ທີ່ອິຣັກ: ຕຳຫລວດອິຣັກກ່າວວ່າ ຜູ້ວາງລະເບີດສະລະຊີບຄົນນຶ່ງໄດ້ສັງຫານພວກໄປສະແຫວງບຸນນິກາຍ Shi’ite 41 ຄົນ ແລະເຮັດໃຫ້ບາດ ເຈັບຫລາຍກວ່າ 100 ຄົນໃນພາກເໜືອກຸງແບກແດ໊ດ. ບັນດາເຈົ້າໜ້າທ່ີກ່າວວ່າ ຄົນວາງລະເບີດສະລະຊີບຄົນນີ້ ຊຶ່ງເປັນ ແມ່ຍິງ ໄດ້ຈູດຂະນວນລະເບີດທີ່ເປັນສາຍແອວນັ້ນ ໃນວັນຈັນມື້ນີ້ ໃນທ່າມກາງຝູງຊົນທ່ີໄປສະແຫວງບຸນນັ້ນ.
ພວກເຄາະຮ້າຍເຫລົ່ານີ້ ແມ່ນຮວມຢູ່ໃນພວກຊາວ Shi’ite ຫລາຍແສນຄົນ ທ່ີພາກັນໄປສະແຫວງບຸນໃນເມືອງ Karbala ໃນພາກໃຕ້ ຂອງອິຣັກໃນສັບປະດານີ້. ໃນຫວ່າງບໍ່ເທ່ົາໃດປີຜ່ານມານີ້
ພວກກະບົດມັກແນເປົ້າໝາຍໃສ່ພວກທ່ີໄປສະແຫວງບຸນໃນອິຣັກ ເປັນປະຈຳ.
ທີ່ໂຊມາເລັຍ: ບັນດາເຈົ້າໜ້າທ່ີໂຊມາເລັຍ ກ່າວວ່າ ການສູ້ຣົບກັນຢ່າງໜັກລະຫວ່າງພວກກະບົດແລະ ທະຫານຣັຖບານໃນນະຄອນຫລວງໄດ້ເອົາຊີວິດພວກພົນລະເຮືອນໄປຢ່າງນ້ອຍ 8 ຄົນ. ບັນດາເຈົ້າໜ້າທ່ີກ່າວໃນວັນຈັນມື້ນີ້ວ່າ ເຂດພາກເໜືອຂອງນະຄອນຫລວງ Mogadishu ໄດ້ຮັບຄວາມເສັຍຫາຍຢ່າງ ໜັກ ຈາກການສູ້ຣົບກັນໃນຄືນຜ່ານມານີ້. ເຈົ້າໜ້າທ່ີທ່ານນຶ່ງປະຈຳຜະແນກບໍລິການລົດໂຮງໝໍ ໃນເມືອງຫລວງ
ກ່າວວ່າ ປະຊາຊົນ 55 ຄົນໄດ້ຮັບບາດເຈັບ ຍ້ອນການຍິງປືນຄົກໃສ່ກັນ. ໃນສັບປະດາແລ້ວນີ້ ກໍໄດ້ເກີດການສູ້ຣົບກັນ ໃນນະຄອນຫລວງລະຫວ່າງພວກນັກຕໍ່ສູ້ຫົວຮຸນແຮງແລະພວກທະຫານຮັກສາສັນຕິພາບ
ຈາກສະຫະພາບອະຟຣິກາ ເຮັດໃຫ້ປະຊາຊົນເສັຍຊີວິດໄປຢ່າງນ້ອຍ 15 ຄົນແລະບາດເຈັບຫລາຍກວ່າ 20 ຄົນ. ພວກກຸ່ມຫົວຮຸນແຮງ al-Shabah ແລະ Hizbul Islam ຄວບຄຸມຫລາຍເຂດໃນນະຄອນຫລວງ ແລະໄດ້ທຳການຕໍ່ສູ່ມາເພື່ອໂຄ່ນລົ້ມ ຣັຖບານທ່ີໄດ້ຮັບການໜຸນຫລັງຈາກຝ່າຍຕາເວັນຕົກນັ້ນ.
ທີ່ປາກີສຖານ: ໜັງສືພິມໃຫຍ່ 2 ສະບັບໃນສະຫະຣັດກ່າວວ່າ ບັນດາເຈົ້າໜ້າທ່ີ ສະຫະຣັດແລະປາກີສຖານ ມີຄວາມໝັ້ນໃຈຫລາຍຂຶ້ນເລື້ອຍໆວ່າ ຜູ້ ນຳຂອງກຸ່ມຕາລີບັນໃນປາກີສຖານ ໄດ້ເສັຍຊີວິດໄປແລ້ວ ຫລັງຈາກໄດ້ຮັບບາດເຈັບຈາກການໂຈມຕີດ້ວຍລູກສອນໄຟຂອງເຮືອບິນ ທ່ີບໍ່ມີຄົນຂັບນັ້ນ. ທັງໜັງສືພິມ New York Times ແລະໜັງສືພິມ Washington Post ຕ່າງຄົນຕ່າງອ້າງຄຳເວົ້າຂອງເຈົ້າໜ້າທ່ີສະຫະ ຣັດທ່ີບໍ່ປະສົງຈະອອກຊື່ ໃນສະບັບທ່ີອອກວັນຈັນມື້ນີ້ວ່າ ພວກເຈົ້າໜ້າທ່ີເຫລົ່ານີ້ມີຄວາມເຊື່ອໝັ້ນຫລາຍກວ່າ 90 ເປີເຊັນ ວ່ານາຍ Haki-mullah Mehsud ໄດ້ເສັຍຊີວິດໄປແລ້ວ.
ໃນັວນອາທິດວານນີ້ ກຸ່ມຕາລີບັນໃນປາກີສຖານປະຕິເສດຕໍ່ລາຍງານ ຂ່າວ ກ່ຽວກັບການເສັຍຊີວິດຂອງນາຍ Mehsud ນັ້ນ ຊຶ່ງໂຄສົກກຸ່ມຕາລີບັນຄົນນຶ່ງ ປະຕິເສດຕໍ່ຂ່າວການຕາຍຂອງຜູ້ກ່ຽວ ທີ່ມີລາຍງານອອກມາຢ່າງແຜ່ຫລາຍນັ້ນວ່າ ເປັນການໂຄສະນາຊວນເຊື່ອ. ກອງທັບປາກີສຖານກ່າວວ່າ ຕົນກຳລັງທຳການສືບສວນ ແຕ່ມາຮອດ ປັດຈຸບັນນີ້ ຍັງບໍ່ທັນມີຂ່າວຢືນຢັນເທ່ື່ອກ່ຽວກັບການຕາຍຂອງນາຍ Mehsud ນີ້ ຊຶ່ງຄຳປະກາດຂອງກອງທັບປາກີສຖານມີຂຶ້ນ ຫລັງຈາກ ມີລາຍງານຂ່າວທາງໂທຣພາບແຫ່ງຊາດປາກີສຖານ ວ່ານາຍMehsud ໄດ້ເສັຍ ຊີວິດໄປແລ້ວ ແລະໄດ້ຖືກນຳໄປຝັງໄວ່ໃນຂົງເຂດ Orakzai ຂອງຊົນເຜົ່ານັ້ນ.
ຂ່າວຄືບໜ້າກ່ຽວກັບການຊ່ອຍກູ້ໄພທີ່ເຮຕີ: ກອງທັບສະຫະຣັດໄດ້ຮື້ຟື້ນຄືນ ຖ້ຽວບິນລຳລຽງຈັດ ສົ່ງພວກທ່ີໄດ້ຮັບເຄາະຮ້າຍຈາກໄພແຜ່ນດິນໄຫວທ່ີເຮຕີ ເພື່ອມາຮັບການປິ່ນປົວຢູ່ໃນສະຫະຣັດໃນວັນຈັນມື້ນີ້. ຖ້ຽວບິນຍົກຍ້າຍພວກທີ່ຕ້ອງການການຮັກສາພະຍາບານ ໄດ້ຖືກງົດໄປຊົ່ວຄາວໃນສັບປະດາແລ້ວນີ້ ເນື່ອງຈາກມີບັນຫາຂັດແຍ່ງກັນກ່ຽວກັບວ່າ ຈະສົ່ງພວກຄົນເຈັບໄປປິ່ນປົວຢູ່ໃສ ແລະຜູ້ໃດຈະເປັນຜູ້ຈ່າຍຄ່າປິ່ນປົວພວກຄົນເຈັບເຫລົ່ານີ້. ທ່ານ Tommy Vietor ໂຄສົກທຳນຽບຂາວ ກ່າວໃນວັນອາທິດວານນີ້ ວ່າ ທາງທຳນຽບຂາວໄດ້ຮັບການຄ້ຳປະກັນວ່າ ສະຫະຣັດແລະພວກພາຄີນາໆຊາດ ມີສະມັດຖະພາບໃນດ້ານການແພດທີ່ຈະປິ່ນປົວພວກຊາວເຮຕີ ທ່ີໄດ້ຮັບບາດເຈັບນັ້ນໄດ້.
ກ່ຽວກັບງົບປະມານຂອງສະຫະຣັດ:ເຈົ້າໜ້າທີ່ຂັ້ນສູງຂອງສະຫະ ລັດຫລາຍທ່ານກ່າວວ່າ ປະທານາທິບໍດີ ບາຣັກ ໂອບາມາ ຈະສົ່ງຮ່າງງົບປະມານສະບັບໃໝ່ ທີ່ມີມູນຄ່າ 3,800 ຕື້ດອນລ້າ ໄປໃຫ້ລັດຖະສະພາພິຈາລະນາຮັບຜ່ານເອົາໃນວັນ ຈັນມື້ນີ້ ຊຶ່ງງົບປະມານສ່ວນໃຫຍ່ນັ້ນ ຈະແມ່ນເພື່ອໃຊ້ຈ່າຍໃນການສ້າງວຽກງານ ແລະຖົມຂຸມງົບປະມານ. ຮ່າງງົບປະມານສຳລັບ ປີ 2011 ຂອງທ່ານໂອບາມາ ທຳນາຍວ່າຈະມີການຂາດດຸນໃນຈຳນວນຫລາຍ ເປັນປະວັດການ ຄືປະມານ 1,600 ຕື້ດອນລ້າ ສຳລັບປີງົບປະມານສົກປັດຈຸບັນ ຊຶ່ງຈະເສັດສິ້ນລົງໃນວັນທີ 30 ກັນຍາ ປີນີ້.ພວກອົງການຂ່າວຕ່າງໆທີ່ໄດ້ຮັບສຳເນົາຮ່າງງົປະມານສະບັບນີ້ ທ່ີທາງລັດຖະບານມີກຳນົດຈະເປີດ ເຜີຍໃຫ້ຮູ້ໃນວັນຈັນມື້ນີ້ ຍັງລາຍງານຕື່ມ ວ່າ ທາງທຳນຽບຂາວຍັງຄາດຄິດໄວ້ອີກວ່າ ຂຸມງົບປະມານສຳລັບສົກປີໜ້າ ຫລືປີ 2011 ນັ້ນ ແມ່ນຈະຕົກເປັນປະມານ 1,300 ຕື້ດອນລ້າ ຊຶ່ງໜ້ອຍກວ່າສົກປີນີ້ ແລະການຂາດດຸນງົບປະມານຈະສືບຕໍ່ຫລຸດລົງໃນປີຕໍ່ໆໄປ. ລາຍງານຂ່າວເວົ້າຕື່ມວ່າ ແຜນງົບປະມານຂອງທຳນຽບ ຂາວທຳນາຍວ່າ ການຂາດດຸນງົບປະມານໃນຊຸມປີທີ່ຍັງເຫລືອຂອງທົດສວັດນີ້ ສະເລັ່ຍແລ້ວ ແມ່ນຈະຕົກເປັນປະມານ 4 ເປີເຊັນເຄິ່ງ ຂອງມູນຄ່າເສດຖະກິດຂອງສະຫະຣັດ ອັນເປັນລະດັບທ່ີພວກນັກເສດຖະ ສາດຫລາຍຄົນຖືວ່າ ບໍ່ທຸ່ນທ່ຽງສຳລັບປະເທດ. ຣັຖສະພາ ຈະຕ້ອງໃຫ້ການອະນຸມັດແກ່ແຜນ ການຂອງທ່ານໂອບາມາ ຈຶ່ງຈະໃຊ້ເປັນກົດໝາຍໄດ້.
ຜົນການມອບລາງວັນ Grammy ໃນສະຫະຣັດ:
ນັກຮ້ອງສາວ Beyonce ໄດ້ຮັບລາງວັນຫລາຍເປັນປວັດການ ໃນພິທີມອບລາງວັນ Grammy ປະຈຳປີຂອງວົງການດົນຕີສະຫະຣັດ ທ່ີນະ ຄອນLos Angeles ໃນຄືນວັນອາທິດວານນີ້ ແລະໄດ້ກາຍເປັນສິນ ລະປິນຍິງຄົນທຳອິດ ທ່ີໄດ້ຮັບລາງວັນທີ່ສຳຄັນສຸດນີ້ເຖິງ 6 ລາງວັນໃນຄືນດຽວ. Beyonce ນັກຮ້ອງທຳນອງ R&B ໄດ້ຮັບລາງວັນເພງ ເດ່ນປະຈຳປີ ລາງວັນນັກຮ້ອງຍິງຍອດນິຍົມ ທຳນອງ R&B ລາງ ວັນເພງ R&B ເດັ່ນ ຈາກເພງ”Single Ladies” ຂອງນາງ. ນອກນັ້ນ ຍັງໄດ້ຮັບລາງວັນອາລະບັ້ມເດ່ນປະເພດ R&B ຈາກຜົນງານຊຸດຊື່ວ່າ” I Am…Sasha Fierce,” ແລະລາງວັນດີເດັ່ນໃນການຮ້ອງເພງປະເພດ R&B ໃນເພງ “At Last” ແລະນອກນັ້ນນາງຍັງໄດ້ຮັບລາງວັນ ນັກຮ້ອງຍິງຍອດນິຍົມ ທຳນອງ pop ເຊັ່ນກັນ.
ດາຣານັກຮ້ອງລູກທົ່ງຍິງ Taylor Swift ກໍໄດ້ຮັບລາງວັນGrammy 4 ລາງວັນ ຮວມທັງອາລະບັ້ມເດ່ນປະຈຳປີ ສຳລັບຜົນງານທ່ີມີຊື່ວ່າ “Fearless”ຂອງນາງ. ນອກນັ້ນ ນາງຍັງໄດ້ຮັບລາງວັນນັກຮ້ອງຍິງ ທ່ີຮ້ອງເພງລູກທົ່ງໄດ້ຍອດຍ້ຽມ ລາງວັນເພງລູກທົ່ງດີເດ່ນ ແລະ album ເພງລູກທົ່ງດີເດັ່ນເຊັ່ນກັນ.
ຄນະວົງດົນຕີ Kings of Leon ປະເພດ Rock ໄດ້ຮັບລາງວັນ ແຜ່ນສຽງເດ່ນປະຈຳປີ ຍ້ອນເພງທີ່ຊື່ວ່າ “Use Somebody”.
ວັນເສົາ, ໒໗ ກໍລະກົດ ໒໐໒໔
