ຄອບຄົວຊາວເຢຍຣະມັນ ສ້າງສະຖິຕິປະດັບຕົ້ນຄຣິສມາສຫຼາຍທີ່ສຸດໃນໂລກ

ຄອບຄົວຊາວເຢຍຣະມັນສ້າງສະຖິຕິໃນການເປັນເຮືອນທີ່ປະດັບປະດາດ້ວຍຕົ້ນຄຣິສມາດສ໌ ຫຼາຍທີ່ສຸດໃນໂລກອ້າງອີງຈາກໜ່ວຍງານຂອງເຢຍຣະມັນ.

ຄອບຄົວ ເຈໂຣມິນ ໃນເມືອງ ຣິນເທລນ໌ ທາງຕາເວນຕົກສຽງເໜືອຂອງເຢຍຣະມັນ ໄດ້ສະແດງໃຫ້ເຫັນຕົ້ນຄຣິສມາສ 605 ຕົ້ນພາຍໃນເຮືອນຂອງພວກເຂົາທີ່ທາງສະຖາບັນດ້ານສະຖິຕິຂອງ ເຢຍຣະມັນ ຫຼື RID ຢືນຢັນວ່່າຄອບຄົວນີ້ໄດ້ເປັນທີ່ສຸດໃນແງ່ຂອງບ້ານທີ່ຕົບແຕ່ງຕົ້ນຄຣິສມາດສ໌ຈຳນວນຫຼາຍທີ່ສຸດໃນບ່ອນດຽວ.

ຕົ້ນຄຣິສມາດສ໌ທັງ 605 ຕົ້ນນີ້ປະດັບປະດາດ້ວຍຂອງຕົບແຕ່ງ 120,000 ອັນຂື້ນໄປ ໄຟ 50,000 ດອກ ແລະ ຂອງປະດັບຕົ້ນຄຣິສມາສອີກນັບພັນອັນ ບ້ານຫຼັງນີ້ຢູ່ທ່າມກາງແສງສີສວຍງາມໃນທຸກຕາຕະລາງ ທຸກຫ້ອງ ທຸກແຈ ລວມເຖິງເພດານ.

ທ່ານ ໂທມັສ ເຈໂຣມິນ ເຈົ້າຂອງເຮືອນສ້າງສະຖິຕິໂລກແຫ່ງນີ້ກ່າວກັບອົງການຂ່າວຣອຍເຕີ້ເຖິງ ຄວາມຮັກໃນການແຕ່ງຕົ້ນຄຣິສມາສ ເຂົາເບິ່ງວ່າການປະດັບປະດາຕົ້ນຄຣິສມາສ ເປັນຂັ້ນຕອນທີ່ເຮັດໃຫ້ “ຜ່ອນຄາຍ” ແລະເປັນສີ່ງທີ່ດີທີ່ສຸດເມື່ອໄດ້ຢືນຢູ່ທ່າມກາງແສງຍິບຍັບວັບວາວແບບນີ້.

ຄອບຄົວເຈໂຣມິນ ເຄີຍສ້າງສະຖິຕິມາແລ້ວ 6 ຄັ້ງ ໃນອາດີດ ທີ່ຄອງສຳປະທານເຮືອນທີ່ມີຕົ້ນຄຣິສມາສ ຫຼາຍທີ່ ສຸດໃນໂລກຕັ້ງແຕ່ປີ 2017-2021 ແລະ ອີກຄັ້ງໃນປີ 2023 ແລະ ເມື່ອປີຜ່ານມາ ພວກເຂົາມີຕົ້ນຄຣິສມາສ 555 ຕົ້ນ ແຕ່ກໍ່ບໍ່ສາມາດຢຸດຢັ້ງຄວາມພະຍາຍາມທີ່ຈະທຳລາຍສະຖິຕິຂອງພວກເຂົາໃນປີຕໍ່ມາ.

ດ້ານທ່າ​ນ​ນາງ ຊູຊານ ເຈໂຣມິນ ກ່າວຕອນທ້າຍວ່າ ຕົ້ນຄຣິສມາສ ເຫລົ່ານີ້ແຕ່ຄວາມສວຍງາມແລະຮູ້ສຶກດີທີ່ເຫັນທຸກຕົ້ນປະດັບໄຟຂື້ນມາແລະກໍ່ຮູ້ສຶກໃຈຫາຍທັນທີເມື່ອໄຟເຫລົ່ານີ້ດັບລົງອີກຄັ້ງ ເມື່ອຈົບເທດສະການ.