ບັດນີ້ທ່ານເຫັນມັນ ແລະບັດນີ້ທ່ານບໍ່ເຫັນ.
ບັນດາລັດຖະມົນຕີຕ່າງປະເທດ ຂອງປະເທດສະມາຊິກ ສະມາຄົມບັນດາປະຊາຊາດ ໃນເຂດເອເຊຍອາຄະເນຫຼືອາຊຽນ ໄດ້ທຳການການຫລິ້ນກົນທີ່ບໍ່ແນບນຽນຂອງການໃຊ້ມື ໂດຍອອກຖະແຫລງການຮ່ວມຢ່າງໜັກແໜ້ນກ່ຽວກັບທະເລຈີນໃຕ້ ແລະຫລັງຈາກນັ້ນໄດ້ເຮັດໃຫ້ມັນຫາຍໄປຢ່າງວ່ອງໄວ.
“ບໍ່ໜ້າເຊື່ອ ແລະບໍ່ແມ່ນໃນທາງທີ່ດີ” ນັ້ນ ຄືສິ່ງທີ່ອະດີດເອກອັກຄະລັດຖະທູດສະຫະລັດ ປະຈຳທະນາຄານພັດທະນາເອເຊຍ ທ່ານ Curtis Chin ໄດ້ອະທິ ບາຍເຖິງເລື້ອງນີ້.
ທ່ານ Chin ກ່າວຕໍ່ວີໂອເອ ໃນວັນພຸດມື້ນີ້ວ່າ ການຖອນຄຳເວົ້າ “ເປັນການເນັ້ນໃຫ້ເຫັນທັງການມີຄວາມສ່ຽງສູງທີ່ພົວພັນກັບທະເລຈີນໃຕ້ແລະ ASEAN ຈະຕ້ອງດຳເນີນການເພີ້ມຕື່ມຫລາຍປານໃດ ຈຶ່ງຈະມີຄວາມເປັນເອກກະພາບ ກັນເພື່ອແກ້ໄຂບາງບັນຫາທີ່ມີຄວາມສຳຄັນສຸດຈຳນວນນຶ່ງ ທີ່ກຳລັງປະເຊີນໜ້າຢູ່ໃນຂົງເຂດ.”
“ມີບາງສິ່ງບາງຢ່າງເປັນຕາຫົວຢູ່ໃນນັ້ນ. ມັນເປັນເລື້ອງທີ່ຜິດທຳມະດາຫຼາຍ” ນັ້ນຄືຄຳເວົ້າຂອງທ່ານທິດທິນັນ ພົງສຸດທີ່ຣັກ ຜູ້ອຳນວຍການສະຖານບັນຄວາມ ປອດໄພແລະການສຶກສານາໆຊາດ ທີ່ມະຫາວິທະຍາໄລຈຸລາລົງກອນ ກ່ຽວກັບ ການຖອນຄຳເວົ້າຢ່າງວ່ອງໄວ. “ຂ້າພະເຈົ້າບໍ່ເຄີຍເຫັນວ່າມັນໄດ້ເກີດຂຶ້ນ.”
ບັນດາລັດຖະມົນຕີຂອງ ASEAN ທີ່ໄດ້ປະຊຸມກັນ ຢູ່່ເມືອງ Yuxi ໃນແຂວງ Yunnan ຂອງປະເທດຈີນໃນວັນຈັນແລະອັງຄານວານນີ້ ໄດ້ກ່າວໂຈມຕີໂດຍທາງອ້ອມຕໍ່ຜູ້ເປັນເຈົ້າພາບຂອງເຂົາເຈົ້າ ໂດຍສະແດງ “ຄວາມເປັນຫ່ວງຢ່າງ ແທ້ຈິງ” ກ່ຽວກັບການທະວີຄວາມເຄັ່ງຕຶງໃນທະເລຈີນໃຕ້.
ຖະແຫລງການໄດ້ຮຽກຮ້ອງໃຫ້ນັບຖືກກົດໝາຍສາກົນ ທ່າມກາງການປະຕິເສດຂອງຈີນ ທີ່ຈະຮັບເອົາການຕັດສິນ ຊຶ່ງຈະມີຂຶ້ນຢູ່ສານຍຸຕິທຳສາກົນ ທີ່ນະຄອນ Hague ຊຶ່ງຄາດວ່າຈະເຫັນພ້ອມກັບການທ້າທາຍຂອງມະນີລາຕໍ່ການອ້າງເອົາ ກຳມະສິດເກືອບທັງໝົດໃນທະເລຈີນໃຕ້ຂອງປັກກິ່ງ.
ແຫລ່ງຂ່າວການທູດ ໃນວັນພຸດມື້ນີ້ ສະແດງໃຫ້ເຫັນວ່າ ບັນດາເຈົ້າໜ້າທີ່ຈີນ ໃນທາງສ່ວນໂຕແລ້ວໄດ້ກົດດັນຢ່າງວ່ອງໄວຕໍ່ ASEAN ຖອນເອກກະສານ ດັ່ງກ່າວ ຫລັງຈາກກະຊວງຕ່າງປະເທດມາເລເຊຍໄດ້ນຳອອກເຜີຍແຜ່ສຳເນົາສະບັບນຶ່ງໃຫ້ແກ່ສື່ມວນຊົນ.
