ບັນດານັກເຄື່ອນໄຫວໃນຊີເຣຍ ກ່າວວ່າ ເຈັດອາທິດຂອງ
ການໂຈມຕີທາງອາ ກາດ ພາຍໃຕ້ການນຳພາຂອງສະຫະ
ລັດໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍ 860 ຄົນໃນຊີເຣຍ
ສ່ວນຫລາຍແມ່ນພວກຫົວຮຸນແຮງລັດອິສລາມ.
ກຸ່ມສິ້ງຊອມສິດທິມະນຸດໃນຊີເຣຍ ທີ່ມີຫ້ອງການຢູປະເທດ
ອັງກິດ ກ່າວໃນວັນພຸດມື້ນີ້ວ່າ ໂຕເລກທີ່ແທ້ຈິງອາດຈະສູງ
ກວ່ານັ້ນ ແລະໃນນັ້ນແມ່ນຮວມທັງພົນ ລະເຮືອນຢ່າງໜ້ອຍ
50 ຄົນ.
ສະຫະລັດ ແລະແນວໂຮມທີ່ປະກອບດ້ວຍປະເທດຕ່າງໆ
ໄດ້ເລີ້ມໂຈມຕີເປົ້າໝາຍຂອງກຸ່ມລັດອິສລາມໃນຊີເຣຍ ໃນທ້າຍເດືອນກັນຍາໂດຍຂະ
ຫຍາຍການໂຈມຕີທາງອາກາດຕໍ່ກຸ່ມດັ່ງກ່າວ ໃນອີຣັກ ບ່ອນທີ່ພວກຫົວຮຸນແຮງໄດ້ຍຶດ
ເອົາຂົງເຂດອັນກວ້າງຂວາງ ໃນພາກເໜືອ ແລະພາກຕາເວັນຕົກຂອງປະເທດນັ້ນ.
ສະຖິຕິທີ່ມີການນຳອອກເຜີຍແຜ່ ໂດຍກອງບັນຊາການສະຫະລັດ ໃນເຂດພາກ ຕາເວັນ
ອອກກາງຫຼື CENTCOM ສະແດງໃຫ້ເຫັນວ່າ ເຮືອບິນຂອງແນວໂຮມໄດ້ທຳການໂຈມຕີ
350 ຖ້ຽວບິນໃນ ຢູ່ໃນຊີເຣຍ ແລະອີກ 450 ຖ້ຽວບິນໃນ ອີຣັກ.
ການໂຈມຕີຫລາຍຄັ້ງ ແມ່ນແນເປົ້າໝາຍໃສ່ກຸ່ມ Nusra ທີ່ເປັນເຄືອຂ່າຍຂອງ al-Qaida
ກຸ່ມສີ້ງຊອມສິດທິມະນຸດໃນຊີເຣຍ ຊຶ່ງໄດ້ບັນທຶກຄວາມຮຸນແຮງຢູ່ໃນສົງຄາມກາງເມືອງ
ທົ່ວປະເທດຊີເຣຍ ກ່າວໃນວັນພຸດມື້ນີ້ວ່າ ສະມາຊິກຂອງ ກຸ່ມ Nusra 68 ຄົນ ໄດ້ຖືກສັງ
ຫານ ໃນການໂຈມຕີເຫຼົ່ານີ້.
