ຂ່າວຄືບໜ້າກ່ຽວກັບແຜ່ນດິນໄຫວທີ່ Haiti: ຄວາມພະຍາຍາມໃຫ້ການຊ່ອຍເຫລືອ ແກ່ພວກທ່ີລອດຊີວິດມາໄດ້ຈາກໄພແຜ່ນດິນໄຫວທ່ີ Haiti ກຳລັງເພ່ີມທະວີຄວາມເຄັ່ງຕຶງຂຶ້ນນັບມື້ ໃນຂະນະທ່ີ ທ່ີພວກລອດຊີວິດກຳລັງສູ້ຊົນ ເພື່ອໃຫ້ໄດ້ຮັບການຊ່ອຍເຫລືອແລະຣັຖບານກຕ່າງປະເທດແລະພວກກຸ່ມບັນເທົາທຸກ ຕ່າງໆ ກໍພາກັນຂຸ້ນຂ້ຽວໃຫ້ການຊ່ອຍເຫລືອຢ່າງຮີບເຮ່ງ. ໄດ້ເກີດການທະເລາະວິວາດທາງດ້ານການທູດກັນ ເລັກນ້ອຍ ໃນວັນເສົາວານນີ້ ຂະນະທ່ີຝຣັ່ງກ່າວຫາສະຫະຣັດວ່າ ທຳການຄວບຄຸມຫລາຍໂພດ ກ່ຽວກັບການອະນຸຍາດໃຫ້ຖ້ຽວບິນໃດລົງໄດ້ທີ່ສະໜາມບິນນະຄອນຫລວງ Port-au-Prince ຂອງ Haiti ນັ້ນ. ໃນວັນເສົາວານນີ້ ພວກພະນັກງານຊ່ອຍເຫລືອບັນເທົ່າ ທຸກຈາກນາໆປະເທດ ຍັງພາກັນຂຸ້ນຂ້ຽວ ເພື່ອຈັດສົ່ງ ນ້ຳດື່ມ ເຂົ້າປາອາຫານແລະເຄື່ອງຢຸກຢາປົວພະຍາດທ່ີຕ້ອງການເປັນທີສຸດນັ້ນ ແກ່ຊາວ Haiti 4 ມື້ຫລັງຈາກໄພແຜ່ນດິນໄຫວຄັ້ງຮ້າຍແຮງ 7.0 ຕາມເຄື່ອງວັດແທກແຜ່ນດິນໄຫວນັ້ນ. ພວກທ່ີລອດຊີວິດບາງຄົນໄດ້ ເລີ້ມພາກັນຍ່າງອອກຈາກນະຄອນຫລວງທ່ີໄດ້ຮັບຄວາມເສັຍຫາຍຢ່າງໜັກນັ້ນ ອອກໄປ ໃນຂະນະທ່ີມີລາຍງານ ທ່ີວ່າ ນະຄອນຫລວງກຳລັງຖືກຄຸກຄາມດ້ວຍຄວາມຮຸນແຮງແລະການ ລັກຂະ ໂມຍ. ບັນດາກຸ່ມຊ່ອຍເຫລືອ ກ່າວວ່າ ຄວາມພະຍາຍາມໃຫ້ການຊ່ອຍເຫລືອຂອງເຂົາເຈົ້າ ໄດ້ຮັບອຸບປະສັກ ຍ້ອນສາກຫັກພັງທີ່ຕັນຖນົນຫົນທາງ ແລະແຫລ່ງຊັບພະຍາກອນທ່ີມີຈຳກັດ ຮວມທັງສະບຽງນຳມັນສຳລັບແລ່ນຍວກດຍານພາຫະນະຂອງເຂົາເຈົ້າທ່ີມີຢ່າງຈຳກັດນັ້ນ. ນາຍ Brian Wagner ຜູ້ສື່ຂ່າວ ວີໂອເອ ທ່ີໄດ້ບິນໄປນຳເຮືອບິນເຮລີຄອບເຕີເພື່ອສົ່ງສະບຽງບັນເທົາທຸກໄປຍັງນະຄອນຫລວງນັ້ນ ກ່າວວ່າເຮືອບິນເຮລີຄອບ ເຕີຕ້ອງໄດ້ບິນເວີ່ນຢູ່ເທົງອາກາດໃນຂະນະທ່ີພວກລູກເຮືອຖິ້ມຫີບເຄື່ອງຊ່ອຍເຫລົອ ລົງໃຫ້ປະຊາຊົນຢູ່ທາງພາກພື້ນດິນ. ບັນດາເຈົ້າໜ້າທ່ີ Haiti ກ່າວວ່າ ສົບພວກທ່ີໄດ້ຮັບເຄາະຮ້ານປະມານ 40 ພັນສົບໄດ້ ຖືກຝັງໃນຫລຸມຝັງສົບລວມໝູ່ໃນແຫ່ງຕ່າງໆ ແລະທຳນາຍວ່າ ຈຳນວນຜູ້ເສັຍຊີວິດທັງໝົດອາດມີເຖິງ 2 ແສນຄົນກໍເປັນໄດ້. ພວກພນັກງານຊ່ອຍກູ້ໄພຈາກຫລາຍກວ່າ 30 ປະເທດພາກັນສືບຕໍ່ຊອກຄົ້ນຫາພວກທ່ີອາດລອດຊີວິດ ມາໄດ້ ຕາມຊາກຫັກພັງຂອງພວກ ຕຶກອາຄານທ່ີເພພັງລົງນັ້ນ ເຖິງແມ່ນມີຄວາມຫວັງໜ້ອຍນ້ອຍລົງທ່ີຈະ ຊ່ອຍເຫລືອພວກທ່ີຖືກຄ້າງຄາຢູ່ກ້ອງ ສິ່ງຫັກພັງອອກມາທັນນັ້ນ. ໃນວັນເສົາວານນີ້ ທ່ານນາງ Hillary Clinton ຣັຖມຸນຕີການຕ່າງປະເທດສະຫະຣັດໄດ້ພົບປະກັບປະທານາທິບໍດີ Rene Preval ແຫ່ງ Haiti ຢູ່ທ່ີຕູບຜ້າຕັ້ງແຫ່ງນຶ່ງທ່ີສະໜາມບິນ Port-au-Prince ຊຶ່ງທ່ານນາງ Hillary Clinton ກ່າວວ່າ ການພົບປະກັນແມ່ນເພ່ງເລັງໃສ່ຫາຊ່ອງທາງທ່ີດີທ່ີສຸດເພື່ອໃຫ້ການຊ່ອຍເຫລືອທາງດ້ານມະນຸດສະທັມແກ່ພວກທ່ີໄດ້ຮັບຄວາມເສັຍຫາຍນັ້ນ.ຫລັງຈາກການພົບປະກັນແລ້ວ ທ່ານນາງຄລິນຕັນກ່າວວ່າ ທ່ານນາງມີຂໍ້ຄວາມຝາກ ໄປເຖິງປະຊາຊົນ Haiti ວ່າ ຊາວອະເມຣິກັນມາຍັງHaiti ຕາມຄຳຮຽກຮ້ອງຂອງຣັຖບານ Haiti ແລະພາລະກິດຂອງເຂົາເຈົ້າກໍ ແມ່ນເພື່ອຊ່ອຍເຫລືອຊາວ Haiti.ໃນວັນເສົາວານນີ້ ສະຫະປະຊາຊາດໄດ້ຢືນຢັນກ່ຽວກັບການ ເສັຍຊີວິດຂອງທ່ານ Hedi Annabi ຜູ້ຕາງໜ້າພິເສດຂອງສະຫະປະຊາຊາດປະຈຳ Haiti ແລະຜູ້ຮອງຂອງທ່ານຄື ທ່ານ Luiz Carlos da Costa. ໄດ້ມີການພົບເຫັນສົບຂອງພວກທ່ານທັງສອງຢູ່ໃນກ້ອງຕຶກອາຄານຂອງສຳນັກງານໃຫຍ່ສະຫະປະຊາຊາດ ທ່ີຫັກພັງລົງນັ້ນ ພ້ອມທັງສົບຂອງທ່ານDoug Coates ຜູ້ວ່າໜ້າທ່ີແທນຫົວໜ້າຕຳ ຫລວດສະຫະປະຊາຊາດທ່ີ Haiti ນັ້ນ. ທ່ານພັນກິມູນ ເລຂາທິການໃຫຍ່ ສະຫະປະຊາຊາດກຳນົດທ່ີຈະເດີນ ທາງ ໄປຍັງ Haiti ໃນວັນອາທິດມື້ນີ້.
ທີ່ປາກີສຖານ: ເຈົ້າໜ້າທີ່ອັຟການີສຖານກ່າວວ່າ ການໂຈມຕີດ້ວຍລູກສອນໄຟ ຈາກ ຍົນທີ່ບໍ່ ມີຄົນຂັບລຳນຶ່ງຂອງສະຫະລັດ ໄດ້ຍັງຜົນໃຫ້ພວກຫົວຮຸນແຮງ ເສຍຊີວິດ ຢ່າງໜ້ອຍ 15 ຄົນ ແລະວ່າຈຳນວນຜູ້ເສຍຊີວິດຍ້ອນ ເຫດ ການດັ່ງກ່າວນີ້ ອາດມີເພີ່ມຂື້ນອີກ.ການໂຈມຕີໃນວັນອາທິດມື້ ນີ້ ແມ່ນຢູ່ໃນເຂດ Shaktoi ຂອງເຂດ Waziristanໃຕ້ວຸ້ນວາຍຂອງປາກີສຖານການໂຈມຕີ ດ້ວຍຍົນບໍ່ມີຄົນຂັບ ຂອງສະຫະ ລັດ ໄດ້ເປັນຫົວຂໍ້ຂອງການ ຂັດແຍ້ງກັນລະຫວ່າງ ສະຫະລັດແລະປາກີສຖານ ທີ່ຖືວ່າເປັນການຝ່າຝືນ ອະທິປະ ໄຕຂອງຕົນ. ແຕ່ວໍຊິງຕັນກ່າວວ່າ ຍົນດັ່ງກ່າວເປັນອາວຸດທີ່ມີ ປະສິດທິຜົນສູງສຳຫລັບໃຊ້ໃນຂົງເຂດ ທີ່ສອກຫລີກຂອງພວກຊົນເຜົ່າ.
ກຸ່ມຫົວຮຸນແຮງຕາລິບານໃນປາກີສຖານ ໄດ້ນຳເອົາບັນທຶກສຽງຊຸດໃໝ່ ອອກມາເຜີຍແຜ່ໃນວັນເສົາວານນີ້ ເພື່ອຢືນຢັນວ່າ ຜູ້ນຳຂອງພວກເຂົາ ນາຍ Hakimullah Mehsud ລອດຊີວິດມາໄດ້ການໂຈມຕີໂດຍຍົນບໍ່ ມີຄົນຂັບຂອງສະຫະລັດ ໃນອາທິດແລ້ວນີ້.ແຫລ່ງຂ່າວສືບລັບຂອງປາກິສຖານ ກ່າວວ່າ ນາຍ Mehsud ໄດ້ ບາດເຈັບໃນການໂຈມຕີ ທີ່ສັງຫານພວກຕ້ອງສົງໃສຫົວຮຸນແຮງ ຢ່າງ ໜ້ອຍ 12 ຄົນ.ສະຫະລັດໄດ້ເພີ່ມການ ໂຈມຕີດ້ວຍຍົນບໍ່ມີຄົນຂັບ ນັບຕັ້ງແຕ່ການວາງ ລະເບີດສະລະຊີບໄດ້ສັງຫານເຈົ້າໜ້າທີ່ສືບລັບສະຫະລັດ ເຈັດຄົນ ໃນ ເຂດຕາເວັນອອກຂອງອັຟການີສຖານ ໃນທ້າຍເດືອນທັນວາຜ່ານມາ.
ການເລືອກຕັ້ງທີ່ຢູເກຣນ: ບັນດາຜູ້ມີສິດປ່ອນບັດເລືອກຕັ້ງໃນຢູເກຣນກຳລັງພາກັນອອກໄປລົງ
ຄະແນນສຽງໃນການເລືອກຕັ້ງ ທ່ີມີການຄາດຄະເນກັນຢ່າງກວ່າງ ຂວາງວ່າ ຈະນຳຄວາມປລາໄຊມາໃຫ້ປະທານາທິບໍດີ Viktor Yu-shchenko ທ່ີປົກຄອງປະເທດໃນປັດຈຸບັນນີ້.
ທ່ານ Yushchenko ຂຶ້ນຄອງອຳນາດໃນປີ 2004 ໃນການປະຕິວັດ ສີສົ້ມຂອງມະຫາຊົນ ແຕ່ຣັຖບານຂອງທ່ານໄດ້ປະສົບກັບຄວາມປັ່ນ ປ່ວນທາງດ້ານການເມືອງແລະເສດຖະກິດທີ່ຊຸດໂຊມມາໂດຍຕລອດ ຊື່ງໄດ້ເຮັດໃຫ້ຄະແນນນິຍົມຂອງທ່ານຕົກຕ່ຳ ແລະລ້າຫລັງຄູ່ແຂ່ງຢ່າງຫລວງຫລາຍ.
ຄູ່ແຂ່ງທ່ີທ່ານໄດ້ຊະນະໃນການເລືອກຕັ້ງເມື່ອ 6 ປີກ່ອນ ຄືທ່ານ Viktor Yanukovych ມີຄະແນນສຽງນຳໜ້າ ແລະຮອງລົງມາແມ່ນທ່ານນາງ Yulia Tymoshenko ນາຍົກຣັຖມຸນຕີຢູເກຣນ ຊຶ່ງມີສຽງນິຍົມອັນດັບສອງ. ແຕ່ເບິ່ງຄືວ່າ ທ່ານ Yanukovych ຫລືທ່ານນາງ Tymoshenko ຈະບໍ່ໄດ້ຮັບສຽງສະໜັບສະໜຸນຫລາຍພໍໃນການເລືອກຕັ້ງໃນວັນອາທິດມື້ນີ້ ໃນລະວ່າງຜູ້ສມັກຮັບເລືອກຕັ້ງທັງໝົດ18 ທ່ານ ຊຶ່ງຈະສົ່ງຜົນໃຫ້ມີການເລືອກຕັ້ງຮອບຕັດສິນຊີ້ຂາດໃນວັນທີ 7 ເດືອນກຸມພາ ຄືເດືອນໜ້ານີ້.
ທ່ານ Yanukovych ຊຶ່ງເປັນອະດີດນາຍົກຣັຖມຸນຕີ ນິຍົມຣັດເຊັຍ ໃນຂະນະທີ່ທ່ານນາງ Tymoshenko ນິຍົມຝ່າຍຕາເວັນຕົກ ແຕ່ທ່ານນາງໃຫ້ຄຳໝັ້ນສັນຍາວ່າ ຈະປົວແປງສາຍພົວພັນທ່ີເຄັ່ງຕຶງລະວ່າງຢູເກຣນກັບກຸງມອສກູ ຖ້າທ່ານນາງໄດ້ຮັບເລືອກຕັ້ງ.
ທີ່ອິຣັກ:ຜູ້ຊາຍທ່ີເປັນທີ່ຮູ້ຈັກກັນໃນທົ່ວໂລກ ໃນຊື່ ”Chemical Ali” ຫລື ເຄມີອາລີ ຍ້ອນຜູ້ກ່ຽວໄດ້ ໃຊ້ອາວຸດເຄມີຕໍ່ພວກພົນລະເຮືອນອິຣັກໃນ ລະຫວ່າງການປົກຄອງຂອງຊັດດັມຮູສເຊນນັ້ນ ໄດ້ຖືກສານກຸງແບກແດ໊ດ ຕັດສິນປະຫານຊີວິດເປັນຄັ້ງທີ4. ເທື່ອນີ້ນາຍ Ali Hassan al-Majid ຖືກຕັດສິນປະຫານຊີວິດເນື່ອງຈາກຜູ້ກ່ຽວໃຊ້ແກສສັງຫານພວກຊາວເຄີດໃນບ້ານ Halapja ໃນພາກຕາເວັນອອກສຽງເໜືອຂອງອິຣັກ ຊຶ່ງກະປະມານກັນວ່າ ພວກຊາວບ້ານ 5 ພັນຄົນໄດ້ເສັຍຊີວິດໃນການໂຈມຕີດ້ວຍແກສໃນຄັ້ງນັ້ນ.
ການຕັດສິນປະຫານຊີວິດຜູ້ກ່ຽວໃນັວັນອາທິດມື້ນີ້ ມີຂຶ້ນຫລັງຈາກໄດ້ມີການຕັດສິນປະຫານຊີວິດຜູ້ກ່ຽວມາກ່ອນແລ້ວ 3 ຄັ້ງໃນຖານໄດ້ກະ ທຳຄວາມຜິດອື່ນໆຕໍ່ປະຊາຊົນອິຣັກ ໃນເວລາຜູ້ກ່ຽວເປັນເຈົ້າໜ້າທ່ີຂັ້ນສູງພາຍໃຕ້ການປົກຄອງຂອງຊັດດັມນັ້ນ. ການຕັດສິນຄັ້ງຫລ້າສຸດແມ່ນມີຂຶ້ນໃນປີກາຍນີ້ ເວລານາຍ Majid ຖືກ
ຕັດສິນປະຫານຊີວິດດ້ວຍການແຂວນຄໍ ຍ້ອນບົດບາດຂອງຜູ້ກ່ຽວໃນການສັງຫານພວກມຸສລິມນິກາຍຊີໄອໃນເຂດ Sadr City ໃນກຸງແບກແດ໊ດໃນປີ1999 ນັ້ນ.
ທີ່ເຢເມນ: ກະຊວງປ້ອງກັນປະເທດເຢເມນກ່າວວ່າ ກຳລັງຂອງຝ່າຍຣັຖບານໄດ້ຈັບກຸມພວກນັກຕໍ່ສູ້ຫົວຮຸນແຮງal-Qaida 3 ຄົນໃນພາກເໜືອຂອງປະເທດຢູ່ໃກ້ໆກັບຊາຍແດນ ຊາອຸດີອາຣາເບັຍນັ້ນ. ຊາຍ 3 ຄົນນີ້ໄດ້ຖືກຈັບກຸມໃນວັນເສົາວານນີ້ ຊຶ່ງພວກເຂົາມີອາວຸດຕິດໂຕພ້ອມທັງວັດຖຸລະເບີດ ແລະປຶ້ມນ້ອຍໂຄສະນາຊວນເຊື່ອ. ລາຍງານເວົ້າວ່າ ທັງສາມຊື່ງ ນຸ່ງເຄື່ອງແບບທະຫານ ໄດ້ຖືກຈັບກຸມຢູ່ໃກ້ໆກັບແຂວງ Saada ຊຶ່ງເປັນເຂດກໍ່ການກະບົດຂອງພວກຫົວແບ່ງແຍກດິນແດນນັ້ນ.
ການຈັບກຸມດັ່ງກ່າວມີຂຶ້ນນຶ່ງມື້ ຫລັງຈາກການໂຈມຕີທາງອາກາດຂອງ ເຢເມນ ທ່ີໄດ້ສັງຫານພວກສະມາຊິກ 6 ຄົນ ຂອງກຸ່ມ al-Qaida ໃນແຫລມອາຣາເບັຍ ທ່ີຮວມທັງນາຍ Qassem al-Raimi ທ່ີຮູ້ຈັກກັນດີ ວ່າ ເປັນຫົວໜ້າກຸ່ມກະບົດໃນເຢເມນນັ້ນ. ນາຍ Al-Raimi ຫລົບໜີຈາກຄຸກແຫ່ງນຶ່ງໃນເຢເມນໄປ ໃນປີ2006.
ໃນວັນເສົາວານນີ້ເຊັ່ນກັນ ພວກກະບົດ Zaidi Shi’ite ກ່າວອ້າງວ່າ
ພວກເຂົາໄດ້ຍິງເຮືອບິນເຮລີຄອບເຕີຂອງກອງທັບSaudi Arabia ລຳນຶ່ງຕົກໃນເຢເມນ. ແຕ່ທາງເຈົ້າໜ້າທ່ີ Saudi Arabia ຍັງບໍ່ທັນໄດ້ ສະແດງຄວາມເຫັນໃດໆອອກມາເທື່ອ ກ່ຽວກັບການກ່າວອ້າງຂອງພວກກະບົດນີ້.
ວັນເສົາ, ໒໑ ທັນວາ ໒໐໒໔
