ບັນດານັກເຄື່ອນໄຫວຊີເຣຍ ກ່າວວ່າ ການໂຈມຕີທາງອາກາດ
ພາຍໃຕ້ການນຳພາຂອງສະຫະລັດ ທີ່ແນເປົ້າໝາຍໃສ່ສະຖານ
ທີ່ຜະລິດນ້ຳມັນ ແຫ່ງຕ່າງໆ ທີ່ຢູ່ພາຍໃຕ້ການຄວບຄຸມ ຂອງກຸ່ມ
ລັດອິສລາມໃນພາກຕາເວັນອອກສຽງເໜືອຂອງຊີເຣຍ ໄດ້ສັງ
ຫານພວກຫົວຮຸນແຮງ 14 ຄົນ ແລະພົນລະເຮືອນ 5 ຄົນ.
ກຸ່ມສິ້ງຊອມສິດທິມະນຸດໃນຊີເຣຍ ຫຼື Syrian Observatory
for Human Rights ທີ່ມີຫ້ອງການຕັ້ງຢູ່ໃນອັງກິດກ່າວໃນວັນ
ພະຫັດມື້ນີ້ວ່າ ການໂຈມຕີໃນຄືນຜ່ານມານີ້ ແມ່ນມີຂຶ້ນ ໃນເຂດ
Deir el-Zour ແລະ Hassakeh.
ພາບຫຼ້າສຸດ ຈາກ ຊີເຣຍ
ໃນວັນພຸດວານນີ້ ກຳລັງຂອງສະຫະລັດ ແລະກຳລັງຈາກ Saudi Arabia ແລະສະຫະ
ລັດອາຣັບເອເມີເຣັສ ໄດ້ທຳການໂຈມຕີທາງອາກາດ 13 ຄັ້ງໃນພາກຕາເວັນອອກຂອງ
ຊີເຣຍ ໃນຖານະເປັນພາກສ່ວນນຶ່ງຂອງການປະຕິບັດງານຕໍ່ຕ້ານກຸ່ມຫົວຮຸນແຮງລັດອິສ
ລາມ.
ກອງບັນຊາການ CENTCOM ຂອງສະຫະລັດ ຊຶ່ງເປັນຜູ້ກຳກັບດູແລເບິ່ງການປະຕິບັດງານ ທາງທະຫານອະເມຣິກັນ ໃນພາກຕາເວັນອອກກາງກ່າວວ່າ ການໂຈມຕີໄດ້ແນເປົ້າໝາຍໃສ່ພວກໂຮງກັ່ນນ້ຳມັນຂະ ໜາດນ້ອຍ ທີ່ນຳລາຍໄດ້ມາໃຫ້ພວກຫົວຮຸນແຮງມື້ນຶ່ງເຖິງ 2 ລ້ານດອນລານັ້ນ.
ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ຮຽກຮ້ອງໃຫ້ ພວກນັກຕໍ່ສູ້ກຸ່ມລັດອິສລາມ “ໜີອອກຈາກສະໜາມລົບໃນຂະນະທີ່ພວກເຂົາສາມາດ” ໃນລະຫວາງການກ່າວປາໄສ ຕໍ່ກອງປະຊຸມສະ ມັດຊາໃຫຍ່ສະຫະປະຊາຊາດ ໃນວັນພຸດວານນີ້.
ທ່ານໂອບາມາ ໄດ້ຖິ້ມໂທດໃສ່ບັນຫາຂັດແຍ້ງຕ່າງໆທາງດ້ານສາສະໜາ ໃນທົ່ວໂລກທີ່ກໍ່
ໃຫ້ເກີດມີ “ການເກັບເກນລະດົມພົນ ທີ່ອຸສົມສົມບູນ” ສຳລັບພວກກຸ່ມຕ່າງໆ ເຊັ່ນກຸ່ມລັດອິສລາມ ຊຶ່ງໄດ້ຍຶດເອົາຫຼາຍເຂດໃນຊີເຣຍ ແລະອີຣັກໃນລະຫວ່າງການບຸກໂຈມຕີດ້ວຍອາວຸດຢ່າງນອງເລືອດ ມາເປັນເວລາຫຼາຍເດືອນນັ້ນ.
ຝຣັ່ງ ໂຈມຕີ ກຸ່ມລັດອິສລາມ ຮອບໃໝ່
ທ່ານໂອບາມາກ່າວວ່າ “ບໍ່ສາມາດມີເຫດຜົນໃດໆ ບໍ່ມີການເຈລະຈາ ກັບພວກຜີມານຊົ່ວຮ້າຍເຫຼົ່ານີ້. ພາສາດຽວທີ່ພວກຄາດຕະກອນເຫຼົ່ານີ້ເຂົ້າໃຈ ແມ່ນພາສາໃຊ້ກຳລັງກັບພວກເຂົາ. ດັ່ງນີ້ສະຫະລັດອະເມລິກາ ຈະດຳເນີນງານກັບແນວໂຮມຢ່າງກວ້າງຂວາງ ເພື່ອທັບມ້າງເຄືອຂ່າຍ ການມໍລະນະກຳນີ້.”
ກ່ອນໜ້ານີ້ ໃນການເປີດກອງປະຊຸມສະມັດຊາໃຫຍ່ ທ່ານພັນກິມູນ ເລ ຂາທິການໃຫຍ່ສະຫະປະຊາຊາດຮຽກຮ້ອງໃຫ້ພວກຜູ້ນຳຂອງໂລກເປີດ “ການໂອລົມສົນທະນາກັນກັນຢ່າງກົງໄປກົງມາ” ກ່ຽວກັບຕົ້ນເຫດແຫ່ງ ຫົວຮຸນແຮງຈັດໃນພາກພື້ນ.
