳເອົາຄວາມຫາ
ຍະນະອັນໃຫຍ່ຫຼວງມາສູ່ມວນມະນຸດ ເຊັ່ນ: ການສູນເສຍຊີວິດ ແລະຊັບສິນເປັນຈຳ
ນວນຫຼວງ ຫຼາຍ ເຮັດໃຫ້ມີຄວາມທຸກຍາກ ແລະໄພອຶດຫິວ ແລະຜົນກະທົບອື່ນໆອັນ
ໄດ້ນຳໄປສູ່ການແຜ່ຂະຫຍາຍຂອງອາຊະຍາກຳ ແລະການກໍ່ການຮ້າຍຕ່າງໆ. ສະນັ້ນ
ສປປ ລາວ ຮຽກຮ້ອງມາຍັງວົງຄະນາຍາດສາກົນ ຈົ່ງພ້ອມກັນຍົກສູງເຈດຕະນາລົມທາງ
ການເມືອງ ທີ່ຈະແກ້ໄຂບັນດາຂໍ້ຂັດແຍ່ງຢູ່ພາກພື້ນຕ່າງໆໂດຍສັນຕິວິທີ, ເຊິ່ງ ສປປ ລາວສະໜັບສະ ໜູນວິທີການແກ້ໄຂທາງສັນຕິນີ້ ຢ່າງສະເໝີຕົ້ນສະເໝີປາຍຕະຫຼອດມາ. ພະ
ນະທ່ານທອງລຸນ ກ່າວວ່າ ສປປ ລາວ ຍາມໃດກໍ່ຫວັງວ່າ ບັນຫາປາແລັສໄຕນ໌ ຈະໄດ້ ຮັບການແກ້ໄຂດ້ວຍສັນຕິວິທີໂດຍຝ່າຍທີ່ກ່ຽວຂ້ອງ ເພື່ອບັນລຸການສ້າງຕັ້ງສອງລັດ ປາແລັສໄຕນ໌ ແລະອິສແອລ ດຳລົງຄົງຢູ່ຮ່ວມກັນຢ່າງສັນຕິ.
ພ້ອມນີ້ ພະນະທ່ນທອງລຸນ ຍັງກ່າວວ່າ ສປປ ລາວ ຊົມເຊີຍການຟື້ນຟູສາຍພົວພັນການທູດ ລະຫວ່າງສະຫະລັດ ອາເມລິກາ ແລະ ສາທາລະນະລັດຄິວບາ ແລະຫວັງຢ່າງຍິ່ງວ່າ ການຟື້ນຟູສາຍພົວພັນດັ່ງກ່າວ ຈະໄດ້ຮັບການສືບຕໍ່ເສີມຂະຫຍາຍ ແລະຈະນຳໄປສູ່ການຍົກເລີກການຂວ້ຳບາດຕໍ່ສາທາລະນະລັດຄິວບາໃນອະນາຄົດອັນໃກ້ນີ້.
ພະນະທ່ານທອງລຸນ ນາຍົກລັດຖະມົນຕີ ສປປ ລາວ ໄດ້ກ່າວມ້ວນທ້າຍຄຳປາຕໍ່ກອງປະຊຸມສະມັດຊາໃຫຍ່ ສະຫະປະຊາດ ດັ່ງນີ້.
