ສະຖານະການໃນເຢເມນ : ສະຫະຣັດແລະອັງກິດຍັງພາກັນອັດສະຖານທູດຂອງພວກຕົນໃນເຢເມນ ຢູ່ຕໍ່ມາ ເປັນມື້ທີສອງໃນວັນຈັນມື້ນີ້ ຍ້ອນການຂົ່ມຂູ່ທາງດ້ານຄວາມປອດໄພຈາກສາຂາທ້ອງຖິ່ນສາຂານຶ່ງຂອງເຄືອ ຂ່າຍກໍ່ການຮ້າຍ al-Qaida. ແຕ່ຍັງບໍ່ທັນເປັນທ່ີຈະແຈ້ງເທື່ອວ່າ ສອງປະເທດນີ້ຈະເປີດສະຖານທູດຄືນ ມື້ໃດນັ້ນ. ທ່ານ John Brennan ຜູ້ຊ່ອຍວຽກຂັ້ນສູງສຸດຝ່າຍຕໍ່ຕ້ານພວກກໍ່ການຮ້າຍປະຈຳປະທານາທິບໍດີບາ ຣັກໂອບາມາ ກ່າວຕໍ່ຕາໜ່າງໂທຣະພາບCNN ໃນວັນອາທິດວານນີ້ວ່າ ສະຖານທູດສະຫະຣັດ ໄດ້ອັດລົງກໍ ເພາະວ່າ ມີຮ່ອງຮອຍຫລາຍຢ່າງທ່ີສະແດງໃຫ້ເຫັນວ່າ ກຸ່ມal-Qaidaກຳລັງວາງແຜນໂຈມຕີໃນນະຄອນ ຫລວງ Sana’a ຊຶ່ງເປັນໄປໄດ້ວ່າ ພວກເຂົາອາດຈະທຳການໂຈມຕີ ຕໍ່ຕຶກອາຄານຂອງສະຖານທູດ.
ທາງສະຖານທູດສະຫະຣັດກ່າວວ່າ ການຂົ່ມຂູ່ເຫລົ່ານີ້ມາຈາກກຸ່ມAl-Qaida ໃນແຫລມອາຣາເບັຍ ຊຶ່ງມີສ່ວນພົວພັນກັບກຸ່ມທ່ີວາງແຜນທຳການລະເບີດເຮືອບິນໂດຍສານລຳນຶ່ງ ທີ່ມຸ່ງໜ້າໄປຍັງສະຫະຣັດ ແຕ່ປະສົບກັບຄວາມລົ້ມແຫລວ ໃນວັນຄຣີສມາສຄືວັນທີ 25 ທັນວາຜ່ານມານີ້.ຕຶກອາຄານຂອງສະຖານທູດສະຫະຣັດ ທ່ີເຢເມນໄດ້ຕົກເປັນເປົ້າໝາຍຂອງການໂຈມຕີຂອງກຸ່ມal-Qaida ໃນປີ2008 ເວລາລົດ2 ຄັນທ່ີບັນ
ຈຸວັດຖຸລະເບີດ ແຕກຂຶ້ນຢູ່ນອກທາງເຂົ້າສະຖານທູດ ແລະພວກມືປືນໄດ້ພະຍາຍາມບຸກຜ່າພວກຄົນຍາມສະຖານທູດເຂົ້າໄປ ຊຶ່ງໄດ້ເຮັດໃຫ້ມີຄົນເສັຍຊີວິດໄປ 16 ຄົນໃນການຍິງຕໍ່ສູ້ກັນລະຫວ່າງພວກມືປືນກັບ ພວກທະຫານເຢເມັນນັ້ນ. ທ່ານ Gordon Brown ນາຍົກຣັຖມຸນຕີອັງກິດກ່າວຕໍ່ອົງການຂ່າວ
BBC ຂອງອັງກິດໃນວັນອາທິດວານນີ້ວ່າ ພວກຫົວຮຸນແຮງມຸສລິມທ່ີຖືກຂັບໄລ່ອອກຈາກປາກີສຖານ ກຳລັງໄປໂຜ່ໂຕຂຶ້ນໃນເຢເມນ ແລະໃນປະເທດອື່ນໆອີກທ່ີກຳລັງຕໍ່ສູ້ກັບພວກຫົວຮຸນແຮງເຫລົ່ານີ້ ເຊັ່ນໃນປະເທດໂຊມາເລັຍ ເປັນຕົ້ນ. ທ່ານ Brown ເອີ້ນເຢເມັນວ່າເປັນປະເທດທ່ີກຳລັງປະສົບກັບຄວາມລົ້ມແຫລວ ແລະກ່າວຕື່ມວ່າ ພວກປະເທດຝ່າຍຕາເວັນຕົກ ຈະຕ້ອງລະມັດລະວັງທ່ີສຸດກ່ຽວກັບວ່າ ຕົນຄວນຈະໃຫ້ການສະໜັບສະໜຸນແກ່ປະເທດໃດ ແລະຕິດຕາມເບິ່ງນຳວ່າເຂົາເຈົ້າເຮັດຈັ່ງໃດ ກັບການສະໜັບສະໜຸນຂອງຕົນນັ້ນ.
ສະຫະຣັດຮັດເຄ່ັງການຮັກສາຄວາມປອດໄພທາງອາກາດຂຶ້ນ:ຣັຖບານສະຫະຣັດໄດ້ສັ່ງ ໃຫ້ທຳການກວດກາຢ່າງເຄ່ງຄັດເພ່ີມຂຶ້ນອີກ ສຳລັບພວກຄົນໂດຍສານທ່ີບິນເຂົ້າມາຍັງສະຫະຣັດຈາກ 14ປະເທດ ທ່ີຖືວ່າມີການສ່ຽງສູງກັບພວກການຮ້າຍນັ້ນ ຊື່ງຄຳສັ່ງໃຫ້ປະຕິບັດມາດຕະການກວດກາໃໝ່ນີ້ ມີຂຶ້ນຫລັງຈາກການໂຈມຕີຂອງພວກກໍ່ການຮ້າຍທ່ີປະສົບກັບຄວາມລົ້ມແຫລວ ໃນວັນຄຣີສມາດ ວັທີ25 ທັນວາຜ່ານມາ ຕໍ່ເຮືອບິນໄອພົ່ນໂດຍສານລຳນຶ່ງທ່ີກຳລັງມຸ່ງໜ້າມາຍັງສະຫະຣັດນັ້ນ.ກົມຮັກສາຄາມປອດໄພ ໃນການຂົນສົ່ງຂອງສະຫະຣັດ ກ່າວໃນວັນອາທິດວານນີ້ວ່າ ທຸກໆຄົນທ່ີບິນເຂົ້າໄປຍັງສະຫະຣັດ ຈາກປະເທດ ຫລືຜ່ານປະເທດໃດກໍຕາມ ທ່ີເປັນຜູ້ອຸບປະຖັມພວກກໍ່ການຮ້າຍ ຫລືປະເທດອື່ນໆທ່ີໜ້າສົນໃຈກ່ຽວກັບພວກກໍ່ການຮ້າຍນັ້ນ ຈະຖືກຮັບການກວດກາຢ່າງເຄັ່ງຄັດເພີ່ມຂຶ້ນ. ບັນຊີລາຍຊື່ປະເທດທ່ີໃຫ້ການອຸບປະຖັມແກ່ພວກ ກໍ່ການຮ້າຍຂອງກະຊວງການຕ່າງປະເທດສະຫະຣັດ ແມ່ນປະກອບດ້ວຍສີ່ປະເທດ ຄື ຄີວບາ ອິຣ່ານ ຊູດານ ແລະຊີເຣັຍ. ລາຍງານສື່ມວນຊົນສະຫະຣັດ ກ່າວວ່າ ພວກຄົນໂດຍສານຈາກອັຟການີສຖານ ອານຈີເຣັຍ ອິຣັກ ເລບານອນ ລີເບັຍ ໄນຈີເຣັຍ ປາກີສຖານ ຊາວດີອາຣາເບັຍ ໂຊມາເລັຍ ແລະເຢເມນ ກໍຈະຖືກກວດກາຢ່າງເຄັ່ງຄັດຫລາຍຂຶ້ນເຊັ່ນກັນ.ການເອົາມາດຕະການກວດກາເພີ່ມຂຶ້ນນີ້ ອາດຈະຮວມທັງການລູບເບິ່ງ ຕາມຮ່າງ ກາຍຕົນໂຕຂອງຜູ້ໂດຍສານ ແລະຄົ້ນເບິ່ງກະເປົາຫລືຫີບ ເພື່ອກວດຫາວັດຖຸລະເບີດ ແລະໃຊ້ເຄື່ອງ Xray ສ່ອງເບິ່ງຕົນຕົວ.
ທີ່ອິນເດັຍ: ບັນດາເຈົ້າໜ້າທີ່ີກ່າວວ່າ ນາຍຕຳຫລວດ 5 ຄົນໃນເມືອງມອມໄບ ໄດ້ຖືກສັ່ງພັກການຊົ່ວ ຄາວ ໃນຂໍ້ຫາຖານໄດ້ເຂົ້າຮ່ວມໃນງານກິນລ້ຽງສັງສັນກັບອາຊະຍາກອນກຸ່ມນຶ່ງ ໃນບັນດາພວກກຸ່ມແກ໊ງອາດຊະຍາກອນ ທ່ີມີຊື່ສຽງທ່ີສຸດຂອງເມືອງ.ພວກເຈົ້າໜ້າທີ່ີຕຳຫລວດເຫລົ່ານີ້ນີ້ກ່າວວ່າເຂົາເຈົ້າບໍ່ໄດ້ເຮັດຫຍັງຜິດ ເຖິງແມ່ນໂທຣະພາບຊ່ອງຕ່າງໆຂອງອິນເດັຍ ໄດ້ຖ່າຍທອດພາບວີດີ ໂອ ທ່ີສະແດງໃຫ້ເຫັນພວກເຂົາເຈົ້າກຳລັງຮ່ວມສັງສັນໃນງານລ້ຽງສະຫລອງ ກ່ອນວັນຄຣີສມາສກັບພວກສະມາຊິກຄົນສຳຄັນ ຈາກແກ໊ງ ທີ່ຢູ່ພາຍໃຕ້ການນຳພາຂອງນາຍ Chhota Rajan ທ່ີຖືກກ່າວຫາວ່າເປັນຫົວໜ້າກຸ່ມແກ໊ງໃຕ້ດິນ ກໍຕາມ.
ທ່ານ V.N. Salve ຮອງຫົວໜ້າຕຳຫລວດນະຄອນມອມໄບ ແລະທ່ານ Prakash Wani ຜູ້ຊ່ອຍ ວຽກຫົວໜ້າຕຳຫລວດປະຈຳເມືອງກໍຮວມຢູ່ໃນກຸ່ມພວກທ່ີຖືກສັ່ງພັກວຽກຊົ່ວຄາວນັ້ນ.
ທີ່ປະເທດຈີນ : ພວກພນັກງານປະມານ700 ຄົນໃນພາກເໜືອຂອງຈີນ ໄດ້ພາກັນຂຸດຄອງແລະສ້າງເຂື່ອນລອຍໃນວັນອາທິດວານນີ້ ເພື່ອຫາທາງປ້ອງກັນບໍ່ ໃຫ້ນ້ຳມັນທີ່ຮົ່ວໄຫລອອກມາຈາກທໍ່ລຳລຽງ ໄຫລໄປໃສ່ແມ່ນ້ຳເຫລືອງ ຊຶ່ງເປັນແຫລ່ງນ້ຳດື່ມນ້ຳໃຊ້ຂອງປະຊາຊົນຫລາຍລ້ານຄົນໃນຂົງເຂດ.
ອົງການຂ່າວຊິນຫົວຂອງທາງການຈີນລາຍງານວ່າ ໄດ້ມີການພົບເຫັນ ວ່າມີນ້ຳມັນຮົ່ວໄຫລອອກມາຈາກທໍ່ລຳລຽງນ້ຳມັນຂອງ ບໍລິສັດນ້ຳມັນແຫ່ງຊາດຈີນ China National Petroleum ໃນແຂວງ Shaanxi ໃນວັນພຸດສັບປະດາຜ່ານມາ. ລາຍງານຂ່າວຊິນຫົວຍັງໃຫ້ຮູ້ຕື່ມວ່າ ທາງບໍລິສັດດັ່ງກ່າວໄດ້ອັດທ່ໍ່ລຳ ລຽງນ້ຳມັນໃນທັນທີ ແຕ່ກໍບໍ່ໄດ້ອັດໄວພໍ ເຮັດໃຫ້ນ້ຳມັນກາຊວນປະ ມານ 150 ພັນລິດ ຮົ່ວໄຫລໄປໃສ່ແມ່ນ້ຳ Wei ຊຶ່ງເປັນສາຂາຂອງແມ່ນ້ຳເຫລືອງນັ້ນ. ບໍລິສັດນຳມັນແຫ່ງຊາດຈີນກ່າວວ່າ ນ້ຳມັນທ່ີຮົ່ວໄຫລອອກມານັ້ນ ສ່ວນຫລາຍແມ່ນ ກຳຈັດອອກໄປໝົດແລ້ວ ແລະການຮົ່ວໄຫລກໍຄວບຄຸມໄວ້ໄດ້ແລ້ວ. ແຕ່ລາຍງານຂ່າວກ່ອນໜ້ານີ້ ເວົ້າວ່າ ໄດ້ມີການພົບເຫັນນ້ຳມັນກາຊວນທ່ີຮົ່ວໄຫລນັ້ນ ຢູ່ຫ່າງຈາກບ່ອນຮົ່ວໄຫລອອກທຳອິດ ໃກອອກໄປປະມານ 33 ຫລັກກິໂລແມັດໃນແມ່ນ້ຳ Wei.
ຄວາມເຄັ່ງຕຶງລະຫວ່າງສອງເກົາຫລີ: ໃນວັນຈັນມື້ນີ້ ປະທານາທິບໍດີເກົາຫລີໃຕ້ໄດ້ກ່າວຄຳຮຽກຮ້ອງ ໃຫ້ມີ “ຈຸດຫັນປ່ຽນ” ໃນສາຍພົວພັນກັບເກົາຫລີເໜືອ ແລະເລ່ງລັດອີກເທື່ອ ໃໝ່ໃຫ້ເກົາຫລີເໜືອ ປະເທດເພື່ອບ້ານທາງທິດເໜືອຂອງຕົນທີ່ມີອາ ວຸດນິວເຄລັຍນັ້ນ ປົດອາວຸດນີວເຄລັຍຂອງຕົນ.
ຄຳຮຽກຮ້ອງຂອງປະທານາທິບໍດີຫລີມິອອງພັກ ມີຂຶ້ນໃນເວລາບໍ່ເທົ່າໃດມື້ ຫລັງຈາກເກົາຫລີເໜືອໄດ້ກ່າວຢູ່ໃນຖ້ອຍຖະແຫລງໃນໂອກາດວັນປີໃໝ່ວ່າ ຕົນມີຄວາມໝັ້ນໝາຍທ່ີຈະປັບປຸງສາຍພົວພັນ ກັບສະຫະ ຣັດແລະເກົາຫລີໃຕ້ ໃຫ້ດີຂຶ້ນ ແລະເຮັດໃຫ້ແຫລມເກົາຫລີເປັນຂົງເຂດປອດອາວຸດນີວເຄລັຍນັ້ນ.
ໃນຄຳປາໄສເນື່ອງໃນໂອກາດປີໃໝ່ທ່ີຖ່າຍທອດທາງໂທຣະພາບໄປຍັງທົ່ວປະເທດ ປະທານາທິບໍດີ Lee Myung-bak ສະເໜີແນະໃຫ້ຈັດ ຕັ້ງຄນະນຶ່ງຂຶ້ນ ເພື່ອທຳການໂອ້ລົມສົນທະນາລະຫວ່າງສອງເກົາຫລີ.
ນອກນີ້ ຜູ້ນຳເກົາຫລີໃຕ້ຍັງໄດ້ຮຽກຮ້ອງຕື່ມອີກ ໃຫ້ເກົາຫລີເໜືອກັບຄືນມາສູ່ການເຈຣະຈາ 6 ຝ່າຍວ່າດ້ວຍການປົດອາວຸດນີວເຄລັຍ ທ່ີ ເກົາຫລີເໜືອໄດ້ຖອນໂຕອອກໄປ ເມື່ອ 9 ເດືອນຜ່ານມານັ້ນ.
ຕຶກທີ່ສູງທີ່ສຸດໃນໂລກ: Dubai ກຳນົດຈະເປີດຕຶກອາຄານທ່ີສູງທີ່ສຸດໃນໂລກໃນວັນຈັນມື້ນີ້ຊຶ່ງເປັນເວລາບໍ່ຮອດນຶ່ງເດືອນ ຫລັງຈາກໄດ້ຮັບເງິນຊ່ອຍເຫລືກຈຳນວນຫລາຍພັນລ້ານດອນລາ ຈາກປະເທດເພື່ອບ້ານ Abu Dhabi ເພື່ອ ຈ່າຍໜີສິນນັ້ນ. ຜູ້ປົກຄອງ Dubai ຈະເປັນປະທານພິທີເປີດຕຶກ ອາຄານ Burj Dubai ຊື່ງເປັນຊື່ໃນພາສາອາຫຣັບສຳລັບ Dubai
Tower ຫລືຫໍດູບາຍ ທ່ີໄດ້ກໍ່ສ້າງມາຕັ້ງແຕ່ປີ 2004 ເປັນຕົ້ນມາ.
ພວກກໍ່ສ້າງຕຶກອາຄານຫລັງນີ້ຈະບໍ່ເປີດເຜີຍໃຫ້ຮູ້ເຖິງຄວາມສູງຂອງຕຶກ Burj ກ່ອນການເປີດເປັນທາງການ ແຕ່ລາຍງານເວົ້າວ່າ ມີຄວາມ ສູງຫລາຍກວ່າ 800 ແມັດ ຊຶ່ງແມ່ນສູງກວ່າຕຶກອາຄານ ທ່ີສູງທີ່ສຸດກ່ອນໜ້ານີ້ ຄືຕຶກ Taipei 101 ຊຶ່ງສູງ 508 ແມັດ ເທິງເກາະໄຕ້ຫວັນນັ້ນ.
ວັນສຸກ, ໒໗ ທັນວາ ໒໐໒໔
