ລິ້ງ ສຳຫລັບເຂົ້າຫາ

ການໂຈມຕີ ດ້ວຍຣະເບີດສະລະຊີບ ໃນພາກໃຕ້ຣັດເຊັຽ ເຮັດໃຫ້ ມີຜູ້ເສັຽຊີວິດ 12 ຄົນ.


ການໂຈມຕີ ດ້ວຍຣະເບີດສະລະຊີບ ໃນພາກໃຕ້ຣັດເຊັຽ ເຮັດໃຫ້ ມີຜູ້ເສັຽຊີວິດ 12 ຄົນ.
<!-- IMAGE -->

ຣັດເຊັຽ: ເຈົ້າໜ້າທີ່ຣັດເຊັຽກ່າວວ່າ ການໂຈມຕີ ດ້ວຍຣະເບີດສະລະຊີບ 2 ຄັ້ງທີ່ສາທາຣະນະຣັດ DAGESTAN ໃນເຂດພາກໃຕ້ຂອງຣັດເຊັຽເຮັດ ໃຫ້ມີຜູ້ເສັຽຊີວິດ ຢ່າງນ້ອຍ 12 ຄົນ ແລະໄດ້ຮັບ ບາດເຈັບ ອີກ 18 ຄົນ ສອງມື້ ຫລັງຈາກ ໄດ້ມີ ການໂຈມຕີຮ້າຍແຮງທີ່ກຸງມົສກູ. ການໂຈມຕີໃນ ມື້ນີ້ ມີຂຶ້ນທີ່ເມືອງ KIZLYAR ໃນບໍຣິເວນຊາຍ ແດນ DAGESTAN ໃກ້ໆກັບ CHECHNYA. ຣັຖມຸນຕຣີກະຊວງພາຍໃນ DAGESTAN ກ່າວ ວ່າ ຜູ້ໂຈມຕີສະລະຊີບຄົນທຳອິດໄດ້ບີບຄະນວນ ຣະເບີດ ໃຫ້ແຕກຂຶ້ນຢູ່ໃນຣົດ ເວລາຜູ້ກ່ຽວ ຖືກ ຕຳຣວດຈະລາຈອນ ສັ່ງໃຫ້ຢຸດ ແລະຜູ້ໂຈມຕີສະລະຊີບຄົນທີ 2 ໄດ້ປອມໂຕເປັນຕຳຣວດ. ຣັຖມຸນຕຣີ ກະຊວງພາຍໃນ ເວົ້າຕື່ມວ່າ ມີຕຳຣວດ 9 ຄົນຮວມຢູ່ໃນຈຳນວນ ພວກທີ່ເສັຽ ຊີວິດ. ການໂຈມຕີ ດ້ວຍຣະເບີດສະລະຊີບ 2 ຄັ້ງ ໃນມື້ວັນຈັນຜ່ານມາ ເຮັດໃຫ້ມີຜູ້ເສັຽຊີ ວິດ 39 ຄົນ ທີ່ສະຖານີຣົດໄຟໃຕ້ດິນ ໃນກຸງມົສກູ. ນາຍົກຣັຖມຸນຕຣີຣັດເຊັຽ ທ່ານ VLADIMIR PUTIN ກ່າວວ່າ ກຸ່ມກໍ່ການຮ້າຍ ຈຸດຽວກັນ ອາດເປັນຜູ້ ຢູ່ເບື້ອງຫລັງ ທັງ ການໂຈມຕີ ທີ່ກຸງມົສກູ ແລະການໂຈມຕີ ທີ່ DAGESTAN.

<!-- IMAGE -->

ອັຟການິສຖານ: ເຈົ້າໜ້າທີ່ ອັຟການິສຖານ ກ່າວວ່າ ມີຜູ້ເສັຽຊີວິດ ຢ່າງນ້ອຍ 13 ຄົນໃນ ເຫດການ ວາງ​ລະ​ເບີດ ຢູ່ໃນພາກໃຕ້ ອັຟກາ ນິສຖານ. ເຈົ້າໜ້າທີ່ເວົ້າວ່າການໂຈມຕີດັ່ງກ່າວ ມີຂຶ້ນໃນວັນພຸດມື້ນີ້ ທີ່ເມືອງ NAHR-E-SAR RAJ ໃກ້ໆເມືອງ LASKHKAR GAH ເມືອງ ເອກຂອງແຂວງ HELMAND. ອົງການ NA- TO ກ່າວວ່າ ເຮືອບິນເຮຣີຄອບເຕີ້ຂອງຕົນໄດ້ ລຳລຽງຄົນເຈັບ ຢ່າງນ້ອຍ 40 ຄົນໄປຍັງໂຮງ ໝໍ. ເຈົ້າໜ້າທີ່ອັຟການິສຖານກ່າວວ່າ ເຫດຣະ ເບີດເກີດຂຶ້ນ​ ໃນຂະນະທີ່ຜູ້ຄົນ ໄປເຕົ້າໂຮມກັນ ເພື່ອຮັບເອົາເມັດພັນ ຊຶ່ງເປັນພາກສ່ວນ ນຶ່ງ ຂອງໂຄງການ ທີ່ແນໃສ່ ​ເພື່ອ​ຊຸກຍູ້​ ບໍ່ໃຫ້ພວກ ຊາວໄຮ່ຊາວສວນປູກຝິ່ນ. ໂຄສົກ ຂອງຣັຖບານ ແຂວງ HELMAND ກ່າວວ່າ ເຫດຣະເບີດ ທີ່ເກີດຂຶ້ນ ໃນຕອນເຊົ້າມື້ນີ້ ແມ່ນເປັນການໂຈມຕີສະລະຊີບ ແຕ່ກະຊວງພາຍໃນອັຟການິສຖານ ເວົ້າວ່າ ເປັນຣະເບີດ ທີ່ຫ້າງໃສ່ຣົດຖີບ. ກຳລັງ ພາຍໃຕ້ການນຳພາ ຂອງອົງການ NATO ແລະອັຟການິສຖານ ໄດ້ກວດລ້າງ ພວກກະບົດ ທາລີບານ ອອກໄປຈາກເຂດ ເມືອງ MARJAH ໃນແຂວງ HELMAND ນັບແຕ່ເດືອນກຸມພາປີ​ນີ້ເປັນຕົ້ນມາ ແລະກຳລັງກຽມພ້ອມ​ເພື່ອຈະບຸກໂຈມ ຕີກວດລ້າງ ຢູ່ແຂວງການດາຣາ ທີ່ຕັ້ງຢູ່ໃກ້ຄຽງ ພາຍໃນໄລຍະສອງສາມເດືອນ ຂ້າງໜ້າ ນີ້.

<!-- IMAGE -->

ອັຟການິສຖານ - ຢາເສບຕິດ: ອົງການ ສະຫະປະຊາຊາດ ກ່າວວ່າ ອັຟການິສຖານ ຊຶ່ງເປັນປະເທດ ທີ່ຜລິດຝິ່ນຫລາຍທີ່ສຸດໃນ ໂລກນັ້ນ ປັດຈຸບັນ ຍັງເປັນປະເທດ ທີ່ຜລິດ ກັນຊາ ຫຼາຍທີ່ສຸດໃນໂລກນຳອີກ. ໃນລາຍ ງານທີ່ພິມເຜີຍແຜ່ໃນວັນພຸດມື້ນີ້ ອົງການຕໍ່ ຕ້ານຢາເສບຕິດ ແລະອາຊຍາກັມ ຂອງສະ ຫະປະຊາຊາດຫຼື UNODC ກ່າວວ່າ ເຄິ່ງ ນຶ່ງຂອງຈຳນວນທັງໝົດ 34 ແຂວງໃນອັຟ ການິສຖານແມ່ນພາກັນປູກກັນຊາຊຶ່ງໃຊ້ທຶນ ໜ້ອຍກວ່າ ການປູກຝິ່ນ ເຖິງ 3 ເທົ່າ. ອົງ ການ UNODC ເວົ້າວ່າ ມີການປູກກັນຊາ ໃສ່ພື້ນທີ່ ໃນລະຫວ່າງ 10 ພັນ ຫາ 24 ພັນ ເຮັກຕາ ຢູ່ໃນອັຟການິສຖານ ໃນແຕ່ລະປີ ຊຶ່ງສ່ວນໃຫຍ່ແລ້ວ ແມ່ນປູກກັນ ຢູ່ໃນເຂດພາກ ໃຕ້ຂອງປະເທດ. ລາຍງານເວົ້າວ່າ ຄືກັນກັບຝິ່ນ ການປູກກັນຊາ ການຜລິດ ແລະການລັກ ລອບຂົນສົ່ງ ແມ່ນມີການເກັບພາສີ ໂດຍພວກທີ່ຄ ວບຄຸມພື້ນທີ່ ຊຶ່ງເປັນການອຳນວຍ ​ແຫລ່ງລາຍໄດ້ເພີ້ມຕື່ມ​ ໃຫ້ພວກກະບົດ ທີ່ຄວບ​ຄຸມ ​ພື້ນ​ທີ່​ສ່ວນ​ໃຫຍ່ ​ໃນ​ເຂດ​ພາກ​ໃຕ້​ນັ້ນ.

<!-- IMAGE -->

ເກົາຫລີ - ຈີນ: ໂຄສົກຄົນນຶ່ງຂອງປະທານາ ທິບໍດີ ເກົາຫຼີໃຕ້ ທ່ານ LEE MYUNG BAK ກ່າວວ່າ ມີຄວາມເປັນໄປໄດ້ສູງ ທີ່ທ່ານກິມຈິງ ອິລຜູ້ນຳຂອງເກົາຫລີເໜືອຈະເດີນທາງໄປຢ້ຽມ ຢາມປະເທດຈີນໃນໄວໆນີ້. ໂຄສົກ KIM EUN HYE ໄດ້ປະກາດຂ່າວ​ນີ້ໃຫ້ຊາບ ຢູ່ກອງປະຊຸມ ຖແລງຂ່າວທີ່ກຸງໂຊລ ໃນວັນພຸດມື້ນີ້ແຕ່ບໍ່ຍອມ ໃຫ້ລາຍລະອຽດ. ກ່ອນ​ໜ້ານັ້ນໃນຕອນເຊົ້າວັນ ພຸດມື້ນີ້ເຈົ້າໜ້າທີ່ອະວຸໂສທ່ານນຶ່ງ ຂອງເກົາຫຼີ ໃຕ້ ກໍ​ໄດ້ກ່າວຕໍ່ ອົງການຂ່າວຢອນຮັບ ຂອງ ທາງການເກົາຫລີໃຕ້ວ່າ ທ່ານໄດ້ຮັບລາຍງານ ຂ່າວກອງວ່າ ມີ​ການ​ເຄື່ອນ​ໄຫວ ແບບຜິດປົກກະຕິທີ່ເມືອງ DANDONG ຫົວເມືອງໃກ້ໆ ຊາຍແດນຈີນແລະທີ່ນະຄອນຫລວງປັກກິ່ງ. ຈີນເປັນພັນທະມິດ ທີ່ສຳຄັນສຸດຂອງເກົາຫລີ ເໜືອ. ປັກກິ່ງ ເປັນເຈົ້າພາບຈັດການເຈຣະຈາ 6 ຝ່າຍທີ່ແນ ໃສ່ເພື່ອຊັກຊວນໃຫ້ພຽງຢາງ ທັບມ້າງໂຄງການ ສ້າງອາວຸດນິວເຄລັຽຂອງຕົນ. ສ່ວນປະເທດ ອື່ນໆ ທີ່ເຂົ້າຮ່ວມ ການເຈ ຣະຈາ 6 ຝ່າຍ ແມ່ນຮວມທັງເກົາຫລີເໜືອແລະເກົາຫລີໃຕ້ ຣັດເຊັຽ ຍີ່ປຸ່ນແລະສະຫະຣັດ.

<!-- IMAGE -->

ໄທ - ສະຫະຣັດ: ສະຫະຣັດ ໄດ້ສະແດງ ຄວາມສນັບສນຸນ ຕໍ່ການເຈຣະຈາຫາຣື ເພື່ອ ຊອກຫາຊ່ອງທາງ ແກ້ໄຂຄວາມວຸ້ນວາຍທາງ ດ້ານການເມືອງໃນໄທ ແລະຮຽກຮ້ອງໃຫ້ພວກ ປະທ້ວງ ໃນປະເທດດັ່ງກ່າວ ຫລີກລ້ຽງຕໍ່ການ ໃຊ້ຄວາມຮຸນແຮງ. ທ່ານ MARK TONER ໂຄສົກ ກະຊວງການຕ່າງປະເທດ ສະຫະຣັດ ກ່າວໃນວັນອັງຄານ ວານນີ້ວ່າ ສະຫະຣັດຮູ້ສຶກ ມີກຳລັງໃຈ ນຳການເຈຣະຈາ ເມື່ອໄວໆມານີ້ ລະຫວ່າງ ຣັຖບານ ແລະພວກຜູ້ນຳຝ່າຍຄ້ານ. ທ່ານເວົ້າວ່າ ສະຫະຣັດຫວັງວ່າສະຖານະການ ສາມາດແກ້ໄຂໄດ້ ໂດຍຜ່ານສະຖາບັນຕ່າງໆ ທີ່ເປັນປະຊາທິປະໄຕ ບໍ່ແມ່ນໂດຍ ການໃຊ້ຄວາມຮຸນແຮງ. ໃນຕອນເຊົ້າ ຂອງມື້ວານນີ້ ຂະບວນການເສື້ອແດງ ທີ່ຕໍ່ຕ້ານຣັຖບານ ໃນໄທ ໄດ້ປະຕິເສດ ຕໍ່ຂໍ້ສເນີຂອງນາຍົກຣັຖ ມຸນຕຣີ ອະພິຊິດ ເວດຊາຊີວະ ທີ່ຢາກໃຫ້ມີ ການເຈຣະຈາ ຫາຣືກັນຕື່ມ ໂດຍເວົ້າວ່າ ການເຈຣະຈາ ໄດ້ປະສົບກັບຄວາມລົ້ມແຫລວຍ້ອນທ່ານອະພິຊິດ ໄດ້ປະຕິເສດບໍ່ຍອມຮັບ ​ເອົາກຳນົດ​ເສັ້ນ​ຕາຍ 15 ມື້ ສຳລັບ​ໃຫ້ທ່ານ ຮຽກໃຫ້ມີ ການເລືອກຕັ້ງໃໝ່ນັ້ນ.

<!-- IMAGE -->

ວຽດນາມ - ສະຫະຣັດ: ວຽດນາມ ແລະສະ ຫະຣັດ ໄດ້ລົງນາມໃນຂໍ້ຕົກລົງສະບັບນຶ່ງ ທີ່ຈະ ອະນຸຍາດໃຫ້ ບັນດາບໍຣິສັດຂອງສະຫະຣັດເຂົ້າ ໄປເປີດກິຈການ ເພື່ອພັທນາ ພະລັງງານໄຟຟ້າ ປະຣະມະນູ. ທ່ານ MICHAEL MICHALAK ເອກອັຄຣັຖທູດສະຫະຣັດ ກ່າວເຖິງຂໍ້ຕົກລົງໃນ ວັນອັງຄານ ວານນີ້ວ່າ ເປັນໂອກາດ ອັນສຳຄັນ ໃນຄວາມສັມພັນ ລະຫວ່າງປະເທດທັງສອງ ແລະເວົ້າວ່າ ມັນຍັງເປັນບາດກ້າວ ທີ່ສຳຄັນ ໃນການສ້າງ ຄວາມກ້າວໜ້າ ໃຫ້ແກ່ເປົ້າໝາຍ ໃນການບໍ່ແຜ່ຜາຍ ອາວຸດນິວເຄລັຽນັ້ນ. ໃນເດືອນພະຈິກປີກາຍ ວຽດນາມ ໄດ້ໃຫ້ການອະນຸມັດຕໍ່ແຜນການທີ່ຈະສ້າງໂຮງໄຟຟ້າ ນິວເຄລັຽ 2 ​ແຫ່ງທຳອິດ ຢູ່ທີ່ແຂວງ NINH THUAN ໃນເຂດພາກກາງຕອນໃຕ້ຂອງ ວຽດນາມ. ສື່ມວນຊົນລາຍງານວ່າ ວຽດນາມໄດ້​ເຊັນ​ສັນຍາສະບັບນຶ່ງ​ກັບບໍຣິສັດຣັດເຊັຽ ​ໃຫ້ເປັນຜູ້ສ້າງ ໂຮງໄຟຟ້ານິວ​ເຄລັຽ ​ແຫ່ງທຳອິດ. ປີນີ້ແມ່ນຂີດໝາຍຄົບຮອບ 15 ປີໃນ ການສ້າງຕັ້ງຄວາມສັມພັນທາງດ້ານການທູດຄືນໃໝ່ ລະຫວ່າງສະຫະຣັດແລະວຽດນາມ ຫລັງຈາກ ສົງຄາມວຽດນາມ ສິ້ນສຸດລົງ.

ເຊີນຟັງຂ່າວລາຍລະອຽດ ໂດຍຄລິກບ່ອນສຽງ.

XS
SM
MD
LG