ຈໍແດນກ່າວວ່າ ພວກຫົວຮຸນແຮງລັດອິສລາມ ໄດ້ຈັບນັກບິນ
ຄົນໜຶ່ງຂອງຕົນໄປ ຫລັງຈາກທີ່ເຮືອບິນຂອງຜູ້ກ່ຽວຕົກລົງ
ຢູ່ໃນເຂດພາກເໜືອຂອງປະເທດຊີເຣຍ ໃນຂະນະທີ່ປະຕິບັດ
ງານຕໍ່ຕ້ານ ພວກກະບົດ IS ຫລືລັດອິສລາມນັ້ນ.
ກອງທັບຈໍແດນກ່າວໃນຄຳຖະແຫລງສະບັບໜຶ່ງ ທີ່ນຳອອກ
ເຜິຍແຜ່ໃນວັນພຸດ ມື້ນີ້ວ່າ ຕົນຖືວ່າ ພວກຫົວຮຸນແຮງເຫລົ່າ
ນັ້ນເປັນຜູ້ຮັບຜິດຊອບ ຕໍ່ຊີວິດແລະຄວາມປອດໄພຂອງນັກ
ບິນຄົນນັ້ນ.
ກຸ່ມສິ້ງຊອມສິດທິມະນຸດໃນຊີເຣຍ ທີ່ຕັ້ງຢູ່ໃນອັງກິດ ໄດ້ລາຍ
ງານກ່ອນໜ້ານີ້ວ່າ ພວກຫົວຮຸນແຮງ IS ໄດ້ຍິງເຮືອບິນລຳນັ້ນຕົກ ຢູ່ໃກ້ໆກັບເມືອງ
Raqqa ຊຶ່ງເປັນທີ່ໝັ້ນສຳຄັນສຸດຂອງພວກຫົວຮຸນແຮງ ທີ່ໄດ້ຍຶດເອົາຂົງເຂດອັນກວ້າງ
ຂວາງໃນພາກຕາເວັນອອກຂອງຊີເຣຍ ພ້ອມທັງພາກເໜືອ ແລະພາກຕາເວັນຕົກຂອງ
ອີຣັກ ເມື່ອກາງປີນີ້.
ປະເທດຈໍແດນ ບາເຣນ ຊາອຸດີ ອາເຣເບຍ ແລະສະຫະລັດອາຣັບເອມີເຣສ ຕ່າງກໍໄດ້ເຂົ້າ
ຮ່ວມທຳການໂຈມຕີທາງອາກາດຢູ່ໃນຊີເຣຍ ທີ່ນຳພາໂດຍສະຫະລັດ ແລະແນເປົ້າໝາຍ
ໃສ່ກຸ່ມ IS ໃນຊີເຣຍ ນັ້ນ. ນັບແຕ່ທ້າຍເດືອນກັນຍາເປັນຕົ້ນມາ ກຸ່ມແນວໂຮມພາຍໃຕ້
ການນຳພາຂອງສະ ຫະລັດ ໄດ້ທຳການປະຕິບັດງານໂຈມຕີທາງອາກາດປະມານ 550
ຖ້ຽວ ຕໍ່ເປົ້າໝາຍຂອງກຸ່ມລັດອິສລາມ ໃນຊີເຣຍ.
ເບິ່ງວີດີໂອກ່ຽວຂ້ອງ:
