ຂ່າວຄືບໜ້າກ່ຽວກັບກອງປະຊຸມສະພາວະໂລກຮ້ອນ: ບັນດານັກເຄື່ອນໄຫວປົກປ້ອງສິ່ງ ແວດລ້ອມຫລາຍໝື່ນຄົນກຳລັງກະກຽມທ່ີຈະທຳການໂຮມຊຸມນຸມຄັ້ງໃຫຍ່ໃນວັນເສົາມື້ນີ້ທ່ີນະຄອນCopenhagen ເພື່ອ ກົດດັນພວກຜູ້ນຳໂລກໃຫ້ດຳເນີນການຫລາຍຂຶ້ນເພື່ອຕໍ່ຕ້ານການປ່ຽນແປງຂອງດິນຟ້າອາກາດ ຊຶ່ງເປັນການປະທ້ວງໃນທຳນອງຄ້າຍຄືກັນກັບທ່ີເກີດຂຶ້ນໃນທົ່ວຢູໂຣບນັ້ນ. ພວກຈັດການໂຮມຊຸມນຸມກະປະມານວ່າ ຈະມີຜູ້ຄົນຢ່າງນ້ອຍ 40ພັນເຂົ້າຮ່ວມໃນAustralia ໃນອັນທ່ີເອີ້ນວ່າ “Walk Against Warming” ເພື່ອຮຽກຮ້ອງໃຫ້ກອງປະຊຸມພວກນັກການເມືອງທ່ີນະ
ຄອນ Copenhagen ເອົາບາດກ້າວທ່ີເຂັ້ມແຂງຂຶ້ນເພື່ອກີດກັນການສົ່ງແກສເຮືອນແກ້ວຂຶ້ນສູ່ອາກາດນັ້ນ. ການປະທ້ວງໄດ້ມີຂຶ້ນທ່ີກຸງປັກກິງ ກຸງມານີລາແລະກຸງໄຕເປເຊັ່ນກັນ. ກຸ່ມ Global Climate Campaign ຊຶ່ງ ເປັນຜູ້ຈັດການປະທ້ວງຂຶ້ນໃນວັນເສົາມື້ນີ້ ຮຽກຮ້ອງໃຫ້ພວກປະເທດຈະ ເຣີນດ້ານອຸດສາຫະກັມທ່ີສົ່ງແກສເຮືອນແກ້ວສ່ວນຫລາຍຂຶ້ນສູ່ອາກາດນີ້ ຮັບເອົາ ຄວາມຮັບຜິດຊອບ ໃນການປ່ຽນແປງຂອງດິນຟ້າອາກາດນີ້ ໂດຍໃຫ້ລົດຜ່ອນ
ການສົ່ງແກສເຮືອນແກ້ວຂຶ້ນສູ່ອາກາດຂອງເຂົາເຈົ້າລົງ ແລະໃຫ້ລົງທຶນໃນເທັກໂນໂລຈີທ່ີເຮັດໃຫ້ ພລັງງານສະອາດນັ້ນ. ຮ່າງຂໍ້ຕົກລົງວ່າດ້ວຍສະພາວະໂລກຮ້ອນທ່ີກຳລັງແຈກຢາຍຫລືໝູນວຽນທ່ີກອງປະຊຸມ ສະຫະປະຊາຊາດທ່ີນະຄອນ Copenhagen ຮຽກຮ້ອງໃຫ້ໂລກຕັດການສົ່ງແກສເຮືອນແກ້ວຂຶ້ນສູ່ ອາກາດລົງເຄ່ິງນຶ່ງພາຍໃນປີ2050 ໂດຍໃຫ້ພວກປະເທດຮັ່ງມີເປັນຜູ້ນຳພາໃນການເຄື່ອນໄຫວ
ດັ່ງກ່າວ.
ທີ່ປາກີສຖານ: ນາຍົກຣັຖມຸນຕີປາກີສຖານກ່າວວ່າ ກອງທັບໄດ້ຢຸດການອອກປະຕິບັດງານຂອງຕົນ ທ່ີແນເປົ້າໝາຍໃສ່ພວກນັກຕໍ່ສູ້ຫົວຮຸນແຮງກຸ່ມຕາລີບັນໃນຂົງເຂດຊົນເຜົ່າທ່ີ Waziristan ໃຕ້ນັ້ນແລ້ວ. ທ່ານ Yousuf Raza Gilani ກ່າວໃນວັນເສົາມື້ນີ້ວ່າ ບັດນີກອງທັບແມ່ນແນຈຸດໃສ່ຂົງເຂດຊົນເຜົ່າ Orakzai ທ່ີຢູ່ໃກ້ນັ້ນ ໃນການລ່າໂຕຫາຄນະນຳພາຂອງກຸ່ມຕາລີບັນໃນປາກີສຖານ ທ່ີເຊື້ອກັນວ່າ ໄດ້ພາກັນເອົາໂຕ ຫລັບໜີຈາກເຂດ Waziristan ໃຕ້ແລ້ວນັ້ນ. ບັນດາເຈົ້າໜ້າທ່ີສະຫະປະຊາຊາດກ່າວວ່າ ພວກ ພົນລະເຮືອນຫລາຍ
ພັນຄົນພາກັນອົບພະຍົບອອກຈາກເຂດ Orakzaiໄປແລ້ວ. ໃນຂະນະດຽວກັນ ບັນດາເຈົ້າໜ້າທ່ີສະຫະ ຣັດ ກ່າວວ່າ ນາຍ Salehal-Somali ທ່ີວ່າເປັນຫົວໜ້າປະຕິບັດງານຂັ້ນສູງຂອງກຸ່ມ al-Qaida
ນັ້ນ ເຂົາເຈົ້າເຊື່ອວ່າໄດ້ເສັຍຊີວິດໄປແລ້ວຈາກການໂຈມຕີຂອງເຮືອບິນທ່ີບໍ່ມີຄົນຂັບໃນພາກຕາເວັນ ຕົກສຽງເໜືອຂອງປາກີສຖານໃນວັນອັງຄານສັບປະດາແລ້ວນີ້. ບັນດາເຈົ້າໜ້າທ່ີສະຫະຣັດ ທີ່ບໍ່ປະສົງ ໃຫ້ອອກຊື່ນ ກ່າວວ່າ ເຂົາເຈົ້າສົງໄສວ່າ ນາຍ al-Somali ເປັນຜູ້ຮັບຜິດຊອບໃນການວາງແຜນການ
ໂຈມຕີຂອງພວກຜູ່ກໍ່ການຮ້າຍໃນສະຫະຣັດ ອະຟຣິກາແລະໃນຢູໂຣບ
ນັ້ນ. ແຕ່ການເສັຍຊີວິດຂອງຜູ້ກ່ຽວຍັງບໍ່ທັນໄດ້ຮັບການຢືນຢັນເທື່ອ.
ກ່ຽວກັບປາກີສຖານ: ໃນແລງວັນສຸກວານນີ້ ທ່ານນາງ Hillary Clinton ຣັຖມຸນຕີການຕ່າງປະເທດສະຫະຣັດກ່າວອ້າງກ່ຽວກັບການເປັນພາຄືໃໝ່ທ່ີທ່ານນາງຫວັງວ່າຈະເສີມສ້າງຂຶ້ນລະຫວ່າງສະຫະຣັດແລະປາກີສຖານນັ້ນ.
ທ່ານນາງຄລິນຕັນກ່າວເຊັ່ນນີ້ທ່ີງານກິນລ້ຽງອາຫານຄ່ຳເປີດມູນນິທິ
ອະເມຣິກັນປາກີສຖານ ຊຶ່ງເປັນອົງການໃໝ່ທ່ີມີວັດຖຸປະສົງເພື່ອປະ
ສານງານໃນຄວາມພະຍາຍາມການຊ່ອຍເຫລືອຈາກຊາວປາກີສຖານໃນຕ່າງປະເທດ. ທ່ານນາງໄດ້ປະຕິເສດຕໍ່ການຕຳໝິຕິຕຽນທ່ີທ່ານນາງ
ໄດ້ຍິນຊາກຊາວປາກີສຖານຈາກການເດີນທາງຢ້ຽມຢາມປາກີສຖານ
ຫວ່າງໄວໆຜ່ານມານີ້ທ່ີວ່າ ການພົວພັນຂອງສະຫະຣັດຢູ່ທ່ີນັ້ນແມ່ນ
ເຣື່ອງການຄອບຄອງຂອງສະຫະຣັດທີ່ີປາກີສຖານນັ້ນ.
ທ່ານນາງກ່າວຕໍ່ໄປວ່າ ແທນທ່ີຈະເປັນເຊັ່ນນັ້ນ ສະຫະຣັດໄດ້ເອົາ
ບາດກ້າວຕ່າງໆເພື່ອສນັບສນຸນປາກີສຖານໃນການເສີມສ້າງລະບອບ
ປະຊາທິປະໄຕໃຫ້ແຂງແຮງຂຶ້ນຕລອດທັງສົ່ງເສີມການເຕີບໂຕທາງດ້ານເສດຖະກິດ ແລະເຮັດໃຫ້ພວກນັກຕໍ່ສູ້ຫົວຮຸນແຮງຈັດປາໄຊໄປ.ທ່ານນາງຄລິນຕັນກ່າວຕື່ມວ່າ ສະຫະຣັດຈະລົງທຶນເງິນຊ່ອຍເຫລືອນັ້ນໃສ່ ດ້ານພລັງງານ ການຂົນສົ່ງ ການກະເສດ ນ້ຳແລະການສຶກສາ ແຕ່ທ່ານນາງກ່າວວ່າ ຄວາມພະຍາຍາມຕ່າງໆຂອງພວກ ອົງການທ່ີບໍ່ມີສ່ວນພົວພັນກັບຣັຖບານ ເຊັ່ນມູນນີທິອະເມຣິກັນປາກີສຖານດັ່ງນີ້ເປັນຕົ້ນ ແມ່ນມີບົດບາດທ່ີສຳຄັນທ່ີສຸດທ່ີຈະປະກອບສ່ວນເຊັ່ນກັນ. ທ່ານນາງກ່າວຕໍ່ໄປວ່າ ເພື່ອໃຫ້ບັນລຸຄວາມກ້າວ ໜ້າໃນລະຍະຍາວທ່ີປາກີສຖານພະຍາຍາມຊອກຫານັ້ນ ປາກີສຖານຈະຕ້ອງເສີມສ້າງສະຖາບັນປະຊາທິປະໄຕຂອງຕົນ ໃຫ້ເຂັ້ມແຂງຂຶ້ນ ແລະປັບປຸງດ້ານຄວາມປອດໄພໃຫ້ດີຂຶ້ນ ເພື່ອເຮັດໃຫ້ພວກກຸ່ມຫົວຮຸນແຮງຈັດປາໄຊໄປນັ້ນ.
ກ່ຽວກັບນ້ຳມັນອິຣັກ: ໃນວັນເສົາມື້ນີ້ ອິຣັກໄດ້ອະນຸມັດສັນຍາສະບັບນຶ່ງໃຫ້ພວກບໍລິສັດນ້ຳມັນ Lukoilຂອງຣັດເຊັຍ ແລະບໍລິສັດ StatoilຂອງNorwayເພື່ອພັດທະນາແລະບຸກເບີກໃນເຂດບໍ່ນ້ຳມັນ ແຫ່ງໃຫຍ່ Qurna Phase Two ໃນພາກຕາເວັນຕົກຂອງອິຣັກນັ້ນ. ພວກສອງບໍລິສັດທ່ີຮ່ວມກັນປະມູນ ເອົາສັນຍາດັ່ງກ່າວ ເວົ້າວ່າ ພວກຕົນຈະຮັບເອົາຄ່າທຳນຽມ 1.15 ດອນລາຕໍ່ຖັງນ້ຳມັນທ່ີພວກຕົນ ຜລິດອອກມານັ້ນ. ພວກບໍລິສັດເຫລົ່ານີ້ ໄດ້ສະເໜີເປົ້າໝາຍຂອງການຜລິດຂອງຕົນໃສ່ 1ລ້ານ8ແສນຖັງຕໍ່ມື້. ບໍ່ນ້ຳມັນ West Qurna Phase Two ໃນພາກໃຕ້ຂອງອິຣັກເປັນບໍ່ນ້ຳມັນທ່ີຍັງບໍ່ທັນໄດ້ພັດທະນແລະບຸກ ເບີກແຫ່ງໃຫຍ່ທ່ີສຸດຂອງໂລກແລະກະປະມານວ່າມີນ້ຳມັນຢູ່ໃຕ້ດິນ 12ພັນ900ພັນລ້ານຖັງ.ບັນດາເຈົ້າໜ້າທ່ີອິຣັກໄດ້ອະນຸມັດສັນຍາໃຫ້ ພວກບໍລິສັດຕ່າງປະເທດໃນລະວຫ່າງການປະມູນລາຄາ ກັນ ເປັນເວລາ 2 ມື້ ທ່ີມີວັດຖຸປະສົງເພື່ອເພ່ີມການບຸກເບີກນ້ຳມັນຂອງປະເທດອອກມາໃຊ້ຢ່າງຫລວງຫລາຍ.
ໃນວັນສຸກຜ່ານມານີ້ ບໍລິສັດນ້ຳມັນຍັກໃຫຍ່ Royal Dutch Shell ແລະບໍລິສັດຣັຖວິສາຫະກິດ Petronas ຂອງມາເລເຊັຍ ໄດ້ຮັບສິດໃນການບຸກເບີກບໍ່ນ້ຳມັນແຫ່ງໃຫຍ່ທ່ີສຸດໃນອັນດັບ ສອງໃນການປະມູນ
ລາຄາກັນນັ້ນ. ສອງບໍລິສັດນີ້ຈະພັດທະນາແລະບຸກເບີກບໍ່ນ້ຳມັນ Majnoon ທ່ີກະປະມານວ່າມີນ້ຳມັນ ໃນໃຕ້ດິນ 12ພັນ 900 ລ້ານຖັງນັ້ນ.
ກ່ຽວກັບນີວເຄລັຍເກົາຫລີເໜືອ:ທູດພິເສດຂັ້ນສູງຂອງສະຫະຣັດກ່າວວ່າ ບໍ່ມີແຜນການ ທ່ີຈະທຳການພົບປະເຈລະຈາລະຫວ່າງສອງຝ່າຍອີກກັບເກົາຫລີເໜືອ ກ່ຽວກັບການຟື້ນການເຈລະຈາກັນຄືນວ່າດ້ວນການ ປົດອາວຸດນີວເຄລັຍຂອງເກົາຫລີເໜືອນັ້ນ. ທ່ານ Stephen Bosworth ເດີນທາງໄປຮອດກຸງປັກ ກິງໃນຕອນເດີກວັນສຸກວານນີ້ ເພື່ອລາຍງານໂດຍສັງເຂບໃຫ້ພວກເຈົ້າໜ້າທ່ີຈີນຟັງກ່ຽວກັບການພົບປະຫາລືເປັນເວລາ 3 ມື້ຂອງທ່ານກັບພວກເຈົ້າໜ້າທ່ີເກົາຫລີເໜືອ ອັນທ່ີທ່ານເອີ້ນວ່າ ແບບທຸລະກິດ ຢ່າງກົງໄປກົງ ມາແລະຊອກຫາຄວາມຄືບໜ້າຕໍ່ໄປນັ້ນ. ເຖິງຢ່າງໃດກໍດີ ທ່ານກ່າວວ່າ ວິທີແລະເວລາໃດ ການພົບປະ ເຈລະຈາ 6 ຝ່າຍວ່າດ້ວຍການປົດອາວຸດນີວເຄລັຍເກົາຫລີເໜືອຈະໄຂຄືນນັ້ນຍັງບໍ່ທັນໄດ້ຮັບການແກ້ໄຂກັນເທື່ອ.
ຖະແຫລງການສະບັບນຶ່ງທ່ີເປີດເຜີຍອອກໃນວັນສຸກວານນີ້ທ່ີກຸງພຽງຢ້າງຈາກອົງການຂ່າວສານທາງການເກົາຫລີເໜືອ KCNA ບັນລະຍາຍການໂອ້ລົມສົນທະນາກັບທ່ານ Bosworth ໄດ້ດຳເນີນໄປຢ່າງກົງ ໄປກົງມາແລະແບບທະລະກິດ ແລະຖະແຫລງການສະບັບນີ້ກ່າວຕໍ່ໄປວ່າ ທັງສອງຝ່າຍບໍ່ພຽງແຕ່ໄດ້ລົດຜ່ອນ ຄວາມເຫັນແຕກຕ່າງກັນລົງເທົ່ານັ້ນ ແຕ່ໄດ້ມີຄວາມເຂົ້າອົກເຂົ້າໃຈຊຶ່ງກັນແລະກັນຢ່າງເລິກເຊິ່ງເຊັ່ນກັນ.
ຫລັງຈາກການພົບປະກັບເຈົ້າໜ້າທ່ີຈີນທ່ີກຸງປັກກິງຂອງທ່ານແລ້ວ ທ່ານ Bosworth ຈະເດີນ ທາງຕໍ່ໄປຍັງຍີ່ປຸ່ນແລະຣັດເຊັຍ. ທັງ 3 ປະເທດນີ້ແມ່ນຮ່ວມຢູ່ໃນການພົບປະເຈລະຈາ 6 ຝ່າຍ ວ່າ
ດ້ວຍໂຄງການຜລິດອາວຸດນີວເຄລັຍຂອງເກົາຫລີເໜືອ ຮ່ວມກັບສອງເກົາຫລີແລະສະຫະຣັດນຳ.
ວັນພະຫັດ, ໐໕ ທັນວາ ໒໐໒໔
