ຂ່າວສະຖານະການໃນອິຣັກ: ບັນດາເຈົ້າໜ້າທ່ີອິຣັກກ່າວວ່າ ລະເບີດແຕກຂຶ້ນໃນລົດ 3 ບັ້ນ ໄດ້ສັ່ນສະເທືອນໃນພາກກາງຂອງກຸງແບກແດ໊ດ ໃນວັນອາທິດມື້ນີ້ ໂດຍໄດ້ສັງຫານຜູ້ຄົນໄປຢ່າງນ້ອຍ 20 ຄົນແລະບາດເຈັບອີກຫລາຍກວ່າ 40 ຄົນ. ບັນດາເຈົ້າໜ້າທ່ີອິຣັກ ກ່າວວ່າ ລະເບີດ 2 ລູກໄດ້ແຕກຂຶ້ນຢູ່ໃກ້ໆກັບສະຖານທູດອິຣ່ານແລະສະຖານທູດເອຈິບ. ໂຄສົກພະແນກຮັກສາຄວາມປອດໄພແຫ່ງຊາດຂອງອິຣັກກ່າວຕໍ່ອົງການຂ່າວຝຣັ່ງວ່າການ ລະເບີດສອງຄັ້ງທ່ີແຕກຂຶ້ນໃນເວລາໄລເລັ່ຍກັນ ແມ່ນການວາງລະເບີດສະລະຊີບໃນລົດ. ການລະເບີດດັ່ງກ່າວໄດ້ເຮັດໃຫ້ພວກຕຶກອາຄານແລະປ່ອງຢ້ຽມແຕກມຸນທະລາຍໄປ ແລະໄດ້ສົ່ງ
ຄວັນເປົນແປວຂຶ້ນກຸ້ມໃນທົ່ວນະຄອນ ຫລວງ ກຸງແບກແດ໊ດ. ໄດ້ຍິນສຽງປືນດັງຂຶ້ນຫລັງຈາກລະເບີດແຕກ
ຂຶ້ນແລ້ວໃນຂະນະທ່ີພວກເຮືອບິນເຮລີຄອບເຕີບິນເວີ່ນຢູ່ເທິງອາກາດນັ້ນ. ໃນວັນເສົາວານນີ້ ພວກເຈົ້າໜ້າ ທ່ີກອງທັບອິຣັກໄດ້ປະກາດຫ້າມຜູ້ຄົນສັນຈອນໄປມາໃນຍາມກາງຄືນໃນໝູ່ບ້ານ Bou Saifi ໃກ້ໆກັບ
ກຸງແບກແດ໊ດ ບ່ອນທ່ີພວກຄົນຮ້າຍມືປືນພາກັນໃສ່ເຄື່ອງແບບປອມຂອງພວກທະຫານ ທ່ີໄດ້ສັງຫານພວກຜູ້ຄົນຕາຍໄປຢ່າງນ້ອຍ 24 ຄົນໃນມື້ກ່ອນນັ້ນ. ກະຊວງພາຍໃນຂອງອິຣັກໄດ້ຖິ້ມໂທດໃສ່ພວກເຄືອອຂ່າຍ al-Qaida ທ່ີໄດ້ສັງຫານພວກຜູ້ຊາຍແລະຍິງ ທ່ີລາຍງານວ່າ ມີສາຍພົວພັນຕິດຕໍ່ກັນກັບຂະບວນການ Awakening ທ່ີນິຍົມສະຫະຣັດ ທ່ີຊ່ອຍພວກກຳລັງຂອງສະຫະຣັດແລະອິຣັກຕໍ່ສູ້ ກັບພວກກະບົດເຄືອຂ່າຍal-Qaida ນັ້ນ.
ທີ່ປະເທດໄທ :ເວລານີ້ພວກເສື້ອແດງຫລາຍພັນຄົນ ຊຶ່ງເປັນພວກປະທ້ວງຕໍ່ຕ້ານ ລັດຖະບານ ກຳລັງ
ຍຶດຄອງສູນກາງການຄ້າສຳຄັນໃນໃຈກາງບາງ ກອກເປັນມື້ທີ່
ສອງຄືວັນອາທິດມື້ນີ້ ຊຶ່ງເປັນການທ້າທາຍ ຂໍ້ຫ້າມຂອງລັດຖະ
ບານຝ່າຍລັດຖະບານໄດ້ອອກຄຳສັ່ງໃຫ້ພວກເສື້ອແດງທັງຫລາຍ
ຍຸຕິການ ເດີນຂະບວນປະທ້ວງພາຍໃນຕອນແລງຂອງວັນເສົາ
ວານນີ້ ແຕ່ແລ້ວ ລັດຖະ ບານກໍໄດ້ຍອມຮັບວ່າການເຈລະ
ຈານັ້ນຈະມີສືບຕໍ່ໄປຈົນເຖິງວັນອາທິດມື້ນີ້ຫລັງຈາກພົ້ນກຳໜົດ ມາແລ້ວໃນລາຍການຖ່າຍທອດສົດ ທາງທີວີໃນຕອນເຊົ້າຂອງ ວັນອາທິດມື້ນີ້ນາຍົກລັດຖະມົນຕີ ອະພິສິດ ເວຊຊາຊິວະ ໄດ້ ຮຽກ ຮ້ອງໃຫ້ພວກ ປະທ້ວງໃຫ້ປະຕິບັດຕາມລັດຖະ ທຳມະນູນ ແລະໃຫ້ພວກ ປະທ້ວງກັບຄືນຢູ່ບ່ອນປະທ້ວງຫລັກຂອງພວກເຂົາ ເຈົ້າ ຄືເຂດສະພານຜ່ານ ຟ້າ ແຕ່ພວກປະທ້ວງເສືອແດງ ຊຶ່ງສ່ວນໃຫຍ່ເປັນພວກທຸກຈົນ ແລະມາ ຈາກຊົນນະບົດໄດ້ ປະຕິຍານຕົນທີ່ຈະສືບຕໍ່ທຳການປະທ້ວງໄປຈົນກວ່າຈະມີການເລືອກ ຕັ້ງໃໝ່.
ພວກຊຸມນຸມປະທ້ວງຄັ້ງນີ້ມີປະມານ 55,000 ຄົນ ຊຶ່ງຍັງຜົນໃຫ້ບັນ ດາຫ້າງສັບພະສິນຄ້າຫລາຍ ແຫ່ງຕ້ອງປິດລົງເມື່ອວັນເສົາວານນີ້ເພື່ອ ຄວາມເປັນຫ່ວງດ້ານຄວາມປອດພັຍ.
ທີ່ອາຟຣິກາໃຕ້: ຕຳຫລວດອາຟຣິກາໃຕ້ກ່າວວ່າ ຜູ້ນຳລັດທິຜິວຂາວສູງສຸດຄົນນຶ່ງທ່ີສະໜັບສະໜຸນໃຫ້ຈັດຕັ້ງປະເທດ ນຶ່ງຂຶ້ນສຳລັບຊົນຜິວຂາວໄດ້ຖືກທຸບຕີຕາຍດ້ວຍໄມ້ຄ້ອນ.ຕຳຫລວດກ່າວວ່າ ນາຍ Eugene Terreblanche ວັຍ 69 ປີໄດ້ຖືກສັງຫານຢູ່ທ່ີຟາມຂອງລາວເອງໃນວັນເສົາວານນີ້
ຈາກການຜິດຖຽງກັນຢ່າງຈະແຈ້ງກ່ຽວກັບຄ່າຈ້າງເງິນເດືອນກັນ. ນາງ Adele Myburghໂຄສົກປະຈຳ ຕຳຫລວດ ກ່າວວ່າ ນາຍ Terreblanche ໄດ້ຖືກໂຈມຕີໂດຍຊາຍຄົນນຶ່ງວັຍ 21 ປີ ແລະຊາຍວັຍ ຣຸ່ນຄົນນຶ່ງວັຍ15 ປີ ຊຶ່ງທັງສອງຄົນນີ້ເຮັດວຽກໃຫ້ນາຍ Terreblanche ນັ້ນ. ໂຄສົກຕຳຫລວດຄົນນີ້ກ່າວວ່າ ຊາຍ ທັງສອງຄົນນີ້ກ່າວຕໍ່ຕຳຫລວດວ່າ ເຂົາເຈົ້າເກີດຜິດຖຽງກັນກັບນາຍ Tereblanche ເພາະວ່າຜູ້ ກຽວບໍ່ຍອມຈ່າຍເງິນຄ່າຈ້າງໃຫ້ເຂົາເຈົ້າ.ໂຄສົກຍິງຄົນນີ້ກ່າວຕື່ມວ່າ ພວກທ່ີຖືກກ່າວຫາວ່າເປັນຜູ້ທຳການໂຈມຕີທັງສອງໄດ້ຖືກຈັບກຸມໄວ້ແລ້ວ ແລະຖືກກ່າວຫາໃນຂໍ້ຫານທຳການ ຄາດຕະກັມ. ນາຍ Terreblanche ໄດ້ເປັນຜູ້ນຳຂະບວນການຕໍ່ຕ້ານ Afrikaner ຊຶ່ງໃຊ້ເຄື່ອງໝາຍຄືກັນກັບຂອງພັກສັງຄົມນິຍົມຂອງ Nazi ນັ້ນ.
ກ່ຽວກັບເທດສະການບຸນອີສເຕີ: ວັນອາທິດມື້ນີ້ຊາວຄຣິສຕຽນຫລາຍຮ້ອຍລ້ານຄົນຢູ່ໃນທົ່ວ ໂລກກຳລັງ ທຳການສລອງວັນເທສການອີສເຕີ ຫລືວັນແຫ່ງການຄືນຊີບຂອງພະ ເຍຊູ ໄປພ້ອມກັບພິທີທາງ ສາສນາຕ່າງໆຢູ່ຕາມໂບດ ພວກສວດມົນທັງ ຫລາຍແລະດົນຕີບັນເລງເພງນັບຕັ້ງແຕ່ປະເພດເພງຣ໊ອກ ໄປຈົນເຖິງ ເພງໂບຮານ ແລະເພງປະເພນີ.ເທສການອີສເຕີ ເປັນວັນງານເທສການທີ່ຖືວ່າ ສັກສິດທີ່ສຸດປະຈຳປີ ຂອງຊາວຄຣິສຕຽນ ແລະເປັນທີ່ລະລຶກໃນຄວາມເຊື່ອຖືຂອງຊາວ ຄຣິສຕຽນແຫ່ງການຄືນຊີບຂອງພະເຍຊູ ສາມມື້ຫລັງຈາກພະອົງເສຍຊີ ວິດ. ພວກສະແຫວງບຸນໃນທົ່ວໂລກມາເຕົ້າໂຮມກັນຢູ່ບ່ອນສັກ ສິດຕ່າງໆ ໃນກຸງເຢຣູຊາເລມ ເພື່ອສລອງເທສການອີສເຕີວັນອາທິດ. ການ ສລອງຄັ້ງນີ້ຖືວ່າຍິ່ງໃຫຍ່ກວ່າທີ່ເຄີຍມີມາ ເນຶ່ອງຈາກວ່າມັນເປັນ ເທສການສຳຄັນເທື່ອທຳອິດໃນຮອບຫລາຍປີ ຊຶ່ງພວກນິກາຍ Orthodox ເຂດຕາເວັນອອກ ແລະພວກໂບດວິຫານເຂດຕາເວັນຕົກພາກັນ ສລອງງານເທສການອີສເຕີໃນເວລາດຽວກັນ.
ລະວ່າງການສົ່ງຂໍ້ຄວາມໃນປະເພນີອີສເຕີໃນຕອນເຊົ້າວັນອາທິດທີ່ ຈະຕຸລັດ St. Peter ນັ້ນ ພະສັນຕະປາປາ ເບເນດິກ ໄດ້ຮຽກຮ້ອງ ໃຫ້ພວກມະນຸດທັງຫລາຍໃຫ້ຍຶດຖືເອົາການປ່ຽນແປງໃຫ້ຢູ່ໃນແນວທາງ ຈິດວິນຍານແລະສິນລະທຳ ນອກນີ້ແລ້ວ ພະສັນຕະປາປາຍັງໄດ້ປະ ນາມທີ່ຊາວຄຣິສຕຽນທັງຫລາຍ
ທີ່ຖືກໄດ້ຮັບຄວາມເດືອດຮ້ອນເຈັບປວດ ຢູ່ໃນອີຣັກ ແລະແຫ່ງອື່ນໆຍ້ອນການປະຫັດປະຫານທາງສາສນານັ້ນ.
ພະສັນຕະປາປາບໍ່ໄດ້ກ່າວເຖິງການປິດບັງເລຶ່ອງການກະທຳຮຸນແຮງ ຂອງພວກພະແຕ່ຢ່າງໃດ.
ກ່ຽວກັບເຮືອຣົບເກົາຫລີໃຕ້: ກອງທັບເກົາຫລີໃຕ້ໄດ້ເລີ້ມທຳການຊ່ອຍກູ້ໄພໃນວັນອາທິດມື້ນີ້ ກຳປັ່ນຣົບ
ລຳນຶ່ງທ່ີໄດ້ຫລົ້ມຈົມລົງນ້ຳ ຫລັງຈາກລະເບີດແຕກຂຶ້ນທ່ີທາງການເກົາຫລີໃຕ້ບໍ່ໄດ້ ຊີ້ແຈງ ໃຫ້ຊາບກ່ຽວກັບສາເຫດທ່ີພາໃຫ້ເຮືອລຳນີ້ຈົມລົງນ້ຳເມື່ອນຶ່ງອາທິດປາຍຜ່ານມາ. ການອອກປະຕິບັດງາຍຊ່ອຍ ກູ້ຊີວິດພວກທະຫານເຮືອ 45 ຄົນໃນເຮືອໄດ້ຖືກລົບລ້າງໄປໃນັວນເສົາວານນີ້ ພາຍໃຕ້ຄຳຮຽກຮ້ອງພວກຍາດຕິ ພີ່ນ້ອງຂອງພວກທະຫານເຮືອທ່ີກຳລັງຫາຍສາບສູນໄປຢູ່ນີ້. ພວກນາຍທະຫານພາກັນກ່າວວ່າ ການຊ່ອຍກູ້ໄພ ກຳປັ່ນຣົບ Cheonan ນ້ຳໜັກ 1200 ຕັນ ອາດຈະໃຊ້ເວລາເປັນຫລາຍສັບປະດາ. ການຕັດສິນໃຈດັ່ງກ່າວໄດ້ ມີຂຶ້ນຫລັງຈາກພວກນັກດຳນ້ຳພົບເຫັນສົບຂອງທະຫານເຮືອຄົນນຶ່ງໃນຫ້ອງກິນເຂົ້າໃນເຮືອໃນວັນເສົາວານນີ້. ຄວາມພະຍາຍາມເພື່ອຊອກຫາພວກທະຫານເຮືອທ່ີກຳລັງຫາຍສາບສູນຢູ່ນີ້ ໄດ້ ປະສົບກັບອຸບປະສັກກັບດິນຟ້າອາກາດບໍ່ດີ ແລະກະແສລົມແຮງ. ກຳປົ່ນຣົບ Cheonan ໄດ້ຫັກທົບເຄິ່ງແລະຈົມລົງນ້ຳໃນວັນທີ 26 ມີນາຜ່ານມານີ້ ຫລັງຈາກເກີດລະເບີດຂຶ້ນໃນລະຫວ່າງທຳການລາດຕາເວັນເລາະເຂດແດນ ທາງລະເລຕິດກັບເກົາຫລີເໜືອນັ້ນ. ເວລານີ້ຍັງບໍ່ທັນຮູ້ຈັກສາເຫດທ່ີພາໃຫ້ເກີດລະເບີດຂຶ້ນໃນເຮືອນັ້ນເທື່ອ.
