ຂ່າວກອງປະຊຸມວ່າດ້ວຍສະພາວະໂລກຮ້ອນ: ພວກປະທ້ວງຈຳນວນຫລາຍຮ້ອຍຄົນພາກັນ ທຳການຍ່າງໄປຍັງບ່ອນຈັດກອງປະຊຸມວ່າດ້ວຍສະພາວະໂລກຮ້ອນທ່ີສະຫະປະຊາຊາດເປັນຜູ້ອຸບປະຖັມໃນນະຄອນ Copenhagen ປະເທດເດັນມາກ ໃນຂະນະທ່ີຜູນຳຂອງໂລກໄດ້ກະກຽມ ເພື່ອພົບປະກັນໃນຄວາມພະຍາຍາມໃຫ້ບັນລຸຂໍ້ຕົກລົງກັນສະບັບໃໝ່ວ່າດ້ວຍສະພາວະໂລກຮ້ອນນັ້ນ. ບັນດານັກເຄື່ອນໄຫວດ້ານດິນຟ້າອາກດ ທ່ີເກີດໂມໂຫນຳການພົບປະເຈຣະຈາກັນທ່ີດຳເນີນໄປຢ່າງຊ້າໆພາກັນຍ່າງໄປຍັງສູນກາງ Bella ໃນວັນພຸດມື້ນີ້ ບ່ອນທ່ີບັນດາຜູ້ນຳຂອງໂລກຈາກຫລາຍກວ່າ100 ປະເທດກຳລັງມາເຕົ້າໂຮມກັນໃນ ກອງປະຊຸມສຸດຍອດຄັ້ງນີ້. ຕຳຫລວດກ່າວວ່າ ພວກປະທ້ວງຫລາຍກວ່າ 100 ຄົນຖືກຈັບກຸມ ຫລັງຈາກໄດ້ຜ່ານວົງລ້ອມກຳລັງຮັກສາຄວາມປອດໄພໄປນັ້ນ.ເປັນເວລາ 9 ມື້ຫລັງຈາກທຳການພົບປະເຈຣະ ຈາກັນມາ ກອງປະຊຸມບໍ່ໄດ້ບັນລຸຂໍ້ຕົກລົງທ່ີສຳຄັນໃດໆ ຊຶ່ງບາງ ຄົນກ່າວວ່າ ພວກຜູ້ຕາງໜ້າປະເທດຕ່າງໆໄດ້ໃຊ້ເວລາຫລາຍໂພດໃນການວາງທ່າທີຂອງຕົນຊ້ຳແລ້ວ ຊ້ຳອີກ ແທນທີ່ຈະທຳການປະນີປະນອມກັນ. ທ່ານ Gordon Brown ນາຍົກຣັຖມຸນຕີອັງກິດ ທ່ີຮ່ວມຢູ່ ໃນກອງປະຊຸມທ່ີນະຄອນ Copenhagen ນັ້ນ ກ່າວວ່າ ຄວາມລົ້ມແຫລວທ່ີບໍ່ທຳການເຄື່ອນໃດໆ ສາມາດສົງຜົນກະທົບຕໍ່ຄຸນນະພາບຂອງຊີວິດສຳລັບປະຊາຊົນຫລາຍລ້ານຄົນໄດ້. ທຳນຽບຂາວກ່າວວ່າ ປະທານາທິບໍດີ ບາຣັກໂອບາມາ ມີຄວາມໝັ້ນໃຈທ່ີວ່າສາມາດບັນລຸຂໍ້ຕົກລົງກັນໄດ້ໃນສັບປະດານີ້.
ກ່ຽວກັບນີວເຄລັຍຂອງເກົາຫລີເໜືອ: ບັນດາເຈົ້າໜ້າທ່ີສະຫະຣັດກ່າວວ່າ ປະທານາທິບໍດີບາຣັກ ໂອບາມາໄດ້ສົ່ງຈັດໝາຍສະບັບນຶ່ງໄປຍັງທ່ານກິມຈົງອີລ ຜູ້ນຳເກົາຫລີເໜືອ ໃນຂະນະທ່ີນາໆຊາດກຳລັງດຳເນີນຄວາມພະຍາຍາມຢ່າງຂຸ້ນຂ້ຽວຂຶ້ນເພື່ອ ດຶງກຸງພຽງຢ້າງກັບຄືນມາສູ່ການເຈລະຈາວ່າດ້ວຍໂຄງການຜລິດອາວຸດນີວເຄລັຍ ຂອງເກົາຫລີເໜືອນັ້ນ.
ໃນການຖະແຫລງໂດຍຂໍສະຫງວນຊື່ໄວ້ ບັນດາເຈົ້າໜ້າທ່ີກະຊວງການຕ່າງປະເທດສະຫະຣັດກ່າວວ່າ ຈົດໝາຍສະບັບນີ້ໄດ້ຖືກສົ່ງໄປໃນສັບ ປະດາແລ້ວນີ້ ເວລາທ່ານ Stephen Bosworth ທູດພິເສດຂອງສະ ຫະຣັດວ່າດ້ວຍກິດຈະການເກົາຫລີເໜືອ ເດີນທາງໄປຍັງກຸງພຽງຢ້າງ. ເຖິງຢ່າງໃດກໍດີ ບັນດາເຈົ້າໜ້າທ່ີ ບໍ່ຍອມກ່າວເຖິງ ເນື້ອໃນຂອງຈົດ ໝາຍສະບັບນີ້. ເປັນເຣື່ອງຜິດທັມມະດາ ສຳລັບປະທານາທິບໍດີ ອະເມຣິກັນທີ່ຈະສົ່ງຈົດ ໝາຍທາງສ່ວນໂຕໄປຫາຜູ້ນຳເກົາຫລີເໜືອ ໃນຂະນະທີ່ຍັງດຳຣົງຕຳ ແໜ່ງບໍ່ໄດ້ດົນ. ອະດີດປະທານາທິບໍດີ George W. Bush ແລະອະດີດປະທານາທິບໍດີບິລ ຄລິນຕັນ ກໍໄດ້ ສົ່ງຈົດໝາຍໄປຫາທ່ານກິມຈົງອີລ ເຊັ່ນກັນຕໍ່ບໍ່ໄວສ່ຳນີ້ ແລະຫລັງຈາກໄດ້ທຳຄວາມພະຍາຍາມເພື່ອຍັບຍັ້ງ
ໂຄງ ການຜລິດອາວຸດນີວເຄລັຍຂອງເກົາຫລີເໜືອແລ້ວເທົ່ານັ້ນ. ຫລັງຈາກການຢ້ຽມຢາມເກົາຫລີເໜືອ ໃນສັບປະ ດາແລ້ວນີ້ ທ່ານ Bosworth ກ່າວວ່າ ບັນດາເຈົ້າໜ້າທ່ີໃນກຸງພຽງຢ້າງບໍ່ໄດ້ຕົກລົງນຳ ການວາງກຳນົດເວລາ ໃນການກັບຄືນໄປສູ່ການເຈຣະຈາ 6 ຝ່າຍ ກ່ຽວກັບການຢຸດໂຄງການຜລິດອາວຸດນີວເຄລັຍຂອງເກົາຫລີເໜືອນັ້ນ.
ທີ່ມຽນມ້າ:ທ່ານນາງອອງຊານຊູຈີ ຜູ້ນຳພັກຝ່າຍຄ້ານໃນມຽນມ້າໄດ້ຮັບອະນຸຍາດໃຫ້ພົບປະກັບ ສະມາຊິກ ອາວຸໂສສູງອາຍຸ 3 ທ່ານໃນພັກການເມືອງຂອງທ່ານນາງ ຢູ່ນອກເຮືອນຂອງທ່ານນາງໃນວັນພຸດມື້ນີ້.
ທ່ານນາງອອງຊານຊູຈີ ທ່ີໄດ້ຮັບລາງວັນໂນແບນ ຂະແໜງສັນຕິພາບ ໄດ້ຖືກພາອອກຈາກເຮືອນຂອງທ່ານນາງຢູ່ແຄມບຶງແຫ່ງນຶ່ງໃນນະຄອນ ຢັ້ງກຸ້ງ ໄປຍັງບ້ານພັກຮັບຕ້ອນແຂກຂອງຣັດແຫ່ງນຶ່ງ ເພື່ອພົບປະເປັນເວລາສັ້ນໆ ກັບ ທ່ານ Aung Shwe ປະທານພັກສັນນິບາດເພື່ອປະ ຊາທິປະໄຕແຫ່ງຊາດ ຫລື NDL ພ້ອມທັງທ່ານ U Lwin ເລຂາທິ ການພັກ ແລະທ່ານ Lun Tin ສະມາຊິກໃນຄນະກັມມະການບໍລິຫານ ພັກ NDL ນັ້ນ. ພວກສະມາຊິກພັກທັງ 3 ທ່ານນີ້ ຢູ່ໃນວັຍ 80 ປີ ປາຍ ຫລື 90 ປີຕົ້ນໆແລ້ວ. ການພົບປະກັນໃນວັນພຸດມື້ນີ້ ແມ່ນການຍິນຍອມຄັ້ງຫລ້າສຸດຂອງຣັຖ ບານໃຫ້ແກ່ທ່ານນາງອອງຊານຊູຈີ ນັບແຕ່ທ່ານນາງໄດ້ຂຽນຈົດໝາຍ ສະບັບນຶ່ງ ຫານາຍພົນ Than Shwe ຫົວໜ້າອຳນາດປົກຄອງທະ ຫານມຽນມ້າໃນທ້າຍເດືອນກັນຍາຜ່ານມາ ແລະໄດ້ສະເໜີທີ່ຈະຊ່ອຍໃຫ້ມີການຍົກເລີກການລົງໂທດຂອງນາໆຊາດຕໍ່ມຽນມ້ານັ້ນ.
ວຽດນາມແລະສະຫະຣັດ: ທ່ານ Robert Gates ຣັຖມຸນຕີປ້ອງກັນປະເທດສະຫະຣັດໄດ້ເປັນ ເຈົ້າພາບຈັດການພົບປະສົນທະນາກັນ ກັບຄູ່ຕຳແໜ່ງຂອງທ່ານຈາກວຽດນາມ ກ່ຽວກັບເລື້ອງຄວາມປອດໄພປະຈຳຂົງເຂດແລະສາຍພົວພັນສອງຝ່າຍດ້ານການປ້ອງກັນປະເທດ. ໂຄສົກຍິງປະຈຳທຳນຽບຫ້າແຈ ກ່າວວ່າ ທ່ານ Gates ຣັຖມຸນຕີປ້ອງກັນປະເທດໄດ້ເປັນເຈົ້າພາບຈັດງານກິນເຂົ້າທ່ຽງແລະເຮັດວຽກໄປພ້ອມ ເພື່ອຮັບຕ້ອນນາຍພົນ Phung Quang Thanh ທ່ີນະຄອນຫລວງ ວໍຊິງຕັນໃນວັນອັງຄານວານນີ້ ແລະວ່າທັງສອງທ່ານຍອມຮັບວ່າມີການຮ່ວມມືກັນໃນທາງບວກໃນເລື້ອງການເກັບກູ້ລະເບີດຝັງດິນ ຢາປົວພະຍາດທະຫານ ຕລອດທັງການຢັ້ງຢືນຊື່ແລະສົ່ງຊາກສົບຂອງພວກທ່ີ ຫາຍສາບສູນໄປໃນປາງສົງຄາມ ຄືນໃຫ້ແກ່ສະຫະຣັດນັ້ນ. ອະດີດຄູ່ປໍລະປັກຍັງໄດ້ຕົກລົງກັນ ທີ່ຂະ ຫຍາຍການຮ່ວມມືລະຫວ່າງ ທະຫານຕໍ່ທະຫານ ໃນການຮັກສາສັນຕິພາບ ການຊອກຫາແລະຊ່ອຍພວກປະສົບໄພ ການຊ່ອຍເຫລືອດ້ານມະນຸດສະທັມ ແລະການປະຕິ ບັດງານດ້ານການຊ່ອຍເຫລືອບັນເທົາໄພຫາຍຍະນະນຳ.
ອິຣ່ານ ທົດລອງຍິງລູກສອນໄຟ:ອິຣ່ານໄດ້ທົດລອງຍິງລູກສອນໄຟໄລຍະໄກ ລຸ່ນປັບປຸງໃໝ່ ຂອງຕົນລູກນຶ່ງ ໃນມື້ນີ້. ໂທຣະພາບແຫ່ງຊາດຂອງອິຣ່ານໄດ້ສະແດງຮູບວີດີໂອຂອງການທົດ ລອງຍິງລູກສອນໄຟ Sejil 2 ທ່ີຍິງໄດ້ໃນໄລຍະ 2 ພັນຫລັກກິໂລ ແມັດ ຊຶ່ງເຮັດໃຫ້ສາມາດຍິງໄປເຖິງອີສຣາແອນແລະພວກຖານທັບ ຂອງສະ ຫະຣັດ ໃນພາກໃຕ້ຂອງທະວີບຢູໂຣບໄດ້. ທ່ານ Ahmad Vahidi ຣັຖມຸນຕີປ້ອງກັນປະເທດອິຣ່ານ ກ່າວວ່າ ລູກສອນໄຟທ່ີວ່ານີ້ແມ່ນເພື່ອໃຊ້ເປັນອາວຸດສະກັດກັ້ນ ແລະທ່ານກ່າວ ຕໍ່ ໂທຣະພາບແຫ່ງຊາດ ອິຣ່ານວ່າ ຄວາມໄວແລະຄວາມສາມາດໃນ ການເຄື່ອນຍ້າຍຂອງລູກສອນໄຟລູກນີ້ ເຮັດໃຫ້ການທຳ ລາຍມັນບໍ່ໄດ້. ທ່ານ Gordon Brown ນາຍົກຣັຖມຸນຕີອັງກິດ ທ່ີເຂົ້າຮ່ວມໃນກອງປະຊຸມວ່າດ້ວນສະ ພາວະໂລກຮ້ອນທ່ີນະຄອນ Copenhagen ກ່າວວ່າ ການທົດລອງຍິງລູກສອນ ໄຟທ່ີວ່ານີ້ ເປັນອີກເຫດຜົນນຶ່ງໃນການ ເພີ່ມການລົງໂທດຂຶ້ນອີກໄດ້ຕໍ່ຣັຖບານກຸງເຕຣ່ານ ຊຶ່ງກຳລັງຕ້ານຢັນ ກັບຝ່າຍຕາເວັນຕົກ ກ່ຽວກັບໂຄງການນີວເຄລັຍຂອງຕົນນັ້ນ. ໃນວັນອັງຄານວານນີ້ ບັນດາສະມາຊິກສະພາ ນິຕິບັນຍັດຂອງສະຫະ ຣັດ ໄດ້ລົງມະຕິເຫັນດີໃຫ້ລົງໂທດພວກບໍລິສັດຕ່າງປະເທດໃດກໍຕາມ ທ່ີຂາຍນ້ຳມັນເຊື້ອໄຟໃຫ້ອິຣ່ານນັ້ນ. ສະມາຊິກສະພາທ່ານນຶ່ງເອີ້ນການຮັບຜ່ານມະຕິນີ້ວ່າ ເປັນການຕອບ ໂຕ້ຢ່າງນຶ່ງ ຕໍ່ການທ່ີອິຣ່ານຍັງປະຕິເສດຢູ່ຕໍ່ມາ ຕໍ່ຄວາມພະຍາຍາມ ຂອງປະທານາທິບໍດີບາຣັກໂອບາມາ ທີ່ຈະພົວພັນກັບກຸງເຕຣ່ານນັ້ນ.
ວັນພຸດ, ໐໙ ຕຸລາ ໒໐໒໔
