ສະຖາ ນະການໃນປາກີສຖານ: ການປະກອບພິທີສົ່ງສະການຕ່າງໆໄດ້ມີຂຶ້ນໃນວັນອາທິດມື້ນີ້ສຳລັບນາຍທະຫານຂັ້ນສູງຂອງກອງທັບປາກີສຖານ 2 ທ່ານທ່ີໄດ້ເສັຍຊີວິດເວລາພວກຫົວຮຸນແຮງຈຸນຶ່ງທຳການ ໂຈມຕີກອງບັນຊາການທະຫານແຫ່ງນຶ່ງໃນເມືອງ Rawalpidi ໃກ້ໆກັບນະຄອນຫລວງອີສລາມາບັດ
ນັ້ນ. ພວກມືປືນຈຸນຶ່ງທ່ີໃສ່ເຄື່ອງນຸ່ງທະຫານປອມໄດ້ພາກັນທຳການໂຈມຕີກອງບັນຊາການດັ່ງກ່າວໃນວັນເສົາວານນີ້ ເຮັດໃຫ້ທະຫານ 6 ຄົນເສັຍຊີວິດໄປໃນລະຫວ່າງການຍິງຕໍ່ສູ້ກັນຢູ່ທາງເຂົ້າກອງບັນຊາການນັ້ນ ແລະພວກມືປືນກໍໄດ້ຕາຍໄປ 5 ຄົນເຊ່ນກັນ ແລະມືປືນອີກ2 ຄົນໄດ້ຖືກຈັບກຸມ ແຕ່ພວກມືປືນຫລາຍ ຄົນໄດ້ເອົາໂຕຫລົບໜີໄປແລ້ວພາກັນໄປຈັບເອົາຜູ້ຄົນຫລາຍຄົນເປັນໂຕປະກັນ ຢູ່ໃນອາຄານແຫ່ງນຶ່ງຢູ່ໃກ້ໆກັນນັ້ນ.
ກອງທັບປາກີສຖານກ່າວໃນວັນອາທິດມື້ນີ້ວ່າ ພວກໜ່ວຍກ້າຕາຍຈຸນຶ່ງຂອງຣັຖບານໄດ້ບຸກຖລົ່ມເຂົ້າໄປໃນອາຄານຫລັງຂຶ່ງໃນຕອນເຊົ້າມືດແລະໄດ້ປ່ອຍພວກໂຕປະກັນ39 ຄົນທ່ີພວກຫົວຮຸນແຮງຈັບເປັນ ໂຕປະກັນໃນຕອນເຊົ້າວັນເສົາວານນີ້. ນາຍພົນຕີ Athar Abbas ໂຄສົກປະຈຳກອງທັບປາກີສຖານກ່າວວ່າພວກໂຕປະກັນ 3 ຄົນໄດ້ເສັຍຊີວິດເຊັ່ນກັນໃນລະຫວ່າງທ່ີພວກໜ່ວຍກ້າຕາຍ ຂອງຣັຖບານບຸກເຂົ້າໄປຊ່ອຍກູ້ຊີວິດຂອງເຂົາເຈົ້າ ພ້ອມກັບພວກມືປືນຫົວຮຸນແຮງ 4 ຄົນແລະທະຫານຣັຖບານອີກ2 ຄົນ. ພວກຫົວຮຸນແຮງອີກ 1 ຄົນໄດ້ຮັບບາດເຈັບແລະຖືກຈັບ ກຸມ. ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບໃນການໂຈມຕີຄັ້ງນີ້ ແຕ່ບັນດາຜູ້ນຳປາກີສຖານຖິ້ມໂທດການໂຈມຕີໃນວັນເສົາວານນີ້ໃສ່ກຸ່ມຕາລີບັນ ແລະໃຫ້ຄຳໝັ້ນສັນຍາວ່າຈະ ລີ້ມທຳການກວາດລ້າງຄັ້ງໃໝ່ພວກຫົວຮຸນແຮງໃນເຂດຊົນເຜົ່າWaziristan ໃຕ້ນັ້ນ.
ເທີກກີແລະອາກເມເນັຍ: ປະເທດເທີກີ ແລະອາເມເນຍ ໄດ້ລົງນາມໃນຂໍ້ຕົກລົງກັນສະບັບນຶ່ງ ເພື່ອສ້າງສາຍສຳພັນແບບປົກກະຕິກັນຫລັງຈາກສູ້ລົບປະຫັດປະຫານ ກັນມາໄດ້ນຶ່ງສັດຕະວັດ ເຖິງແມ່ນມີບັນຫາຂັດແຍ່ງກັນເລັກນ້ອຍ ໃນ ນາທີສຸດທ້າຍທີ່ເກືອບເຮັດໃຫ້ການຕົກລົງກັນ ນີ້ລົ້ມແຫລວໄປກໍຕາມ.ຄວາມແຕກຕ່າງກັນຢ່າງແຂງແຮງລະຫວ່າງບັນດາປະເທດເພື່ອນບ້ານ ທີ່ເລີ່ມຕົ້ນມາຈາກການສັງຫານໝູ່ຊາວອາກເມເນັຍ ໂດຍພວກກຸ່ມກຳລັງ Ottoman ຂອງເທີກກີ ໃນລະວ່າງແລະຫລັງຈາກສົງຄາມໂລກຄັ້ງທີ່ນຶ່ງ.
ກ່ຽວກັບບັນຫາສັນຕິພາບໃນພາກຕາເວັນອອກກາງ: ບັນດາເຈົ້າໜ້າທີ່ອີສຣາແອນກ່າວວ່າ ນາຍົກຣັຖມຸນຕີ Benjamin Netanyahu ຈະພົບປະກັບທ່ານ George Mitchell ທູດພິເສດວ່າ
ດ້ວຍບັນຫາໃນພາກຕາເວັນອອກຂອງສະຫະຣັດເປັນເທື່ອທີສອງໃນເວລາ 3 ມື້ຜ່ານມານີ້. ຫ້ອງການ ຂອງທ່ານເນທັນຢາຮູ ກ່າວວ່າ ການພົບປະກັນດັ່ງກ່າວຈະມີຂຶ້ນໃນວັນອາທິດມື້ນີ້ທ່ີນະຄອນ Jerusalem. ໃນວັນສຸກຜ່ານມານີ້ ທ່ານ Mitchell ໄດ້ພົບປະກັບນາຍົກຣັຖມຸນຕີຂອງອີສຣາແອນທ່ີນະ ຄອນ Jerusalem ແລະພົບປະກັບປະທານາທິບໍດີ Mahmoud Abbas ແຫ່ງປາເລສໄຕນ໌ໃນເມືອງ Ramallah ໃນຝັ່ງ ຕາເວັນຕົກຂອງແມ່ນ້ຳຈໍແດນ. ຫ້ອງການຂອງທ່ານເນທັນຢາຮູ ກ່າວວ່າ ການພົບປະຫາລືກັນ ໄດ້ດຳເນີນໄປໃນທາງເສີມສ້າງ ແລະໃນຂະນະດຽວກັນ ມີການອ້າງຄຳເວົ້າຂອງທ່ານ Abbas ວ່າ ໄດ້ເນ້ນເຖິງຄຳຮຽກ ຮ້ອງຂອງທ່ານຄືນອີກເພື່ອໃຫ້ອີສຣາແອນຢຸດການກໍ່ສ້າງບ້ານເຮືອນຂຶ້ນໃນຂົງເຂດດັ່ງກ່າວຢ່າງສິ້ນເຊີງ.
ທ່ານ Mitchell ກຳລັງຊຸກຍູ້ໃຫ້ມີການພົບປະເຈຣະຈາກັນຕື່ມອີກລະຫວ່າງສອງຝ່າຍ. ທ່ານໄດ້ເຊື້ອເຊີນໃຫ້ ພວກຜູ້ນຳທັງສອງສົ່ງຜູ້ຕາງໜ້າຂອງພວກຕົນໄປຍັງກຸງວໍຊິງຕັນເພື່ອສືບຕ່ໍທຳການ ໂອ້ລົມສົນທະນາກັນ
ໃນຄວາມພະຍາຍາມເພື່ອຮືຟື້ນການດຳເນີນສັນຕິພາບໃນພາກຕາເວັນອອກກາງຄືນອີກນັ້ນ.
ນີວເຄລັຍຂອງອິຣ່ານ: ລັດຖະມົນຕຣີຕ່າງປະເທດສະຫະລັດ ທ່ານນາງ Hillary Clinton ກ່າວວ່າ ທົ່ວທັງໂລກແມ່ນຈະບໍ່ລໍຄອຍຢ່າງບໍ່ມີກຳໜົດ ເພື່ອໃຫ້ອີຣ່ານ ປະຕິບັດຕາມພັນທະຂອງລະຫວ່າງຊາດ ກ່ຽວກັບໂຄງການນີວເຄລຍ ຂອງຕົນນັ້ນທ່ານນາງ ໄດ້ກ່າວເຖິງເລຶ່ອງນີ້ຫລັງຈາກກອງປະຊຸມ ເມື່ອວັນອາທິດມື້ນີ້ ກັບລັດຖະມົນຕຣີຕ່າງປະເທດອັງກິດ ທ່ານ David Miliband ທີ່ກຸງ ລອນດອນ
ທ່ານ ມິລິແບນ ກ່າວວ່າ ອິຣ່ານ ແມ່ນຈະບໍ່ມີໂອກາດທີ່ດີໄປກວ່ານີ້ ເພື່ອສ້າງສາຍສຳພັນແບບປົກກະຕິກັບປະເທດອື່ນໆໃນທົ່ວໂລກ
ກອງປະຊຸມໄດ້ຈັດຂື້ນ ມື້ນຶ່ງຫລັງຈາກທີ່ອີຣ່ານກ່າວວ່າ ຕົນຈະຫລໍ່ ຫລອມທາດຢູເຣນຽມເອົາເອງ ຖ້າຫາກວ່າການເຈລະຈາກັບບັນດາ ປະເທດມະຫາອຳນາດເພື່ອໃຫ້ເຊື້ອໄຟນີວເຄລຍແກ່ຕົນລົ້ມລະລາຍ ລົງນັ້ນ
ພວກຜູ້ນຳອີຣ່ານໄດ້ຕົກລົງທີ່ຈະພົບປະກັບພວກເຈົ້າໜ້າທີ່ສະຫະລັດ ຝລັ່ງ ຣັສເຊຍ ແລະອົງການສະຫະປະຊາຊາດ ເພື່ອຊອກຫາວິທີວາງ ແຜນການເພື່ອຫລໍ່ຫລອມທາດຢູເຣນຽມຢູ່ໃນຕ່າງປະເທດ
ການເຈລະຈາກັນດັ່ງກ່າວນີ້ ໄດ້ກຳໜົດໃສ່ໃນວັນທີ່ 19 ເດືອນຕຸລານີ້ ທີ່ກຸງວຽນນາ ປະເທດອອສເຕຣຍ
ທາດຢູເຣນຽມແມ່ນຈະຖືກຫລໍ່ຫລອມໃຫ້ຢູ່ໃນລະດັບຕ່ຳທີ່ຕ້ອງການໃຊ້ສຳຫລັບການສຶກສາຄົ້ນຄວ້າ ແລະພະລັງງານ ຊຶ່ງອີຣ່ານກ່າວ ວ່າຕົນມີວັດຖຸປະສົງສະເພາະແຕ່ເລຶ່ອງນີ້ເທົ່ານັ້ນ.
ການຫລໍຫລອມທາດຢູເຣນຽມຈະຕ້ອງຢູ່ໃນລະດັບສູງຫລາຍຂື້ນກວ່ານີ້ ຖ້າຫາກຈະໃຊ້ເພື່ອສ້າງອາວຸດນີວເຄລຍນັ້ນ.
ການປະທ້ວງທີ່ອິຣັກ: ປະຊາຊົນຈຳນວນຫລາຍກວ່າ 1 ພັນຄົນພາກັນທຳການປະທ້ວງຢູ່
ຕາມຖນົນຫົນທາງສາຍຕ່າງໆໃນອິຣັກໃນວັນເສົາວານນີ້ເພື່ອຮຽກຮ້ອງໃຫ້ມີລະບົບການປ່ອນບັດ ເລືອກຕັ້ງທ່ີເປີດເຜີຍໃນການເລືອກຕັ້ງເອົາສະມາສິກຣັຖສະພາທ່ີຈະມາເຖິງນີ້. ການປະທ້ວງໃນນະຄອນຫລວງ ກຸງແບກແດ໊ດ ທ່ີເມືອງ Kirkuk ໃນພາກເໜືອ ແລະເມືອງທ່າກຳປັ່ນ Basra ໃນ ພາກໃຕ້ຂອງປະເທດ ມີ
ຂຶ້ນຫລັງຈາກມີການຮຽກຮ້ອງດັ່ງກ່າວຂຶ້ນໂດຍ Grand Ayatollah Ali-al-Sistani ຫົວໜ້ານັກບວດມຸສລິມນິກາຍ Shi’ite ຂອງອິຣັກ ນັ້ນ.ຣັຖສະພາຂອງອິຣັກໄດ້ທຳການພິຈາຣະນາຮັບຜ່ານ ລະບົບການປ່ອນ
ບັດເລືອກຕັ້ງແບບລັບໃນການເລືອກຕັ້ງທ່ີຈະມີຂຶ້ນໃນວັນທີ 16 ເດືອນມັງກອນປີໜ້ານີ້ທ່ີຈະບອກ ລາຍຊື່ຂອງພັກເທົ່ານັ້ນ ແລະບໍ່ລວມທັງທັງຊື່ຜູ້ສມັກຮັບເລືອກຕັ້ງແຕ່ລະຄົນນັ້ນ. ໃນສັບປະດາຜ່ານມານີ້ ທ່ານ al-Sistani ກ່າວວ່າ ທ່ານສນັບສນຸນລະບົບການປ່ອນບັດເລືອກຕັ້ງແບບເປີດເຜີຍ ທ່ີພາໃຫ້ເປັນໄປໄດ້ທ່ີວ່າ
ທ່ານອາດຈະຮຽກຮ້ອງໃຫ້ພວກຖືນິກາຍ Shi’ite ຊຶ່ງເປັນປະຊາຊົນສ່ວຍໃຫຍ່ໃນອິຣັກ ພາກັນຮວມຫົວກັນຄັດຄ້ານການເລືອກຕັ້ງ ຖ້າລະບົບການປ່ອນບັດເລືອກຕັ້ງບໍ່ລວມຊື່ຂອງຜູ້ສມັກຮັບເລືອກຕັ້ງນັ້ນ.
ວັນສຸກ, ໑໓ ທັນວາ ໒໐໒໔
