ຂ່າວການຢ້ຽມຢາມອັຟການີສຖານຂອງທ່ານ Robert Gates:ທ່ານ Robert Gates ຣັຖມຸນຕີ ປ້ອງກັນປະເທດສະຫະຣັດໄດ້ທຳ ການຢ້ຽມຢາມພວກຜູ້ບັນຊາການທະຫານສະຫະຣັດໃນອັຟການີສຖານ ໂດຍໃຫ້ຄຳໜັ້ນໝາຍແກ່ ພວກເຂົາເຈົ້າວ່າ ກຳລັງເພິ່ມທ່ີປະທານາທິບໍດີ ບາຣັກໂອບາມາໄດ້ມີຄຳສັ່ງໃຫ້ສົ່ງໄປນັ້ນ ຈະອຳນວຍໃຫ້ເຂົາເຈົ້າມີໃນສິ່ງທ່ີເຂົາເຈົ້າຕ້ອງການ ເພື່ອປາບກຸ່ມຕາລີບັນໃຫ້ປາໄຊໄປນັ້ນ. ທ່ານ Gates ໄດ້ຢ້ຽມຢາມ ກອງບັນຊາການໃໝ່ແຫ່ງນຶ່ງໃນວັນພຸດມື້ນີ້ ທ່ີໃຊ້ເປັນສູນປະຕິບັດການຮ່ວມສຳລັບທະຫານກຸ່ມ NATO ທັງໝົດ. ທ່ານໄດ້ກ່າວຕໍ່ພວກຜູ້ບັນຊາການວ່າ ກຳລັງນາໆຊາດມີທຸກສິ່ງທຸກຢ່າງທ່ີຕ້ອງການ ເພື່ອໃຫ້ບັນລຸຄວາມສຳເຣັດໃນການຕໍ່ສູ້ກັບພວກຫົວຮຸນແຮງຈັດໃນອັຟການີສຖານນັ້ນ. ການເດີນທາງຢ້ຽມຢາມອັຟການີສ ຖານຂອງທ່ານ Gates ມີຂຶ້ນຫລັງ ຈາກການຕັດສິນໃຈຂອງທ່ານໂອບາມາທ່ີຈະສົ່ງທະຫານຕື່ມອີກ 30ພັນຄົນໄປຍັງອັຟການີສຖານໂດຍ ໄວ ແລະຈະເລີ້ມຖອນທະຫານ ອອກພາຍໃນ 18 ເດືອນ ຫລັງຈາກນັ້ນ ເວລາກຳລັງອັຟການີສຖານ ພ້ອມທ່ີຈະຮັບເອົາຄວາມຮັບຜິດຊອບຫລາຍຂຶ້ນ. ແຕ່ປະທານາທິບໍດີ Hamid Karzai ແຫ່ງອັຟ ການີສຖານກ່າວໃນວັນ ອັງຄານວານນີ້ວ່າ ອາດຈະໃຊ້ເວລາຕື່ມອີກ 5 ປີ ກ່ອນທີ່ກອງທັບ ແລະຕຳຫລວດອັຟການີສຖານ ຈະຕຽມພ້ອມເພື່ອຕໍ່ສູ້ກັບພວກກະບົດຕາລີບັນນັ້ນ ແລະຈະໃຊ້ເວລາຕື່ມອີກ 15 ຫາ 20ປີ ກ່ອນຣັຖບານຂອງທ່ານຈະສາມາດເສັຍຄ່າໃຊ້ຈ່າຍສຳລັບການຮັກສາຄວາມປອດໄພ
ດ້ວຍຕົນເອງໄດ້.
ທີ່ມຽນມ້າ: ທ່ານນາງອອງຊານຊູຈີ ຜູ້ນຳລະບອບປະຊາທິປະໄຕທີ່ກຳລັງຖືກກັກ ບໍລິເວນໃຫ້ຢູ່ໃນແຕ່ບ້ານເຮືອນນັ້ນ ໄດ້ພົບປະກັບເຈົ້າໜ້າທ່ີຕິດຕໍ່ຂອງ ຣັຖບານທະຫານ ທ່ີເຮືອນຮັບແຂກຕ່າງປະເທດຂອງຣັຖບານເປັນ ເວລາ 45 ນາທີໃນວັນພຸດມື້ນີ້. ບັນດາເຈົ້າໜ້າທ່ີກ່າວວ່າ ການພົບປະຂອງທ່ານນາງກັບຣັຖມຸນຕີແຮງງານທ່ານ Aung Kyi ຊື່ງເປັນເຈົ້າໜ້າທ່ີ ຕິດຕໍ່ຂອງຣັຖບານນຳນັ້ນ ມີຂຶ້ນທ່ີເຮືອນຮັບແຂກຂອງຣັຖບານຢູ່ໃກ້ໆກັບບ້ານພັກຂອງທ່ານນາງ ອອງ ຊານຊູຈີ ທ່ີໄດ້ຮັບລາງວັນໂນແບນຂະແໜງສັນຕິພາບນັ້ນ. ເວລານີ້ ຍັງບໍ່ເປັນທ່ີຈະແຈ້ງເທື່ອວ່າ ທັງສອງທ່ານໄດ້ໂອ້ລົມກັນເຣື່ອງໃດ.
ການພົບປະກັນໃນວັນພຸດມື້ນີ້ ນັບວ່າ ເປັນເທື່ອທີ 3 ນັບແຕ່ຕົ້ນເດືອນຕຸລາປີນີ້ເປັນຕົ້ນມາ ແລະມີຂຶ້ນຫລັງຈາກສານສູງສຸດຂອງ ມຽນມ້າໄດ້ ຕົກລົງໃນສັບປະດາແລ້ວນີ້ ທີ່ຈະຮັບຟັງຄຳອຸທອນກ່ຽວກັບການກັກຂັງ ທ່ານນາງນັ້ນ ເປັນເທື່ອສຸດທ້າຍ.
ຣັຖບານທະຫານມຽນມ້າໄດ້ກັກຂັງທ່ານນາງອອງຊານຊູຈີໄວ້ໃນຮູບໃດ ຮູບນຶ່ງ ມາປະມານ 14 ປີໃນໄລຍະ20 ປີຜ່ານມາ. ໃນເດືອນພະຈິກຜ່ານມານີ້ ຣັຖບານມຽນມ້າ ໄດ້ອະຍຸຍາດໃຫ້ທ່ານນາງປາກົດໂຕຕໍ່ສື່ ມວນຊົນ ທ່ີບໍ່ສູ້ອະນຸຍາດໃຫ້ມາກ່ອນນັ້ນ ຫລັງຈາກທ່ານນາງໄດ້ພົບປະສົນທະນາກັບຣັຖມຸນຕີຊ່ອຍວ່າການກະຊວງການຕ່າງ ປະເທດສະຫະຣັດ ທ່ານ Kurt Campbell ຊຶ່ງທ່ານເປັນເຈົ້າໜ້າທ່ີຂັ້ນສູງສຸດຈາກຣັຖບານກຸງວໍຊິງຕັນ ທ່ີໄດ້ໄປຢ້ຽມຢາມມຽນມ້າໃນຮອບ 14 ປີຜ່ານມາ.
ຂ່າວຄືບໜ້າກ່ຽວກັບການສັງຫານໝູ່ ທີ່ຟີລິບປິນ: ຕຳຫລວດຟີລິບປິນກ່າວວ່າ ເຂົາເຈົ້າຮູ້ຈັກ ໂຕແລະກໍກຳລັງຊອກຫາຜູ້ຄົນ ຈຳນວນ161 ຄົນ ຮວມທັງພວກທະຫານກອງຫລອນຂອງຣັຖ ບານນຳ ໃນຖານມີສ່ວນພົວພັນໃນການສັງຫານໝູ່ 57 ຄົນຢ່າງໜ້າຢ້ານກົວໃນເດືອນແລ້ວນີ້.
ທ່ານ Jesus Verzosa ຫົວໜ້າຕຳຫລວດແຫ່ງຊາດ ກ່າວວ່າ ພວກ ທ່ີເຫັນເຫດການ ໄດ້ບອກວ່າ ນາຍ Andal Ampatuan Jr. ເຈົ້າ ເມືອງທ້ອງຖິ່ນເມືອງນຶ່ງເປັນຜູ້ນຳພາໃນການສັງຫານ ດັ່ງກ່າວ. ຜູ້ກ່ຽວຖືກກ່າວຫາວ່າ ນຳພາກຸ່ມຄົນເຫລົ່ານັ້ນ ໄປ ຢຸດຂບວນ ຣົດຂອງພວກ ສນັບສນຸນນັກການເມືອງຝ່າຍຄ້ານຄົນນຶ່ງ ເພື່ອຂັດຂວາງພວກເຂົາເຈົ້າບໍ່ໃຫ້ໄປລົງທະບຽນຈົດຊື່ນັກການເມືອງຄົນນັ້ນ ເຂົ້າສມັກແຂ່ງຂັນໃນການເລືອກຕັ້ງເຈົ້າແຂວງແຂວງ Maguindanao ໃນປີໜ້າ.
ນາຍ Ampatuan Jr. ໄດ້ຖືກເຈົ້າໜ້າທ່ີຣັຖບານຈັບກຸມແລ້ວ ແລະຖືກກ່າວຫາໃນຂໍ້ຫາຄາດຕະກັມ 25 ກະທົງ. ປະຊາ ຊົນຕື່ມອີກປະມານ 30 ຄົນທ່ີສົງໄສວ່າມີສ່ວນພົວພັນໃນເຣື່ອງນີ້ ກໍໄດ້ຖືກຈັບກຸມໂຕໄວ້ ແລ້ວເຊັ່ນກັນ ໂຮມທັງພໍ່ຂອງນາຍ Ampatuan Jr. ຊຶ່ງເປັນເຈົ້າແຂວງ ແຂວງດັ່ງກ່າວແລະພວກສະມາຊິກອື່ນໆໃນວົງຕະກູນທ່ີມີອຳ ນາດຂອງເຂົາ ກໍໄດ້ຖືກຈັບກຸມ ແລະອາດຈະປະເຊີນກັບຂໍ້ຫາຖານທຳການຄາດຕະກັມເຊັ່ນກັນ.
ຣັຖບານໄດ້ປະກາດໃຊ້ກົດໄອຍະການເສິກໃນແຂວງດັ່ງກ່າວເພື່ອອະນຸຍາດໃຫ້ທະຫານຣັຖບານ ທີ່ ຖືກສົ່ງໄປປະຈຳການຢູ່ທີ່ນັ້ນຫລາຍພັນຄົນ ສາມາດທຳການຈັບກຸ່ມຜູ້ຄົນໄດ້ໂດຍບໍ່ຕ້ອງມີໝາຍຈັບ.
ທີ່ອິນໂດເນເຊັຍ:ປະຊາຊົນອິນໂດເນເຊັຍຫລາຍພົນຄົນພາກັນໂຮມຊຸມນຸມຢູ່ໃນຫລາຍໆ ຫົວເມືອງ ໃຫຍ່ໃນມື້ນີ້ ເພື່ອເປັນຂີດໝາຍວັນປາບປາມການສໍ້ຣາດບັງຫລວງສາກົນ ໃນຂະນະດຽວກັນເຂົາເຈົ້າຮຽກຮ້ອງໃຫ້ຣັຖບານທຳການເຄື່ອນໄຫວຫລາຍຂຶ້ນເພື່ອຢຸດຕິການສໍ້ຣາດບັງຫລວງ ໃນໝູ່ຕຳຫລວດ ນັກການເມືອງ ແລະພວກຣັຖກອນນັ້ນ. ທ່ີກຸງຢາກາກຕາ ພວກປະທ້ວງຫລາຍກວ່າ 1 ພັນຄົນໄດ້ພາກັນຍ່າງ
ໄປຍັງທຳນຽບຣັຖບານໂດຍພາກັນຖືປ້າຍຄຳຂວັນຕ່າງໆ ທ່ີຮຽກຮ້ອງໃຫ້ປະທານາທິບໍດີ ຊູຊີໂລບັມບັງ ຢຸໂທໂຢໂນະ ທຳ ການເຄື່ອນໄຫວດັ່ງກ່າວ, ໄດ້ມີການສົ່ງເຈົ້າໜ້າທ່ີຕຳຫລວດປາບຈະ ລາຈົນໄປເຝົ້າຍາມຢູ່ນອກທຳນຽບຣັຖບານ ໂດຍມີປືນສີດນ້ຳ 2 ອັນ ໜຸນຫລັງ.ທ່ານຢຸດໂທໂຢໂນະ ກຳລັງຖືກກົດດັນຫລາຍຂຶ້ນ ເລື້ອຍໆໃນຂະນະທ່ີ ພວກສະມາຊິກສະພາທຳການສືບສວນການກ່າວຫາ ກ່ຽວກັບການສໍ່ ຣາດບັງຫລວງ ທ່ີພົວພັນກັບເງິນຊ່ວຍເຫລືອ 700 ລ້ານດອນລ້າ ທີ່ອະນຸມັດໃຫ້ທະນາຄານແຫ່ງນຶ່ງທ່ີປະສົມກັບຄວາມລົ້ມແຫລວໃນປີແລ້ວນີ້.
ປະທານາທິບໍດີໄດ້ປະຕິເສດຕໍ່ຂໍ້ກ່າວຫາ ທ່ີວ່າເງິນບາງສ່ວນທ່ີໄດ້ອະນຸ ມັດໃຫ້ທະນາຄານ ໄດ້ຮົ່ວໄຫລເຂົ້າໄປໃນໜ່ວຍໂຄສະນາຫາສຽງເລືອກຕັ້ງຂອງທ່ານ ໃນການເລືອກຕັ້ງເມື່ອເດືອນກໍລະກົດຜ່ານມານັ້ນ. ທ່ານຢຸດໂທໂຢໂນະ ໄດ້ຖືກເລືອກຕັ້ງເປັນປະທານາທິບໍດີອີກສະໄໝນຶ່ງໂດຍໄດ້ໂຄສະນາຫາສຽງວ່າ ຈະປາບການສໍ້ຣາດບັງຫລວງໃຫ້ໝົດໄປ.
ກ່ຽວກັບເສດຖະກິດຂອງກຳປູເຈັຍ: ກອງທຶນສາກົນຫລື IMF ຮຽກຮ້ອງໃຫ້ກຳປູເຈັຍສ້າງຄວາມເຂັ້ມແຂງ ໃຫ້ແກ່ລະບົບທະນາຄານຂອງຕົນ ໃນຂະນະທ່ີກຳປູເຈັຍພະຍາຍາມຟື້ນ ຕໂຄືນຈາກສະພາວະເສດຖະກິດຖົດຖອຍຢູ່ນີ້. ໃນລາຍງານສະບັບນຶ່ງທ່ີອອກໃນວັນອັງຄານວານນີ້ ອົງການ IMF ໄດ້ຊຸກຍູ້ໃຫ້ຣັຖບານກຳປູເຈັຍ ທຳການກຳກັບດູແລລະບົບທະນາຄານຂອງຕົນໃຫ້ເຄ່ງຄັດຂຶ້ນ ຫລັງຈາກທີ່ພາກສ່ວນການເງິນໄດ້ອ່ອນແອລົງ ຍ້ອນການປ່ອຍໃຫ້ລາ ຄາຊັບສິນທ່ີດິນລອຍໂຕແລະນຳໃຊ້ນະໂຍບາຍ ຄຸ້ມຄອງທ່ີມີການສ່ຽງໄພ. ລາຍງານຂອງກອງທຶນສາກົນເວົ້າວ່າການ ເສດຖະກິດຂອງກຳປູເຈັຍ ຄາດວ່າຈະຫົດໂຕເຂົ້າໃນອັດຕາ 2.7 ເປີເຊັນໃນປີນີ້ ກ່ອນທີ່ຈະຟື້ນໂຕຄືນ.
ອົງການ IMF ກ່າວວ່າ ກຳປູເຈັຍໄດ້ຮັບຄວາມເສັຍຫາຍໜັກເປັນພິເສດ ຈາກວິກິດການເສດຖະກິດໂລກ ຫລັງຈາກໄດ້ມີການເຕີບໂຕຢ່າງແຂງແຮງມາເປັນເວລານຶ່ງທົດສວັດ ແລະໃຫ້ຂໍ້ສັງເກດວ່າກຳປູເຈັຍໄດ້ ປະເຊີນກັບການຫລຸດລົງຂອງອຸດສາຫະກັມການທ່ອງທ່ຽວ ການສົ່ງ ອອກສິນຄ້າ ພ້ອມທັງຄວາມຮຽກຮ້ອງຕ້ອງການໃນດ້ານຜລິດຕະພັນການກະເສດນຳ.
ວັນສຸກ, ໒໗ ທັນວາ ໒໐໒໔
