ນາຍົກລັດຖະມົນຕີອອສເຕຣເລຍ ໃຫ້ຄຳໝັ້ນສັນຍາວ່າ ຈະສືບ
ສວນສອບສວນເບິ່ງວ່າ ດ້ວຍວິທີໃດ ຄົນຮ້າຍຜູ້ມີຈິດໃຈບໍ່ສົມ
ປະກອບ ທີ່ເກີດຢູ່ປະເທດອີຣ່ານ ພ້ອມກັບມີປະຫວັດ ຂອງ
ຄວາມຮຸນແຮງ ແລະພົວພັນກັບພວກຫົວຮຸນແຮງຈັດນັ້ນ ສາມາດ
ປະຕິບັດການໂຈມຕີຮ້ານອາຫານ ທີ່ເຮັດໃຫ້ມີຜູ້ເສຍຊີວິດຫຼາຍ
ຄົນ ໃນນະຄອນຊິດນີ ເມື່ອອາທິດນີ້.
ທ້າວ Man Haron Monis ເມື່ອວັນຈັນຜ່ານມາ ໄດ້ຈູ່ໂຈມຮ້ານ
ອາຫານ Lindt Chocolate Café ຢູ່ໃນນະຄອນຊິດນີ ແລ້ວຈັບ
ເອົາໂຕປະກັນ 17 ຄົນ. ຜູ້ຕ້ອງສົງໄສ ໄວ 50 ປີ ພ້ອມກັນກັບໂຕ
ປະກັນ 2 ຄົນ ຖືກຂ້າຕາຍ ໃນເວລາຕຳຫລວດໜ່ວຍກ້າຕາຍ ບຸກ
ເຂົ້າໄປໃນຮ້ານອາຫານດັ່ງກ່າວ.
ທ້າວ Monis ຜູ້ທີ່ບັນເຈົ້າໜ້າທີ່ຕຳຫລວດອອສເຕຣເລຍ ຮູ້ຈັກລາວດີ. ລາວໄດ້ຖືກປ່ອຍ
ດ້ວຍການປະກັນໂຕ ຫຼັງຈາກທີ່ຖືກກ່າວຟ້ອງວ່າ ມີສ່ວນກ່ຽວພັນ ໃນການຄາດຕະກຳ
ຂອງມື້ລາງອະດີດພັນລະຍາຂອງລາວ. ຜູ້ກ່ຽວຍັງປະເຊີນໜ້າກັບການກ່າວຟ້ອງຫຼາຍ
ກວ່າ 40 ຂໍ້ຫາ ໃນການລວນລາມທາງເພດ ແລະການອະນາຈານຕ່າງໆ.
ໃນວັນພຸດມື້ນີ້ ນາຍົກລັດຖະມົນຕີ Tony Abbott ກ່າວທີ່ກອງປະຊຸມຖະແຫລງຂ່າວວ່າ
ທ່ານຕ້ອງການຢາກຮູ້ວ່າ ເປັນຫຍັງ ທ້າວ Monis ບໍ່ໄດ້ຖືກຕິດຕາມເບິ່ງ ຫຼື ກັກໂຕໄວ້
ທັງໆທີ່ຜູ້ກ່ຽວໄດ້ກໍ່ຄວາມຮຸນແຮງຜ່ານມາ ມີສະພາບຈິດບໍ່ທຸ່ນທ່ຽງ ແລະ ມີຄວາມຫລົງ
ໃຫລກັບພວກຫົວຮຸນແຮງຈັດ.
ທ່ານ Abbott ເວົ້າວ່າ “ພວກເຮົາຕ້ອງການຢາກຮູ້ວ່າ ເປັນຍ້ອນຫຍັງຜູ້ກະທຳ
ຄວາມໂຫດຮ້າຍອັນໜ້າໂກດແຄນນີ້ ສາມາດໄດ້ຮັບອະນຸຍາດ ໃຫ້ອາໄສຢູ່
ໃນປະເທດໄດ້ ຢ່າງຖາວອນ. ພວກເຮົາຕ້ອງການຢາກຮູ້ວ່າ ດ້ວຍວິທີໃດ ຜູ້ກ່ຽວ
ຈຶ່ງສາມາດໄດ້ຮັບການຊ່ວຍເຫຼືອດ້ານສັງຄົມສົງເຄາະ ເປັນເວລາຫຼາຍປີ. ພວກ
ເຮົາຕ້ອງການຢາກຮູ້ວ່າ ແມ່ນຫຍັງບຸກຄົນນີ້ ສາມາດມີໃບອະນຸຍາດຖືປືນໄດ້.
ໂດຍສະເພາະແລ້ວ ພວກເຮົາຢາກຮູ້ວ່າ ດ້ວຍວິທີໃດ ຄົນບາງຄົນທີ່ມີປະຫວັດ
ຂອງຄວາມຮຸນແຮງອັນຍາວນານ ມີປະຫວັດກ່ຽວກັບສະພາບຈິດບໍ່ທຸ່ນທ່ຽງ ຈຶ່ງ
ຖືກປ່ອຍອອກມາ ດ້ວຍການປະກັນໂຕ.”