ລາຍງານໃໝ່ ຂອງອົງການສະຫະປະຊາຊາດເວົ້າວ່າ
ໂຣກຖອກທ້ອງ ຫລື ທ້ອງຂີ້ຮາກເປັນສາເຫດຂອງການຕາຍປະມານ 1/5 ຂອງເດັກ ນ້ອຍອາຍຸຕ່ຳກວ່າ, 5 ປີ ຈຳນວນ 8 ລ້ານ 8 ແສນຄົນທີ່ເສຍ ຊີວິດໄປໃນທົ່ວໂລກໃນແຕ່ລະປີ.
ພ້ອມດຽວກັນລາຍ ງານສະບັບນີ້ ຂອງອົງ ການ UNICEF ຫລື ກອງທຶນເດັກ ແລະ ອົງການອະນາ ໄມໂລກ
ຫລື WHO ໄດ້ວາງຍຸດທະສາດໄລຍະຍາວ ທີ່ມີແຜນປະຕິບັດໃນຫລາຍດ້ານ ເພື່ອແນໃສ່ເຮັດໃຫ້ການຕາຍ ຍ້ອນພະຍາດດັ່ງກ່າວນີ້ ຫລຸດລົງໄດ້ ຢ່າງຫລວງຫລາຍ.
ອີງຕາມບົດລາຍງານຂອງສອງອົງການດັ່ງກ່າວ ຂອງສະຫະປະຊາຊາດ ແມ່ນວ່າໃນທຸກໆ ປີ ມີເດັກນ້ອຍຈຳນວນ 1 ລ້ານ 5 ແສນຄົນ ເສຍຊີວິດໄປຍ້ອນໂຣກຖອກທ້ອງ ຫລື ທ້ອງສຸ ຫລື ທ້ອງຂີ້ຮາກ ເຊິ່ງແມ່ນຫລາຍກວ່າການຕາຍຍ້ອນໂຣກເອດສ໌ໄຂ້ຍຸງ ຫລື ໄຂ້ມາເລເຣຍ ແລະ ໂຣກໝາກສຸກໝາກໃສ ລວມເຂົ້າກັນ. ໂຣກທີ່ວ່ານີ້ ພາໃຫ້ເດັກນ້ອຍເສຍຊີວິດໄດ້ ຍ້ອນວ່າມັນເຮັດໃຫ້ຮ່າງກາຍຂອງພວກເຂົາເສຍນ້ຳ, ຫລື ໃນຮ່າງກາຍທາດ ແຫລວໄປຢ່າງ ຫລວງຫລາຍ ແລະ ໂຣກນີ້ມັກຕິດຕາມມານຳໂຣກອື່ນໆເຊັ່ນໂຣກໝາກ ສຸກໝາກໃສ ແລະ ການຕິດເຊື້ອໄວຣັສແບບຊ້ຳເຮື້ອ.
ລາຍງານນີ້ເວົ້າຍັງຢ້ຳວ່າ, ໃນຈຳນວນເດັກນ້ອຍທີ່ເປັນໂຣກຖອກທ້ອງໃນບັນດາປະເທດກຳລັງ ພັດທະນາມີພຽງ 39% ເທົ່ານັ້ນທີ່ໄດ້ຮັບການປິ່ນປົວຕາມຄຳແນະນຳຂອງແພດໂດຍໃຫ້ ກິນນ້ຳ,ຫລືອາຫານແຫລວປະເພດອື່ນ ເພື່ອທົດແທນນ້ຳໃນຮ່າງກາຍທີ່ເສຍໄປ ຊຶ່ງຖືວ່າເປັນວິທີປິ່ນປົວຫລັກສຳຫລັບໂຣກຖອກທ້ອງ.
ອີງຕາມທ່ານນາງ Elizabeth Mason ຈາກອົງການ ອານະໄມໂລກຫລື WHOແມ່ນມີເດັກນ້ອຍໃນຈຳນວນ ນັບມື້ນັບຫລາຍຂື້ນບໍ່ໄດ້ຮັບການໃຫ້ກິນນ້ຳ, ເພື່ອທົດ ແທນນ້ຳໃນ່ຮ່າງກາຍທີ່ເສຍໄປນັ້ນ.
ທັງນີ້ ສ່ວນນຶ່ງກໍເປັນຍ້ອນວ່າການປຸກລະດົມ ເພື່ອສົ່ງ ເສີມວິທີປິ່ນປົວງ່າຍໆ ທີ່ມີປະສິດທິພາບສູງນີ້ ໄດ້ຫລຸດນ້ອຍຖອຍລົງຢູ່ໃນທົ່ວໂລກ ຍ້ອນມີບູລິມະສິດດ້ານ
ສຸຂະພາບອື່ນໆ ເຂົ້າມາແທນທີ່. ທ່ານນາງ Elizabeth Mason ກ່າວຕໍ່ໄປວ່າ ແລະ ນັ້ນກໍເປັນອີກສາເຫດ ນຶ່ງທີ່ພາໃຫ້ມີການຊັກຊ້າ ໃນການນຳໃຊ້ວິທີການປິ່ນ ປົວໃຫ້ນ້ຳແບບໃໝ່ທີ່ຖືກ,ປັບປຸງໃຫ້ດີຂື້ນເພື່ອທົດ, ແທນການເສຍນ້ຳໃນຮ່າງກາຍທີ່ເອີ້ນຫຍໍ້ວ່າ, ສູດ O-R-S ຫລື ສູດໃຫ້ນ້ຳເກືອໃນລະດັບຕ່ຳລົງນັ້ນ, ຢູ່ໃນຫລາຍໆປະເທດ ບ່ອນທີ່ໂຣກ ຖອກທ້ອງ ເປັນພະຍາດຄຸກຄາມຢ່າງແຜ່ຫລາຍ.
ວິທີປິ່ນປົວໂຣກທ້ອງສຸ ໂດຍການໃຫ້ນ້ຳແບບໃໝ່ນີ້ ແມ່ນໃຊ້ນ້ຳຕານ, ແລະ ເກືອ ໜ້ອຍລົງກວ່າວິທີເກົ່າ ຊື່ງ ການປ່ຽນແປງເລັກໆນ້ອຍໆນີ້ ເຮັດໃຫ້ສູດໃຫ້ນ້ຳ,ເກືອປະສົມນໍ້າ ຕານ ຫລື ສູດ ORS ແບບໃໝ່ນີ້ ມີປະສິດທິພາບ ຫລື ໄດ້ຜົນດີຫລາຍກ່ວາສູດເກົ່າ ໃນການທົດແທນນ້ຳໃນຮ່າງກາຍຂອງເດັກນ້ອຍທີ່ເສຍໄປຍ້ອນເປັນໂຣກຖອກທ້ອງ, ຫລື ທ້ອງສຸນັ້ນ.
ນອກນັ້ນ ລາຍງານນີ້ເວົ້າຍັງໄດ້ແນະນຳວິທີປ້ອງກັນໂຣກຖອກທ້ອງ 5 ວິທີອີກ, ເຊິ່ງໃນ ນັ້ນ ລວມມີການໃຫ້ລູກນ້ອຍທີ່ເກີດໃໝ່ ກິນນົມແມ່ຢ່າງໜ້ອຍໄປຈົນຮອດ ອາຍຸ 6 ເດືອນ, ກິນໄວຕາມິນ ເອ ເສີມ, ກິນນ້ຳທີ່ມີຄຸນນະພາບ ຫລື ສະອາດ, ແລະ ຊຸກຍູ້ໃຫ້ເດັກນ້ອຍ ລ້າງມືເລື້ອຍໆ.
ທ່ານນາງ Ann Veneman ຜູ້ອຳນວຍການຝ່າຍບໍລິຫານຂອງ ອົງການ UNICEF ໃຫ້ຄວາມເຫັນວ່າ ການລ້າງມືດ້ວຍສະບູ ແມ່ນນຶ່ງໃນຫລາຍໆວິທີ ທີ່ງ່າຍທີ່ສຸດ ເພື່ອປ້ອງ ກັນການແຜ່ລະບາດຂອງໂຣກຖອກທ້ອງ ຫລື ທ້ອງສຸນີ້ ແລະ ທັງເປັນວິທີການດ້ານສາ ທາລະນະສຸກ ໃນການລະງັບການແຜ່ຜາຍຂອງເຊື້ອໂຣກວິທີນື່ງ ທີ່ໃຊ້ເງິນ ໜ້ອຍທີ່ສຸດ.
