ຂ່າວການປະທ້ວງທີ່ໄທ: ພວກປະທ້ວງຕໍ່ຕ້ານຣັຖບານຫລາຍໝື່ນຄົນໄດ້ໄປເຕົ້າໂຮມກັນຢູ່ທີ່ບາງກອກ ນະຄອນຫລວງຂອງໄທ ເພື່ອທຳການເດີນຂະບວນປະທ້ວງທ່ີມີວັດຖຸປະສົງເພື່ອໂຄ່ນລົ້ມ ຣັຖບານຂອງນາຍົກຣັຖມຸນຕີອະພິສິດ ເວດຊາຊີວະ. ພວກປະທ້ວງໄດ້ເລີ້ມການໂຮມຊຸມນຸມກັນໃນວັນອາທິດມື້ນີ້ ແລະກ່າວວ່າ ເຂົາເຈົ້າຈະດຳເນີນການປະທ້ວງຢ່າງສັນຕິສືບຕໍ່ໄປໃນບາງກອກ ເປັນເວລາອີກຫລາຍມື້. ພວກປະທ້ວງທ່ີພາກັນໃສ່ເສື້ອສີແດງ ໄດ້ພາກັນເດີນທາງໄປຮອດ ບາງກອກໄດ້ຫລາຍມື້ແລ້ວ ແລະພາກັນໂບກທຸງ ຮ້ອງລຳທຳເພງແລະ ຮ້ອງໂຮຄຳຂວັນຕ່າງໆ. ຫລາຍຄົນເປັນພວກສະໜັບສະໜຸນອະດີດນາ ຍົກຣັຖມຸນຕີທັກສິນ ຊິນນະວັດ ທ່ີໄດ້ຖືກໂຄ່ນລົ້ມອອກຈາກຕຳແໜ່ງໂດຍການກໍ່ຣັຖປະຫານຂອງພວກທະຫານ ໃນປີ2006 ນັ້ນ. ປັດຈຸບັນນີ້ ທ່ານທັກສິນອາໄສຢູ່ໃນປະເທດ Dubai ແຕ່ຍັງໄດ້ຮັບ ຄວາມນິຍົມສູງ ໃນບັນດາພວກຜູ້ຄົນທຸກຍາກແລະພວກຊາວຊົນນະບົດໃນປະເທດໄທຢູ່. ພວກສະໜັບສະໜຸນທ່ານໄດ້ທຳການຮຽກຮ້ອງມາຕະຫລອດ ໃຫ້ຈັດຕັ້ງການເລືອກຕັ້ງທົ່ວໄປຂຶ້ນໃໝ່ ຊຶ່ງເຂົາເຈົ້າຫວັງວ່າ ຈະນຳທ່ານທັກສິນກັບຄືນມາກຳອຳນາດອີກ. ເຂົາເຈົ້າໄດ້ກຳນົດເວລາເສ້ນຕາຍໃສ່ວັນຈັນມື້ອື່ນນີ້ ສຳລັບໃຫ້ຣັຖບານປະຕິບັດຕາມຄຳຮຽກ ຮ້ອງຂອງເຂົາເຈົ້າ. ນາຍກົຣັຖມຸນຕີອະພິສິດເວດຊາຊີວະ ກ່າວໃນວັນອາທິດມື້ນີ້ວ່າ ທ່ານບໍ່ ມີເຈດຕະນາທີ່ຈະລາອອກຈາກຕຳແໜ່ງ ຫລືຍຸບສະພາ ແລະທ່ານຍັງກ່າວຕື່ມວ່າ ຣັຖບານບໍ່ມີແຜນການໃດໆທ່ີຈະປາບປາມພວກປະທ້ວງ. ຣັຖບານໄດ້ລະດົມກຳລັງຮັກສາຄວາມປອດໄພ 5 ໝື່ນຄົນ ໄປປະຕິ ບັດງານໃນບາງກອກ ເພື່ອຮັກສາຄວາມເປັນລະບຽບຮຽບຮ້ອຍຂອງ ບ້ານເມືອງ.
ການເມືອງທີ່ຈີນ: ທ່ານເຫວີນ ເຈ້ຍບາວ ນາຍົກລັດຖະມົນຕີຈີນກ່າວວ່າ ທ່ານຈະບໍ່ຍອມ ຖືກບັງຄັບ
ໃຫ້ປ່ຽນແປງຂອງອັດຕາແລກປ່ຽນເງິນຕາຂອງຈີນ. ຜູ້ນຳຈີນບອກກັບຜູ້ສື່ຂ່າວເວລາໃຫ້ສຳພາດຕໍ່ສື່ມວນຊົນ ຫລັງຈາກກອງ ປະຊຸມປະຈຳປີຂອງສະພາແຫ່ງຊາດຈີນອັດລົງ ວ່າປະເທດຈີນຈະບໍ່ ຍອມກົ້ມຫົວໃຫ້ແກ່ຄວາມກົດດັນຈາກພາຍນອກ ກ່ຽວກັບການປະຕິຮູບ ອັດຕາແລກປ່ຽນເງິນຫຢວນຂອງຈີນ. ເມື່ອອາທິດ ຜ່ານມານີ້ ທ່ານບາຣັກໂອບມາ ປະທານາທິບໍດີສະຫະລັດ ໄດ້ຮຽກຮ້ອງໃຫ້ຈີນຮັບຮອງເອົາອັດຕາແລກປ່ຽນ ຂອງເງິນຫຢວນ ທີ່ຖືກຕ້ອງຕາມ “ສະພາບການຂອງຕະຫລາດ” ເພື່ອຊ່ວຍການສ້າງ ຄວາມສົມດຸນຄືນໃໝ່ ໃຫ້ແກ່ເສດຖະກິດໂລກ. ລັດຖະບານໂອບາມາ ໄດ້ກ່າວຫາລັດຖະບານປັກກິ່ງ ວ່າຄວບຄຸມຄ່າ ເງິນຫຢວນຂອງຕົນໄວ້ ໃຫ້ຕ່ຳກ່ວາອັດຕາໃນທ້ອງຕະຫລາດ ເພື່ອເຮັດ ໃຫ້ຜະລິດຕະພັນຂອງຈີນ ມີລາຄາຖືກກວ່າຂອງປະເທດອື່ນໆ ໃນ ຕລາດໂລກ.ໃນໂອກາດດຽວກັນນີ້ ທ່ານເຫວີ້ນເຈັຍບາວ ນາຍົກຣັຖມຸນຕີຈີນ ກ່າວວ່າສະຫະຣັດເປັນຜູ້ຮັບຜິດຊອບໃນການເຮັດໃຫ້ສາຍພົວພັນລະ ຫວ່າງກຸງປັກກິງ ແລະກຸງວໍຊິງຕັນ ເຄັ່ງຕຶງຂຶ້ນນັ້ນ. ທ່ານເຫວິີ້ນກ່າວໃນວັນອາທິດມື້ນີ້ວ່າສະຫະຣັດໄດ້ລະເມີດອະທິປະໄຕຂອງ ກຸງປັກກິງ ໃນການຂາຍອາວຸດ ມູນຄ່າຫລາຍພັນລ້ານດອນລາໃຫ້ໄຕ້ຫວັນ ແລະອະນຸຍາດໃຫ້ອົງດາໄລລາມະຢ້ຽມຢາມ ທຳນຽບຂາວໃນເດືອນກຸມພາຜ່ານມານີ້. ໃນການກ່າວຖ້ອຍຖະແຫລງຕໍ່ພວກນັກຂ່າວ ຫລັງຈາກ ເສັດສຶິ້ນກອງປະຊຸມປະຈຳປີ ຂອງສະພານິຕິບັນຍັດຂອງຈີນ ທ່ານເຫວີ້ນເຈັຍບາວ ກ່າວວ່າ ການເຄື່ອນໄຫວ ຂອງສະຫະຣັດໃນສອງຢ່າງນີ້ ໄດ້ສ້າງຄວາມວຸ້ນວາຍຂຶ້ນຢ່າງຮ້າຍແຮງໃນສາຍພົວພັນລະຫວ່າງຈີນແລະສະ ຫະຣັດ.
ທີ່ອັຟການີສຖານ: ກຸ່ມຕາລີບັນໄດ້ອ້າງເອົາຄວາມຮັບຜິດຊອບ ໃນການວາງລະເບີດສະລະ ຊີບຫລາຍບັ້ນຕິດຕໍ່ກັນ ທ່ີໄດ້ສັ່ນສະເທືອນເມືອງກັນດາຮາໃນພາກໃຕ້ຂອງປະເທດໃນວັນເສົາວານນີ້ ໂດຍໄດ້ສັງຫານປະຊາຊົນຢ່າງນ້ອຍ 33 ຄົນ ຮວມທັງ 10 ຄົນທ່ີກຳລັງຮ່ວມພິທີແຕ່ງານ. ບັນດາເຈົ້າໜ້າທ່ີກ່າວວ່າ ມີປະມານ 50 ຄົນ ໄດ້ຮັບບາດເຈັບ.
ທ່ານ Ahmad Wali Karzai ຊຶ່ງເປັນນ້ອງຊາຍຄົນລະແມ່ກັບປະທາ ນາທິບໍດີ Hamid Karzai ກ່າວວ່າ ລະເບີດແຮງທ່ີສຸດແມ່ນເກີດຂຶ້ນຢູ່ ຕໍ່ໜ້າຄຸກໃຫຍ່ຂອງເມືອງກັນດາຮາ. ທ່ານ Karzai ທ່ີເປັນຫົວໜ້າສະ ພາປົກຄອງປະຈຳແຂວງກັນດາຮາ ກ່າວວ່າ ບັນດາເຈົ້າໜ້າທ່ີເຊື່ອວ່າ ເປົ້າໝາຍສຳຄັນຂອງການວາງລະເບີດໂຈມຕີໃນຄືນວັນເສົາຜ່ານມານີ້ ແມ່ນເພື່ອປົດປ່ອຍພວກນັກໂທກອອກຈາກຄຸກ. ພວກລາຍງານສື່ມວນຊົນກ່າວວ່າ Web site ຂອງກຸ່ມຕາລີບັນເອີ້ນ ການວາງລະເບີດໃນຄືນວັນເສົານີ້ວ່າ ເປັນການສົ່ງສານໄປຫາພວກຜູ້ບັນຊາການກຸ່ມ NATO. ນາຍພົນ Stanley McChrystal ຫົວໜ້າ ບັນຊາການກອງທັບສະຫະຣັດໃນອັຟການີສຖານ ກ່າວວ່າ ເປົ້າໝາຍອັນຕໍ່ໄປຂອງທ່ານ ແມ່ນຍຶດເອົາເມືອງກັນດາຮາ ຄືນ ຊຶ່ງເມືອງນີ້ເປັນທ່ີໝັ້ນຕັ້ງແຕ່ໃດໆມາຂອງກຸ່ມຕາລີບັນ.
ສະຫະຣັດແລະຣັດເຊັຍ: ສະຫະຣັດແລະຣັດເຊັຍກຳລັງທຳຄວາມຄືບໜ້າ ກ່ຽວກັບການເຮັດສົນທິສັນຍາວ່າດ້ວຍການລົດກຳລັງອາວຸດນີວເຄລັຍ ສະບັບໃໝ່. ປະທານາທິບໍດີບາຣັກໂອບາມາແຫ່ງສະຫະຣັດແລະປະທານາທິບໍດີ Dmitri Medvedev ແຫ່ງຣັດເຊັຍໄດ້ໂອ້ລົມກັນທາງໂທຣະສັບໃນວັນເສົາວານນີ້ ກ່ຽວກັບຂໍ້ຕົກລົງເພື່ອລົດຜ່ອນຄັງອາວຸດນີວເຄລັຍຂອງແຕ່ ລະປະເທດລົງ ທີ່ໄດ້ເຣິ່ມເຈຣະຈາກັນມາໄດ້ ເກືອບ1 ປີແລ້ວ. ໂຄສົກທຳນຽບຂາວກ່າວວ່າ ຜູ້ນຳທັງສອງໄດ້ໂອ້ລົມສົນທະນາກັນດີ ແລະຕ່າງຄົນຕ່າງໃຫ້ຄຳໝັ້ນສັນຍາວ່າ ຈະໃຫ້ບັນລຸຂໍ້ຕົກລົງກັນໃນໄວໆນີ້.
ບັນດາເຈົ້າໜ້າທ່ີຣັດເຊັຍທ່ີວັງ Kremlin ກ່າວວ່າ ບັດນີ້ມີທາງເປັນໄປໄດ້ທ່ີຈະເວົ້າກັນເຣື່ອງວັນເວລາທ່ີແນ່ນອນ ໃນການລົງນາມໃນສົນທິ ສັນຍາ ສະບັບນີ້.
ຂໍ້ຕົກລົງທ່ີອາດເປັນໄປໄດ້ນີ້ ຈະໃຊ້ແທນສົນທິສັນຍາວ່າດ້ວຍການລົດກຳລັງອາວຸດຍຸດທະສາດສະບັບປີ 1991 ທີ່ໄດ້ໝົດອາຍຸລົງໃນທ້າຍເດືອນທັນວາຜ່ານມາ. ການເຈລະຈາກັນໄດ້ຕົກຢູ່ໃນສະພາບບໍ່ໄປບໍ່ມາ
ຍ້ອນຕົກລົງກັນບໍ່ໄດ້ ກ່ຽວກັບວິທີການກວດສອບເບິ່ງການຕັດກຳລັງອາວຸດ ແລະຍ້ອນແຜນການຂອງສະຫະຣັດທ່ີຈະສ້າງລະບົບຕໍ່ຕ້ານລູກສອນໄຟຂຶ້ນໃນຢູໂຣບ ຊຶ່ງທາງຣັດເຊັຍຄັດຄ້ານຕໍ່ແຜນການດັ່ງກ່າວນີ້.
ກ່ຽວກັບການແຈກຢາຍເງິນລາງວັນໂນແບນຂອງທ່ານໂອບາມາ: ປະທານາທິບໍດີບາຣັກໂອບາມາ
ໄດ້ບົ່ງຊື່ 10 ອົງການກຸສົນ ທີ່ທ່ານຈະມອບເງິນລາງວັນໂນເເບລຂອງທ່ານໃຫ້ ທີ່ທ່ານໄດ້ຮັບເມື່ອປີກາຍນີ້ ຈຳນວນນຶ່ງລ້ານສີ່ແສນໂດລາ ນັ້ນ. ໃນຖະແລງການສະບັບນຶ່ງ ທີ່ທຳນຽບຂາວນຳອອກເປີດເຜີຍໃນອາທິດນີ້ ປະທານາທິບໍດີໂອບາມາໄດ້ສະເຫນີຊື່ ສິບອົງການ ທີ່ຈະໄດ້ຮັບເງິນ ສ່ວນແບ່ງຈາກລາງວັນໂນເເບລຂອງທ່ານ ຊຶ່ງໃນນັ້ນ ຫລາຍໆອົງການ ເປັນອົງການທີ່ກ່ຽວກັບການສຶກສາ. ປະທານາທິບໍດີໂອບາມາ ກ່າວວ່າ ອົງການຕ່າງໆດັ່ງກ່າວນັ້ນ ແມ່ນອົງ ການທີ່ເຮັດວຽກຢ່າງດີເລີດ ໃຫ້ການຊ່ວຍເຫລືອສະນັບສະນູນພວກນັກ ສຶກສາ ນັກລົບເກົ່າ ແລະພວກອື່ນຢ່າງນັບບໍ່ຖ້ວນ ທັງໃນສະຫະລັດ ແລະ ຕ່າງປະເທດ.
ປະທານາທິບໍດີໂອບາມາໄດ້ມອບເງິນຈຳນວນຫລາຍທີ່ສຸດຄື 250,000 ໂດລາ ໃຫ້ແກ່ອົງການ Fisher House ຊຶ່ງເປັນອົງການບໍ່ຫວັງຜົນ ກຳໄລທີ່ຈັດຫາບ້ານຢູ່ອາໄສໃຫ້ແກ່ຄອບ
ຄົວຂອງພວກທະຫານບາດ ເຈັບທີ່ໄດ້ກຳລັງໄດ້ຮັບການຮັກສາ ປິ່ນປົວ ທີ່ໂຮງພະຍາບານທະຫານ ແລະນັກລົບເກົ່າຕ່າງໆ.
ອີກຈຳນວນ 200,000 ໂດລາ ທ່ານໄດ້ມອບໃຫ້ກອງທຶນ Clinton- Bush ກ່ຽວກັບເຮຕິ ຊຶ່ງເປັນອົງການບັນເທົາທຸກພວກປະຊາຊົນເຮຕິ ລະຍະຍາວ ຫລັງຈາກພັຍແຜ່ນດິນໄຫວຮ້າຍແຮງໄດ້ປະທະປະເທດ ດັ່ງກ່າວເມື່ອຕົ້ນປີນີ້.
