ສະຫະຣັດ -
ຕາເວັນອອກກາງ: ປະທານາ ທິບໍດີ ສະຫະຣັດ ທ່ານ BARACK OBAMA ໄດ້ພົບປະກັບນາຍົກຣັຖມຸນຕຣີອິສຣາແອລທ່ານ BENJAMIN NETANYAHU ທີ່ທຳນຽບຂາວ
ໃນວັນອັງຄານວານນີ້ ໃນການເຈຣະຈາຫາຣືທີ່ມີ ການເຜີຍແຜ່ຂ່າວ
ໃນລະດັບຕຳແບບຜິດປົກກະ ຕິຂະນະທີ່ປະເທດພັນທະມິດທັງ 2 ພະຍາຍາມ ຊອກຫາຊ່ອງທາງແກ້ໄຂບັນຫາຂັດແຍ້ງ ກ່ຽວກັບ ແຜນການປຸກເຮືອນໃໝ່ ຂອງອິສຣາແອລ
ໃສ່ເຂດກຳຕາເວັນອອກ ຂອງນະຄອນເຈຣູຊາແລັມ. ເຈົ້າໜ້າທີ່ສະຫະຣັດ ກ່າວວ່າ
ທຳອິດທ່ານ OBAMA ໄດ້ພົບປະກັບທ່ານ NETANYAHU ທີ່ຫ້ອງທຳງານ OVAL OFFICE
ຂອງທ່ານ ເປັນເວລາຊົ່ວໂມງເຄິ່ງ ກ່ອນຈະກັບໄປຍັງທີ່ພັກ ສ່ວນໂຕ
ໂດຍປ່ອຍໃຫ້ ຜູ້ນຳຂອງອິສຣາແອລ ໄດ້ປຶກສາຫາຣື ກັບຄະນະທີ່ປຶກສາຂອງທ່ານ.
ເຈົ້າໜ້າທີ່ເວົ້າວ່າ ປະທານາທິບໍດີ OBAMA ໄດ້ກັບຄືນ ໄປພົບກັບທ່ານ NETANYAHU
ຕື່ມອີກ ເປັນຄັ້ງ ທີ 2 ທີ່ຫ້ອງການຂອງທ່ານ ເປັນເວລາ 35 ນາທີ. ທຳນຽບຂາວ
ບໍ່ໄດ້ ອອກຖແລງຂ່າວໃດໆ ລຸນຫລັງການພົບປະກັນ ແລະບໍ່ໃຫ້ພວກມືກ້ອງ
ໄປຖ່າຍຮູບ ໃນລະ ຫວ່າງ ການສົນທະນາຫາຣື ຊຶ່ງເປັນບາດກ້າວ ທີ່ຜິດປົກກະຕິ
ສຳລັບການຢ້ຽມຢາມ ຂອງ ປະເທດພັນທະມິດທີ່ສຳຄັນຂອງສະຫະຣັດ.
ປາກິສຖານ - ສະຫະຣັດ: ການເຈຣະຈາ ລະດັບຣັຖມຸນຕຣີ ໃນດ້ານຍຸທສາດລະຫວ່າງ ສະຫະຣັດກັບປາກິສຖານຄັ້ງທຳອິດ ເລີ້ມຂຶ້ນ ທີ່ນະຄອນຫຼວງວໍຊິງຕັນໃນວັນພຸດມື້ນີ້ ໂດຍ ທີ່ປາກິສຖານຫວັງວ່າຈະມີການປ່ຽນແປງຂັ້ນ ພື້ນຖານ
ໃນຄວາມສັມພັນລະຫວ່າງປະເທດ ທັງສອງແລະຝ່າຍສະຫະຣັດ ເອົາທ່າທີແບບ ລະມັດລະວັງ. ການເຈຣະຈາຫາຣືເປັນເວລາ 2 ມື້ ຈັດຂຶ້ນພາຍໃຕ້
ການເປັນປະທານຮ່ວມ ຂອງຣັຖມຸນຕຣີ ການຕ່າງປະເທດສະຫະຣັດ ທ່ານນາງ HILLARY
CLINTON ແລະຣັຖ ມຸນຕຣີການຕ່າງປະເທດ ປາກິສຖານ ທ່ານ SHAH MEHMOOD QURESHI.
ນອກ ນັ້ນແລ້ວ ເຂົ້າຮ່ວມໃນກອງປະຊຸມຄັ້ງນີ້ ຍັງມີ ເຈົ້າໜ້າທີ່ ອະວຸໂສ
ໃນດ້ານປ້ອງກັນປະເທດ ແລະພວກນາຍທະຫານ ຂອງທັງສອງຝ່າຍ ຮວມທັງ ຜູ້ບັນຊາການ
ທະຫານສູງສຸດ ຂອງປາກິສຖານ ແລະນາຍທະຫານ ຊັ້ນສູງສຸດ ຂອງສະຫະຣັດ.
ເປັນທີ່ຄາດກັນວ່າ ທັງສອງຝ່າຍ ຈະໄດ້ສົນທະນາຫາຣື ກ່ຽວກັບບັນຫາ ຕ່າງໆ
ໃນຂອບເຂດທີ່ກວ້າງຂວາງ ຮວມທັງການຂຍາຍ ການຮ່ວມມື ທາງດ້ານເສຖກິດ ແລະດ້ານທະຫານ
ແລະການຮ້ອງຂໍ ຄວາມຊ່ອຍເຫລືອເພີ້ມຕື່ມ ເພື່ອຍຸຕິບັນຫາ ການ ຂາດແຄນນຳ
ແລະພະລັງງານ.
ຈີນ - ຣິໂອຕິນໂຕ: ທະນາຍຄວາມ ຂອງ ຜູ້ບໍຣິຫານຄົນນຶ່ງ ໃນຈຳນວນທັງໝົດ 4 ຄົນ ຂອງບໍຣິສັດບໍ່ແຮ່ RIO TINTO ທີ່ຖືກກ່າວ ຫາວ່າ ຮັບເງິນສິນບົນແລະທຳການຈາຣະກັມ ທາງດ້ານການຄ້າຢູ່ຈີນນັ້ນ ກ່າວວ່າ ການດຳ ເນີນຄະດີຜູ້ບໍຣິຫານທັງ 4 ໄດ້ສິ້ນສຸດລົງແລ້ວ. ຊາວອອສເຕຣເລັຽຄົນນຶ່ງແລະຊາວຈີນ 3 ຄົນ ໄດ້ຖືກນຳໂຕຂຶ້ນສານ ທີ່ນະຄອນຊຽງໄຮ້ ໃນ ມື້ວັນຈັນຜ່ານມາ. ທະນາຍຄວາມເວົ້າວ່າ ຍັງ ບໍ່ທັນມີການອອກ ຄຳພິພາກສາເທື່ອໃນຕອນ ທ້າຍ ຂອງການດຳເນີນຄະດີ ໃນວັນພຸດ ມື້ນີ້ ຊຶ່ງເວົ້າເຖິງເຣື່ອງ ຂໍ້ຫາລັກຂະໂມຍຄວາມລັບ ທາງດ້ານການຄ້ານັ້ນ. ພວກຜູ້ຊາຍທັງ 4 ໄດ້ ຖືກຈັບໃນເດືອນກໍຣະກົດປີກາຍ ໃນລະຫວ່າງ ການເຈຣະຈາ ກ່ຽວກັບຣາຄາແຮ່ເຫລັກກັບໂຮງງານເຫລັກກ້າທີ່ໃຫຍ່ໆຂອງຈີນ. ຜູ້ບໍຣິຫານ ທັງ 4 ໄດ້ຍອມຮັບຜິດ ໃນຂໍ້ຫາຮັບເງິນສິນບົນ ຈາກບໍຣິສັດເຫລັກກ້າຂອງຈີນ ແຕ່ໄດ້ໂຕ້ ແຍ້ງ ກ່ຽວກັບຈຳນວນເງິນ ທີ່ພົວພັນນຳ. ນອກນັ້ນ ຍັງມີລາຍງານວ່າ ຄົນນຶ່ງໃນນັ້ນ ໄດ້ຍອມຮັບຜິດ ຕໍ່ຂໍ້ຫາ ລັກຂະໂມຍຄວາມລັບ ທາງການຄ້າ ແຕ່ຍັງບໍ່ຮູ້ຈັກວ່າ ແມ່ນຜູ້ໃດ. RIO TINTO ເປັນບໍຣິສັດບໍ່ແຮ່ ຂອງອັງກິດອອສເຕຣເລັຽ ທີ່ຮວມຢູ່ໃນພວກບໍຣິສັດ ທີ່ສົ່ງອອກແຮ່ເຫລັກ ຫລາຍທີ່ສຸດໃນໂລກ ແລະຈີນເປັນປະເທດ ທີ່ມີອຸສາຫະກັມ ເຫລັກກ້າ ໃຫຍ່ທີ່ສຸດໃນໂລກ.
<!-- IMAGE -->ສະຫະຣັດ - ເກົາຫລີເໜືອ: ໂຄສົກຄົນນຶ່ງ
ຂອງກະຊວງ ການຕ່າງປະເທດສະຫະຣັດກ່າວ ໃນວັນອັງຄານ ວານນີ້ວ່າ ສະຫະຣັດຈະພິຈາ ຣະນາ ກ່ຽວກັບການຈັດສົ່ງ ການຊ່ອຍເຫລືອ ທາງດ້ານອາຫານການກິນ
ໄປໃຫ້ເກົາຫຼີເໜືອ ຄືນໃໝ່ ຖ້າປະເທດຄອມມູນິສເກົາຫລີເໜືອຈະ ຮັບເອົາ
ການຊ່ອຍເຫລືອດັ່ງກ່າວ. ທ່ານ P.J. CROWLEY ໂຄສົກກະຊວງ ການຕ່າງປະ ເທດສະຫະຣັດ
ໄດ້ບອກພວກນັກຂ່າວເຊັ່ນນັ້ນ ໃນວັນອັງຄານ ວານນີ້ ໃນການຕອບຄຳຖາມ
ກ່ຽວກັບເຣື່ອງນີ້. ທ່ານເວົ້າວ່າ ຖ້າສະຫະຣັດ ຫາກເລີ້ມໃຫ້
ການຊ່ອຍເຫລືອຄືນໃໝ່ ສະຫະຣັດ ກໍຈະພະຍາຍາມ ເຮັດໃຫ້ເປັນທີ່ແນ່ໃຈວ່າ
ອາຫານທີ່ສົ່ງໄປຊ່ວຍເຫລືອນັ້ນ ຈະຕົກໄປຮອດໄປເຖິງ ຊາວເກົາຫລີເໜືອແທ້ໆແທນທີ່ຈະຖືກສົ່ງໄປໃຫ້ກຸ່ມອື່ນໆ ເຊັ່ນ ພວກທະຫານ ດັ່ງນີ້ເປັນຕົ້ນ. ຄຳຖາມ
ກ່ຽວກັບເຣື່ອງເກົາຫລີເໜືອ ໄດ້ມີຂຶ້ນ ຂະນະທີ່ ອະດີດປະທານາທິບໍດີ ສະຫະຣັດ
ທ່ານ JIMMY CARTER ເດີນທາງໄປຢ້ຽມຢາມ ເກົາຫລີໃຕ້. ທ່ານໄດ້ຮຽກຮ້ອງ
ໃຫ້ຢຸດເຊົາ ການລົງໂທດ ຂອງສະຫະປະຊາຊາດ ຕໍ່ ເກົາຫລີເໜືອ ໂດຍເວົ້າວ່າ
ການລົງໂທດເຫລົ່ານີ້ ໄດ້ເຮັດໃຫ້ ຊາວເກົາຫລີເໜືອ ຕົກ ຢູ່ໃນອັນຕະລາຍ.
ຍີ່ປຸ່ນ - ລາວ: ເຈົ້າຟ້າຊາຍ AKISHINO ໂອຣົດອົງທີ່ສອງຂອງເຈົ້າຈັກກະພັດ AKIHI TO ແຫ່ງຍີ່ປຸ່ນ ຊົງສະເດັດໄປເຖິງ ນະຄອນ ຫລວງວຽງຈັນ ເມື່ອຄືນວັນອັງຄານ ວານນີ້ ເພື່ອທຳການຢ້ຽມຢາມ ແລະເຮັດວຽກໄປພ້ອມ ເປັນເວລາ 4 ມື້ພ້ອມກັບເຈົ້າຟ້າຍິງ MAKO ພະທິດາວັຍ 18 ພັນສາຂອງພະອົງ. ເຈົ້າຟ້າຊາຍ AKISHINO ແລະພະທິດາ ຊົງມີກຳນົດເຂົ້າຢ້ຽມຢາມປະທານປະເທດລາວທ່ານຈູມມະລີ ໄຊຍະສອນຢູ່ທີ່ຫໍຄຳໃນມື້ນີ້ ແລະຊົງມີລາຍ ການ ໄປຊົມງານວາງສະແດງອຸປະກອນ ການກະເສດແຫ່ງນຶ່ງ. ໃນວັນພະຫັດມື້ອື່ນ ທັງສອງພະອົງ ຈະຊົງອອກເດີນທາງ ໄປຍັງແຂວງຫລວງນຳທາ ທາງພາກເໜືອຂອງລາວ ຊຶ່ງຢູ່ທີ່ນັ້ນ ເຈົ້າຟ້າຊາຍ AKISHINO ຈະຊົງທຳການຄົ້ນຄວ້າ ສ່ວນພະອົງ ກ່ຽວກັບໄກ່ປ່າເພື່ອສຶກສາເບິ່ງວ່າ ໄກ່ປ່າ ມີສ່ວນໃນການນຳເອົາເຊື້ອພະຍາດ ເຊັ່ນໄຂ້ຫວັດນົກນັ້ນ ມາແຜ່ຜາຍ ໃສ່ມະນຸດຫລືບໍ່? ການສະເດັດປະພາດ ສປປ ລາວ ຂອງເຈົ້າຟ້າຊາຍຍີ່ປຸ່ນຄັ້ງນີ້ ແມ່ນຕິດຕາມມາ ລຸນຫລັງ ການໄປຢ້ຽມຢາມຍີ່ປຸ່ນ 4 ມື້ຢ່າງເປັນທາງການ ຂອງປະທານປະເທດລາວ ເມື່ອຕົ້ນເດືອນນີ້ ຊຶ່ງການແລກປ່ຽນ ການຢ້ຽມ ຢາມກັນ ໃນຄັ້ງນີ້ ແມ່ນເປັນຂີດໝາຍຄົບຮອບ 55 ປີ ຂອງສັມພັນທະພາບລະຫວ່າງປະ ເທດລາວ ກັບຍີ່ປຸ່ນ. ເຈົ້າຟ້າຊາຍ AKISHINO ຊົງມີກຳນົດເດີນທາງກັບຄືນປະເທດຍີ່ປຸ່ນ ໃນມື້ວັນເສົາ ຈະມານີ້.
<!-- IMAGE -->ສະຫະຣັດ: ປະທານາທິບໍດີ ສະຫະຣັດ ທ່ານ BARACK OBAMA ໄດ້ລົງນາມ ໃນຮ່າງກົດ ໝາຍປະຕິຮູບ ຣະບົບຮັກສາສຸຂພາບ ໃຫ້ເປັນ ກົດໝາຍຂອງສະຫະຣັດ ໃນວັນອັງຄານວານນີ້ ທີ່ບັງຄັບໃຫ້ ມີການສນອງ ປະກັນພັຍສຸຂພາບ ໃຫ້ແກ່ຊາວອະເມຣິກັນເກືອບທຸກໆຄົນເປັນເທື່ອ ທຳອິດ. ໃນລະຫວ່າງ ພິທີລົງນາມທີ່ທຳນຽບຂາວ ນັ້ນ ທ່ານ OBAMA ເວົ້າວ່າ ກົດໝາຍສະບັບນີ້ ຈະຖືກຍຶດໝັ້ນ ເປັນຫລັກແກນກາງວ່າ ທຸກໆຄົນ ຄວນຈະມີ ຄວາມໝັ້ນຄົງ ຂັ້ນພື້ນຖານ ໃນດ້ານການຮັກສາສຸຂພາບ ຂອງພວກເຂົາເຈົ້າ. ຮອງປະທານາທິບໍດີ ສະຫະຣັດ ທ່ານ JOE BIDEN ເອີ້ນໂອກາດນີ້ວ່າ ເປັນວັນປະວັດ ສາດ. ຮ່າງກົດໝາຍມູນຄ່າ 940 ພັນລ້ານໂດລາ ສະບັບນີ້ ຈະຂຍາຍ ການປະກັນພັຍ ສຸຂພາບ ໃຫ້ແກ່ ຊາວອະເມຣິກັນ 32 ລ້ານຄົນ ຊຶ່ງໃນປັດຈຸບັນ ຍັງບໍ່ທັນມີ ປະກັນພັຍ ດັ່ງກ່າວນີ້ເທື່ອ. ການຊຸກຍູ້ໃຫ້ມີການປະຕິຮູບດັ່ງກ່າວ ໄດ້ພາໃຫ້ເກີດ ການອະພິປາຍກັນ ຢ່າງເຜັດຮ້ອນໃນທົ່ວສະຫະຣັດ ແລະໄດ້ຮັບການຄັດຄ້ານ ຈາກພັກຣີພັບບຣິກັນທີ່ເວົ້າວ່າ ແຜນການນີ້ແພງໂພດ ແລະເປັນການແຊກແຊງ ໂດຍບໍ່ຈຳເປັນ ຂອງຣັຖບານ ເຂົ້າໄປໃນ ການຕັດສິນໃຈ ໃນດ້ານການແພດ ຂອງສ່ວນບຸກຄົນ.
<!-- IMAGE -->ວັນຕໍ່ຕ້ານວັນນະໂຣກ: ອົງການອະນາມັຍ ໂລກ ກ່າວວ່າ ເຖິງແມ່ນໄດ້ມີການ ດຳເນີນ ຄວາມພະຍາຍາມຕໍ່ຕ້ານວັນນະໂຣກ ຫຼື TB ກໍຈິງ ແຕ່ນຶ່ງສ່ວນສາມ ຂອງປະຊາກອນໂລກ ກໍຍັງຕິດເຊື້ອວັນນະໂຣກຢູ່ ໃນປັດຈຸບັນ ແລະ 10% ຂອງຈຳນວນດັ່ງກ່າວ ຈະລົ້ມປ່ວຍຫລື ແຜ່ເຊື້ອ ໃຫ້ລະບາດອອກໄປຕື່ມ. ວັນພຸດມື້ນີ້ ເປັນວັນຕໍ່ຕ້ານວັນນະໂຣກຂອງໂລກແລະອົງ ການອະນາມັຍໂລກ ຂອງ ສະຫະປະຊາຊາດ ກ່າວວ່າ ໂຣກດັ່ງກ່າວ ໄດ້ແຜ່ຣະບາດໄວຂຶ້ນ ຢູ່ໃນເຂດເອເຊັຽ ຕາເວັນອອກສຽງໃຕ້. ອົງການ ອະນາມັຍໂລກ ເວົ້າວ່າ ເຖິງແມ່ນໄດ້ມີຄວາມກ້າວໜ້າ ໃນການຕໍ່ຕ້ານວັນນະໂຣກ ຢູ່ໃນ 11 ປະເທດ ທີ່ປະກອບເປັນ ຂົງເຂດເອເຊັຽ ຕາເວັນອອກສຽງໃຕ້ກໍຈິງ ແຕ່ໂຣກດັ່ງກ່າວ ກໍຍັງເປັນເຫດ ເຮັດໃຫ້ມີຜູ້ເສັຽຊີວິດ 5 ແສນຄົນ ໃນແຕ່ລະປີ ຢູ່ທີ່ນັ້ນ. ອົງການອະນາມັຍ ໂລກ ໄດ້ຊີ້ໃຫ້ເຫັນ ເຖິງເຊື້ອວັນນະໂຣກ ທີ່ດື້ຢາວ່າ ເປັນສິ່ງທີ່ສ້າງ ຄວາມວິຕົກກັງວົນ ໃຫ້ແກ່ຂົງເຂດ ແລະເວົ້າວ່າ ນຶ່ງໃນນັ້ນ ກໍແມ່ນເຊື້ອວັນນະໂຣກທີ່ດື້ຢາຢ່າງແຮງ ຊຶ່ງໄດ້ມີ ການພົບເຫັນ ໃນບັງກລາແດັສ ອິນເດັຽ ອິນໂດເນເຊັຽ ແລະປະເທດໄທ.
ເຊີນຟັງຂ່າວລາຍລະອຽດ ໂດຍຄລິກບ່ອນສຽງ.
