ສະຫະຣັດແລະເອເຊັຍ: ທ່ານ Kurt Campbell ຣັຖມຸນຕີຊ່ອຍວ່າການກະຊວງການຕ່າງປະ ເທດສະຫະຣັດ ກຳລັງມ້ວນທ້າຍການຢ້ຽມຢາມນະຄອນຫລວງຈາກາ ຕາຂອງອິນໂດເນເຊັຍ ຊຶ່ງເປັນບ່ອນຢຸດແຫວ່ແຫ່ງສຸດທ້າຍ ໃນການຢ້ຽມຢາມຂົງເຂດເອເຊັຍເປັນເວລາ 10 ມື້. ກະຊວງການຕ່າງປະເທດສະຫະຣັດບອກ ວີໂອເອ ວ່າ ທ່ານ Camp-bell ເດີນທາງໄປຮອດຈາກາກຕາ ໃນວັນອາທິດວານນີ້ ຫລັງຈາກທຳການຢ້ຽມຢາມປະເທດບຣູໄນ ເປັນເວລາ 2 ມື້. ທ່ານ Campbell ຈະເດີນທາງໄປຍັງໄທໃນວັນທີ 15 ມື້ນີ້ ກ່ອນຈະມ້ວນທ້າຍການເຄື່ອນໄຫວຢ້າມຢາມຂົງເຂດເອເຊັຍໃນຄັ້ງນີ້ ທ່ີກຸງໂຕກຽວ ປະເທດຍີ່ປຸ່ນ.
ປະເທດໄທໄດ້ຕົກຢູ່ໃນຄວາມວຸ້ນວາຍມາໄລຍະນຶ່ງແລ້ວ ຍ້ອນຄວາມປັ່ນປ່ວນທາງດ້ານການເມືອງມາຕັ້ງແຕ່ປີ 2006 ຫລັງຈາກອະດີດນາຍົກຣັຖມຸນຕີ ທັກສິນ ຊິນນະວັດຖືກໂຄ່ນລົ້ມອອກຈາກຕຳແໜ່ງເປັນຕົ້ນມາ.
ທ່ານ Campbell ເດີນທາງໄປອິນໂດເນເຊັຍ ຫລັງຈາກທຳການຢ້ຽມ ຢາມ ສປປ ລາວ ບ່ອນທ່ີທ່ານໄດ້ພົບປະກັບທ່ານທອງລຸນ ສີສຸລິດ ຮອງນາຍົກຣັຖມຸນຕີແລະຣັຖມຸນຕີການຕ່າງປະເທດຂອງລາວ ເພື່ອໂອ້ລົມສົນທະນາກັນ ເຣື່ອງການຮ່ວມໄມ້ຮ່ວມມືກັນລະຫວ່າງສະຫະຣັດແລະ ປະເທດຄອມມີວນິດລາວນັ້ນ ຊຶ່ງສື່ມວນຊົນລາວກ່າວວ່າ ເປັນ ການຢ້ຽມຢາມໃນລະດັບສູງຄັ້ງທຳອິດ ແລະຈະຊ່ອຍເສີມສ້າງສາຍພົວ ພັນສອງຝ່າຍ ໃຫ້ເຂັ້ມແຂງຂຶ້ນ.
ບິນລາເດັນ ແລະອິຣ່ານ: ມີລາຍງານຂ່າວວ່າ ລູກຊາຍຂອງນາຍໂອຊາມາ ບິນ ລາເດັນຜູ່ນຳເຄືອຂ່າຍ al-Qaida ກ່າວຫາທາງການອິຣ່ານວ່າ ທຳການຄຸມຂັງແລະທຸບຕີພວກສະມາຊິກຄອບຄົວຂອງນາຍບິນລາເດັນ. ລາຍງານເວົ້າວ່າ ນາຍ Khalid bin Laden ໄດ້ທຳການກ່າວຫາດັ່ງ ກ່າວ ໃນວັນຈັນມື້ນີ້ ຢູ່ໃນຈົດໝາຍສະບັບນຶ່ງທ່ີເຜີຍແຜ່ອອກທາງ Internet ໂດຍກຸ່ມ Global Islamic Media Front ຊຶ່ງມີສາຍພົວພັນກັບເຄືອຂ່າຍ al-Qaida.
ຈົດໝາຍທ່ີກ່າວກັນວ່າ ເປັນຂອງນາຍ Khalid ລູກຊາຍຂອງຫົວໜ້າກຸ່ມ al-Qaida ນັ້ນ ເວົ້າວ່າພວກສະມາຊິກຄອບຄົວຂອງນາຍບິນລາເດິນ ທ່ີມີຮວມທັງພວກແມ່ຍິງແລະເດັກນ້ອຍ ໄດ້ພາກັນຫລົບໜີຈາກອັຟການີສຖານ ຫລັງຈາກພວກທະຫານພັນທະມິດພາຍໃຕ້ການນຳພາຂອງສະຫະຣັດ ເຂົ້າຮຸກຮານອັຟການີສຖານໃນປີ 2001 ແລະໄດ້ລັກ ລອບເຂົ້າປະເທດອິຣ່ານ ໂດຍບໍ່ໄດ້ຜ່ານທາງການ.
ຈົດໝາຍເວົ້າວ່າ ພວກບຸກຄົນກຸ່ມນີ້ໄດ້ຖືກພວກພະນັກງານສືບລັບຂອງ ອິຣ່ານ ຈັບກຸມແລະກັກຂັງໄວ້ ແລະເຂົາເຈົ້າໄດ້ຮ້ອງຂໍຊ້ຳແລ້ວຊ້ຳອີກໃຫ້ປ່ອຍໃຫ້ພວກເຂົາອອກຈາກອິຣ່ານໄປ ແຕ່ກໍໄດ້ຖືກທຸບຕີ ໃຫ້ມິດງຽບໄປໃນແຕ່ລະຄັ້ງ. ນາຍ Khalid bin Laden ຮຽກຮ້ອງໃຫ້ Ayatollah Ali Khame-nei ຜູ້ນຳສູງສຸດຂອງອິຣ່ານເຂົ້າແຊກແຊງ ເພື່ອຊ່ວຍໃຫ້ມີການປ່ອຍ ໂຕບຸກຄົນເຫລົ່ານີ້. ແຕ່ຍັງບໍ່ທັນມີຄຳຕອບໃດໆຈາກຣັຖບານກຸງເຕຮະ ຣ່ານເທ່ືອໃນເວລານີ້.
ສະຫະຣັດແລະອີສຣາແອນ: ເຈົ້າໜ້າທ່ີຂັ້ນອາວຸໂສທ່ານນຶ່ງຂອງສະຫະຣັດ ກ່າວວ່າ ແຜນການຂອງ ອີສຣາແອນທ່ີຈະສ້າງບ້ານເຮືອນຂຶ້ນຕື່ມ ໃສ່ເຂດກ້ຳຕາເວັນອອກຂອງ ນະຄອນ Jerusalem ທ່ີເປັນບັນຫາໂຕ້ແຍ່ງກັນນັ້ນ ປາກົດວ່າໄດ້ມີການຄຳນວນກັນໄວ້ກ່ອນ ເພື່ອສ້າງຄວາມເສັຍຫາຍໃຫ້ແກ່ຄວາມພະ ຍາຍາມ ໃນການຮື້ຟື້ນການເຈຣະຈາສັນຕິພາບລະຫວ່າງອີສຣາແອນ ແລະປາເລສໄຕນ໌ ຄືນມາໃໝ່ນັ້ນ. ທ່ານ David Axelrod ທ່ີປຶກສາປະຈຳປະທານາທິບໍດີປະນາມແຜນ
ການກໍ່ສ້າງບ້ານເຮືອນໃໝ່ຄັ້ງຫລ້າສຸດຂອງອີສຣາແອນ ໃນວັນອາທິດວານນີ້ວ່າ ເປັນການຢຽດຢາມແລະທຳລາຍ.
ກະຊວງພາຍໃນຂອງອີສຣາແອນໄດ້ປະກາດຂ່າວການອະນຸມັດໂຄງ ການກໍ່ສ້າງດັ່ງກ່າວ ໃນສັບປະດາແລ້ວນີ້ ໃນເວລາທ່ີຮອງປະທານາທິ ບໍດີສະຫະ ທ່ານ Joe Biden ກຳລັງທຳການຢ້ຽມຢາມຢູ່ໃນຂົງເຂດ ເພື່ອເກັ້ຍກ່ອມໃຫ້ອີສຣາແອນແລະປາເລສໄຕນ໌ ເລີ້ມຕົ້ນທຳການເຈຣະ ຈາສັນຕິພາບກັນໂດຍທາງອ້ອມ ພາຍໃຕ້ການໄກ່ເກັ່ຍຂອງສະຫະຣັດ. ທ່ານ Biden ໄດ້ປະນາມແຜນການຂອງອີສຣາແອນເຊັ່ນກັນ.
ພວກປາເລສໄຕນ໌ ຢາກໄດ້ເຂດກ້ຳຕາເວັນອອກຂອງ Jerusalem ເປັນນະຄອນຫລວງຂອງປະເທດຂອງຕົນໃນອະນາຄົດ ແລະຢືນຢັດ ໃຫ້ອີສຣາແອນລົບລ້າງແຜນການ ທີ່ຈະກໍ່ສ້າງເຮືອນຫ້ອງແຖວໃໝ່ ຕື່ມອີກ 1600 ຫ້ອງ ສຳລັບໃຫ້ຊາວຢີວອາໃສຢູ່ໃນເຂດນັ້ນ.
ສື່ມວນຊົນອີສຣາແອນກ່າວວ່າ ທາງຣັຖບານກຸງວໍຊິງຕັນກໍຮຽກຮ້ອງ
ໃຫ້ອີສຣາແອນ ລົບລ້າງແຜນການດັ່ງກ່າວເຊັ່ນກັນ.
ອີສແອນອ້າງວ່າ ນະຄອນ Jerusalem ທັງໝົດເປັນນະຄອນຫລວງ
ຂອງຕົນທ່ີແບ່ງແຍກບໍ່ໄດ້ ແລະຜ່ານມາ ກໍໄດ້ປະຕິເສດຕໍ່ຄຳຮຽກຮ້ອງຂອງນາໆຊາດ ເພື່ອໃຫ້ຕົນຢຸດເຊົາກໍ່ສ້າງບ້ານເຮືອນໃນເຂດຕາເວັນອອກຂອງ Jerusalem ນັ້ນ.
ຄວາມວຸ້ນວາຍທີ່ເມັກຊິໂກ: ຣັຖບານສະຫະຣັດອາເມຣິກາ ກ່າວວ່າ ຕົນມີຄວາມໂກດແຄ້ນຢ່າງທີ່ສຸດ ນຳການເຂັ່ນຂ້າປະຊາຊົນ 3 ຄົນທ່ີພົວພັນກັບສະຖານກົງສູນຂອງສະຫະຣັດຢູ່ໃນເມືອງຊາຍແດນ Ciudad Juarez ຂອງເມັກຊິໂກ ທ່ີປະສົບກັບບັນຫາຢາເສບຕິດນັ້ນ.
ບັນດາເຈົ້າໜ້າທ່ີກ່າວວ່າພະນັກງານ ປະຈຳສະຖານກົງສູນສະຫະຣັດ ຄົນນຶ່ງ ພ້ອມທັງສາມີຂອງນາງ ຊຶ່ງຖືສັນຊາດອາເມຣິກາທັງສອງຄົນ ໄດ້ຖືກຄົນຮ້າຍທ່ີຂັບລົດກາຍມາ ຍິງຕາຍໃນວັນເສົາມື້ກ່ອນນີ້. ລູກ ນ້ອຍຄົນນຶ່ງຂອງຜົວເມັຍຄູ່ນີ້ ກໍຢູ່ໃນລົດນຳເຂົາເຈົ້າເວລາເກີດເຫດນັ້ນ ແຕ່ບໍ່ໄດ້ຮັບບາດເຈັບ.
ໃນການຍິງກັນຢູ່ບ່ອນນຶ່ງຕ່າງຫາກ ພວກມືປືນໄດ້ຍິງຜົວຂອງແມ່ຍິງ ເມັກຊິກັນຄົນນຶ່ງ ທ່ີເປັນພນັກງານປະຈຳກົງສູນຂອງສະຫະຣັດ ຕາຍເຊັ່ນກັນ ແລະເດັກນ້ອຍ 2 ຄົນໄດ້ຮັບບາດເຈັບ.
ບັນດາເຈົ້າໜ້າທ່ີກ່າວວ່າ ເຂົາເຈົ້າເຊື່ອວ່າ ພວກກຸ່ມຄ້າຢາເສບຕິດ ຢູ່ເບື້ອງຫລັງຂອງການສັງຫານເຫລົ່ານີ້.
ທຳນຽບຂາວ ກ່າວວ່າ ປະທານາທິບໍດີບາຣັກໂອບາມາແຫ່ງສະຫະຣັດ
ມີຄວາມໂກດແຄ້ນຢ່າງທີ່ສຸດ ນຳການສັງຫານໂຫດເຫລົ່ານີ້ ແລະໃຫ້ຄຳໝັ້ນສັນຍາທ່ີຈະໃຫ້ການຮ່ວມມື ກັບພວກເຈົ້າໜ້າປະຕິບັດກົດໝາຍ ຂອງເມັກຊິໂກ ໃນການຕາມລ່າພວກມືປືນນັ້ນ.
#4 CN-014 ສະຫະຣັດແລະອີສຣາແອນ
ເຈົ້າໜ້າທ່ີຂັ້ນອາວຸໂສທ່ານນຶ່ງຂອງສະຫະຣັດ ກ່າວວ່າ ແຜນການຂອງ ອີສຣາແອນທ່ີຈະສ້າງບ້ານເຮືອນຂຶ້ນຕື່ມ ໃສ່ເຂດກ້ຳຕາເວັນອອກຂອງ ນະຄອນ Jerusalem ທ່ີເປັນບັນຫາໂຕ້ແຍ່ງກັນນັ້ນ ປາກົດວ່າໄດ້ມີການຄຳນວນກັນໄວ້ກ່ອນ ເພື່ອສ້າງຄວາມເສັຍຫາຍໃຫ້ແກ່ຄວາມພະ ຍາຍາມ ໃນການຮື້ຟື້ນການເຈຣະຈາສັນຕິພາບລະຫວ່າງອີສຣາແອນ ແລະປາເລສໄຕນ໌ ຄືນມາໃໝ່ນັ້ນ.
ທ່ານ David Axelrod ທ່ີປຶກສາປະຈຳປະທານາທິບໍດີປະນາມແຜນ
ການກໍ່ສ້າງບ້ານເຮືອນໃໝ່ຄັ້ງຫລ້າສຸດຂອງອີສຣາແອນ ໃນວັນອາທິດ
ວານນີ້ວ່າ ເປັນການຢຽດຢາມແລະທຳລາຍ.
ກະຊວງພາຍໃນຂອງອີສຣາແອນໄດ້ປະກາດຂ່າວການອະນຸມັດໂຄງ ການກໍ່ສ້າງດັ່ງກ່າວ ໃນສັບປະດາແລ້ວນີ້ ໃນເວລາທ່ີຮອງປະທານາທິ ບໍດີສະຫະ ທ່ານ JoeBiden ກຳລັງທຳການຢ້ຽມຢາມຢູ່ໃນຂົງເຂດ ເພື່ອເກັ້ຍກ່ອມໃຫ້ອີສຣາແອນແລະປາເລສໄຕນ໌ ເລີ້ມຕົ້ນທຳການເຈຣະ ຈາສັນຕິພາບກັນໂດຍທາງອ້ອມ ພາຍໃຕ້ການໄກ່ເກັ່ຍຂອງສະຫະຣັດ. ທ່ານ Biden ໄດ້ປະນາມແຜນການຂອງອີສຣາແອນເຊັ່ນກັນ.
ພວກປາເລສໄຕນ໌ ຢາກໄດ້ເຂດກ້ຳຕາເວັນອອກຂອງ Jerusalem ເປັນນະຄອນຫລວງຂອງປະເທດຂອງຕົນໃນອະນາຄົດ ແລະຢືນຢັດ ໃຫ້ອີສຣາແອນລົບລ້າງແຜນການ ທີ່ຈະກໍ່ສ້າງເຮືອນຫ້ອງແຖວໃໝ່ ຕື່ມອີກ 1600 ຫ້ອງ ສຳລັບໃຫ້ຊາວຢີວອາໃສຢູ່ໃນເຂດນັ້ນ.
ສື່ມວນຊົນອີສຣາແອນກ່າວວ່າ ທາງຣັຖບານກຸງວໍຊິງຕັນກໍຮຽກຮ້ອງ
ໃຫ້ອີສຣາແອນ ລົບລ້າງແຜນການດັ່ງກ່າວເຊັ່ນກັນ.
ອີສແອນອ້າງວ່າ ນະຄອນ Jerusalem ທັງໝົດເປັນນະຄອນຫລວງ
ຂອງຕົນທ່ີແບ່ງແຍກບໍ່ໄດ້ ແລະຜ່ານມາ ກໍໄດ້ປະຕິເສດຕໍ່ຄຳຮຽກຮ້ອງຂອງນາໆຊາດ ເພື່ອໃຫ້ຕົນຢຸດເຊົາກໍ່ສ້າງບ້ານເຮືອນໃນເຂດຕາເວັນອອກຂອງ Jerusalem ນັ້ນ.
#5 CN-004ຄວາມວຸ້ນວາຍທ່ີເມັກຊິໂກ
ຣັຖບານສະຫະຣັດອາເມຣິກາ ກ່າວວ່າ ຕົນມີຄວາມໂກດແຄ້ນຢ່າງທີ່ສຸດ ນຳການເຂັ່ນຂ້າປະຊາຊົນ 3 ຄົນທ່ີພົວພັນກັບສະຖານກົງສູນຂອງສະຫະຣັດຢູ່ໃນເມືອງຊາຍແດນ Ciudad Juarez ຂອງເມັກຊິໂກ ທ່ີປະສົບກັບບັນຫາຢາເສບຕິດນັ້ນ.
ບັນດາເຈົ້າໜ້າທ່ີກ່າວວ່າພະນັກງານ ປະຈຳສະຖານກົງສູນສະຫະຣັດ ຄົນນຶ່ງ ພ້ອມທັງສາມີຂອງນາງ ຊຶ່ງຖືສັນຊາດອາເມຣິກາທັງສອງຄົນ ໄດ້ຖືກຄົນຮ້າຍທ່ີຂັບລົດກາຍມາ ຍິງຕາຍໃນວັນເສົາມື້ກ່ອນນີ້. ລູກ ນ້ອຍຄົນນຶ່ງຂອງຜົວເມັຍຄູ່ນີ້ ກໍຢູ່ໃນລົດນຳເຂົາເຈົ້າເວລາເກີດເຫດນັ້ນ ແຕ່ບໍ່ໄດ້ຮັບບາດເຈັບ.
ໃນການຍິງກັນຢູ່ບ່ອນນຶ່ງຕ່າງຫາກ ພວກມືປືນໄດ້ຍິງຜົວຂອງແມ່ຍິງ ເມັກຊິກັນຄົນນຶ່ງ ທ່ີເປັນພນັກງານປະຈຳກົງສູນຂອງສະຫະຣັດ ຕາຍເຊັ່ນກັນ ແລະເດັກນ້ອຍ 2 ຄົນໄດ້ຮັບບາດເຈັບ.
ບັນດາເຈົ້າໜ້າທ່ີກ່າວວ່າ ເຂົາເຈົ້າເຊື່ອວ່າ ພວກກຸ່ມຄ້າຢາເສບຕິດ ຢູ່ເບື້ອງຫລັງຂອງການສັງຫານເຫລົ່ານີ້.
ທຳນຽບຂາວ ກ່າວວ່າ ປະທານາທິບໍດີບາຣັກໂອບາມາແຫ່ງສະຫະຣັດ
ມີຄວາມໂກດແຄ້ນຢ່າງທີ່ສຸດ ນຳການສັງຫານໂຫດເຫລົ່ານີ້ ແລະໃຫ້ຄຳໝັ້ນສັນຍາທ່ີຈະໃຫ້ການຮ່ວມມື ກັບພວກເຈົ້າໜ້າປະຕິບັດກົດໝາຍ ຂອງເມັກຊິໂກ ໃນການຕາມລ່າພວກມືປືນນັ້ນ.
