ຂ່າວຄືບໜ້າກ່ຽວກັບກອງປະຊຸມວ່າດ້ວຍສະພາວະໂລກຮ້ອນ: ບັນດາຜູ້ຕາງໜ້າປະເທດທ່ີໄປຮ່ວມ ກອງປະຊຸມວ່າດ້ວຍການປ່ຽນແປງດິນຟ້າອາກາດຂອງໂລກ ທ່ີສະຫະປະຊາຊດຈັດຂຶ້ນທ່ີນະ ຄອນ Copenhagen ເປັນເວລາ 12 ມື້ ໄດ້ຢຸດພັກການປະຊຸມກັນໃນວັນອາທິດມື້ນີ້ ແຕ່ພວກຣັຖມົນຕີວ່າດ້ວຍສິ່ງແວດລ້ອມຈາກຫລາຍປະເທດທຳການພົບປະຫາລືກັນຢ່າງບໍ່ເປັນທາງການ ກ່ຽວກັບການຕັດການ ປ່ອຍແກສເຮືອນແກ້ວເຂົ້າສູ່ອາກາດລົງ ແລະເຣື່ອງການໃຫ້ເງິນຊ່ອຍ ເຫລືອແກ່ພວກປະເທດທຸກຍາກເພື່ອຮັບມືກັບການປ່ຽນແປງຂອງດິນຟ້າອາກາດນັ້ນ. ມາຮອດປັດຈຸບັນນີ້ ຄຳໝັ້ນສັນຍາກ່ຽວກັບການຕັດການປ່ອຍແກສເຮືອນແກ້ວລົງນັ້ນ ແມ່ນຕ່ຳກວ່າລະດັບຕ່ຳສຸດທ່ີສະເໜີໄວ້ໃນຮ່າງຂໍ້ຕົກລົງ ຊື່ງພາໃຫ້ມີຄວາມຢ້ານກົວກັນວ່າ ຜົນຂອງກອງປະຊຸມຄັ້ງນີ້ ຈະສ້າງຄວາມຜິດຫວັງໃຫ້. ກ່ອນໜ້ານີ້ ຮ່າງສົນທິສັນຍາສະບັບ ດັ່ງກ່າວແມ່ນຮຽກຮ້ອງໃຫ້ພວກປະເທດຕ່າງໆຕັດການປ່ອຍແກສເຮືອນແກ້ວເຂົ້າສູ່ອາກາດ ລົງໃນ ປະລິມານ 50 ຫາ 95ເປີເຊັນພາຍໃນປີ2050 ໂດຍໃຫ້ພວກປະເທດທ່ີຮັ່ງມີນຳໜ້າ ແຕ່ມາຮອດປັດຈຸບັນນີ້ ພວກປະເທດທ່ີຈະເລີນ
ດ້ານອຸດສາຫະກັມໄດ້ຕົກລົງໃນລະດັບຕ່ຳກວ່າທ່ີຕັ້ງເປົ້າໝາຍໄວ້ນັ້ນຫລາຍ. ຮ່າງສົນທິສັນຍາທ່ີໝູນວຽນ ໄປໃນວັນສຸກຜ່ານມານີ້ ຈະບັງຄັບໃຫ້ບັນດາປະເທດຈະເລີນດ້ານອຸດສາຫະກັມຕົດການປ່ອຍແກສເຮືອນ
ແກ້ວເຂົ້າສູ່ອາກາດລົງ ໃຫ້ຕ່ຳກວ່າລະດັບປີ 1990 ແລະຄາດໝາຍໃຫ້ພວກປະເທດກຳລັງພັດທະນາ ຮັກສາບໍ່ໃຫ້ການປ່ອຍແກສເຮືອນແກ້ວຂອງຕົນ ສູງຂຶ້ນອີກ.
ນີວເຄລັຍເກົາຫລີເໜືອ: ທູດພິເສດອາວຸໂສທ່ານນຶ່ງຂອງສະຫະລັດກ່າວວ່າ ເກົາຫລີເໜືອແມ່ນເປີດ ກວ້າງຕໍ່ ຄວາມຄິດໃນການເຈລະຈາກັນໂດຍກົງກັບຍີ່ປຸ່ນ ແຕ່ກໍ ບໍ່ໄດ້ໃຫ້ຮ່ອງຮອຍໃດໆວ່າ ເມື່ອໃດເກົາຫລີເໜືອຈະກັບຄືນເຂົ້າຮ່ວມ ການເຈລະຈາຫົກຝ່າຍ ທີ່ແນເປົ້າໝາຍໃສ່ການຍຸບໂຄງ ການນີວ ເຄລຍ ຂອງຕົນນັ້ນ.ທ່ານ Steven Bosworth ກ່າວຕໍ່ຜູ້ສື່ຂ່າວ ທີ່ກຸງໂຕກຽວໃນວັນອາທິດ ມື້ນີ້ວ່າ ທ່ານໄດ້ຮຽກຮ້ອງໃຫ້ເກົາຫລີ ເໜືອ ທຳການສົນທະນາຫາລືກັບ ຍີ່ປຸ່ນ ຊຶ່ງໂຮມທັງບັນຫາ ພວກທີ່ຖືກລັກພາຕົວໄປນຳ. ຍີ່ປຸ່ນກ່າວຫາ ເກົາຫລີເໜືອວ່າ ລັກພາຕົວພວກຊາວຍີ່ປຸ່ນໄປຫລາຍຄົນໃນລະວ່າງສົງ ຄາມເຢັນ.
ທ່ານບອສເວີທ ກ່າວຍ້ຳວ່າ ຍັງບໍ່ມີແຜນໃດໆສຳຫລັບ ການເຈລະຈາ ສອງຝ່າຍກັບເກົາຫລີເໜືອຕື່ມອີກ ກ່ຽວກັບການກັບຄືນມາສູ່ໂຕະເຈລະ ຈາຫົກຝ່າຍ ວ່າດ້ວຍ ການຍຸຕິໂຄງການນີວເຄລຍຂອງເກົາຫລີນັ້ນ.
ໄທຈັບອາວຸດເກົາຫລີເໜືອ: ບັນດາເຈົ້າໜ້າທ່ີໄທກ່າວໃນວັນອາທິດມື້ນີ້ວ່າ ເຂົາ ເຈົ້າໄດ້ຕັ້ງຂໍ້ຫາໃນຖານມີອາວຸດຢູ່ໃນຄວາມຄອບຄອງຕໍ່ຜູ້ຊາຍ 5 ຄົນ ທ່ີຖືກຈັບກຸມຢູ່ບາງ ກອກໃນສັບປະດາຜ່ານມາ ພ້ອມກັບເຮືອບິນທີ່ບັນທຸກອາວຸດແລະລູກກະສູນປືນຈາກເກົາຫລີເໜືອ ມາເຕັມລຳ.
ໄດ້ມີການພົບເຫັນພວກອາວຸດເຫລົ່ານີ້ ຫລັງຈາກພວກລູກເຮືອ ຊື່ງມີຜູ້ຊາຍ4 ຄົນຈາກກາຊັກສະຖານແລະຄົນນຶ່ງຈາກເບລາຣູສ ເອົາເຮືອບິນ ລຳດັ່ງກ່າວລົງຈອດ ເພື່ອເຕີມນ້ຳມັນທ່ີສະໜາມບິນດອນເມືອງທ່ີບາງ ກອກໃນວັສຸກຜ່ານມານີ້.
ທ່ານອະພິສິດ ເວດຊາຊີວະ ນາຍົກຣັຖມຸນຕີໄທກ່າວຕໍ່ພວກນັກຂ່າວໃນວັນອາທິດມື້ນີ້ວ່າ ຍັງບໍ່ທັນຮູ້ຈັກເທື່ອວ່າພວກລູກເຮືອເຫລົ່ານີ້ຈະມຸ່ງໜ້າ ໄປໃສ ແຕ່ໃນເບື້ອງຕົ້ນ ເຮືອບິນລຳນີ້ໄດ້ມີກຳໜົດຈະໄປເຕີມນ້ຳມັນທ່ີປະເທດສີລັງກາ ບໍ່ແມ່ນໄທ. ທ່ານອະພິສິດກ່າວຕື່ມວ່າ ເຮືອບິນລຳນີ້ ຊື່ງລົງທະບຽນທ່ີປະເທດ Georgia ໄດ້ບິນອອກຈາກນະຄອນຫລວງພຽງຢ້າງຂອງເກົາຫລີເໜືອ.
ບັນດາເຈົ້າໜ້າທ່ີຕຳຫລວດໄທກ່າວວ່າ ເຮືອບິນລຳນີ້ບັນທຸກອາວຸດ ໜັກ 35 ຕັນ ຊື່ງປະກອບດ້ວຍລະເບີດທ່ີໃຊ້ຈະຫລວດຍິງ ພ້ອມທັງ ລູກສອນໄຟແລະອາວຸດໜັກອື່ນໆຂອງເກົາຫລີເໜືອ. ພວກເຈົ້າໜ້າທ່ີກ່າວອີກວ່າ ເຂົາເຈົ້າຍຶດພວກອາວຸດເຫລົ່ານີ້ໄວ້ໃນວັນເສົາວານນີ້ ແລະ ສົ່ງໄປໄວ້ທີ່ຄ້າຍທະຫານໄທແຫ່ງນຶ່ງ.
ທີ່ຟີລິບປິນ: ເຈົ້າໜ້າທີ່ຕຳຫລວດໃນເຂດພາກໃຕ້ຂອງຟິລິບປິນກ່າວວ່າ ພວກຕ້ອງ ສົງໃສເປັນກະບົດອີສລາມ ໄດ້ພັງກຳແພງຄຸກປະຈຳແຂວງແຫ່ງນຶ່ງລົງ ໃນເວລາກ່ອນຕາເວັນຂຶ້ນ ເຊົ້າມື້ນີ້ ແລະຊ່ວຍໃຫ້ພວກນັກໂທດໜີອອກ ໄປໄດ້ ຈຳນວນຢ່າງໜ້ອຍ 31 ຄົນ.
ເຈົ້າໜ້າທີ່ກ່າວວ່າ ຢ່າງໜ້ອຍພວກທີ່ທຳການໂຈມຕີຄົນນຶ່ງແລະຄົນ ຍາມປະຈຳຄຸກຄົນນຶ່ງຖືກຂ້າຕາຍ ໃນການຍິງຕໍ່ສູ້ກັນເປັນເວລາສັ້ນໆ ໃນວັນອາທິດມື້ນີ້ ທີ່ຄຸກເທິງເກາະບາສິລານ.
ໃນຈຳນວນພວກທີ່ແຫກຄຸກອອກໄປໄດ້ນັ້ນ ມີຜູ້ນຳກຸ່ມປົດປ່ອຍອີສ ລາມໂມໂລສອງຄົນ ທີ່ຖືກຈຳຄຸກໃນຂໍ້ຫາວ່າມີສ່ວນຮ່ວມໃນການຕັດ ຫົວພວກທະຫານຟິລິບປິນຫລາຍຄົນຢູ່ເກາະບາສິລານ ໃນປີ2007ນັ້ນ.ເວລານີ້ຍັງບໍ່ຮູ້ວ່າ ພວກທີ່ແຫກຄຸກອອກໄປໄດ້ ນັ້ນ ມີສະມາຊິກຂອງ ກຸ່ມຫົວຮຸນແຮງອາບູຊາຢັບ ຊຶ່ງເປັນກຸ່ມທີ່ພົວພັນ ກັບກຸ່ມອາລ ຄາອີດານັ້ນ ຮ່ວມຢູ່ນຳຫລືບໍ່?
ກ່ຽວກັບນີວເຄລັຍຂອງອິຣ່ານ:ສະຫະຣັດໄດ້ປະຕິເສດຕໍ່ຂໍ້ສະເໜີຂອງອິຣ່ານ ທ່ີຈະແລກປ່ຽນທາດຢູເຣ ນຽມ ບາງສ່ວນ ທ່ີຕົນມີຢູ່ນັ້ນ ກັບເຊື້ອໄຟນີວເຄລັຍນັ້ນ. ເຈົ້າໜ້າທ່ີຂັ້ນອາວຸໂສຂອງສະຫະຣັດທ່ານນຶ່ງທ່ີຂໍສງວນ ຊື່ໄວ້ ກ່າວໃນ ວັນເສົາວານນີ້ວ່າ ຂໍ້ສະເໜີຂອງອິຣ່ານແມ່ນບໍ່ສອດຄ່ອງກັບຮ່າງຂໍ້ຕົກ ລົງ ທ່ີຍຸຕິທັມແລະກ້ຳເກິ່ງກັນທີ່ອົງການກວດກາພລັງປະຣະມະນູສາ ກົນໄດ້ສະເໜີຂຶ້ນ ໃນການປືກສາຫາລືກັບສະຫະຣັດ ຣັດເຊັຍແລະຝຣັ່ງນັ້ນ. ທ່ນ Manouchehr Mottaki ຣັຖມຸນຕີການຕ່າງປະເທດອິຣ່ານກ່າວໃນຕອນເຊົ້າວັນເສົາວານນີ້ ວ່າ ອິຣ່ານຈະທຳການແລກປ່ຽນທາດຢູຣານຽມເກຣດຕ່ຳຂອງຕົນ ຈຳນວນ 400 ກິໂລກຣາມ ກັບ ເຊື້ອໄຟນີວເຄລັຍທ່ີຫລອມແລ້ວ ໃນສັດສ່ວນ 20 ເປີເຊັນນັ້ນ ເປັນຂັ້ນໆໄປ. ພາຍໃຕ້ແຜນການທ່ີໄດ້ຮັບການ ໜຸນຫລັງຈາກອົງການ IAEA ອິຣ່ານຈະຕ້ອງສົ່ງທາດຢູຣານຽມຂອງຕົນໃນຈຳນວນ 70 ເປີເຊັນ ໃຫ້ຣັດເຊັຍແລະ ຝຣັ່ງ ເພື່ອເອົາໄປຫລອມຕໍ່ໄປ.
ວັນອັງຄານ, ໑໔ ມັງກອນ ໒໐໒໕
