ລິ້ງ ສຳຫລັບເຂົ້າຫາ

ຄົນທີ່ເຊົາສູບຢາສ່ຽງຕໍ່ການເປັນໂຣກເບົາຫວານໃນໄລຍະສັ້ນ ແລະ ອັນຕະລາຍຂອງການນັ່ງດົນ 


ການສຶກສາ​ຄົ້ນຄວ້າ​ພົບວ່າ ການສ່ຽງຕໍ່​ການ​ເປັນໂຣກ​ເບົາ​ຫວານ​ຂອງພວກຄົນ​ທີ່​ເຊົາ​ສູບ​ຢານັ້ນ​ ເພີ້ມຂຶ້ນ​ໃນ​ໄລຍະສັ້ນ. ການສຶກສາຄົ້ນຄວ້າອີກ​ບັ້ນນຶ່ງກໍ​ພົບວ່າ ມີ​ການ​ກ່ຽວ​ພັນກັນ​ໃນ ​ລະ​ຫວ່າງ ຈຳນວນຊົ່ວ​ໂມງ​ທີ່​ຄົນ​ເຮົາໃຊ້ນັ່ງ​ເບິ່ງ​ໂທລະ​ທັດ​ຫລື​ໂທລະພາບເປັນ​ປະຈຳ ທຸກ​ມື້ນັ້ນ ​ກັບຄວາມ​ສ່ຽງຕໍ່ການ​ເສຍຊີວິດ.

​ສ່ວນ​ຫລາຍພວກທີ່ເຊົາ​ສູບຢາມັກຈະ​ກິນອາຫານ ​ແທນ​ການສູບຢາທີ່​ເຄີຍ​ເຮັດ​ເປັນ​ປະຈຳ. ການສຶກສາ ຄົ້ນຄວ້າ​ໃໝ່​ເວົ້າວ່ານ້ຳໜັກທີ່ເພີ້ມ,​ຂຶ້ນຂອງ​ພວກເຂົາ​ເຈົ້າອາດ​ສາມາດເຮັດ​ໃຫ້ພວກເຂົາ​ເຈົ້າ​ມີ​ຄວາມສ່ຽງເພີ່ມ​ຂຶ້ນຕໍ່ການ​ເປັນ​ໂຣກ​ເບົາຫວານ ​ໃນ​ໄລຍະສັ້ນ.

ໂຣກ​ເບົາຫວານ ປະເພດ​ສອງ ເປັນ​ພະຍາດທີ່​ມັກເກີດກັບ​ຄົນ​ທີ່​ກິນອາຫານ​ຫລາຍ​ເກີນ​ໄປ ​ແລະ ອອກກຳລັງ​ກາຍ​ໜ້ອຍ ​ແລະ ພວກ​ທີ່​ມີປະຫວັດຄອບຄົວທີ່ມີ​ຄົນເປັນໂຣກ​ເບົາຫວານ. ການສູບຢາ​ກໍ​ແມ່ນອີກປະ​ເດັນນຶ່ງ ທີ່​ພາ​ໃຫ້​ມີການ​ສ່ຽງ​ຕໍ່​ການ​ເປັນ​ໂຣກ​ເບົາ ຫວານ. ​ແຕ່​ວ່າການ​ເຊົາ​ສູບຢາ ກໍ​ອາດ​ພາ​ໃຫ້​ມີ​ການສ່ຽງ​ໃນ​ໄລຍະ​ຊົ່ວຄາວ​ເຊ່ນ​ກັນ.

ການສຶກສາ​ຄົ້ນຄວ້າໄດ້​ພົບ​ວ່າ ຄົນສູບຢາ​ທີ່​ເລີກສູບຢານັ້ນ ​ສ່ຽງຕໍ່ການ​ເປັນ​ປພະຍາດນີ້​ເພີ້ມຂຶ້ນ​ເຖິງ 70% ພາຍ​ໃນ​ຫົກ​ປີ​ທຳ​ອິດ ​ເມື່ອທຽບ​ໃສ່​ກັບ​ພວກ​ທີ່​ບໍ່​ເຄີຍ​ສູບຢາ​ຈັກ​ເທື່ອ.

ຄວາມສ່ຽງດັ່ງກ່າວນີ້​ແມ່ນສູງ​ຫລາຍ​ທີ່​ສຸດໃນ​ໄລຍະ​ສາມ​ປີ​ທຳ​ອິດ, ​ແລະ ຄວາມ​ສ່ຽງຈະ ​ກັບ​ຄືນ​ມາ​ສູ່​ສະພາບ​ປົກກະຕິ​ພາຍ​ຫລັງ 10 ປີ ​ທີ່ໄດ້​ເຊົາ​ສູບຢາ.

ບັນດານັກຄົ້ນຄວ້າເວົ້າວ່າ ​ຄວາມສ່ຽງທີ່ມີ​ຫລາຍຂຶ້ນນີ້ ອາດ​ແມ່ນ​ເປັນ​ຍ້ອນການ​ເພີ່ມຂຶ້ນ ຂອງ​ນ້ຳໜັກຂອງ​ພວກຄົນທີ່​ເຊົາ​ສູບຢາ​. ແຕ່ພວກເຂົາ​ເຈົ້າ​ກໍ​ແນ​ະນຳວ່າ ​ເຖິງຢ່າງ​ໃດ​ກໍ່ ຕາມ ພວກ​ສູບຢາ​ກໍຄວນ​ຈະເຊົາສູບຢາຢູ່ດີ -- ​ແລະຄຳ​ແນະນຳ​ແທ້ໆນັ້ນ ກໍ​ແມ່ນ​ວ່າ ຢ່າ​ໄດ້​ເລີ້ມ​ສູບຢາ​ເລີຍ ຈະ​ເປັນ​ການ​ດີ​ທີ່​ສຸດ.

ໂຣກ​ເບົາຫວານ ປະເພດ​ສອງ ​ຈະເຂົ້າ​ໄປ​ແຊກ ​ແຊງການ​ໃຊ້​ ນໍ້າຕ່ອມອິນ​ຊູລິນ ຫລື ທາດ​ອິນ​ຊູ ລິນ ທີ່​ຊ່ວຍ​ຕໍ່ຕ້ານ​ໂຣກ​ເບົາຫວານ​ໃນຮ່າງກາຍ ​ຄົນ​ເຮົາ. ​ທາດ​ອິນ​ຊູ​ລິນ ​ແມ່ນຜະຫລິດ​ອອກ​ມາ ຈາກ​ມ້າມ ​ແລະ ປົກກະຕິ​ແລ້ວ ​ທຳ​ໜ້າ​ທີ່​ຄວບ ​ຄຸມ​ ຫລື​ ຫລຸດ​ຜ່ອນລະດັບນ້ຳຕານ,ໃນ​ເລືອດ​ລົງ ໃນຊ່ວງໄລຍະທີ່​ເຮົາ​ຮັບ​ປະທານ​ອາຫານ ​ແລະ ຫລັງ​ຈາກ​ກິນ​ເຂົ້າ​ແລ້ວ. ຖ້າ​ທ່ານ​ເປັນ​ໂຣກ​ເບົາຫວານ​ປະ​ເພດ​ສອງ ທາດ​ອິນ​ຊູ​ລິນ​ກໍ​ຈະ​ບໍ່​ທຳໜ້າ​ທີ່​ຂອງ​ມັນ​ ແລະ ຖ້າຢູ່​ໄປ​ນານໆ ລະດັບ ນ້ຳຕານ​ໃນ​ເລືອດ​ທີ່​ເພິ່ມສູງຂຶ້ນ,ຫລາຍ ກໍສາມາດ​ເຮັດ​ໃຫ້ຕາບອດ​ໄດ້, ​ເຮັດ​ໃຫ້ໝາກ​ໄຂ່ຫລັງ​ບໍ່​ທຳ​ງານ ​ແລະ​ ນຳ​ໄປ​ສູ່ພະຍາດ​ຫົວໃຈ ​ແລະ ​ເສັ້ນປະສາດ​ເຊື່ອ​ມ.

ການສຶກສາ​ຄົ້ນຄວ້ານີ້ ​ແມ່ນ​ມາຈາກ​ ສະ​ຖາ​ບັນການ​ແພດຂອງ ມະຫາວິທະຍາ​ໄລ Johns Hopkins ທີ່​ລັດ Maryland, ​ແລະລົງ​ພີ​ມ​ເຜີຍ​ແຜ່ ​ຢູ່​ໃນວາລະສານ Annals of Internal Medicine.

ການສຶກສາ​ຄົ້ນຄວ້າອີກ​ບັ້ນນຶ່ງໂດຍ​ຊາວ​ອາ​ເມ​ລິ​ກັນຄື​ກັນ ຊີ້​ໃຫ້​ເຫັນວ່າ ການ​ມີ​ຮ່າງກາຍ ອ້ວນ​ພີ​ເກີນໄປ ​ໄດ້​ກາຍ​ມາເປັນ​ໄພ​ຂົ່ມຂູ່​ຕໍ່ຄຸນ​ນະພາ​ບຊີວິດຢ່າງ​ໃຫຍ່​ຫລວງ​ ​ເທົ່າໆ​ກັນ ​ກັບການ​ສູບຢາ. ການ​ສຶກສາ​ທີ່​ວ່າ​ນີ້​ ໄດ້ປຽບທຽບຄວາມ​ເສຍ​ຫາຍ ທີ່​ເກີດ​ຂຶ້ນ​ໃນ​ຊ່ວງໄລ ຍະ​ນຶ່ງ​ຂອງ​ຊີວິດ ທີ່​ເອີ້ນວ່າ "ຊຸມປີ​ທີ່​ມີການປັບ​ຄຸນ​ນະພາ​ບຂອງຊີວິດ" ຫລື "quality-adjusted life years" ນັ້ນ ແລ ະ​ພົບວ່າ ຄວາມ​ເສຍ​ຫາຍທີ່​ເກີດ​ຈາກ​ການ ອ້ວນ​ພີ​ເກີນ​ໄປ ​ຖ້າບໍ່ກໍຫລາຍ​ກວ່າ ກໍແມ່ນ​ເທົ່າ​ໆກັນ​ກັບຄວາມ​ເສຍ​ຫາຍ​ທີ່​ເກີດ ຈາກ​ການ​ສູບຢາ.

ໃນປະ​ເທດອາ​ເມ​ລິ​ກາ ທຸກມື້ນີ້ ​ມີ​ຄົນ​ສູບຢາໜ້ອຍກວ່າເກົ່າ ​ແຕ່​ຜັດ​ມີຄົນອ້ວນ​ພີເກີນ​ໄປ ​ເພີ້ມຫລາຍ​ຂຶ້ນກ່ວາ​ເກົ່າ. ການ​ພົບຄົ້ນນີ້​ ແມ່ນ​ໄດ້​ອີງ​ໃສ່ຄຳ​ຕອບ​ຕໍ່ຄຳ​ຖາມ​ກ່ຽວກັບ​ຄຸນ​ນະພາ​ບຊີວິດທີ່​ກ່ຽວພັນ​ກັບສຸ​ຂະ​ພາບ ຢູ່​ໃນ​ການ​ສຳ​ຫລວດ​ທາງ​ໂທລະສັບທີ່ດຳ​ເນີນ​ໂດຍ​ລັດຖະ ບານ.

ການສຶກສາ​ຄົ້ນຄວ້າດັ່ງ​ກ່າວ​ນີ້ ​ແມ່ນ​ມາ​ຈາກ​ ມະຫາວິ ທະຍາ​ໄລ​ໂຄ​ລຳ​ເບຍ ​ແລະ ມະຫາວິທະຍາ​ໄລ​ເມືອງ ​ນີວຢ໋ອກ ຫລື City College of New York, ​ແລະ ໄດ້ລົງ​ພິມ​ຢູ່​ໃນ​ວາ ລະສານ American Journal of Preventive Medicine.

​ແລະ ຍັງ​ມີການຄົ້ນຄວ້າ​ອີກອັນນຶ່ງ ທີ່ໄດ້ສຶກສາເບິ່ງຄວາມ​ກ່ຽວພັນ​ກັນລະຫວ່າງ​ການໃຊ້​ເວລາ​ນັ່ງ​ເບິ່ງ​ໂທລະ​ພາບ​ທຸກ​ໆມື້ ກັບການເພີ່ມຂຶ້ນ​ເຖິງ 18% ຂອງ​ຄວາມສ່ຽງຕໍ່ການ​ເສຍຊີວິດ ຍ້ອນພະຍາດຫົວໃຈ. ​ໃນ​ກາຄົ້ນຄວ້າ ທີ່​ດຳ​ເນີນ​ກັບ​ຜູ້​ໃຫຍ່​ທີ່ອາ​ໃສ​ຢູ່​ປະ​ເທດ​ອັອດສ​ເຕ​ຣເລຍ ກໍໄດ້​ພົບເຫັນວ່າ ຄວາມ​ສ່ຽ​ງຕໍ່ການເສຍຊີວິດທີ່​ເພິ່ມຂຶ້ນ​ນີ້ ຍັງ​ມີສາ​ເຫດ​ ອື່ນໆອີກ. ການຄົ້ນພົບ​ນີ້ໄດ້​ພິມ​ເຜີຍ​ແຜ່​ຢູ່​ໃນ​ວາລະສານ Journal of the American Heart Association.

ທ່ານ ​ເດ​ວິດ ດັນ​ສຕັນ? ຜູ້​ເປັນນຳພາ​ການຂຽນລາຍ​ງານ​ຜົນ​ການຄົ້ນຄ້ວາ​ນີ້ ຢູ່ສະ​ຖາ​ບັນ​ໂຣກຫົວ​ໃຈ​ແລະ​ເບົາຫວານ Baker IDI ຫລື the Baker IDI Heart ​ແລະ Diabetes Institute ທີ່ນະຄອນວິກ​ທໍ​ເຣຍ ປະ​ເທດ​ອອ໊ສ​ເຕຣ​ເລຍ​ ກ່າວສະຫລູ​ບວ່າ ຮ່າງກາຍຂອງຄົນ​ເຮົາ​ແມ່ນ​ສ້າງ​ຂຶ້ນມາເພື່ອໃຫ້ເໜັງ​ຕິງ​ ແລະ ເຄື່ອນໄຫວ​ໄປມາ. ສະນັ້ນ ​ແມ່ນ​ແຕ່ບຸກຄົນ​ທີ່​ມີນ້ຳໜັກ​,ພໍ​ເໝາະພໍດີ​ ​ຖ້າ​ນັ່ງເປັນ​ຊ່ວງ​ເວລາ​ອັນ​ຍາວ​ນານຫລາຍ ກໍ​ຈະ ມີຜົນ​ສະທ້ອນ​ທີ່​ບໍ່ດີ ​ຕໍ່​ນ້ຳຕານ​ໃນເລືອດ ​ແລະ ​ໄຂມັນໃນເລືອດ.


XS
SM
MD
LG