ລິ້ງ ສຳຫລັບເຂົ້າຫາ

ການໂຈມຕີທາງອາກາດ ຂອງອິສຣາແອລ ສັງຫານ ທະຫານຊີເຣຍ 10 ຄົນ (ສະໄລດ໌)


ທະຫານອິສຣາແອລ ຍໍລູກປືນໃຫຍ່ ລົດຖັງ ໃກ້ກັບເຂດ Alonei Habashan ໃນເຂດຄອບຄອງຂອງອິສຣາແອລ ທີ່ພູພຽງ Golan Heights, ໃກ້ກັນຊາຍແດນຢຸດຍິງ ລະຫວ່າງ ອິສຣາແອລ ແລະຊີເຣຍ ວັນທີ 22 ມິຖຸນາ 2014.
ພວກ​ນັກ​ເຄື່ອນ​ໄຫວ​ກ່າວ​ວ່າ ການ​ໂຈມ​ຕີ​ທາງ​ອາ​ກາດ​ຂອງ
ອິສຣາ​ແອ​ລ ​ໃນ​ຄືນ​ຜ່ານ​ມາ ​ໄດ້​ສັງຫານ​ທະຫານ​ຊີ​ເຣຍ 10 ຄົນ
ຢູ່ໃນ​ດິນ​ແດນ​ຂອງ​ຊີ​ເຣຍ ​ເລາະຕາມເຂດພູພຽງ Golan Heights.

ກຸ່ມ​ສັງ​ເກດ​ການ​ເພື່ອ​ສິດທິ​ມະນຸດ​ຂອງ​ຊີ​ເຣຍ ທີ່​ຕັ້ງ​ຢູ່​ອັງກິດ ກ່າວ​
ໃນ​ວັນ​ຈັນ​ມື້​ນີ້​ວ່າ ການ​ໂຈມ​ຕີ​ດ້ວຍ​ລະ​ເບີດ​ຂອງ​ອິສຣາ​ແອ​ລຍັງ​
ໄດ້​ທຳລາຍ ລົດ​ຖັງ​ສອງ​ຄັນ ​ແລະ​ຖານ​ປືນ​ໃຫຍ່​ອີກ​ສອງ​ແຫ່ງ.

ບັນດາ​ເຈົ້າ​ໜ້າ​ທີ່​ອິສຣາ​ແອ​ລ ກ່າວ​ວ່າ ການ​ໂຈມ​ຕີ​ທາງ​ອາກາດ
ຂອງ​ຕົນ ​ໄດ້​ແນ​ເປົ້າ​ໝາຍ​ໃສ່​ກອງ​ບັນຊາ​ການ​ທະຫານໃນ​ຂົງ​ເຂດ
​ແລະ “ຖານ​ໂຈມ​ຕີ​ຕ່າງໆ” ​ແລະ​ມີ​ການ​ຢືນຢັນວ່າ ການ​ໂຈມ​ຕີ
ແມ່ນຖືກ​ເປົ້າ​ໝາຍ.

ການ​ຖມລະ​ເບີດດັ່ງກ່າວ​ແມ່ນ​ການ​ຕອບ​ໂຕ້ ຕໍ່​ການ​ໂຈມ​ຕີ​ໃນ​ວັນ​ອາທິດ​ວານ​ນີ້ ທີ່​ໄດ້ເອົາ​
ຊີວິດ​ໄວ​ລຸ່ນອິສຣາ​ແອ​ລຄົນ​ນຶ່ງ ທີ່ໂຄສົກ​ທະຫານ​ອິສຣາແອ​ລເວົ້າວ່າ ​ເປັນ​ການ​ໂຈມ​ຕີ
ໂດຍ​ເຈດ​ຕະນາ​ຕໍ່​ອິສຣາ​ແອ​ລ ​ແລະເປັນ​ການ​ກໍ່ຄວາມ​ຮຸນ​ແຮງ​ຂ້າມ​ຊາຍ​ແດນ “ທີ່​ຮ້າຍ​
ແຮງທີ່​ສຸດ”
ນັບແຕ່​ ສົງຄາມ​ກາງ​ເມືອງ​ຂອງ​ຊີ​ເຣຍ​ໄດ້​ເລີ້ມ​ຕົ້ນ​ຂຶ້ນໃນ​ປີ 2011 ​ເປັນ​ຕົ້ນມາ.

Activists say Israeli airstrikes overnight killed 10 Syrian soldiers in Syrian territory along the Golan Heights.

The Britain-based Syrian Observatory for Human Rights said Monday the bombings also destroyed two tanks and two artillery positions.

Israeli officials said the airstrikes targeted a Syrian regional military headquarters and "launching positions," and that direct hits were confirmed.

The bombings came in response to an attack Sunday that killed an Israeli teenager. An Israeli military spokesman said that attack was an intentional act against Israel and the "most substantial" cross-border violence since the beginning of Syria's civil war in 2011.
XS
SM
MD
LG