ລິ້ງ ສຳຫລັບເຂົ້າຫາ

ປະຊາຊົນ 3 ຄົນເສັຍຊີວິດຈາກການໂຈມຕີ ສະຖານກົງສູບອະເມຣິກາ ທີ່ປາກີສຖານ


ປະຊາຊົນ 3 ຄົນເສັຍຊີວິດຈາກການໂຈມຕີ ສະຖານກົງສູບອະເມຣິກາ ທີ່ປາກີສຖານ
<!-- IMAGE -->

ຄວາມຮຸນແຮງທີ່ປາກີສຖານ: ການໂຈມຕີທ່ີຮຸນແຮງຕໍ່ສະຖານກົງສູນຂອງສະຫະຣັດທ່ີເມືອງPeshawar ໄດ້ເຮັດໃຫ້ຜູ້ຄົນເສັຍຊີວິດໄປຢ່າງນ້ອຍ 3 ຄົນ ໃນບໍ່ເທົ່າໃດຊົ່ວໂມງ ຫລັງຈາກຜູ້ວາງລະເບີດສະລະຊີບຄົນນຶ່ງ ສັງຫານຜູ້ຄົນຢ່າງນ້ອຍ 36 ຄົນໃນບ່ອນອື່ນ ໃນພາກຕາເວັນຕົກສຽງເໜືອຂອງປາກີສຖານ. ໂຄສົກຍິງ ປະຈຳສະຖານທູດສະຫະຣັດທ່ີກຸງອີສລາມາບັດ ໄດ້ຢືນຢັນການໂຈມຕີທ່ີສະຖານກົງສູນສະຫະຣັດດັ່ງກ່າວ. ເວລານີ້ ຍັງບໍ່ເປັນທ່ີຈະແຈ້ງເທື່ອວ່າ ພວກທ່ີເສັຍຊີວິດໄປນັ້ນ ແມ່ນພວກໂຈມຕີ ຫລືພວກພນັກງານໃນສະ
ຖານກົງສູນ ຫລືເປັນພວກປະຊາຊົນທ່ີກາຍໄປກາຍມາໃກ້ໆກັບບໍລິເວນທ່ີເກີດການລະເບີດນັ້ນຫລືບໍ? ຢ່າງນ້ອຍລະເບີດທ່ີມີຄວາມແຮງ 3 ບັ້ນ ໄດ້ສັ່ນສະເທືອນຕໍ່ຕຶກອາຄານທ່ີມີຜູ້ຄົນຍາມຮັກສາຢ່າງໜາແໜ້ນ ແລະໃນເຂດອ້ອມແອ້ມ ແລະໄດ້ຍິນສຽງປືນຍິງຕໍ່ສູ້ກັນ ຫລັງຈາກນັ້ນ. ຕຳຫລວດໄດ້ທຳການປິດລ້ອມຂົງ ເຂດດັ່ງກ່າວໄວ້ທັນທີ.
ກ່ຽວ​ກັບ​ອຸບັດເຫດບໍ່​ຖ່ານ​ຫິນ​ໃນ​ຈີນ:

<!-- IMAGE -->

ພວກ​ຊ່ອຍ​ກູ້​ໄພ​ໄດ້​ດຶງ​ພວກ​ພະນັກ​ງານ​ຫລາຍ​ສິບ
​ຄົນ​ອອກ​ຈາກ​ບໍ່​ຖ່ານ​ຫິນ​ແຫ່ງ​ນຶ່ງ​ຂອງ​ຈີນ​ໃນ​ວັນ​ຈັນ​ມື້​ນີ້ ຫລັງ​ຈາກ​ພວກ​ເຂົາ​ເຈົ້າ​ຕົກ​ຄ້າງຢູ່​ໃນ​ໃຕ້​ດິນ​ມາ​ດົນ​ກວ່າ​ນຶ່ງ​ສັບປະດາ. ພວກ​ພະນັກງານ​ຊ່ອຍ​ກູ້​ໄພ​ໄດ້​ພົບ​ເຫັນ​ພວກ​ພະນັກງານ​ໃນ​ບໍ່ 9 ຄົນ​ຍັງ​ມີ​ຊີວິດ​ຢູ່​ໃນ​ຄືນ​ຜ່ານ​ມາ​ນີ້ ​ໃນ
ບໍ່​ຖ່ານ​ຫິນ Wangjialing ​ໃນ​ແຂວງ Shanxi ​ໃນ​ພາກ​ເໜືອ​ຂອງ​ຈີນ​ໃນ​ວັນ​ຈັນ​ມື້​ນີ້ ຫລັງ​ຈາກ​ພວກ​ພະນັກງານ​ບໍ່​ແຮ່​ເຫລົ່າ​ນີ້​ຕົກ​ຄ້າງ​ຢູ່​ໃນ​ບໍ່179 ຊົ່ວ​ໂມງ​
ທ່ີ​ຖືກ​ນ້ຳ​ຖ້ວມ​ນັ້ນ. ໃນ​ຕອນ​ຕົ້ນ​ຕອນ​ບ່າຍ​ມື້​ນີ້ ບັນດາ​ເຈົ້າ​ໜ້າ​ທ່ີ​ກ່າວ​ວ່າ
ພວກ​ພະນັກງານຫລາຍ​ກວ່າ80 ຄົນ​ແລ້ວ​ໄດ້​ຮັບ​ການ​ຊ່ອຍ​ກູ້​ຊີວິດ ​ແລະ​
ເຊື່ອ​ກັນ​ວ່າ ຍັງມີ​ອີກ​ຫລາຍ​ຄົນ​ທ່ີ​ຍັງ​ມີ​ຊີວິດ​ຢູ່. ພະນັກງານ​ບໍ່​ແຮ່​ແຕລະ​ຄົນ​ທ່ ີ​ດຶງ​ອອກ​ມາ​ຈາກ​ບໍ່​ແມ່ນ​ໄດ້​ຖືກ​ສົ່ງ​ໄປ​ນຳລົດ​ໂຮງໝໍ​ແຕ່​ລະ​ຄັນ​ໄປ​ຍັງ​ໂຮງໝໍ. ພວກ​ທ່ີ​ ລອດ​ຊີວິດ​ມາ​ໄດ້​ນີ້ ​ແມ່ນຫິວ​ນ້ຳ​ຢ່າງ​ໜັກ​ໃນ​ລະຫວ່າງ​ຕົກ​ຄ້າງ​ຢູ່​ໃນ​ບໍ່​ຖ່ານ​ຫິນ​ນັ້ນ.
ຜູ້​ລອດ​ຊີວິດອອກ​ມາ​ໄດ້​ຄົນ​ນຶ່ງ​ແຈ້ງ​ໃຫ້​ຊາບ ​ວ່າ ນ້ຳຂຸ່ນ​ໃນ​ບໍ່​ແມ່ນ​ເປິ​ເປື້ອຫລາຍສຳລັບ​ທ່ີ​ຈະ​ດື່ມ. ປະຊາຊົນ​ປະມານ3 ພັນ​ຄົນ​ໄດ້​ເຮັດ​ວຽກ​ນຳ​ກັນ​ນັບ ​ແຕ່​ເກີດໄພ​ຫາ​ຍະ​ນະໃນ​ບໍ່ມາ​ຕັ້ງ​ແຕ່​ວັນ​ທີ25 ມີນາ​ຜ່ານ​ມາ​ນີ້ ​ເພື່ອ​ປ້ຳ​ນ້ຳ​ອອກ​ຈາກ​ບໍ່​ ເພື່ອວ່າ​ພວກ​ຊ່ອຍ​ກູ້​ໄພ​ຈະ​ສາມາດ​ລົງ​ ໄປ​ຫາ​ພວກ​ພະນັກງານໃນ​ບໍ່153 ຄົນ​ໄດ້.
ກ່ຽວ​ກັບ​ກອງ​ປະຊຸມ​ເຣື່ອງ​ແມ່​ນ້ຳຂອງ​ທີ່ໄທ: ບັນດາ​ຜູ້ນຳ 4 ປະ​ເທດ​ໃນ​ເຂດ​ເອ​ເຊັຍ​ຕາ​ເວັນ​ອອກສຽງ​ໃຕ້​ທ່ີ​ນ້ຳຂອງໄຫລ​ຜ່ານ ພົບ​ປະ​ຫາລື​ກັນ​ໃນ​ວັນ​ຈັນ​ມື້​ນີ້ ​ເພື່ອ​ຫາ​ຊ່ອງ​ທາງ​ຢຸດ​ລະດັບ​ນ້ຳຂອງ​ທ່ີ​ເປັນ​ແມ່​ນ້ຳ​ແຫ່ງ​ ໃຫຍ່​ທ່ີ​ສຸດ​ສາຍ​ນຶ່ງ​ຂອງ​ໂລກ​ແຫ້ງ​ລົງ. ບັນດາ​ນາຍົກຣັຖມຸນຕີ​ຈາກ​ໄທ ກຳປູ​ເຈັຍ ລາວ​ແລະ​ວຽດນາມ ທ່ີກຳລັງ
​ພົບ​ປະຫາລືກັນທ່ີ​ເມືອງຕາກອາກາດ ຫົວ​ຫິນ​ຂອງ​ໄທ​ໄດ້​ເຫັນ​ດີ​ນຳ​ກັນ​ວ່າ ຄວາມ​ຮ່ວມ​ໄມ້​ຮ່ວມ​ມື​ກັນ​ທ່ີ​ດີ​ຂຶ້ນ​ແມ່ນ​ຈຳ​ເປັນ​ ເພື່ອ​ສ້າງຄວາມກ້ຳເກິ່ງໃນເຣື່ອງເຜົນ​ປະໂຫຍ​ດດ້ານ​ເສດຖະກິດ​ຈາກ​ແມ່​ນຳ​ສາຍ​ນີ້ ​ແລະ​ເພື່ອ​ປົກ ​ປ້ອງຊີວິດ​ການ​ເປັນ​ຢູ່​ຂອງພົນລະ​ເມືອງ​ຫລາຍ​ສິບ​ລ້ານ​ຄົນ​ໃນ​ຂົງ​ເຂດ. ທ່ານ​ອະພິສິດ​ເວດ​ຊາ​ຊີວະ ນາຍົກຣັຖມຸນຕີ​ໄທ ກ່າວ ​ເນັ້ນ​ໃນ​ກອງ​ປະຊຸມ​ສຸດ​ຍອດ​ເປັນ​ເວລາ​ນຶ່ງ​ມື້ ​ເຖິງ​ຄວາມ​ສຳຄັນ​ຂອງ​ການ​ເອົາ​ຄວາມ​ຮັບຜິດ​ຊອບ​ຮ່ວມ​ກັນ ​ໃນ​ການ​ບໍລິຫານຊັບພະຍາກອນ​ແມ່​ນ້ຳ​ແຫ່ງ​ນີ້. ຄວາມ​ແຫ້ງ​ແລ້ງ​ໃນ​ປີຜ່ານມາ​ໃນ​ພາກ​ໃຕ້​ຂອງ​ຈີນ​ແລະ​ໃນ​ຂົງ​ເຂດ ​ເອ​ເຊັຍ​ຕາ​ເວັນ​ອອກສຽງ​ໃຕ້​ໄດ້​ເຮັດ​ໃຫ້​ລະດັບ​ນ້ຳຂອງ​ບົກ​ລົງ​ຕ່ຳສຸດ​ໃນ​ຮອບ 50 ປີຜ່ານມາ. ບັນດານັກ​ອະນຸຣັກທັມມະຊາດ​ກ່າວ​ຫາ​ຈີນ​ວ່າ​ສ້າງ​ຄວາມ​ເສັຍ​ຫາຍ​ໃຫ້​ແກ່​ແມ່​ນ້ຳຂອງ​ນີ້ ​ໂດຍ​ການສ້າງ​ເຂື່ອນ​ໄຟຟ້າ
​ຂຶ້ນ​ຫລາຍ​ແຫ່ງ​ໃນ​ພາກ​ເໜືອ​ຕາມ​ລຳ​ແມ່​ນ້ຳຂອງ ​ເພື່ອ​ເກັບ​ນ້ຳ​ໄວ້​ໃນ​ເຂື່ອນຂອງຕົນ. ຜູ້ຕາງໜ້າ​ຂອງ​ຈີນ​ທ່ີ​ມາ​ຮ່ວມ​ກອງ​ປະຊຸມ​ສຸດ​ຍອດ ຄື​ທ່ານ Song Tao ຮອງຣັຖມຸນຕີ​ກະຊວງ​ຕ່າງປະ​ເທດ​ຂອງ​ຈີນ
ກ່າວ​ວ່າ ປະ​ເທດຂອງ​ທ່ານ​ໄດ້​ພັດທະນາ​ແລະ​ໃຊ້​ນ້ຳ​ໃນ​ນ້ຳຂອງ​ ຕາມ​ວິທີ​ການ​ທັມມະ​ດາ ​ແລະ​ອຳນວຍ​ຜົນ​ປະ​ໂຫຍ​ດຢ່າງ​ເຕັມ​ສ່ວນ​ໃຫ້​ແກ່​ພວກ​ປະ​ເທດ​ໃນ​ລຸ່ມ
​ແມ່​ນ້ຳຂອງ​ນັ້ນ.
ກ່ຽວ​ກັບ​ການ​ປະ​ທ້ວງ​ທີ່ໄທ: ຣັຖບານ​ໄທ​ກຳລັງ​ພະຍາຍາມ​ຊອກ​ຫາ​ທາງ​ໃຫ້​ສານ​ອອກ​ຄຳ​ສັ່ງ​ໃຫ້​ພວກ
ປະ​ທ້ວງ​ຄົນ​ເສື້ອ​ແດງ​ຫລາຍ​ໝື່ນ​ຄົນ​ຍົກຍ້າຍ​ອອກ​ຈາກ​ບໍລິ​ເວນ​ທ່ອງ​ທ່ຽວ​ໃນ​ບາງກອກ​ນັ້ນ. ພວກ​ຄົນ​ເສື້ອ​ແດງ​ຕໍ່ຕ້ານ
ຣັຖບານ ທ່ີ​ຈົງ​ຮັກ​ພັກດີ​ຕໍ່​ອະດີດ​ນາຍົກຣັຖມຸນຕີ​ທັກສິນ
ຊິນນະ​ວັດ ​ໄດ້​ເຮັດ​ໃຫ້​ສູນ​ທ່ອງ​ທ່ຽວ​ແລະ​ສູນ​ການ​ຄ້າ​ໃນ​ບາງ
ກອກ​ຕົກ​ຢູ່​ໃນ​ສະພາບ​ເປັ້ຍ​ລ່ອຍ​ເປັນ​ມື້​ທີ​ສາມ​ໃນ​ວັນ​ຈັນ​ມື້​ນີ້ ​ເຮັດໃຫ້
ການຈະລາຈອນ​ໄປ​ມາ​ຕິດ​ຂັດ​ແລະ​ບັງຄັບ​ໃຫ້​ພວກ​ບໍລິ​ສັດ​ຮ້ານ​ຄ້າ​ຮ້ານຂາຍ​ລາຍ​ໃຫຍ່​ຕ້ອງ​ປິດ​ຮ້ານ​ຢູ່​ຕໍ່​ມາ ​ຍ້ອນ​ສາ​ເຫດດ້ານ​
ຄວາມ​ປອດ​ໄພ.ໃນ​ຕອນ​ບ່າຍ​ວັນ​ຈັນ​ມື້​ນີ້ ພວກ​ປະ​ທ້ວງ​ຄົນ​ເສື້ອ ​ແດງ​ຈຸ​ນຶ່ງ​ໄດ້​ໄປ​ຍຶດ​ຄອງ​ເປັນ​ເວລາ​ສັ້ນ​ໆທ່ີ​ຫ້ອງການ​ຕ່າງໆ​ຂອງຄນະ​ກັມມະການ​ເລື້ອກຕັ້ງ.
​ໃນ​ການ​ກ່າວ​ປາ​ໄສ​ຖ່າຍ​ທອດ​ທາງ​ໂທຣະພາບ​ໄປ​ຍັງ​ທົ່ວ​ປະ​ເທດ​ໃນ​ວັນອາທິດ ທ່ານ​ອະພິສິດ​ໄດ້​ກ່າວ​
ຫາ​ພວກ​ປະ​ທ້ວງ​ຄົນ​ເສື້ອ​ແດງ​ລະ​ເມີດ​ກົດໝາຍ​ທັມມະ​ນູນຂອງ​ຊາດ. ພວກ​ປະ​ທ້ວງ​ຄົນ​ເສື້ອ​ແດງ​ປະມານ
55 ພັນ​ຄົນ​ໄດ້​ເລີ້ມເຂົ້າຄວບຄຸມ​ຂົງ​ເຂດ​ດັ່ງກ່າວ​ໃນ​ວັນ​ເສົາ​ຜ່ານ​ນີ້ ອັນ​ເປັນ​ພາກສ່ວນ​ນຶ່ງ​ໃນ​ການ
​ປຸກລະດົມ​ຂອງ​ພວກ​ເຂົາ​ເຈົ້າ​ເພື່ອ​ບັງຄັບ​ໃຫ້ຣັຖບານ​ປະກາດ​ທຳ​ການ​ເລືອກ​ຕັ້ງ​ໃໝ່​ຂຶ້ນ​ໃນ​ທັນທີ​ນັ້ນ.
ກ່ຽວ​ກັບ​ຍານ​ອາ​ວະ​ກາດ Discovery ຂອງ​ສະຫະຣັດ:ຍານ​ອາ​ວະ​ກາດ​ໄປ​ກັບ Discovery
ຂອງ​ສະຫະຣັດ​ໄດ້​ພຸ່ງ​ຂຶ້ນສູ່ຫ່ວງ​ອາ​ວະ​ກາດ​ຈາກ​ສູນ​ກາງອາ​ວະ​ກາດ Kennedy ທ່ີຣັດຟລໍຣີດາ
​ໃນ​ວັນ​ຈັນ​ມື້​ນີ້ ​ໂດຍ​ບັນທຸກ​ນັກ​ອາ​ວະ​ກາດ​ອະ​ເມຣິກັນ6 ຄົນ​ແລະ​ນັກອາ​ວະ​ກາດ​ຍີ່​ປຸນ​ຄົນ​ນຶ່ງ
​ໄປ​ຍັງ​ສະຖານີ​ອາ​ວະ​ກາດນາໆ​ຊາດ.
ຖ້າ​ທຸກ​ສິ່ງ​ທຸກ​ຢ່າງ​ດຳ​ເນີນ​ໄປ​ຕາມ​ກຳນົດ ຍານ Discovery ຄາດ​ວ່າຈະ​ໄປ​ຮອດສະຖານີ​ດັ່ງກ່າວ​ໃນ​ວັນ​ພຸດ ຊຶ່ງ​ພວກ​ນັກ​ອາ​ວະ​ກາດ​ເຫລົ່າ​ນີ້​ຈະ​ສົ່ງ​ເຄື່ອງ​ອາ​ໄຫລ່​ຕ່າງໆ ​ແລະ​ທຳ​ການ​ທົດ​ລອງ​ຕ່າງໆ​ໃນ
ຫ້ອງ​ຄົ້ນ​ຄວ້າ​ທ່ີກຳລັງໂຄຈອນຢູ່ນັ້ນ.
ການ​ປະກອບ​ພາລະກິດ​ຄັ້ງ​ນີ້​ຈະ​ເປັນ​ເທື່ອ​ທຳ​ອິດ​ທ່ີ​ມີ​ນັກ​ອາ​ວະ​ກາດ​ແມ່ຍິງ 4 ຄົນ​ຂຶ້ນ​ໄປ​ປະຕິບັດງານທ່ີຍັງສະຖານີ​ອາ​ວະ​ກາດ​ລະຫວ່າງ​ພ້ອມ​ກັນ​ບາດ​ດຽວ.

XS
SM
MD
LG