ການເລືອກຕັ້ງທີ່ຢູເກຣນ: ຜູ້ນຳຝ່າຍຄ້ານຢູເກຣນ ທ່ານ Victor Yanukovych ໄດ້ຮັບຄະແນນສຽງນຳໜ້ານ້ອຍນຶ່ງ ໃນການເລືອກຕັ້ງປະທານາທິບໍດີຮອບຊີ້ຂາດຂອງຢູເກຣນໃນວັນອາທິດວານນີ້ ແລະໄດ້ອ້າງເອົາໄຊຊະນະ ໃນອັນທ່ີຈະເປັນການກັບຄືນມາສູ່ອຳນາດທີ່ໜ້າງຶດ ສຳລັບຜູ້ສມັກຮັບເລືອກຕັ້ງທ່ີນິຍົມຣັດເຊັຍທ່ານນີ້. ຜົນການນັບຄະແນນສຽງໄປແລ້ວ ປະມານ 94 ເປີເຊັນຂອງທາງການ ສະແດງວ່າ ທ່ານ Yanakovych ໄດ້ຮັບຄະແນນສຽງຫລາຍກວ່າ 48 ເປີເຊັນນ້ອຍນຶ່ງ ສົມທຽບໃສ່ກັບປະມານ 46 ເປີເຊັນຂອງຄູ່ແຂ່ງຂອງ ທ່ານ ຄືນາຍົກຣັຖມຸນຕີ Yulia TymoShenko ນັ້ນ. ທ່ານ Yunokovych ຮຽກຮ້ອງໃຫ້ນາຍົກຣັຖມຸນຕີລາອອກຈາກຕຳ ແໜ່ງ ແຕ່ທ່ານນາງ Tymoshenko ຍັງບໍ່ຍອມຮັບເອົາຄວາມປາໄຊ. ທ່ານນາງ Tymoshenko ກ່າວຫາພວກທ່ີນິຍົມທ່ານ Yanukovych ວ່າເອົາບັດໄປຍັດໃສ່ໃນກັບປ່ອນບັດ ໃນພາກຕາເວັນອອກຂອງຢູເກຣນ ບ່ອນທ່ີປະຊາຊົນປາກພາສາຣັດເຊັຍ ແລະໜ່ວຍໂຄສະນາຫາສຽງເລືອກຕັ້ງຂອງທ່ານນາງກ່າວວ່າ ພວກຕົນຈະທຳການໂຕ້ແຍ່ງຜົນການເລືອກຕັ້ງ ໃນໜ່ວຍປ່ອນບັດເລືອກຕັ້ງປະມາ1ພັນແຫ່ງ. ຄາດວ່າຈະຮູ້ຈັກຜົນການເລືອກຕັ້ງຢ່າງເປັນທາງການໃນທ້າຍສັບປະດານີ້.
ການເລືອກຕັ້ງທີ່ Costa Rica: ທ່ານນາງ Laura Chinchilla ຜູ້ສມັກເລືອກຕັ້ງຈາກພັກຂອງຣັຖບານ ຊຸດປັດຈຸບັນ ກຳລັງຈະກາຍເປັນປະທານາທິບໍດີແມ່ຍິງຄົນທຳອິດຂອງ ຄອສຕາຣິກາ ໂດຍໄດ້ຮັບຄະແນນສຽງນຳໜ້າຄູ່ແຂ່ງຢ່າງຫລວງຫລາຍ ໃນການເລືອກຕັ້ງປະທານາທິບໍດີໃນວັນອາທິດວານນີ້.ຜົນການເລືອກຕັ້ງທີ່ໄດ້ມາເປັນບາງສ່ວນສະແດງໃຫ້ເຫັນວ່າ ທ່ານນາງ Chinchilla ໄດ້ຮັບສຽງສະນັບສະໜຸນ 49 ເປີເຊັນຂອງບັດຄະແນນສຽງທັງໝົດ ຊຶ່ງລື່ນຜູ້ສມັກແຂ່ງຂັນຄົນອື່ນໆອີກ 6 ຄົນ ຫລາຍກວ່າ 2 ເທົ່າ ແລະພວກຄູ່ແຂ່ງຄົນອື່ນໆກໍໄດ້ພາກັນຟ້າວຍອມຮັບການປາໄຊຢ່າງໄວ. ຄະແນນສຽງສະໜັບສະໜຸນ 40 ເປີເຊັນ ກໍພຽງພໍແລ້ວ ສຳ ລັບຫລີກລ້ຽງການປ່ອນບັດເລືອກຕັ້ງຮອບຊີ້ຂາດ. ທ່ານນາງ Chinchilla ໄດ້ເປັນຮອງ ປະທານາທິບໍດີໃນຄະນະຣັຖບານ ຂອງປະທານາທິບໍດີ Oscar Arias ທ່ີຈະພົ້ນຈາກຕຳແໜ່ງໄປນັ້ນ.
ທ່ານນາງໄດ້ໃຫ້ຄຳໝັ້ນສັນຍາວ່າຈະສືບຕໍ່ດຳເນີນນະໂຍບາຍສົ່ງເສີມທຸຣະກິດຂອງປະທານາທິບໍດີ Arias ແລະຈະເອົາມາດຕະການຕ່າງໆເພື່ອຄວບຄຸມອາຊຍາກັມ ບໍ່ໃຫ້ເພີ່ມຂຶ້ນ.
ຍານອະວະກາດໄປກັບ Endeaver ຂອງສະຫະຣັດ: ຍານອະວະກາດ Endeaver ຂອງ ສະຫະຣັດກຳລັງໂຄຈອນໄປສູ່ສະຖານີອະວະກາດນາໆຊາດ. ອົງການ NASA ໄດ້ສົ່ງຍານດັ່ງກ່າວ ຈາກສູນກາງອະວະກາດ Kennedy ທ່ີແຄມຝັ່ງມະຫາສມຸດອັດແລນ ຕິກ ຣັດຟລໍຣິດາ ໃນຕອນເຊົ້າມືດວັນຈັນມື້ນີ້ ຫລັງຈາກທີ່ໄດ້ລົບລ້າງແຜນການສົ່ງຍານດັ່ງກ່າວຂຶ້ນໄປ ໃນຕອນເຊົ້າວັນອາທິດວານນີ້ ຍ້ອນດິນຟ້າອາກາດບໍ່ດີທ່ີບ່ອນສົ່ງນັ້ນ. ພວກນັກອະວະກາດ 6 ຄົນໃນຍານດັ່ງກ່າວ ມີກຳນົດນຳເອົາຊິ້ນສ່ວນ ຕ່າງໆຂຶ້ນໄປຕິດຕັ້ງໃສ່ກັບສະຖານີອະວະກາດນາໆຊາດ ໃນຂັ້ນຕອນ ສຸດທ້າຍຂອງການກໍ່ສ້າງສະຖານີດັ່ງກ່າວ ທີ່ໂຄຈອນອ້ອມໂລກຢູ່ ຊຶ່ງໃກ້ຈະສ້າງສຳເຣັດແລ້ວນັ້ນ.
ຫລັງຈາກສົ່ງຍານອາວະກາດ Endeaver ຂຶ້ນໄປປະຕິບັດງານເປັນ ເວລາ 13 ມື້ຄັ້ງນີ້ແລ້ວ ທາງອົງການອາວະກາດຂອງສະຫະຣັດມີແຜນ ການທ່ີຈະສົ່ງຍານອາວະກາດອື່ນໆ ຂຶ້ນໄປຍັງສະຖານີອະວະກາດນາໆ ຊາດ ຕື່ມອີກ 4 ຄັ້ງ ກ່ອນຈະອັດໂຄງການຍານອາວະກາດໄປກັບລົງ ຢ່າງສີ້ນເຊີງ ໃນທ້າຍປີນີ້.
ທີ່ອັຟການີສຖານ:ພວກຕາລິບັນຫົວຮຸນແຮງກຳລັງທຳການກະກຽມ ເພື່ອຕໍ່ສູ້ກັບກຳລັງກຸມເນໂຕ ທ່ີ ພວມກະກຽມທຳການບຸກລຸກຄັ້ງໃຫຍ່ຕໍ່ທ່ີໝັ້ນສຳຄັນແຫ່ງນຶ່ງ ຂອງພວກກະບົດ ໃນພາກໃຕ້ຂອງອັຟການີສຖານ. ພວກທ່ີເຫັນເຫດການກ່າວວ່າ ພວກນັກຕໍ່ສູ້ກຸ່ມຕາລີບັນກຳລັງຂົນເອົາ ອາວຸດເຂົ້າ ໄປ ແລະຕັ້ງທ່າກຽມຮັບມືຢູ່ໃນຂົງເຂດອ້ອມແອ້ມເມືອງ Marja ໃນແຂວງ Helmand ຊຶ່ງເປັນບ່ອນຢູ່ອາໄສຂອງປະຊາຊົນປະມານ 80 ພັນຄົນແລະເປັນສູນກາງລັກລອບຄ້າຂາຍຝິ່ນນັ້ນ. ບັນ ດາຜູ້ບັນຊາການກຸມເນໂຕ ກ່າວວ່າ ທະຫານຝ່າຍພັນທະມິດແລະອັຟ ການີສຖານຫລາຍພັນຄົນກຳລັງກະກຽມເພື່ອຍຶດເອົາເມືອງ Marjah ຄືນ ໃນການບຸກໂຈມຕີຄັ້ງໃຫຍ່ຄັ້ງນື່ງ ໃນສົງຄາມອັຟການີສຖານທ່ີມີມາໄດ້ 8 ປີແລ້ວນັ້ນ.
ການບຸກໂຈມຕີເພື່ອຍຶດເອົາເມືອງ Marjah ຄືນ ຊຶ່ງຄາດວ່າຈະເລີ້ມຂຶ້ນໃນໄວໆນີ້ ຈະເປັນກາຣນປະຕິບັດງານທາງທະຫານຄັ້ງໃຫຍ່ ເທື່ອ ທຳອິດໂດຍກຳລັງຝ່າຍພັນທະມິດ ນັບແຕ່ປະທານາທິບໍດີບາຣັກໂອບາມາ ໄດ້ສັ່ງໃຫ້ສົ່ງທະຫານ 30 ພັນໄປສົມທົບຕື່ມອີກໃນອັຟການີສຖານ ເພື່ອປາບການຕໍ່ຕ້ານກຸ່ມຕາລີບັນນັ້ນ.
ທີ່ປະເທດໄທ: ລັດຖະບານກ່າວວ່າ ຕົນໄດ້ສົ່ງທະຫານສອງໝື່ນຄົນອອກປະຈຳການໃນທົ່ວປະເທດ ລ່ວງໜ້າການຕັດສິນຂອງສານກ່ຽວ ກັບຊັບສົມບັດຂອງອະດີດນາຍົກລັດຖະມຸນຕີ ທັກສິນ ຊິນນະວັດ.
ໂຄສົກລັດຖະບານໄທ ທ່ານປະນິທ່ານ ວັດຕະນະຍາກອກ ກ່າວໃນວັນ ຈັນມື້ນີ້ວ່າ ທາງການຈະອະນຸຍາດໃຫ້ທຳການປະທ້ວງໄດ້ ແຕ່ກໍເປັນຫ່ວງ ວ່າຈະມີການກໍ່ຄວາມຮຸນແຮງຂຶ້ນ ໃນກໍລະນີທີ່ສານອາດຕັດສິນ ໃຫ້ຍຶດເອົາຊັບສິນທັງໝົດຂອງທ່ານທັກສິນ ທີ່ມີມູນຄ່າ 2200 ລ້ານ$ ນັ້ນ. ພວກທີ່ຈົ່ງຮັກພັກດີຕໍ່ທ່ານທັກສິນໄດ້ພາກັນເພິ່ມທະວີທຳການປະ ທ້ວງຫລາຍຂຶ້ນ ລ່ວງໜ້າວັນຕັດສິນ ໃນວັນທີ 26 ທ້າຍເດືອນນີ້.
ຊັບສິນຂອງທ່ານທັກສິນໄດ້ຖືກສັ່ງກັກໄວ້ ຫລັງຈາກທ່ານຖືກໂຄ່ນລົ້ມ ໃນການກ່ໍລັດຖະປະການໃນປີ 2006 ແລະມີສິດຖືກລັດຖະບານຍຶດເອົາໄດ້.
ຜົນການແຂ່ງຂັນແຊ້ມກີລາ ຟຸຕບອລ ຫລື Super Bowl ໃນສະຫະຣັດ: ປະຊາຊົນໃນນະຄອນ New Orleans ລັດລຸຍຊີອານາ ໄດ້ພາກັນສະເຫລີມສະຫລອງຢ່າງໃຫຍ່ ຫລັງຈາກທ່ີທີມ the Saints ຂອງຕົນໄດ້ຊະນະ Superbowl ເປັນເທື່ອທຳອິດໃນປະວັດສາດ 43 ປີຂອງຕົນ ຊຶ່ງໄດ້ນຳຄວາມປາບປຶ້ມມ່ວນຊື່ນມາສູ່ນະຄອນດັ່ງກ່າວທ່ີກຳ ລັງຟື້ນໂຕຄືນ ຈາກຜົນກະທົບຢ່າງຮ້າຍແຮງຂອງລົມພາຍຸ Katrina ໃນປີ2005ນັ້ນ.
ທີມ The Saints ໄດ້ຊະນະທີມ Indianapolis Colts ທີ່ເກ່ັງກ່ວາ ຢ່າງບໍ່ຄາດຝັນດ້ວຍຄະແນນ 31 ຕໍ່17 ໃນແລງວັນອາທິດວານນີ້ ຢູ່ ສະໜາມກີລາທ່ີໜາແໜ້ນໄປດ້ວຍຄົນເບິ່ງ ໃນນະຄອນ Miami ຣັດ Florida ແລະຄາດວ່າມີຜູ້ຄົນຊົມການແຂ່ງຂັນທາງໂທຣະພາບປະມານ 100 ລ້ານຄົນໃນສະຫະຣັດ ແລະອີກຫລາຍລ້ານຄົນ ໃນທົ່ວໂລກ. ໃນຕອນຕົ້ນນັ້ນ ທີມ the Saints ມີຄະແນນນຳຫລັງທີມ Indiana-polis Colts 10 ຕໍ່ 0 ແຕ່ກໍກັບຄືນມາເອົາຊະນະໄດ້ໃນທີ່ສຸດ ດ້ວຍ ຄະແນນ 31 ຕໍ່ 17.
ວັນອາທິດ, ໐໘ ທັນວາ ໒໐໒໔
