ທີ່ອິຣ່ານ: Web Sites ຂອງພວກຝ່າຍຄ້ານໃນອິຣ່ານກ່າວວ່າ ພວກນັກເຄື່ອນໄຫວຝ່າຍຄ້ານ 4 ຄົນເສັຍຊີວິດໃນມື້ທີສອງໃນການປະທະກັນກັບກຳລັງຮັກສາຄວາມປອດໄພໃນນະຄອນ ຫລວງກຸງເຕຮະຣ່ານ. ບັນດາກຸ່ມຝ່າຍຄ້ານກ່າວວ່າ ພວກປະທ້ວງ 4 ຄົນນີ້ເສັຍຊີວິດໃນວັນອາທິດມື້ນີ້ໃນຂະນະພວກຫົວປະຕິຮູບ ຫລາຍພັນຄົນໂຮມຊຸມນຸມກັນຢູ່ທ່ີຈະຕຸຣັດ Engelab ໃນໃຈການກຸງ Tehran ເພື່ອທ້າທາຍຕໍ່ຄຳເຕືອນຂອງຕຳຫລວດ. ພວກທ່ີເຫັນເຫດການກ່າວວ່າ ພວກປະທ້ວງພາ ກັນໂຮຮ້ອງຄຳຂັວນທ່ີກ່າວວ່າ “ຂໍ່ຈົ່ງໃຫ້ຜູ້ຜະເດັການພິນາດ” ຊຶ່ງເປັນການອ້າງອີງໃສ່ຄນະນຳພາຫົວນິຍົມແນວທາງເດີມຂອງອິຣ່ານ. ພວກທ່ີເຫັນເຫດການເຫລົ່ານີ້ກ່າວຕື່ມວ່າ ຕຳຫລວດໄດ້ ຍິງແກສນ້ຳຕາແລະໃຊ້ໄມ້ຄ້ອນເພື່ອຂັບໄລ່ພວກປະທ້ວງໃຫ້ແຕກ ໜີໄປ.
ພວກນິຍົມການປະຕິຮູບໃນອິຣ່ານໄດ້ພາກັນໂຮມຊຸມນຸມທຳການປະທ້ວງຢ່າງສມ່ຳສະເໝີມາຕໍ່ຕ້ານການເລືອກຕັ້ງເອົາປະທານາທິບໍດີ
ມາມຸດອາມາດີເນຈາດ ຫົວນິຍົມແນວທາງເດີມຂຶ້ນມາດຳຣົງຕຳແໜ່ງອີກສະໄໝນຶ່ງທ່ີເປັນບັນຫາໂຕ້ ແຍ່ງກັນ ໃນເດືອນມິຖຸນາຜ່ານມາ. ພວກຝ່າຍຄ້ານຂອງອິຣ່ານກ່າວວ່າ ໄດ້ມີການສໍ້ໂກງບັດເລືອກຕັ້ງ ແຕ່ຣັຖບານ ໄດ້ປະຕິເສດຕໍ່ຂໍ້ກ່າວຫາດັ່ງກ່າວ. ທ່ານ ເອສໄມ ອາມາດີ ໂມກາດັມ ຫົວໜ້າຕຳຫລວດອິຣ່ານ ໄດ້ເຕືອນ
ຝ່າຍຄ້ານມາກ່ອນບໍ່ໃຫ້ທຳການໂຮມຊຸມນຸມກັນປະທ້ວງໃນວັນອາທິດມື້ນີ້ທ່ີສອດຄ້ອງກັນກັບ ວັນລະລຶກແຫ່ງຊາດວັນອາຊູຣະ ຊຶ່ງເປັນວັນບຸນສາດສະໜາຂອງຊາວມຸສລິມນິກາຍຊີໄອ ນັ້ນ. ໃນວັນເສົາວານນີ້ ຕຳຫລວດອິຣ່ານໄດ້ໃຊ້ແກສນ້ຳຕາ ແລະໄມ້ຄ້ອນຕໍ່ຕ້ານກັບພວກເດີນຂະບວນປະທ້ວງທ່ີພາກັນໂຮມຊຸມນຸມ ກັນໃນໂບດແຫ່ງນຶ່ງໃນພາກເໜືອຂອງກຸງເຕຣ່ານບ່ອນທ່ີອະດີດປະທານາທິບໍດີໂມຮາມັດ ຄັດຕາມີ ຫົວປະຕິຮູບກຳລັງກ່າວຄຳປາໄສຢູ່ນັ້ນ.
ທີ່ອິຣັກ: ບັນດາເຈົ້າໜ້າທ່ີອິຣັກກ່າວວ່າ ລະເບີດທ່ີແຕກຂຶ້ນລູກນຶ່ງໄດ້ສັງຫານຜູ້ຄົນໄປຢ່າງນ້ອຍ 4 ຄົນໃນວັນອາທິດມື້ນີ້ ໃນຂະນະທ່ີພວກສະແຫວງບຸນຫລາຍແສນຄົນພາກັນສະຫລອງວັນ Ashura ຊຶ່ງເປັນ ວັນບຸນຂອງຊາວມຸສລິມນິກາຍ Shi’ite. ການໂຈມຕີຢູ່ໃກ້ເມືອງ Kirkukໃນມື້ນີ້ນັບວ່າ ເປັນການ ກໍ່ຄວາມຮຸນແຮງຂຶ້ນຄັ້ງຫລ້າສຸດທ່ີແນເປົ້າໝາຍໃສ່ພວກນິກາຍ Shi’ite ໃນຫວ່າງບໍ່ເທົ່າໃດມື້ຜ່ານມານີ້. ໃນຂະນະດຽວ ກັນ ພວກຜູ້ຄົນໃນຈຳນວນຫລວງຫລາຍພາກັນໄປເຕົ້າໂຮມກັນໃນເມືອງສາດສະໜາ Karbalaເພື່ອລະລຶກເຖິງການສັງຫານຫລານຊາຍຂອງ Muhammad ຜູ້ເຜີຍແພ່ສາດສະໜາອີສລາມໃນສັດຕວັດທ່ີ 7 ນັ້ນ. ອິຣັກໄດ້ສົ່ງກຳລັງຮັກສາຄວາມປອດໄພຈຳນວນຫລາຍ ກວ່າ 25 ພັນຄົນເພື່ອປ້ອງກັນບໍ່ໃຫ້ຄວາມຮຸນ ແຮງເກີດຂຶ້ນໃນຂົງເຂດນັ້ນ. ບັນດາເຈົ້າໜ້າທ່ີເມືອງ Karbala ກ່າວວ່າ ໄດ້ມີການຕັ້ງວົງຮັກສາຄວາມ ປອດໄພຂຶ້ນໃນທົ່ວໂຕເມືອງ. ໄດ້ມີການໃຊ້ໝາດົມກ່ິນລະເບີດ ເຈົ້າໜ້າທ່ີຮັກສາຄວາມປອດໄພ ຮວມທັງພວກແມ່ຍິງຫລາຍຮ້ອຍຄົນເພື່ອທຳການກວດກາໃນດ້ານກວດກາແຫ່ງຕ່າງໆເພື່ອຄົ້ນຫາລະເບີດຫລືອາວຸດຕ່າງໆຕໍ່ພວກ ສະແຫວງບຸນນັ້ນ. ພວກວາງລະເບີດສະລະຊີບແມ່ຍິງເຄີຍທຳການໂຈມຕີມາກ່ອນນັ້ນ.
ຢ່າງນ້ອຍມີຜູ້ຄົນຊາວກວ່າຄົນເສັຍຊີວິດໄປແລ້ວແລະຫລາວກວ່າ
100 ຄົນໄດ້ຮັບບາດເຈັບໃນສັບປະດາຜ່ານມາ ໃນການກໍ່ຄວາມຮຸນແຮງຂຶ້ນທ່ີແນເປົ້າໝາຍໃສ່ພວກທ່ີມີຄວາມເຫລື້ອມໃສທາງສາດສະໜາກ່ອນວັນ Ashura ນັ້ນ. ໃນວັນເສົາວານນີ້ ຕຳຫລວດກ່າວວ່າ ລະ ເບີດລູກນຶ່ງທ່ີແຕກຂຶ້ນໃນແຄມທາງໃນຄຸ້ມໃໝ່ກຸງແບກແດ໊ດ ໃນນະຄອນຫລວງໄດ້ສັງຫານຜູ້ຄົນໄປຢ່າງນ້ອຍ 2 ຄົນ ແລະບາດເຈັບຕື່ມອີກ 8 ຄົນທ່ີກຳລັງຮ່ວມໃນການແຫ່ບຸນຂອງຊາວມຸສລິມນິກາຍ Shi’ite ນັ້ນ.
ທີ່ປາກີສຖານ: ບັນດາເຈົ້າໜ້າທ່ີປາກີສຖານກ່າວວ່າ ລະເບີດລູກນຶ່ງໄດ້ແຕກຂຶ້ນຢູ່ໃນເຮືອນຂອງເຈົ້າ
ໜ້າທ່ີຣັຖບານທ້ອງຖ່ິນຄົນນຶ່ງໃນຂົງເຂດຊົນເຜົ່າໃນພາກຕາເວັນຕົກສຽງເໜືອ ເຮັດໃຫ້ເຈົ້າຂອງເຮືອນເສັຍຊີວິດ ພ້ອມທັງສະມາຊິກຄອບຄົວອີກ5 ຄົນ. ບັນດາເຈົ້າໜ້າທ່ີກ່າວວ່າ ການໂຈມຕີດັ່ງກ່າວໄດ້ເກີດຂຶ້ນໃນວັນອາທິດມື້ນີ້ ຢູ່ ໃນເມືອງ Sadda ໃນຂົງເຂດ Kurram ຕິດກັບອັຟການີສຖານນັ້ນ. ບັນດາເຈົ້າໜ້າທ່ີເຫລົ່ານີ້ກ່າວຕື່ມວ່າ ລະເບີດລູກນີ້ໄດ້ສັງຫານທ່ານ Safaraz Khan ເຈົ້າໜ້າທ່ີທ້ອງຖິ່ນ ພ້ອມທັງພັນລະຍາ ແລະລູກ ເຕົ້າຂອງທ່ານອີກ 4 ຄົນ. ເວລານີ້ ບໍ່ທັນມີຜູ້ໃດອ້າງເອົາຄວາມຮັບຜິດຊອບ ເທື່ອໃນການໂຈມຕີຄັ້ງນີ້. ພວກນັກຕໍ່ສູ້ຫົວຮຸນແຮງກຸ່ມຕາລີບັນແລະພວກພັນທະມິດຂອງພວກເຂົາໄດ້ແນ ເປົ້າໝາຍການໂຈມຕີຂອງພວກເຂົາໃສ່ພວກເຈົ້າໜ້າທ່ີປາກີສຖານ ເພື່ອຕອບໂຕ້ຕໍ່ການບຸກໂຈມຕີຂອງຣັຖ ບານຕໍ່ທ່ີໝັ້ນແຫ່ງຕ່າງໆຂອງພວກຫົວຮຸນແຮງນັ້ນ. ໃນການເຄື່ອນໄຫວອີກດ້ານນຶ່ງບັນດາເຈົ້າໜ້າທ່ີປາ ກີສຖານກ່າວວ່າ ໃນວັນອາທິດມື້ນີ້ ການໂຈມຕີຂອງເຮືອບິນທ່ີບໍ່ມີຄົນຂັບຂອງສະຫະຣັດລຳນຶ່ງໃສ່ເຮືອນ ຫລັງນຶ່ງທ່ີສົງໄສວ່າ ແມ່ນຂອງພວກຫົວຮຸນແຮງ ໄດ້ສັງຫານຜູ້ຄົນໄປ13 ຄົນຮວມທັງ ຢ່າງນ້ອຍຜູ້ ບັນຊາການໃນທ້ອງຖິ່ນຄົນນຶ່ງຂອງພວກຫົວຮຸນແຮງນຳ ແຕ່ຍັງບໍ່ເປັນທ່ີແຈ້ງຂາວເທື່ອວ່າ ພວກທີ່ ເສັຍຊີວິດໄປນັ້ນທັງໝົດ ເປັນພວກຫົວຮຸນແຮງຫລືບໍ?. ການໂຈມຕີໃນວັນເສົາວານນີ້ ເກີດຂຶ້ນໃນ ຂົງເຂດຊົນເຜົ່າ Waziristan ເໜືອນັ້ນ.
ຂ່າວຄືບໜ້າກ່ຽວກັບຄົນໄນເຈເຣັຍທ່ີພະຍາຍາມ ທຳລາຍເຮືອບິນໂດຍສານຂອງສະຫະຣັດ:
ບັນດາເຈົ້າໜ້ທ່ີປະຕິບັດກົດໝາຍຂອງສະຫະຣັດໄດ້ຕັ້ງຂໍ້ກ່າວຫາຕໍ່
ຜູ້ຊາຍໄນເຈເຣັຍຄົນນຶ່ງວັຍ 23 ປີ ໃນຂໍ້ຫາຖານທຳຄວາມພະຍາຍາມທຳລາຍເຮືອບິນລຳນຶ່ງຂອງສາຍການບິນສະຫະຣັດ
ໃນວັນສຸກຜ່ານມາໃນຂະນະທ່ີເຮືອບິນໂດຍສານລຳນີ້ພະຍາ ຍາມລົດຈອດທ່ີສະໜາມບິນເມືອງ Detroit ຣັດ Michigan ນັ້ນ. ບັນດາເຈົ້າໜ້າທ່ີອ່ານຂໍ້ກ່າວຫາດັ່ງກ່າວໃນວັນເສົາວານນີ້ ທ່ີໂຮງໝໍແຫ່ງນຶ່ງໃນຣັດ Michigan ບ່ອນທ່ີນາຍ Umar Farouk Abdulmutallah ກຳລັງປິ່ນປົວບາດແຜໄຟໄໝ້ຢູ່ນັ້ນ. ບັນດາເຈົ້າໜ້າທ່ີກ່າວວ່າ ນາຍ Abdulmutallah ພະຍາຍາມທຳລາຍ ເຮືອບິນລຳນີ້ດ້ວຍວັດຖຸລະເບີດແຮງສູງຊນິດນຶ່ງມັດຕິດໂຕຜູ້ກ່ຽວ.
ການວິເຄາະຂັ້ນຕົ້ນຂອງຕຳຫລວດ FBI ຂອງສະຫະຣັດກ່າວວ່າ ລະເບີດທ່ີວ່າແມ່ນບັນຈຸວັດຖຸລະເບີດທ່ີເອີ້ນວ່າ PETN. ແທນທ່ີລະເບີດດັ່ງກ່າວຈະແຕກຂຶ້ນມັນກັບເກີດໄຟໄໝ້ໂສ້ງນາຍ Abdulmutallahແລະຝາຂອງເຮືອບິນ. ນາຍ Abdulmutallah ໄດ້ຖືກຄວບຄຸມໂຕທັນທີຈາກພວກຄົນໂດຍສານອື່ນໆແລະພວກລູກເຮືອໃນເຮືອບິນນັ້ນ.
ບັນດາເຈົ້າໜ້າທ່ີສະຫະຣັດກ່າວວ່າ ນາຍ Abdulmutallah ກ່າວບອກ
ເຂົາເຈົ້າວ່າ ລາວໄດ້ຮັບການຝຶກແອບສຳລັບການໂຈມຕີນີ້ຈາກພວກAl-Qaidaໃນເຢເມນ.
ຖ້ຽວບິນຂອງສາຍການບິນລຳດັ່ງກ່າວທຳອິດແມ່ນບິນຂຶ້ນຈາກ Amsterdam ແລະເຮືອບິນລຳນີ້ລົງຈອດທ່ີສະໜາມບິນເມືອງ Detroit ຣັດ Michigan ຢ່າງປອດໄພດີ ແຕ່ພວກຄົນໂດຍສານບາງຄົນໃນຈຳນວນ ຄົນໂດຍສານທັງໝົດ 278 ຄົນໄດ້ຮັບບາດເຈັບເລັກນ້ອຍ.
ການເລືອກຕັ້ງທີ່Croatia:ບັນດາຜູ້ປ່ອນບັດເລືອກຕັ້ງໃນ Croatia ກຳລັງອອກໄປປ່ອນບັດເລືອກເອົາປະທານາທິບໍດີຄົນໃໝ່ຂອງເຂົາເຈົ້າທ່ີພະຍາຍາມນຳພາປະເທດເຂົ້າເປັນສະມາຊິກຂອງສະຫະພັນຢູໂຣບ.
ມີຜູ້ສມັກຮັບເລືອກຕັ້ງ 12 ຄົນເຂົ້າແຂ່ງຂັນກັນເພື່ອຊີງເອົາຕຳແໜ່ງດັ່ງກ່າວ. ການສຳຫລວດຫາງສຽງປະຊາຊົນ ຄັ້ງຫລ້າສຸດສະແດງໃຫ້ເຫັນວ່າ ທ່ານ Ivo Josipovic ສັງກັດພັກສົງຄົມປະຊາທິປັດ ອາຈານ ສອນດົນຕີ ມີທ່າທາງວ່າ ຈະເປັນຜູ້ທ່ີໄດ້ຮັບຄະແນນສຽງຫລາຍກວ່າໝູ່ໃນການເລືອກຕັ້ງໃນວັນອາທິດມື້ນີ້.
