ຂ່າວການຢ້ຽມຢາມເຂດອ່າວເປີເຊັຍຂອງທ່ານນາງຄລິນຕັນ: ທ່ານນາງຮິນລາລີຄລິນຕັນ ຣັຖມຸນ ຕີການຕ່າງປະເທດສະຫະຣັດ ກ່າວວ່າ ສະຫະຣັດເຊື່ອວ່າ ອິຣານກຳລັງກາຍມາເປັນປະເທດຜະເດັດການ ທາງທະຫານ. ໃນການຖະແຫລງຢູ່ຕໍ່ໜ້າພວກນັກສຶກສາທ່ີປະເທດກາຕາ ໃນວັນຈັນມື້ນີ້ ທ່ານນາງຄລິນຕັນກ່າວວ່າ ກຳລັງທະຫານຫົວກະທິ ຂອງອິຣ່ານ ຄືກຳລັງພິທັກການປະຕິວັດນັ້ນ ຄວາມຈິງແລ້ວ ແມ່ນກຳ ລັງຈະແທນທີ່ຣັຖບານ. ຖ້ອຍຖະແຫລງຂອງທ່ານນາງຄລິນຕັນນີ້ມີຂຶ້ນໃນຂະນະທ່ີທ່ານນາງທຳການທ່ຽວຢ້ຽມຢາມຂົງເຂດອ່າວເປີເຊັຍ ເພື່ອສົ່ງເສີມຄວາມພະຍາຍາມໃນການເພີ່ມຄວາມກົດດັນຕໍ່ອິຣ່ານ ຍ້ອນໂຄງການນີວເຄລັຍຂອງອິຣ່ານນັ້ນ. ໃນບ່ອນຢຸດແວ່ຕໍ່ໄປທ່ີປະເທດຊາອຸດີອາຣາເບັຍນັ້ນ ທ່ານນາງຈະພົບປະກັບກະສັດອັບດູນລາແຫ່ງຊາອຸດີອາຣາເບັຍ ຕລອດທັງ ສະເດັດເຈົ້າ Saud al-Faisal ຣັຖມຸນຕີການຕ່າງປະເທດເພື່ອລະດົມເອົາການສະໜັບສະໜຸນຈາກຝ່າຍອາຣັບ ສຳລັບການລົງໂທດໃໝ່ຕໍ່ອິຣ່ານນັ້ນ.
ໃນວັນອາທິດວານນີ້ ທ່ີກອງປະຊຸມ World Forum ລະຫວ່າງສະຫະຣັດແລະໂລກມຸສລິມ ທ່ີນະຄອນຫລວງໂດຮາ ທ່ານນາງຄລິນຕັນ ກ່າວວ່າ ທາງກຸງວໍຊິງຕັນຢາກໃຫ້ມີການແກ້ໄຂແບບສັນຕິວິທີກ່ຽວກັບບັດຫາໂຕ້ແຍ່ງກັນເຣື່ອງນີວເຄລັຍກັບອິຣ່ານ ແຕ່ຈະບໍ່ພົວພັນກັບພວກ ອິຣ່ານໃນຂະນະທີ່ເຂົາເຈົ້າກຳລັງດຳເນີນການໃນອັນທີ່ ທ່ານນາງໃຊ້ຄຳເວົ້າວ່າ ກຳລັງສ້າງລະເບີດນິວເຄລັຍນັ້ນ.ທ່ານນາງຄລິນຕັນກ່າວວ່າ
ອິຣ່ານເຮັດໃຫ້ພວກປະຊາຄົມໂລກບໍ່ມີທາງເລືອກອື່ນໃດ ນອກຈາກວາງຄ່າເສັຍຫາຍຫລາຍຂຶ້ນ ສຳລັບອັນທ່ີເອີ້ນວ່າ ບາດກ້າວໃນທາງເກາະຜິດຂອງອິຣ່ານນັ້ນ. ສະຫະຣັດໄດ້ທຳຄວາມກົດດັນຕໍ່ສະພາຄວາມໝັ້ນ ຄົງມາໄດ້ໄລຍະນຶ່ງແລ້ວ ເພື່ອໃຫ້ທຳການລົງໂທດຄັ້ງທີ4 ຕໍ່ອິຣ່ານ ທ່ີບໍ່ຍອມຢຸດການກັ່ນທາດຢູເຣນຽມຂອງຕົນນັ້ນ.
ທ່ີອັຟການີສຖານ: ພວກກຳລັງພາຍໃຕ້ການນຳພາຂອງສະຫະຣັດໃນອັຟການີສຖານ ໄດ້ ທຳຄວາມຄືບໜ້າຕໍ່ໄປໃນວັນຈັນມື້ນີ້ ດ້ວຍການບຸກໂຈມຕີຄັ້ງໃຫຍ່ເພື່ອ ກວາດລ້າງພວກນັກຕໍ່ສູ້ຫົວຮຸນແຮງຕາລີບັນອອກຈາກທ່ີໝັ້ນ ສຳຄັນ ແຫ່ງສຸດທ້າຍຂອງພວກເຂົາ ໃນແຂວງ Helmand ໃນພາກໃຕ້ຂອງອັຟການີສຖານນັ້ນ.
ພວກທະຫານສະຫະຣັກ ອັງກິດແລະອັຟການີສຖານປະມານ15 ພັນຄົນກຳລັງພົວພັນໃນການປະຕິບັດງານທາງທະຫານທ່ີແນ່ໃສ່ເມືອງ Marjah ຊຶ່ງເປັນການປະຕິບັດງານຮ່ວມກັນຄັ້ງໃຫຍ່ສຸດນັບແຕ່ສົງຄາມ ໄດ້ເລີ້ມຂຶ້ນໃນປີ 2001 ນັ້ນ.
ຄວາມພະຍາຍາມເພື່ອໃຫ້ໄດ້ຮັບການສະໜັບສະໜຸນຈາກພວກປະຊາ ຊົນໃນຂົງເຂດ ໄດ້ຮັບຄວາມເສັຍຫາຍຢ່າງໃຫຍ່ໃນວັນອາທິດວານນີ້ ເວລາຈະຫລວດ 2 ລູກທ່ີກຳລັງຝ່າຍປະສົມຍິງໄປ ຕົກຖືກເປົ້າໝາຍ ພົນລະເຮືອນ ເຮັດໃຫ້ພວກພົນລະເຮືອນ12 ຄົນເສັຍຊີວິດໂດຍບັງເອີນ. ກຸ່ມ NATO ໄດ້ອ້າງເອົາຄວາມຮັບຜິດຊອບໃນ ເຫດການດັ່ງກ່າວ ໂດຍນາຍພົນ Stanley McChrytal ຜູ້ບັນຊາການທະຫານສູງສຸດ ຂອງສະຫະຣັດໄດ້ຂໍຂະມາໂທດໄປຍັງປະທານາທິບໍດີ Hamid Karzai ແຫ່ງອັຟການີສຖານ ທ່ີໄດ້ສັ່ງໃຫ້ທຳການສືບສວນກ່ຽວກັບ ການຕາຍຂອງພວກພົນລະເຮືອນີ້. ບັນດາເຈົ້າໜ້າທ່ີອັຟການີສຖານ ກ່າວວ່າ ຢ່າງນ້ອຍພວກ ກະບົດ27 ຄົນເສັຍຊີວິດໃນລະວຫ່າງການສູ້ຣົບກັນ ໃນຂະນະທີ່ ທະຫານສະຫະ ຣັກຄົນນຶ່ງເສັຍຊີວິດ ແລະທະຫານອັງກິດຄົນນຶ່ງກໍເສັຍຊີວິດເຊັ່ນກັນໃນວັນເສົາຜ່ານມາໃນມື້ທຳອິດຂອງການເລີ້ມບຸກໂຈມຕີນັ້ນ.
ມຽນມ້າແລະສະຫະປະຊາຊາດ: ຫົວໜ້າທູດພິເສດວ່າດ້ວຍສິດທິມະນຸດຂອງສະຫະປະຊາຊາດເດີນ ທາງໄປຮອດມຽນມ້າໃນວັນຈັນມື້ນີ້ ເພື່ອທຳການຢ້ຽມຢາມເປັນເວລາ5 ມື້ເພື່ອຊັ່ງຊາຕີລາຄາເບິ່ງຄວາມຄືບໜ້າວ່າດ້ວຍການເຄົາຣົບນັບຖືສິດທິ ມະນຸດໃນປະເທດທ່ີປົກຄອງດ້ວຍທະຫານແຫ່ງນັ້ນ.
ຄາດກັນວ່າ ທ່ານ Tomas Ojea Quintana ຈະຮຽກຮ້ອງໃຫ້ຣັຖ ບານທະຫານມຽນມ້າ ອະນຸຍາດໃຫ້ພວກພັກການເມືອງຝ່າຍຄ້ານແລະຊົນກຸ່ມນ້ອຍ ເຂົ້າປະກອບສ່ວນໃນການເລືອກຕັ້ງທົ່ວໄປທ່ີຈະມີຂຶ້ນໃນປະເທດນັ້ນ.
ທ່ານ Quintana ກ່າວວ່າ ນອກນີ້ແລ້ວ ທ່ານກໍຢາກພົບປະກັບທ່ານນາງອອງຊານຊູຈີ ທ່ີໄດ້ຮັບລາງວັນໂນແບນຂະແໜງສັນຕິພາບ ຊຶ່ງກຳ ລັງຖືກກັກບໍລິເວນ ໃຫ້ຢູ່ແຕ່ໃນບ້ານເຮືອນ.
ການຢ້ຽມຢາມຂອງທ່ານ Quintana ມີຂຶ້ນ ຫລັງຈາກມີການປ່ອຍໂຕທ່ານຕິນອູ ອອກຈາກຄຸກໃນວັນເສົາຜ່ານມານີ້ ຊຶ່ງຜູ້ກ່ຽວເປັນຮອງປະ ທານພັກສັນນິບາດແຫ່ງຊາດເພື່ອປະຊາທິປະໄຕ ຝ່າຍຄ້ານນັ້ນ. ນາຍພົນເບັ້ຍບຳນານແລະອະດີດຣັຖມຸນຕີປ້ອງກັນປະເທດ ວັຍ 83 ປີ ທ່ານນີ້ໄດ້ຖືກປ່ອຍໂຕຫລັງຈາກຖືກກັກຂັງມາເປັນເວລາ 7 ປີ. ທ່ານ ຕິນອູ ກ່າວໃນວັນອາທິດວານນີ້ວ່າ ທ່ານບໍ່ດີໃຈນຳອິດສະຣະພາບຂອງ ທ່ານ ຕາບໃດທ່ີພວກນັກໂທດການເມືອງອື່ນໆຍັງຖືກຣັຖບານທະຫານກັກໂຕໄວ້ຢູ່.
ການດຳເນີນຄະດີຜູ້ກໍ່ການຮ້າຍທີ່ອອສເຕຣເລັຍ: ສານອອສເຕຣເລັຍແຫ່ງນຶ່ງໄດ້ຕັດສິນໂທດຈຳຄຸກ ພວກຜູ້ຊາຍມຸສລິມ 5 ຄົນ ໃນວັນຈັນມື້ນີ້ ໃນຂໍ້ຫາຖານສະສົມວັດຖຸລະເບີດເຄມີ ແລະ ອາວຸດປືນ ສຳລັບໄວ້ໃຊ້ໃນການໂຈມຕີກໍ່ການຮ້າຍ. ຜູ້ຊາຍທັງຫ້າ ທ່ີ ເປັນຊາວມຸສລິມອອສເຕຣເລັຍ ທັງໝົດ ໄດ້ຖືກຕັດສິນວ່າມີຄວາມຜິດແທ້ໃນເດືອນຕຸລາປີແລ້ວນີ້ ໃນຂໍ້ຫາຖານສະສົມອາວຸດໄວ້ເພື່ອທຳການໂຈມຕີໃສ່ເປົ້າປາຍຕ່າງໆທ່ີບໍ່ບອກໃຫ້ຊາບ.
ພວກຈຳເລີຍເຫລົ່ານີ້ຖືກຕັດສິນລົງໂທດຈຳຄຸກ ຕັ້ງແຕ່ 23 ປີຫາ 28
ປີ. ສານໄດ້ສະແດງຫລັກຖານພະຍານຫລາຍກວ່າ 3000 ອັນ ແລະຮັບຟັງຄຳໃຫ້ການຈາກພວກພະຍານປະມານ 300 ຄົນໃນລະຫວ່າງການດຳເນີນຄະດີເປັນເວລາ10 ເດືອນ.ຜູ້ພິພາກສາໄດ້ ຫ້າມ ບໍ່ໃຫ້ສື່ມວນຊົນ ເປີດເຜີຍຊື່ຂອງພວກຜູ້ຊາຍທັງ 5 ຄົນ.
ທີ່ສິງກະໂປ: ສິງກະໂປໄດ້ໄຂກາຊີໂນແຫ່ງທຳອິດຂອງຕົນໃນມື້ວານນີ້ ອັນເປັນພາກ ສ່ວນ ນຶ່ງຂອງການປຸກລະດົມ ເພື່ອຫັນປ່ຽນປະເທດທີ່ປະກອບດ້ວຍເມືອງດຽວ ຄືເມືອງສິງກະໂປນັ້ນ ໃຫ້ເປັນຈຸດທ່ອງທ່ຽວແລະລົດຜ່ອນການອາໄສນຳແຕ່ລາຍໄດ້ ຈາກການຜລິດຈາກໂຮງຈັກໂຮງງານ.
ສະຖານທ່ີຫລີ້ນ ກາຊີໂນ Resorts World Sentosa ເປີດຕ້ອນ ຮັບແຂກຄົນທຳອິດຂອງຕົນໃນວັນອາທິດວານນີ້ ອັນວັນມົງຄົນເພາະເປັນມື້ດຽວກັນກັບວັນປີໃໝ່ຈີນ ຫລືກຸດຈີນນັ້ນ.ສະຖານທ່ີຫລິ້ນ ກາຊີໂນອັ່ງກ່າວ ອັນການເປັນພາກສ່ວນນຶ່ງໃນການລົງ ທຶນສ້າງສະຖານທີ່ຕາກອາກາດ ມູນຄ່າ 4 ພັນ 700 ລ້ານດອນລາສະຫະຣັດ ໂດຍກຸ່ມບໍລິສັດ Genting ຂອງມາເລເຊັຍເທິງເກາະ Sentosa ຊຶ່ງເຊື່ອມຕໍ່ກັບໂຕເມືອງສິງກະໂປ ດ້ວຍຂົວແຫ່ງນຶ່ງ. ນອກນັ້ນ ສະຖານທີ່ຕາກອາກາດແຫ່ງນີ້ຍັງມີສວນສະນຸກຂອງບໍລິສັດສ້າງຮູບເງົາ Universal Studios ຂອງສະຫະຣັດ ແລະໂຮງແຮມທ່ີຫລູ ຫລາຫລາຍແຫ່ງ. ສິງກະໂປກຳລງັພະຍາຍາມຂະຫຍາຍຄວາມດຶງດູດໃຈຂອງ ຕົນ ເພື່ອດຶງດູດເອົານັກທ່ອງທ່ຽວ ແລະກາຍເປັນປະເທດທ່ີມີການເສດຖະກິດທ່ີອີງໃສ່ພາກສ່ວນການບໍລິການ ໃນຂະນະດຽວກັນ ກໍຫັນປ່ຽນອອກຈາກ ວຽກງານການຜລິດຈາກໂຮງຈັກໂຮງງານ ທ່ີພວກປະເທດເພື່ອນບ້ານສາມາດຜລິດໄດ້ໃນລາຄາທ່ີຖືກກວ່າຕົນນັ້ນ.
ຂ່າວກ່ຽວກັບວັນປະທານາທິບໍດີໃນສະຫະຣັດ: ຊາວອາເມຣິກັນຫລາຍລ້ານຄົນໄດ້ພັກການໃນວັນຈັນມື້ນີ້ ເນື່ອງໃນວັນ ຄ້າຍວັນເກີດຂອງມື້ລາງປະທານາທິບໍດີຄົນທຳອິດຂອງສະຫະຣັດ ທ່ານ George Washington ເຖິງແມ່ນວັນພັກມື້ນີ້ໄດ້ຖືກເອີ້ນວ່າ Presidents’ Day ຫລືວັນຂອງບັນດາປະທານາທິບໍດີ ກໍຕາມ. ວັນປະທານາທິບໍດີເປັນວັນ ທ່ີຊາວອາເມຣິກັນທັງຫລາຍພາກັນຢຸດພັກການແລະ ໂຮງຮຽນປິດ ເພື່ອໃຫ້ກຽດແກ່ພວກຜູ້ນຳແຫ່ງຊາດຂອງຕົນ ເລີ້ມຕັ້ງແຕ່ມື້ລາງປະທານາທິບໍດີ George Washington ປະທານາ ທິບໍດີຄົນທຳອິດຂອງສະຫະຣັດ.
ເດືອນກຸມພາເປັນເດືອນເກີດຂອງມື້ລາງປະທານາທິບໍດີ 2 ທ່ານທ່ີໄດ້ຮັບການເຄົາຣົບນັບຖືຫລາຍທ່ີສຸດ ຄື ທ່ານ George Washington ໃນປີ 1732 ແລະທ່ານ Abraham Lincoln ໃນປີ1809.
ວັນເສົາ, ໒໗ ກໍລະກົດ ໒໐໒໔
