<!-- IMAGE -->
ຂ່າວຄືບໜ້າກ່ຽວກັບປະເທດໄທ: ພວກປະທ້ວງຕໍ່ຕ້ານຣັດຖະບານຫລາຍພັນຄົນພາກັບລຸລັ່ງຄືນເຂົ້າໄປ
ໃນໃຈກາງບາງກອກໃນວັນອາທິດມື້ນີ້ ແລະບໍ່ຍອມທຳການພົບປະເຈຣະຈາກັບຣັດຖະບານ ໃນເວລາພຽງບໍ່ເທົ່າໃດຊົ່ວໂມງຫລັງຈາກເກີດການປະທະກັນຫລາຍບັ້ນລະຫວ່າງພວກປະທ້ວງກັບທະຫານທີ່ໄດ້ເຮັດໃຫ້ມີຄົນເສັຍຊີວິດ ຢ່າງນ້ອຍ 20 ຄົນ.
ບັນດາເຈົ້າໜ້າທ່ີການແພດໄທ ກ່າວວ່າ ນັກຖ່າຍພາບຍີ່ປຸ່ນຄົນນຶ່ງທີ່ີ ເຮັດວຽກໃຫ້ອົງການຂ່າວ Reuters ແລະຢ່າງນ້ອຍທະຫານ 5 ຄົນແມ່ນຮວມຢູ່ໃນຈຳນວນພວກທ່ີເສັຍຊີວິດ. ປະຊາຊົນຕື່ມອີກຫລາຍ ຮ້ອຍຄົນ ໄດ້ຮັບບາດເຈັບໃນການປະທະກັນຫລາຍບັ້ນໃນວັນເສົາວານນີ້ ໃນເຂດອື່ນໆຂອງນະຄອນຫລວງຂອງໄທ. ໂຄສົກລັດຖະບານໄທກ່າວໃນວັນອາທິດມື້ນີ້ວ່າ ກອງທັບບໍ່ໄດ້ຍິລູກປືນ ແທ້ຈັກລູກ ໃສ່ພວກປະທ້ວງ,ທາງການໄທຢືນຢັນວ່າ
ໃນຄືນວັນເສົາວານນີ້ ພວກກຸ່ມເສື້ອແດງໄດ້ຈັບໂຕທະ
ຫານຢ່າງນ້ອຍ 5 ຄົນເປັນຕົວປະກັນ. ການຍິງຕໍ່ສູ້ກັນໄດ້ຍຸດຕິລົງໃນຕອນເດິກແລງວານນີ້ ຫລັງຈກາພວກກຳລັງຮັກສາຄວາມ ສງົບຖອກນອອກໄປ ແລະຮຽກຮ້ອງໃຫ້ພວກເສື້ອແດງຖອນອອກໄປເຊັ່ນກັນ.
ທ່ານອະພິສິດເວດຊາຊີວະ ນາຍົກຣັດຖະມຸນຕີໄທ ໄດ້ອອກມາກ່າວ ທາງໂທຣະພາບໃນຕອນເດິກຄ່ຳວານນີ້ ສະແດງຄວາມໂສກເສົ້າເສຍໃຈນຳພວກຄອບຄົວຂອງຜູ້ເຄາະຮ້າຍທ່ີເສຍຊີວິດໄປນັ້ນ ແລະທ່ານກ່າວວ່າ ທາງຣັດຖະບານຈະທຳການສືບສວນກ່ຽວກັບການກໍ່ຄວາມຮຸນແຮງຄັ້ງນີ້ ແລະທ່ານປະຕິເສດຕໍ່ຄຳຮຽກຮ້ອງຂອງພວກປະທ້ວງທ່ີທວງ ໃຫ້ທ່ານລາອອກຈາກຕຳແໜ່ງນັ້ນ.
ກະຊວງການຕ່າງປະເທດສະຫະຣັດໄດ້ອອກຖະແຫລງການ ໃນຄືນວານນີ້ ຮຽກຮ້ອງໃຫ້ທັງສອງຝ່າຍສະແດງຄວາມຍັບຍັ້ງຊັ່ງໃຈ ແລະໃຫ້ຫາທາງຕົກລົງກັນໂດຍສັນຕິວິທີ ຜ່ານການເຈຣະຈາກັນຢ່າງຈິງໆ ຈັງໆ.
ໂພແລນໄວ້ອາໄລນຳປະທານາທິບໍດີ: ປະຊາຊົນໂພແລນ ຫລາຍພັນຄົນພາກັນສະແດງຄວາມໂສກເສົ້າ
<!-- IMAGE -->
ໄວ້ອາໄລນຳປະທານາທິບໍດີ Lech Kaczynski ແລະພັນລະຍາ ທ່ານນາງ Maria ພ້ອມທັງພວກຜູ້ນຳແຫ່ງຊາດອື່ນໆອີກ ທ່ີໄດ້ເສັຍຊີວິດໄປໃນອຸ ບັດເຫດເຮືອບິນຕົກໃນພາກຕາເວັນຕົກຂອງຣັດເຊັຍໃນວັນເສົາວານນີ້.ປະຊາຊົນໂພແລນທົ່ວປະເທດ ພາກັນຢືນ
ຢູ່ໃນຄວາມສະງົບ ໃນຂະນະ ທີ່ສຽງຫວອດດັງກັງວານຂຶ້ນໃນ
ຕອນທ່ຽງຕາມເວລາທ້ອງຖິ່ນວັນອາທິດ ມື້ນີ້. ສົບຂອງທ່ານ Kaczynski ແລະພັນລະຍາຂອງທ່ານ ກຳໜົດຈະໄປຮອດ ກຸງວໍຊໍ ພາຍໃນອີກສອງສາມຊົ່ວໂມງຂ້າງໜ້າ.ຊາວໂພແລນພາກັນໄປຮ່ວມພິທີທາງ ສາດສະໜາພິເສດໃນທົ່ວປະເທດ ໃນວັນອາທິດມື້ນີ້ ແລະພາກັນໄປສະແດງຄວາມເຄົາຣົບນັບຖືທ່ີທຳນຽບ ປະທານາທິບໍດີໃນນະຄອນຫລວງ ວໍຊໍ ທີ່ເວລານີ້ ແມ່ນເຕັມໄປດ້ວຍດອກໄມ້ແລະທຽນໄຂ ທ່ີປະຊາຊົນນຳໄປວາງໄວ້ເພື່ອສະແດງຄວາມໄວ້ ອາໄລນຳມື້ລາງປະທານາທິບໍດີ Kaczynski ພ້ອມທັງພັນລະຍາ ແລະ ອີກ 95 ຄົນທ່ີໄດ້ເສັຍຊີວິດຍ້ອນເຮືອບິນຕົກທ່ີເມືອງ Smolenskນັ້ນ.
ທ່ານ Bronislaw Komorowski ໂຄສົກສະພາແຫ່ງຊາດໂພແລນ ທີ່ ຖືກແຕ່ງຕັ້ງໃຫ້ເປັນຜູ້ນຳປະເທດ
ໃນລະຍະຂ້າມຜ່ານ ໄດ້ປະກາດໃຫ້ມີ ການໄວ້ອາລັຍທົ່ວປະເທດເປັນເວລານຶ່ງອາທິດ.
ພວກເຈົ້າໜ້າທ່ີສືບສວນຣັດເຊັຍແລະໂປແລນກຳລັງເຮັດວຽກຮ່ວມກັນເພື່ອວິເຄາະເບິ່ງຂໍ້ມູນ ໃນເຄື່ອງບັນທຶກການບິນທ່ີກູ້ມາໄດ້ຈາກເຮືອບິນ Tupelov ທ່ີເຮັດໃນຣັດເຊັຍ ທ່ີປະທານາທິບໍດີ Kaczynski ຂີ່ໄປ ນັ້ນ. ບັນດາເຈົ້າໜ້າທ່ີຣັດເຊັຍກ່າວວ່າ ເຮືອບິນລຳນີ້ໄດ້ແຕກຫັກອອກຈາກກັນ ແລະລຸກໄໝ້ເປັນແປວໄຟ ຫລັງຈາກບິນໄປຕຳປາຍໄມ້ໃນຂະນະທ່ີກຳລັງຈະລົງສູ່ທາງແລ່ນຂອງສະໜາມບິນເມືອງ Smolensk ທ່ີມີໝອກກົ້ວຢ່າງໜາແໜ້ນນັ້ນ. ຄນະຂອງທ່ານ Kackzynski ກຳລັງມຸ້ງໜ້າໄປຍັງເມືອງ Smolensk ເພື່ອ ໄປຮ່ວມພິທີລະນຶກເຖິງຊາວໂພແລນ ທ່ີຈັດຂຶ້ນໃນເມືອງ Katyn ທ່ີຢູໃກ້ໆກັນ ບ່ອນທ່ີກຳລັງຂອງອະດີດສະຫະພາບໂຊວຽດໄດ້ສັງຫານ ພວກນາຍທະຫານ ພ້ອມທັງເຈົ້າໜ້າທ່ີຕຳຫລວດ ພວກປັນຍາຊົນແລະຄົນອື່ນໆອີກຂອງໂພແລນ ຈຳນວນ 22 ພັນຄົນ ໃນປີ 1940 ຫລັງຈາກສົງຄາມໂລກຄັ້ງທີສອງ ໄດ້ເລີ້ມຕົ້ນຂຶ້ນ.
ໃນອີກດ້ານນຶ່ງ ບັນດາຜູ້ນຳທົ່ວໂລກພາກັນສະແດງຄວາມເສົ້າໂສກເສຍໃຈຕໍ່ການເສຍ ຊີວິດຂອງປະທາ
ນາທິບໍດີ Lech Kaczynski ແລະ ພັນລະຍາຂອງ ທ່ານ ພ້ອມທັງເຈົ້າໜ້າທີ່ອາວຸໂສຂອງລັດຖະບານ
ໂພແລນຫລາຍທ່ານ ໃນອຸບັດເຫດຍົນຕົກໃນເຂດຕາເວັນຕົກຂອງລັດເຊຍນັ້ນ.
ປະທານາທິບໍດີບາຣັກ ໂອບາມາເອີ້ນອຸບັດເຫດຄັ້ງນີ້ວ່າເປັນການ
ສູນ ເສຍຢ່າງໃຫຍ່ຫລວງຂອງປະເທດໂພແລນ ຂອງສະຫະລັດ
ແລະຂອງ ໂລກ. ທ່ານໂອບາມາກ່າວວ່າ ທ່ານໄດ້ຕິດຕໍ່ໄປຍັງນາ
ຍົກລັດຖະມົນຕີ ໂພແລນ ທ່ານ Donal Tusk ເພື່ອສະແດງ
ຄວາມເສົ້າໂສກເສຍໃຈ ຢ່າງສຸດຊຶ້ງຂອງທ່ານ.ທ່ານກໍດອນ ບຣາວ ນາຍົກລັດຖະມົນຕີອັງກິດໄດ້ສະແດງຄວາມຍ້ອງ ຍໍສັນລະເສີນ ມື້ລາງປະທານາທິບໍດີໂພແລນວ່າເປັນຜູ້ມີບົດບາດສຳຄັນ ທີ່ສຸດ
ຜູ້ນຶ່ງ ໃນການກຳໜົດປະວັດສາດການເມືອງຍຸກສະມັຍໃໝ່ ຂອງ ໂພແລນ. ພະສັນຕະປາປາ ເບເນດິກ ກໍໄດ້ສົ່ງສານໄປສະແດງ
ຄວາມ ເສົ້າໂສກເສຍໃຈນຳ ເຊ່ນດຽວກັນກັບທ່ານພັນຄີມູນ ເລຂາທິການໃຫຍ່ ອົງການສະຫະປະຊາຊາດ
ທ່ານນາງ Angela Merkel ນາຍົກລັດຖະມົນຕີເຢຍລະມັນ ເອີ້ນ ອຸບັດເຫດຍົນຕົກຄັ້ງນີ້ ວ່າເປັນໂສກນາດຕະກຳທາງດ້ານ
ການເມືອງ ແລະຂອງມະນຸດສຳຫລັບໂພແລນ ໃນຂະນະທີ່ທ່ານ ນິໂຄລາສ ຊາໂກຊີ ປະທານາທິບໍດີຝຣັ່ງກ່າວວ່າ ມື້ລາງປະ
ທານາທິບໍໂພແລນ ທ່ານ Kaczynskiເປັນຜູ້ພິທັກປົກປ້ອງ
ປະຊາທິປະໄຕ ແລະອິສະລະ ພາບ ຢ່າງບໍ່ອິດເມື່ອຍ.
<!-- IMAGE -->
ກອງປະຊຸມສຸດຍອດວ່າດ້ວຍນີວເຄລັຍທີ່ກຸງວໍຊິງຕັນ: ວັນອາທິດມື້ນີ້ ທ່ານບາຣັກ ໂອບາມາ
ປະທານາທິບໍດີສະຫະລັດ ທຳການພົບປະສົນທະນາກັນຄົນລະເທື່ອ ກັບຜູ້ນຳຂອງອິນເດຍ ແລະປາ ກີສຖານ ທີ່ເປັນຄູ່ແຂ່ງກັນດ້ານອາວຸດນີວເຄລຍ.ອິນເດຍແລະປາກີສຖານ ສອງປະເທດເພື່ອນບ້ານໃນຂົງເຂດເອເຊຍໃຕ້
ໄດ້ທຳສົງຄາມກັນສາມຄັ້ງ ແລະໄດ້ມີຄວາມຂັດແຍ່ງກັນເພື່ອຍາດ ຊິງເອົາແຄວ້ນແຄ້ສເມຍ ຕລອດມາ.
ພ້ອມດຽວ ໃນວັນອາທິດມື້ນີ້ ປະທານາທິບໍດີສະຫະລັດ ຍັງໄດ້ພົບປະ ກັບພວກຜູ້ນຳຂອງປະເທດອາຟຣິ
ກາໄຕ້ ແລະກາຊາກສຖານ ຊຶ່ງທັງ ສອງປະເທດນີ້ ໄດ້ສະມັກໃຈປະຖິ້ມໂຄງການອາວຸດນີວເຄລຍຂອງ ພວກຕົນ.ການເຈລະຈາກັນຄັ້ງນີ້ ແມ່ນມີຂື້ນມື້ນຶ່ງ ກ່ອນການເປີດກອງປະຊຸມສຸດ ຍອດທີ່ບໍ່ເຄີຍມີມາກ່ອນຂອງປະທານາທິບໍດີບາຣັກ ໂອບາມາ ກ່ຽວກັບ ການປ້ອງກັນ ບໍ່ໃຫ້ວັດຖຸນີວເຄລຍຕ່າງໆ ຕົກເຖິງມືພວກກໍ່ການຮ້າຍ. ກອງປະຊຸມສຸດຍອດເປັນເວລາສອງມື້ຄັ້ງນີ້ ມີຜູ້ນຳຈາກເກືອບ 50 ປະເທດ ເຂົ້າປະກອບສ່ວນ.
ການເລືອກຕັ້ງທີ່ Hungary:ປະຊາຊົນ Hungary ກຳລັງພາກັນອອກໄປປ່ອນບັດໃນການເລືອກຕັ້ງ
ແຫ່ງຊາດ ທ່ີມີການຄາດກັນວ່າ ພັກເປັນກາງອຽງຂວາ Fidesz ຂອງຝ່າຍຄ້ານຈະໄດ້ໄຊຊະນະ ແລະຈະເຮັດໃຫ້ພັກສັງຄົມນິຍົມທ່ີປົກຄອງ ປະເທດຢູ່ໃນປັດຈຸບັນ ຕົກຈາກອຳນາດໄປ. ການປ່ອນບັດເພ່ືອເລືອກເອົາສະມາຊິກສະພາແຫ່ງຊາດ ໄດ້ໄຂຂຶ້ນໃນ ທົ່ວປະເທດ Hungary ໃນເຊົ້າວັນອາທິດມື້ນີ້.
ການສຳຫລວດຫາງສຽງປະຊາຊົນຊີ້ໃຫ້ເຫັນວ່າ ພັກ Fidesz ຈະໄດ້ ຮັບສຽງສະໜັບສະໜັບໃນຂ້າງຫລາຍຢ່າງຂາດຮອຍ ໂດຍມີພັກສັງຄົມນິຍົມຂອງລັດຖະບານ ແລະພັກອຽງຂວາຈັດ Jobbik ແຂ່ງກັນຍາດເອົາອັນດັບສອງ. ການຂຶ້ນພາສີແລະການຕັດການໃຊ້ຈ່າຍລົງໂດຍພັກ ລັດຖະບານສັງຄົມນິຍົມໄດ້ທຳລາຍຄວາມນິຍົມຊົມຊອບຂອງປະຊາຊົນ Hungary ຊຶ່ງໄດ້ເປັນນຶ່ງໃນບັນດາປະເທດທ່ີໄດ້ຖືກປະທະຢ່າງຮ້າຍແຮງທີສຸດ ຈາກວິກິດການດ້ານການເງິນຂອງໂລກໃນປີ2008ນັ້ນ.
ພັກ Fidesz ພາຍໃຕ້ການນຳພາຂອງອະດີດນາຍົກຣັດຖະມຸນຕີ Vik-tor Oban ໃຫ້ຄຳໝັ້ນສັນຍາໄວ້ວ່າ ຈະຕັດພາສີລົງແລະສ້າງໜ້າວຽກຂຶ້ນ 1 ລ້ານໜ້າວຽກ ໃນໄລຍະ10 ປີ ຂ້າງໜ້າ.
ການເລືອກຕັ້ງທີ່ ຊູແດນ: ໃນຂະນະດຽວກັນ ທີ່ອັຟຟຣິກາ ປະຊາຊົນຊູແດນກໍກຳລັງພາກັນປ່ອນ ບັດເຊ່ນກັນ ໃນການເລືອກຕັ້ງທີ່ມີຫລາຍພັກຫລາຍຝ່າຍປະກອບສ່ວນເປັນເທື່ອທຳອິດຂອງປະເທດດັ່ງກ່າວ ໃນຮອບເກືອບຊາວຫ້າປີ.ການປ່ອນບັດເລືອກຕັ້ງເລິ່ມຂຶ້ນໃນວັນອາທິດມື້ນີ້ ທ່າມກາງຄວາມເປັນ ຫ່ວງ
ທີ່ວ່າອາດມີການກໍ່ຄວາມບໍ່ສະງົບຂຶ້ນໂດຍພວກພົນລະເຮືອນ ແລະຄວາມບໍ່ແນ່ໃຈ ວ່າລັດຖະບານຈະ
ສາມາດຈັດການເລືອກຕັ້ງທີ່ໜ້າ ເຊື່ອຖືໄດ້ ຂຶ້ນມາໄດ້. ທາງການຊູດານໄດ້ສົ່ງເຈົ້າໜ້າທີ່ໄປປະຈຳການ ຮັກສາຄວາມເປັນລະບຽບຮຽບຮ້ອຍ ຈຳນວນປະມານນຶ່ງແສນຄົນ.ພັກການເມືອງຝ່າຍຄ້ານຫລາຍຝ່າຍ
ໄດ້ວາງແຜນວ່າຈະລວມຫົວກັນ ບອຍຄອ໊ດການເລືອກຕັ້ງຄັ້ງນີ້ ໂດຍເຕັມສ່ວນຫລືບາງສ່ວນ ໂດຍອ້າງ ວ່າປະທານາທິບໍດີ ໂອມາ ອາລ ບາເຊຍ ແລະພັກ National Congress ຂອງທ່ານ ກຳລັງກຽມໂກງການເລືອກຕັ້ງຢູ່ແລ້ວ. ເປັນທີ່ ຄາດໝາຍກັນຢ່າງກວ້າງຂວາງວ່າ ທ່ານ ບາເຊຍ ຈະຊະນະການ ເລືອກຕັ້ງ ໃນຄັ້ງນີ້.
