ຂ່າວການສູ້ຣົບ ໃນອັຟການີສຖານ:ການປະຕິບັດງານຂອງທະຫານເນໂຕ 15 ພັນຄົນດຳເນີນສືບຕໍ່ມາໃນວັນອາທິດມື້ນີ້ ເພື່ອກົດດັນເລິກເຂົ້າໄປໃນທີ່ໝັ້ນແຫ່ງນຶ່ງຂອງກຸ່ມຕາລີບັນໃນພາກໃຕ້ຂອງອັຟການີສຖານ.
ການບຸກຣຸກທາງທະຫານຄັ້ງໃຫຍ່ຂອງກຸ່ມເນໂຕເທື່ອນີ້ ແມ່ນແນໃສ່ປະຊາຄົມ Marjah ຊຶ່ງເປັນເຂດປູກຝັງໃນແຂວງ Helmand.ບັນດາເຈົ້າໜ້າທ່ີສະຫະຣັດກ່າວວ່າ ນາຍພົນ Stanley McChrystal ຜູ້ບັນຊາການກອງທັບສະຫະຣັດໃນອັຟການີສຖານຈະລາຍງານຄວາມຄືບໜ້າກ່ຽວກັບການປະຕິບັດງານທາງທະຫານຄັ້ງນີ້ ໃຫ້ປະທານາທິບໍ ດີບາຣັກໂອບາມາຊາບໃນວັນອາທິດມື້ນີ້. ການປະຕິບັດງານເລີ່ມຂຶ້ນໃນວັນເສົາວານນີ້ ເວລາຝູງເຮືອບິນເຮລີຄອບເຕີ ແລະພວກລົດຫຸ້ມເກາະຂອງສະຫະຣັດ ທຳການບຸກເຂົ້າໄປໃນເຂດ Marjah.
ມີການຄຶດກັນວ່າ ພວກກະບົດຈຳນວນຫລາຍເຖິງ 1000 ຄົນພາກັນຂຸດທີ່ໝັ້ນ ຕັ້ງທ່າຮັບມືຢູ່ໃນຂົງເຂດດັ່ງກ່າວ. ແຕ່ທະຫານສະຫະຣັດ ກ່າວວ່າ ພວກເຂົາເຈົ້າໄດ້ປະເຊີນກັບການຕໍ່ຕ້ານຢ່າງເເຂງແຮງ ເປັນບາງຄັ້ງບາງຄາວ ໃນວັນເສົາວານນີ້. ພວກນາຍທະຫານກອງທັບອັຟການີສຖານກ່າວວ່າ ຢ່າງນ້ອຍພວກ ກະບົດກຸ່ມຕາລີບັນຫົວຮຸນແຮງ20 ຄົນໄດ້ເສັຍຊີວິດໃນລະຫວ່າງການຕໍ່ສູ້ກັນໃນຂັ້ນຕົ້ນນັ້ນ. ກຸ່ມ NATO ກ່າວວ່າ ທະຫານອາເມຣິກັນນຶ່ງ ຄົນ ແລະທະຫານອັງກິດຄົນນຶ່ງເສັຍຊີວິດ.
ມີພວກທະຫານອັຟການີສຖານ ອັງກິດແລະສະຫະຣັດ ເຂົ້າປະກອບ ສ່ວນໃນການປະຕິບັດງານທາງທະຫານຄັ້ງນີ້ຮ່ວມກັນ ຊຶ່ງມີວັດຖຸປະ ສົງ ເພື່ອຂັບໄລ່ພວກຕາລີບັນອອກຈາກຂົງເຂດດັ່ງກ່າວ ທ່ີຖືວ່າເປັນຈຸດໃຈກາງຂອງພວກກະບົດນັ້ນ.
ທີ່ອິນເດັຍ: ເຈົ້າໜ້າທີ່ອິນເດຍກຳລັງທຳການສືບສວນເບິ່ງວ່າ ຝ່າຍໃດເປັນຜູ້ຮັບ ຜິດຊອບການໂຈມຕີດ້ວຍລະເບີດ ທີ່ເຮັດໃຫ້ມີຜູ້ເສຍຊີວິດເກົ້າຄົນແລະ ຫລາຍສິບຄົນໄດ້ຮັບບາດເຈັບ ຢູ່ຮ້ານຂາຍເຂົ້າຈີ່ ທີ່ມີຊື່ສຽງແຫ່ງນຶ່ງ ທີ່ນັກທ່ອງທ່ຽວມັກພາກັນໄປອຸດໜູນ ທີ່ເມືອງປູເນ (Pune) ໃນພາກ ຕາເວັນຕົກຂອງ ອິນເດຍໃນຕອນແລງວັນເສົາວານນີ້. ທ່ານ Palaniappan Chidambaram ລັດຖະມົນຕີກະຊວງພາຍໃນ ຂອງອິນເດຍ ໄດ້ເອີ້ນເຫດການລະເບີດທີ່ຮ້ານເຂົ້າຈີ່ເຢັຍລະມັນນັ້ນວ່າ “ເປັນເຫດການກໍ່ການຮ້າຍຄັ້ງສຳຄັນ” ເຖິງແມ່ນເວລານີ້ ຍັງບໍ່ມີຜູ້ໃດ ອ້າງເອົາຄວາມຮັບຜິດຊອບເທື່ອ ກໍຕາມ. ການໂຈມຕີດັ່ງກ່າວແມ່ນຄັ້ງ ຮ້າຍແຮງທີ່ສຸດ ນັບຕັ້ງແຕ່ການໂຈມຕີທີ່ນະຄອນມຸມບາຍ ໃນປີ 2008 ທີ່ທາງການຖີ້ມໂທດໃສ່ພວກຫົວຕໍ່ສູ້ ຈາກປາກິສຖານ.ບັນດາຜູ້ນຳຊາວຮິນດູຝ່າຍຄ້ານ ກ່າວໃນວັນອາທິດມື້ນີ້ວ່າ ການໂຈມຕີ ທີ່ພາໃຫ້ຄົນດຕາຍໃນເມືອງປູເນນັ້ນ ໄດ້ຕັ້ງຂໍ້ສົງໃສຂຶ້ນມາກ່ຽວກັບການ ຕັດສິນໃຈຂອງຣັຖບານ ທີ່ຈະກັບຄືນໄປເຈລະຈາກັບປາກິສຖານຄືນໃໝ່ນັ້ນ.
ທີປາກີສຖານ: ເຈົ້າໜ້າທ່ີກ່າວວ່າ ການໂຈມຕີຂອງເຮືອບິນທ່ີບໍ່ ມີຄົນຂັບຂອງສະຫະຣັດໃສ່ຂົງເຂດຊົນເຜົ່າໃນ ພາກຕາເວັນຕົກ
ສຽງເໜືອຂອງປະເທດໄດ້ສັງຫານຜູ້ຄົນໄປ 5 ຄົນ. ບັນດາເຈົ້າໜ້າທ່ີກ່າວວ່າ ລູກສອນໄຟ 2 ລູກຈາກເຮືອບິນບໍ່ມີ
ຄົນຂັບ ໄດ້ຕົກລົງໃສ່ອາຄານຫລັງນຶ່ງໃນວັນອາທິດມື້ນີ້ ໃນເຂດ
ວາຊີຣີສຖານເໜືອ ຊາຍແດນຂອງປາກີສຖານ ຕິດກັບອັຟການີສ
ຖານ ທ່ີເປັນບ່ອນລີ້ຊ່ອນຂອງກຸ່ມ ອັນກາອິດາ ແລະກຸ່ມຕາລີບັນ.
ສະຫະຣັດໄດ້ເພີ່ມການໂຈມຕີດ້ວຍເຮືອບິນທ່ີບໍ່ມີຄົນຂັບຂອງຕົນຂຶ້ນ
ໃນຂົງເຂດ ນັບແຕ່ລະເບີດລູກນຶ່ງໄດ້ສັງຫານພວກພະນັກງານສືລັບ CIA ຂອງສະຫະຣັດ 7 ຄົນ ໃນ
ທ້າຍປີແລ້ວນີ້ໃນອັຟການີສຖານນັ້ນ. ໃນອີກດ້ານນຶ່ງ ທາງການປາກີສຖານ ກ່າວວ່າ ໄດ້ເກີດເຫດລະ
ເບີດຢູ່ໃນຂົງເຂດພາກ ໃຕ້ຂອງປາກີສຖານ ເຮັດໃຫ້ 3 ຄົນເສັຍຊີວິດ ແລະ ບາດເຈັບອີກ ຢ່າງໜ້ອຍ 9 ຄົນ.
ທ່ານນາງຄລິນຕັນຢ້ຽມຢາມເຂດອ່າວເປີເຊັຍ: ຣັຖມຸນຕີການຕ່າງປະເທດສະຫະຣັດທ່ານນາງຮິນ
ລາລີຄລິນຕັນ ມີກຳ ນົດຈະເດີນທາງໄປຮອດນະຄອນຫລວງໂດຮາ ຂອງປະເທດກາຕາໃນວັນອາທິດມື້ນີ້ ໃນການເລີ້ມຕົ້ນຢ້ຽມຢາມ ກາຕາແລະຊາອຸດີອາຣາເບັຍເພື່ອທຳການພົບປະເຈລະຈາກັບພັນທະມິດຂອງສະຫະຣັດ ວ່າດ້ວຍ ບັນຫາໃນພາກຕາເວັນອອກກາງ ຊຶ່ງຮວມທັງເຣືອງອິຣ່ານ ແລະຄວາມພະຍາຍາມເພື່ອຮື້ຟື້ນການເຈລະຈາສັນຕິພາບລະຫວ່າງອີສຣາແອນ ແລະປາເລສໄຕນ໌ ຄືນໃໝ່ນັ້ນ.
ທ່ານນາງຄລິນຕັນຈະພົບປະ ກັບກະສັດຫລື emir ຂອງ Quatar, Sheikh Hamad bin Khalifa al-Thani ຕລອດທັງ Sheikh Hamad bin Jassim al-Thani ຊຶ່ງເປັນທັງນາຍົກຣັຖມຸນຕີ ແລະ ຣັຖມຸນຕີຕ່າງປະເທດຂອງ Quatar.ທ່ານນາງຄລິນຕັນຈະໄປກ່າວຄຳປາໄສຕໍ່ກອງປະຊຸມກ່ຽວກັບສະ ຫະຣັດແລະໂລກອີສລາມ ທ່ີນະຄອນໂດຮາເຊັ່ນກັນ ອັນເປັນພາກສ່ວນນຶ່ງຂອງຄວາມພະຍາຍາມຂອງຣັຖບານທ່ານໂອບາມາ ເພື່ອສົ່ງເສີມສາຍພົວພັນໃຫ້ດີຂຶ້ນກັບພວກປະເທດມຸສລິມທັງຫລາຍ.
ໃນວັນເສົາວານນີ້ ປະທານາທິບໍດີບາຣັກໂອບາມາໄດ້ແຕ່ງຕັ້ງທູດພິເສດຂອງສະຫະຣັດ ປະຈຳອົງການກຸ່ມປະເທດອີສລາມ ທ່ີມີ 56 ປະເທດສະມາຊິກນັ້ນ ລ່ວງໜ້າການໄປມີໜ້າຂອງທ່ານນາງຄລິນຕັນໃນກອງປະຊຸມ.
ໃນສານທ່ີອັດໃສ່ວີເດໂອ ສົ່ງໄປຍັງກອງປະຊຸມດັ່ງກ່າວ ທ່ານໂອບາມາ ກ່າວວ່າ ທ່ານໄດ້ແຕ່ງຕັ້ງທ່ານ Rashad Hussein ທະນາຍຄວາມປະຈຳທຳນຽບຂາວ ໃຫ້ເປັນຜູ້ສືບຕໍ່ພາລະກິດໃນການເສີມຂະຫຍາຍການເປັນພາຄີກັບປະຊາຄົມມຸສລິມ ທ່ີທ່ານໄດ້ດຳເນີນມານັບແຕ່ທ່ານໄດ້ໄປກ່າວປາໄສທ່ີກຸງ Cairo ປະເທດອີຈິບໃນເດືອນມິຖຸນາປີກາຍ ນັ້ນ.
ການຢ້ຽມຢາມສະຫະຣັດຂອງອົງດາໄລລະມະ:ກຸ່ມສົ່ງເສີມປະຊາທິປະໄຕໃນສະຫະຣັດກຸ່ມນຶ່ງ ກ່າວວ່າ ຕົນຈະມອບ ຫລຽນກຽດຕິຍົດ ໃຫ້ແກ່ອົງດາໄລລະມະ ຜູ້ນຳດ້ານຈິດໃຈຂອງຊາວ ທິເບດທ່ີລີ້ໄພໃນຕ່າງປະເທດ ສຳລັບຄວາມໝັ້ນໝາຍຂອງພຣະອົງຕໍ່ລະບອບປະຊາທິປະໄຕແລະກຽດສັກສີຂອງມະນຸດ.
ກຸ່ມສົ່ງເສີມປະຊາທິປະໄຕແຫ່ງຊາດຫລື The National Endow-ment for Democracy ກ່າວວ່າ ຕົນຈະມອບຫລຽນກຽດຕິຍົດສຳ ລັບການຮັບໃຊ້ການບໍລິການເພື່ອປະຊາທິປະໄຕຂອງຕົນ ແກ່ອົງດາໄລລະມະ ໃນພິທີທ່ີຈະຈັດຂຶ້ນໃນກຸງວໍຊິງຕັນໃນວັນສຸກສັບປະດານີ້.
ຄາດກັນວ່າ ອົງດາໄລລະມະ ຜູ້ນຳດ້ານຈິດໃຈແຫ່ງທິເບດຈະກ່າວຄຳ ປາໄສຕໍ່ຜູ້ຄົນ ຈຳນວນ 500 ຄົນ ທີ່ຈະມາຮ່ວມພິທີດັ່ງກ່າວ ຊຶ່ງຈະເປັນການປາກົດໂຕຕໍ່ໜ້າສາທາຣະນະຊົນຄັ້ງດຽວຂອງພຣະອົງ ໃນລະ ຫວ່າງການສະເດັດປະພາດກຸງວໍຊິງຕັນຄັ້ງນີ້. ອົງດາໄລລະມະຈະເດີນ ທາງມາຍັງກຸງວໍຊິງຕັນເພື່ອທຳການພົບປະກັບ ປະທານາທິບໍດີບາຣັກໂອບາມາໃນວັນພະຫັດສັບປະດານີ້. ຈີນໄດ້ຮຽກຮ້ອງໃຫ້ລົບລ້າງການພົບປະດັ່ງກ່າວນີ້ ແຕ່ທາງທຳນຽບຂາວກ່າວວ່າ ການພົບປະກັນດັ່ງ ກ່າວຈະມີຂຶ້ນຕາມທ່ີກຳນົດໄວ້.
ການສະຫລອງວັນປີໃໝ່ທີ່ເອເຊັຍ: ປະຊາຊົນຫລາຍຮ້ອຍລ້ານຄົນໃນທົ່ວເອເຊັຍ ພາກັນສະຫລອງວັນປີໃໝ່ໃນວັນອາທິດມື້ນີ້ ຊຶ່ງເປັນວັນເລີ້ມຕົ້ນຂອງປີຂານຫລື ປີເສືອ . ເທດສະການປີໃໝ່ເປັນວັນສຳຄັນທ່ີສຸດຂອງປະເທດຕ່າງໆນັບແຕ່ ເກົາຫລີເໜືອແລະເກົາຫລີໃຕ້ ຈີນ ໄຕ້ຫວັນ ສິງກະໂປແລະວຽດນາມ ດ້ວຍການຈູດກະໂພກແລະບັ້ງໄຟດອກ ແລະພວກສະມາຊິກຄອບຄົວພາກັນເຕົ້າໂຮມ ແລະຮັບປະທານ ອາຫານພື້ນເມືອງຮ່ວມກັນ ຕາມປະເພນີ.
ຫິມະຕົກໃນພາກເໜືອຂອງຈີນ ແລະຝົນທີ່ຕົກລົງມາແລ້ວກ້າມເປັນນ້ຳກ້ອນໃນພາກໃຕ້ ໄດ້ເປັນໄພຄຸກຄາມທ່ີຈະພາໃຫ້ເກີດຄວາມສັບສົນວຸ້ນວາຍ ໃນຂະນະທ່ີຜູ້ຄົນຫລາຍລ້ານຄົນພາກັນເດີນທາງໄປທ້ອນ ໂຮມກັບສະມາຊິກຄອບຄົນ ໃນປະເທດທ່ີມີພົນລະເມືອງ 1 ພັນ 300 ລ້ານຄົນ ໃນອັນທ່ີເຊື່ອກັນວ່າເປັນການເຄື່ອນໄຫວໄປມາປະຈຳປີຄັ້ງໃຫຍ່ທ່ີສຸດຂອງປະຊາກອນໂລກນັ້ນ.
