<!-- IMAGE -->
ຂ່າວກອງປະຊຸມສຸດຍອດວ່າດ້ວຍນີວເຄລຍທີ່ກຸງວໍຊິງຕັນ: ບັນດາຜູ້ນຳຂອງໂລກກຳລັງມາເຕົ້າໂຮມກັນຢູ່ທ່ີກຸງວໍຊິງຕັນ ດີຊີ ເພື່ອເຂົ້າຮ່ວມໃນກອງປະຊຸມສຸດຍອດນາໆຊາດ ວ່າດ້ວຍນີວເຄລຍເພື່ອພັດ ທະນາຍຸດທະສາດໃໝ່ຂອງໂລກຂຶ້ນມາ ເພື່ອປ້ອງກັນບໍ່ໃຫ້ພວກອາວຸດນີວເຄລຍຕົກໄປຮອດໄປເຖິງມືພວກກໍ່ການຮ້າຍ. ປະທານາທິບໍດີບາຣັກໂອບາມາແຫ່ງສະຫະຣັດ ທ່ີຈະໄຂກອງປະຊຸມເປັນເວລາ 2 ມື້ ໃນຕອນແລງວັນຈັນມື້ນີ້ ກ່າວວ່າ ພວກກໍ່ການຮ້າຍທ່ີໄດ້ວັດຖຸນີວເຄລຍໄປນັ້ນ ຈະເປັນໄພຂົ່ມຂູ່ອັນນຶ່ງອັນດຽວທ່ີໃຫຍ່ຫລວງ ທ່ີສຸດ ຕໍ່ຄວາມໝັ້ນຄົງ ຂອງສະຫະຣັດ ແລະຂອງໂລກນຳ.
ທ່ານໂອບາມາກ່າວຕໍ່ບັນດານັກຂ່າວໃນວັນອາທິດວານນີ້ ວ່າພວກອົງ ການຈັດຕັ້ງຂອງກຸ່ມກໍ່ການຮ້າຍຕ່າງໆ ເຊັ່ນ ກຸ່ມອານກາອິດາ ກຳລັງພະຍາຍາມສະແຫວງຫາອາວຸດນີວເຄລຍ ແລະຖ້າພວກເຂົາຫາກກະ ທຳສຳເຣັດ ມັນກໍອາດສາມາດປ່ຽນແປງສະພາບການຂອງຄວາມໜັ້ນ ຄົງຂອງໂລກໄດ້ເປັນເວລາຫລາຍໆປີຂ້າງໜ້າ ຊຶ່ງທ່ານໂອບາມາກ່າວ ວ່າ ພວກກໍ່ການຮ້າຍຈະບໍ່ມີຄວາມລັ່ງເລໃຈໃດໆເລີຍ ທ່ີຈະໃຊ້ພວກອາວຸດເຫລ່ົານີ້. ທ່ານໂອບາມາຫວັງວ່າ ຈະຊັກຊວນປະເທດອື່ນໆໃຫ້ຊ່ອຍກັນຊອກຫາ ພວກວັດຖຸນີວເຄລຍທ່ີຍັງຄວບຄຸມບໍ່ໄດ້ ຊຶ່ງເປັນວັດຖຸທ່ີສາມາດເປັນອັນຕະລາຍໄດ້ ຖ້າມັນຕົກໄປຢູ່ໃນກຳມືຂອງພວກກໍ່ການຮ້າຍນັ້ນ ມາເກັບຮັກສາໄວ້ຢ່າງປອດໄພແລະໝັ້ນຄົງ ພາຍໃນເວລາ 4 ປີ.
ເກົາຫລີເໜືອ ອິຣ່ານແລະຊີເຣັຍ ຊຶ່ງໄດ້ຮັບການຕຳໜິຕິຕຽນຢ່າງໜັກ ຈາກຝ່າຍຕາເວັນຕົກກ່ຽວກັບໂຄງການນີວເຄລຍຂອງພວກເຂົາ ທ່ີມີການສົງໄສກັນວ່າຈະເປັນໂຄງການຜະລິດອາວຸນິວເຄລຍນັ້ນ ບໍ່ໄດ້ຖືກເຊື້ອເຊີນ ໃຫ້ມາຮ່ວມໃນກອງປະຊຸມສຸດຍອດຄັ້ງນີ້.
ທີ່ເຄີກຊີສຖານ: ຮອງຜູ້ນຳຄົນທີນຶ່ງຂອງຣັດຖະບານຊົ່ວຄາວຂອງ Kyrgyzstan ກ່າວໃນວັນຈັນມື້ນີ້
<!-- IMAGE -->
ວ່າ ພວກເຂົາເຈົ້າກຳລັງວາງແຜນ ປະຕິບັດການພິເສດເພື່ອທຳການຈັບກຸມປະທານາທິບໍດີ Kurmanbek Bakiyev ທ່ີຖືກ ໂຄ່ນລົ້ມ ຈາກຕຳແໜ່ງໄປນັ້ນ. ທ່ານ Almaz Atambayev ກ່າວວ່າ ການປະຕິບັດການຄັ້ງນີ້ ຈະ ກະທຳໄປໂດຍບໍ່ມີການນອງເລືອດກັນ. ຢູ່ທ່ີພາກໃຕ້ຂອງ Kyrgyzstan ໃນວັນຈັນມື້ນີ້ ທ່ານ Bakiyev ໄດ້ອອກມາປາກົດໂຕໃຫ້ປະຊາຊົນເຫັນຄັ້ງທຳອິດນັບແຕ່ທ່ານຖືກປົດອອກຈາກຕຳແໜ່ງ. ໃນຖ້ອຍຖະແຫລງຕໍ່ພວກສະໜັບສະໜຸນທ່ານຈຳນວນນຶ່ງ ທ່ີເມືອງ Teyit ຜູ້ນຳທ່ີຖືກປົກອອກຈາກຕຳແໜ່ງກ່າວວ່າ ທ່ານ ຍັງເປັນປະທານາທິບໍດີທ່ີຖືກຕ້ອງຕາມກົດໝາຍຂອງປະເທດ ທ່ີເຄີຍເປັນແຄ້ວນຶ່ງໃນອະດີດສະຫະພາບໂຊວຽດນັ້ນຢູ່. ອົງການຂ່າວຝຣັ່ງ ກ່າວວ່າ ທ່ານ Bakiyev ໄດ້ເອີ້ນພວກຜູ້ນຳໃນຣັດຖະບານຊົ່ວຄາວ ວ່າ ເປັນພວກອັນທະພານທຳມະດາໆນີ້ເອງ.
ທ່ີນະຄອນຫລວງ Bishkek ພວກຜູ້ນຳໃໝ່ກ່າວວ່າ ປະຊາຊົນ Kyrgyzstan ສາມາດຄາດຫວັງ ຈະໄດ້ເຫັນການປ່ຽນແປງຫລາຍໆຢ່າງໄດ້ ພາຍໃຕ້ຣັດຖະບານຊົ່ວຄາວ ຮວມທັງການປະຕິຮູບລະບົບການເມືອງ ມາເປັນສາທາຣະນະຣັດທ່ີມີສະພາແຫ່ງຊາດ ແທນທ່ີຈະລະບົບຣັດຖະສະພາ ທີ່ມີປະທານາທິບໍດີນັ້ນ.
ທ່ານ Atambayev ກ່າວເຊັ່ນກັນວ່າ ຣັດຖະບານໃໝ່ແມ່ນເປີດກວ້າງຕໍ່ການໂອ້ລົມສົນທະນາກັບໝົດທຸກປະເທດ ແລະວ່າພວກທ່ານໄດ້ຮ້ອງ ຂໍການຊ່ອຍເຫລືອຈາກຣັດເຊັຍ ເປັນເງິນຈຳນວນປະມານ 150 ລ້ານ ດອນລາ.
ຂ່າວຄືບໜ້າການປະທ້ວງທີ່ໄທ: ພວກປະທ້ວງຕໍ່ຕ້ານລັດຖະບານພາກັນແຫ່ໂລງສົບເປົ່າຫລາຍອັນຜ່ານຖະໜົນສາຍຕ່າງໆທ່ີບາງກອກໃນວັນຈັນມື້ນີ້ ເພື່ອໄວ້ອາໄລນຳພວກທ່ີໄດ້ຮັບເຄາະຮ້າຍເສັຍຊີວິດໄປໃນການປະທະກັນທ່ີຮຸນແຮງໃນວັນເສົາຜ່ານມາ ກັບກຳລັງຮັກສາຄວາມສງົບຂອງລັດຖະບານ ທີ່ໄດ້ຍັງຜົນໃຫ້ ມີຜູ້ເສຍຊີວິດໄປ 21 ຄົນແລະເກືອບ 900 ຄົນໄດ້ຮັບບາດເຈັບ. ພວກສະມາຊິກຄອບຄົວທ່ີໂສກເສົ້າເສຍໃຈ ໄດ້ນຳໜ້າຂະບວນແຫ່ດັ່ງ ກ່າວ ໃນຕອນແລງວັນອາທິດວານນີ້ ຊຶ່ງບາງຄົນພາກັນຫາມໂລງສົບ ແລະອີກບາງຄົນກໍພາກັນຖືຮູບຖ່າຍຂອງພວກປະທ້ວງເສື້ອແດງ ທ່ີໄດ້ເສຍຊີວິດໄປ ເວລາກຳລັງຮັກສາຄວາມສງົບພະຍາຍາມຂັບໄລ່ພວກປະທ້ວງ ໃຫ້ໜີອອກຈາກບ່ອນທ່ີເຂົາເຈົ້າຍຶດເປັນທີ່ໜັ້ນທຳການໂຮມ ຊຸມນຸມນັ້ນ. ພວກປະທ້ວງຍັງສືບຕໍ່ປະຕິເສດຕໍ່ການເຈຣະຈາກັບຝ່າຍລັດຖະບານ ແລະຍັງຍຶດຄອງຢູ່ໃນເຂດສຳຄັນໆຫລາຍແຫ່ງຢູ່ໃນໃຈກາງກຸງເທບຫລືບາງກອກ ທ່ີເປັນສູນການການຄ້າໃຫຍ່ແລະເປັນເຂດປວັດສາດຂອງນະຄອນຫລວງນັ້ນ. ພວກປະທ້ວງໄດ້ທວງໃຫ້ນາຍົກຣັດຖະມຸນຕີອະພິສິດ ເວດຊາຊີວະ ລາອອກຈາກຕຳແໜ່ງ. ທ່ານອະພິສິດໄດ້ກ່າວມາກ່ອນແລ້ວວ່າ ທ່ານຈະບໍ່ລາອອກ ແລະທ່ານຮຽກຮ້ອງໃຫ້ພວກປະທ້ວງມາພົບປະກັບທ່ານອີກ. ທ່ານນາງຮີນລາຣີ ຄລິນຕັນ ຣັດຖະມຸນຕີການຕ່າງປະເທດສະຫະຣັດ ກ່າວໃນວັນອາທິດວານນີ້ວ່າ ສະຫະຣັດຫວັງວ່າ ວັນປີໃໝ່ຫລືສົງການ ຊຶ່ງຈະເລີ້ມຂຶ້ນໃນວັນອັງຄານມື້ອື່ນນີ້ ຈະເປັນໂອກາດສຳລັບການຟື້ນຄືນສູ່ສະພາບເດີມ ແລະຄວາມປອງດອງກັນ.
ສະຫະຣັດສົ່ງພອນປີໃໝ່ໄປຍັງປະຊາຊົນລາວ: ທ່ານນາງຮິນລາຣີ ຄລິນຕັນ ຣັດຖະມຸນຕີການຕ່າງປະ ເທດສະຫະຣັດ ໄດ້ສົ່ງສານອວຍພອນໃຫ້ປະຊາຊົນລາວ ຈົ່ງມີປີໃໝ່ທ່ີມັ່ງຄັ່ງສົມບູນ. ໃນສານທີ່ນຳອອກເຜີຍແຜ່ທາງເວັບໄຊ້ຂອງກະຊວງການຕ່າງປະເທດສະຫະຣັດໃນວັນອາທິດວານນີ້ ທ່ານນາງຄລິນຕັນກ່າວວ່າ ໃນນາມຂອງປະທານາທິບໍດີໂອບາມາ ແລະປະຊາຊົນອາເມຣິກັນ ຂ້າພະເຈົ້າມີຄວາມປິຕິຍິນດີເປັນຢ່າງຍິ່ງ ຂໍຖືໂອກາດນີ້ອວຍພອນໃຫ້ປະຊາຊົນລາວ ຈົ່ງມີປີໃໝ່ທ່ີມັ່ງຄັ່ງສົມບູນ ແລະມີແຕ່ຄວາມສະງົບສຸກ. ນີ້ແມ່ນໂອກາດ ສຳລັບໃຫ້ກຽດແກ່ວັດທະນະທັມ ແລະມູນເຊື້ອມໍຣະດົກຂອງລາວ ແລະ ມາຮ່ວມກັນຕ້ອນຮັບການເລີ້ມຕົ້ນໃໝ່ ແລະຄວາມເປັນໄປໄດ້ໃໝ່ ຫລາຍໆຢ່າງ. ໃນຂະນະທ່ີພວກເຮົາສະເຫລີມສະຫລອງໂອກາດຄົບ ຮອບ 55 ປີແຫ່ງສາຍພົວພັນສອງຝ່າຍລະຫວ່າງສະຫະຣັດແລະລາວໃນປີນີ້ ຂ້າພະເຈົ້າຫວັງວ່າຈະດຳເນີນງານຮ່ວມກັນເພື່ອເສີມຂະຫຍາຍ ຄວາມເປັນພາຄີກັນລະຫວ່າງສອງຣັດຖະບານ ແລະຂະຫຍາຍມິດຕະ ພາບໃຫ້ແໜ້ນແຟ້ນເລິກເຊິ່ງຍິ່ງຂຶ້ນອີກ ລະຫວ່າງປະຊາຊົນຂອງພວກເຮົາ. ຂ້າພະເຈົ້າຂໍສົ່ງພອນອັນອົບອຸ່ນທ່ີສຸດໄປໃຫ້ປະຊາຊົນລາວ ຂໍໃຫ້ ມີປີໃໝ່ທ່ີສຸກສັນແລະປອດໄພ.
ທີ່ອັຟການີສຖານ: ບັນດາເຈົ້າໜ້າທ່ີອັຟການີສຖານກ່າວວ່າ ທະຫານກຸ່ມເນໂຕໄດ້ລະດົມ ຍິງໃສ່ລັດບັສ ຄັນນຶ່ງໃນພາກໃຕ້ຂອງອັຟການີສຖານ ເຮັດໃຫ້ຜູ້ຄົນ ຢ່າງນ້ອຍ 4 ຄົນເສຍຊີວິດ ແລະບາດເຈັບ 18 ຄົນ. ໂຄສົກປະຈຳແຂວງ Kandahar ກ່າວວ່າການໂຈມຕີດັ່ງກ່າວເກີດຂຶ້ນໃນເຊົ້າວັນຈັນມື້ນີ້ ໃນຂະນະທ່ີລົດບັສຄັນນັ້ນກຳລັງແລ່ນມຸ່ງໜ້າຈາກແຂວງ Kanda-har ໄປຍັງເມືອງເຮຣັດ ໃນພາກຕາເວັນຕົກຂອງອັຟການີສຖານ. ມີ ແມ່ຍິງຄົນນຶ່ງແລະເດັກນ້ອຍຄົນນຶ່ງ ຮວມຢູ່ໃນຈຳນວນຄົນ 4 ຄົນທ່ີເສຍຊີວິດໄປນັ້ນ.
ພວກທະຫານຂອງກຸ່ມເນໂຕໄດ້ນຳໂຕ12 ຄົນ ໃນຈຳນວນພວກທ່ີໄດ້ຮັບບາດເຈັບ 18 ຄົນນັ້ນໄປຍັງໂຮງໝໍທະຫານແຫ່ງນຶ່ງ. ເນໂຕກ່າວວ່າ ເວລານີ້ຕົນກຳລັງທຳການສືບສວນກ່ຽວກັບເຫດການດັ່ງກ່າວຢູ່. ຫລັງຈາກການຍິງລົດບັສຄັນນີ້ແລ້ວ ພວກວາງລະເບີດສະລະຊີບ ຈຳ ນວນນຶ່ງໄດ້ທຳການໂຈມຕີບໍລິເວນໂຮງການສືບຂ່າວລັບຂອງອັຟການີສ ຖານ ທ່ີຍັງຜົນເຮັດໃຫ້ມີຍິງຕໍ່ສູ້ກັນຢ່າງຮຸນແຮງ. ບັນດາເຈົ້າໜ້າທ່ີອັຟ ການີສຖານ ກ່າວວ່າ ຜູ້ວາງລະເບີດສະລະຊີບຄົນນຶ່ງໄດ້ລະເບີດໂຕຕາຍ ແລະອີກຄົນນຶ່ງໄດ້ຖືກກຳລັງຮັກສາຄວາມປອດໄພຍິງຕາຍ.
ທີ່ຣັດເຊັຍ: ເຈົ້າໜ້າທ່ີຣັດເຊັຍກ່າວວ່າ ຜູ້ພິພາກສາທ່ານນຶ່ງທ່ີກຸງມອສກູໄດ້ຖືກຍິງ ຕາຍຢູ່ໃກ້ໆກັບເຮືອນຂອງທ່ານ. ບັນດາເຈົ້າໜ້າທ່ີສືບສວນກ່າວວ່າ ທ່ານ Eduard Chuvashov ຜູ້ພິພາກສາສານຊັ້ນຕົ້ນແຫ່ງນຶ່ງໃນ ກຸງມອສກູ ໄດ້ຖືດຍິງຕາຍໃນເຊົ້າວັນຈັນມື້ນີ້ ຢູ່ຂັ້ນໃດຕຶກອາຄານ apartment ຂອງທ່ານ. ທ່ານ Chuvashov ເຄີຍເປັນຫົວໜ້າໃນການດຳເນີນຄະດີທີ່ໂດ່ງດັງ ມາຫລາຍຄະດີ ຮວມທັງການຕັດສິນໂທດພວກສະມາຊິກກຸ່ມອັນທະ ພານແຖຫົວໂລ້ນຫລາຍຄົນເມື່ອເດືອນກຸມພາຜ່ານມາ ໃນຄະດີຄາດຕະກຳຍ້ອນການແບ່ງແຍກເຊື້ອຊາດຜີວພັນ. ເວລານີ້ ຍັງບໍ່ມີລາຍງານວ່າໄດ້ມີການຈັບກຸມຜູ້ຕ້ອງສົງໄສຄົນໃດ ກ່ຽວກັບການຄາດຕະກັມຜູ້ພິພາກສາທ່ານນີ້ ເທື່ອ.
