ສະຖານະການໃນອິຣ່ານ: ສື່ມວນຊົນອິຣ່ານ ກ່າວວ່າ ອິຣ່ານໄດ້ທົດລອງຍິງລູກສອນໄຟທ່ີຍິງໄດ້ໃນໄລຍະໃກ້ 2 ລູກແລະວາງແຜນທ່ີຈະທົດລອງຍິງລູກສອນໄຟໄລຍະ ໄກອີກລູກນຶ່ງ ທ່ີເຊື່ອວ່າຈະສາມາດຍິງໄປເຖິງອີສຣາແອນໄດ້ນັ້ນ. ໂທຣະພາບແຫ່ງຊາດຂອງອິຣ່ານກ່າວວ່າ ນອກນັ້ນ ໜ່ວຍພິທັກການປະຕິວັດ ຍັງໄດ້ທົດລອງເຄື່ອງຍິງລູກສອນໄຟທ່ີຍິງໄດ້ຫລາຍລູກພ້ອມກັນບາດດຽວເຊັ່ນກັນໃນວັນອາທິດມື້ນີ້ ໃນການເລີ່ມຕົ້ນການຊ້ອມຣົບຕາມປົກກະຕິຂອງຕົນ. ການທົດລອງຍິງລູກສອນໄຟທ່ີຍິງໄດ້ໃນໄລຍະໄກ ກຳນົດຈະມີຂຶ້ນ ໃນວັນຈັນມື້ອື່ນ. ການຊ້ອມຣົບດັ່ງກ່າວມີຂຶ້ນໃນຂະນະທ່ີຄວາມເຄັ່ງຕຶງກຳລັງເພີ່ມທະວີ ຂຶ້ນ ລະຫວ່າງອີຣ່ານແລະພວກປະເທດຝ່າຍຕາເວັນຕົກກ່ຽວກັບໂຄງ ການນີວເຄລັຍຂອງອິຣ່ານທ່ີເປັນບັນຫາໂຕ້ແຍ່ງກັນນັ້ນ. ອິຣ່ານໄດ້ເປີດເຜີຍໃຫ້ຮູ້ໃນສັບປະດາຜ່ານມານວ່າ ຕົນກຳລັງສ້າງໂຮງຫລອມທາດຢູເຣນຽມຂອງຕົນແຫ່ງທີສອງຂຶ້ນ ເຖິງແມ່ນສະຫະປະຊາ ຊາດຮຽກຮ້ອງໃຫ້ຕົນຢຸດເຊົາຫລອມວັດຖຸທ່ີໃຊ້ສຳລັບເຮັດລະເບີດນີວເຄລັຍໄດ້ນັ້ນ ກໍຕາມ. ເຈົ້າໜ້າທ່ີຂັ້ນອາວຸໂສຂອງສະຫະຣັດທ່ານນຶ່ງກ່າວວ່າ ຣັຖບານໂອບາມາວາງແຜນທ່ີຈະບອກອິຣ່ານໃນສັບປະດານີ້ ວ່າອິຣ່ານຈະຕ້ອງໄຂສະຖານທ່ີດັ່ງກ່າວ ພ້ອມທັງໃຫ້ມອບເອກກະສານຕ່າງໆ ແລະອຳນວຍໃຫ້ພວກເຈົ້າໜ້າທ່ີກວດກາຂອງສະຫະປະຊາຊາດ ເຂົ້າໄປເບິ່ງສະຖານທີ່ສຳຄັນຕ່າງໆຂອງໂຄງການຜລິດນີວເຄລັຍຂອງກຸງເຕຮິຣ່ານນັ້ນ.
ທີ່ອັຟການີສຖານ: ຕຳຫລວດອັຟການີສຖານກ່າວວ່າ ຢ່າງໜ້ອຍມີ 4 ຄົນເສຍຊີວິດ ຈາກເຫດການລະເບີດ ທີ່ແນໃສ່ລັດຖະມົນຕີພະລັງງານ.ກຸ່ມຕາລິບານກ່າວວ່າ ພວກເຂົາເເປັນຜູ້ວາງລະເບີດລົດ ທີ່ແນໃສ່ ທ່ານ Ismail Khan ລັດຖະມົນຕີພະລັງງານຂອງອາຟການີສຖານໃນວັນ ອາທິດມື້ນີ້ ແຕ່ວ່າທ່ານລອດຊີວິດມາໄດ້ພວກເຈົ້າໜ້າທີ່ອັຟການີສຖານກ່າວ ວ່າເຫດການລະເບີດຄັ້ງນີ້ຍັງຜົນ
ໃຫ້ພົນລະເຮືອນທີ່ສັນຈອນໄປມາບົນຖະນົນໃຫຍ່ທີ່ເນ່ງໃສ່ເດີນຍົນເມືອງ Hearat ໄດ້ຮັບບາດເຈັບ ຢ່າງໜ້ອຍ 17 ຄົນ. ໃນວັນອາທິດມື້ນີ້ເຊັ່ນກັນກອງກຳລັງທີ່ນຳໂດຍ ເນ ໂຕ້ຖະແຫລງວ່າ ທະຫານຂອງຕົນສາມຄົນ ໂຮມທັງທະ ຫານອາເມຣິກັນສອງ ຄົນເສຍ ຊີວິດໃນການໂຈມຕີຂອງພວກກໍ່ການ ຮ້າຍໃນເຂດ ພາກໃຕ້ຂອງອັຟ ການີສຖານໃນລະຍະສອງມື້ຜ່ານມາ. ຂະນະດຽວກັນ ຫ້ອງການຂອງປະທານາທິບໍດີຝລັ່ງ ກ່າວວ່າ ທະຫານ ຝລັ່ງເສຍຊີວິດ 3 ຄົນຈາກອຸບັດເຫດ ທີ່ສືບເນື່ອງມາຈາກພາຍຸແຮງ ທີ່ປະທະໜ່ວຍຂອງເຂົາເຈົ້າ ຂນະທີ່ກຳລັງປະຕິບັດງານໃນຕອນກາງ ຄືນ ໃນເຂດຮ່ອມພູກ້ຳຕາເວັນອອກສຽງເໜືອຂອງອັຟການີສຖານນັ້ນ.
ທ່ານ ພັນ ກິມູນ ເລຂາທິການໃຫຍ່ອົງການສະຫະປະຊາຊາດກ່າວເມື່ອວັນ ເສົາວານນີ້ວ່າ ມີພົນລະເຮືອນຈຳນວນ 1500 ຄົນເສຍຊີວິດໃນອັຟກາ ນີສຖານໃນລະວ່າງເດືອນມັງກອນ ແລະເດືອນສິງຫາຂອງປີນີ້.
ທີ່ຟີລິບປິນ :ບັນດາເຈົ້າໜ້າທ່ີຟີລິບປິນກ່າວໃນວັນອາທິດມື້ນີ້ວ່າ ປະຊາຊົນຈຳນວນ ຢ່າງນ້ອຍ 73 ຄົນເສັຍຊີວິດ ຈາກພາຍຸຝົນຕົກໜັກລູກນຶ່ງ ທີ່ພັດມາປະທະນະຄອນຫລວງມານີລາ ແລະຫລາຍແຂວງໃນພາກເໜືອຂອງປະເທດໃນວັນເສົາວານນີ້ ແລະປະຊາຊົນອີກຫລາຍຄົນຍັງຫາຍສາບສູນ. ການດຳເນີນການຊ່ອຍກູ້ໄພແລະບັນເທົາທຸກຍັງດຳເນີນຢູ່ຕໍ່ໄປໃນນະຄອນຫລວງ ແລະໃນຂົງເຂດອ້ອມແອ້ມໃນວັນອາທິດມື້ນີ້ ຫລັງຈາກພາຍຸເຂດຮ້ອນ ທ່ີຊືວ່າລົມພາຍຸເກດສະໜາ ນຳຝົນຕົກໜັກມາໃຫ້ໃນປະລິມານເກືອບຮອດປະລິມານນ້ຳຝົນທີ່ໄດ້ຮັບໃນນຶ່ງເດືອນ ໃນເວລາພຽງ 12 ຊົ່ວໂມງຢູ່ໃນນະຄອນຫລວງ ແລະອີກ 20 ກວ່າແຂວງໃນປະເທດ.
ພາຍຸລູກນີ້ໄດ້ພັດເອົາບ້ານເຮືອນຫລາຍຫລັງໄປ ແລະເຮັດໃຫ້ພວກຍວດຍານພາຫະນະ ຕົກຄ້າງຢູ່ໃນນ້ຳຖ້ວມໃນເຂດອ້ອມແອ້ມເມືອງຫລວງ. ເຈົ້າໜ້າທ່ີກ່າວວ່າ ປະຊາຊົນຫລາຍແສນຄົນຖືກບັງຄັບໃຫ້ຍົກຍ້າຍອອກຈາກບ້ານເຮືອນໄປອາໄສຢູ່ທ່ີພົກພາອາໄສຊົ່ວຄາວ. ປະຊາຊົນບາງຄົນໄດ້ໜີນ້ຳຖ້ວມ ຂຶ້ນໄປຢູ່ຕາມຫລັງຄາເຮືອນເພື່ອລໍ ຖ້າການຊ່ອຍກູ້ໄພ. ທ່ານ Gilbert Teodoro ຣັຖມຸນຕີປ້ອງກັນປະເທດກ່າວວ່າ ບາງ ຂົງເຂດນ້ຳໄດ້ລົດລົງແລ້ວ ແຕ່ສະຖານະການຍັງຢູໃນສະພາບບໍ່ປອດໄພຢູ່. ມີລາຍງານເຊັ່ນກັນວ່າ ໄຟຟ້າໄດ້ມອດໄປທົ່ວຂົງເຂດ. ພວກເດີນທາງຫລາຍຮ້ອຍຄົນພາກັນຕົກຄ້າງຢູ່ໃນສະໜາມບິນແລະຕາມເສ້ນທາງນ້ຳ ສາຍຕ່າງໆ.
ກ່ຽວກັບມຽນມ້າ: ທ່ານພັນຄີມູນ ເລຂາທິການອົງການສະຫະປະຊາຊາດ ໄດ້ຮຽກຮ້ອງໄປຍັງກອງປະຊຸມຄະນະລັດຖະມົນຕີຂອງກຸ່ມປະເທດເອເຊຍຕາເວັນ ອອກສຽງໃຕ້ ຫລືອາຊ່ຽນ ໃນຕອນແລງວັນເສົາວານນີ້ ໃຫ້ສະເຫນີ ແນວໂຮມທີ່ເຂັ້ມແຂງແລະເປັນອັນນຶ່ງອັນດຽວກັນ ກັບປະຊາຄົມໂລກ ເພື່ອປັບປຸງສະພາບການຢູ່ໃນມ່ຽນມາ. ທ່ານພັນຄີມູນໄດ້ກ່າວຕໍ່ພວກລັດຖະມົນຕີອາຊ່ຽນ ທີ່ປະຊຸມກັນຢູ່ສຳນັກ ງານໃຫຍ່ຂອງອົງການສະຫະປະຊາຊາດວ່າ ກຸ່ມປະເທດອາຊ່ຽນມີບົດ ບາດສຳຄັນທີ່ຈະຕ້ອງປະຕິບັດ ປະການທຳອິດ ແລະສຳຄັນທີ່ສຸດກ່ອນ ໝູ່ນັ້ນ ກໍແມ່ນເພື່ອຮັບປະກັນ ສະວັດດີການຂອງຊາວມຽນມາ ແຕ່ໃນຂນະດຽວກັນ ກໍແມ່ນເພື່ອຜົນປະໂຍດອັນກວ້າງຂວາງແຫ່ງສັນຕິພາບ ແລະ ຄວາມໝັ້ນຄົງໃນຂົງເຂດດັ່ງກ່າວ.ທ່ານພັນຄີມູນ ໄດ້ບອກບັນດາລັດຖະມົນຕີຕ່າງ ປະເທດຂອງກຸ່ມອາ ຊ່ຽນວ່າ ການປ່ອຍພວກນັກໂທດການເມືອງຈຳນວນຫລາຍຄົນເມື່ອ ໝໍ່ໆມານີ້ ໂດຍລັດຖະບານມຽນມາ ອັນເປັນພາກສ່ວນນື່ງຂອງການ ນິລະໂທດກຳໃນຂອບເຂດກວ້າງໃຫຍ່ກວ່ານັ້ນ ຖືວ່າເປັນບາດກ້າວໄປ ໃນທິດທາງທີ່ຖືກຕ້ອງ ແຕ່ກໍຕ່ຳກວ່າຄວາມຄາດໝາຍຫລາຍ.
ອີສຣາແອນແລະປາເລສໄຕນ໌: ສະຫະຣັດກຳລັງນຳພາໃນການຊຸກຍູ້ອີກເທື່ອໃໝ່ ເພື່ອໃຫ້ຮີ້ຟື້ນການເຈຣະຈາສັນຕິພາບ ລະຫວ່າງອີສຣາແອນແລະປາເລສໄຕນ໌ ໂດຍໄດ້ ຮຽກຮ້ອງໄປຍັງພວກປະເທດອາຫຣັບໃຫ້ ໃຫ້ການສນັບສນຸນຫລາຍ ຂຶ້ນ. ທ່ານນາງຮີນລາຣີຄລິນຕັນ ຣັຖມຸນຕີການຕ່າງປະເທດສະຫະຣັດ ໄດ້ພົບປະກັບບັນດາຜູ້ນຳ 6 ປະເທດໃນເຂດອ່າວເປີເຊັຍ ອັນມີປະເທດ Bahrain, Kuwait, Oman, Qatar, ສະຫະຣັດອາຫຣັບ EmiratesແລະSaudi Arabia ໃນວັນເສົາວານນີ້ທ່ີນະຄອນນີວຢອກ.
ບັນດາເຈົ້າໜ້າທ່ີກ່າວວ່າ ທ່ານນາງຮີນລາຣີ ໄດ້ກົດດັນພວກຜູ້ນຳປະເທດເຫລົ່ານີ້ໃຫ້ຜູກສາຍພົວພັນຂັ້ນປົກກະຕິກັບອີສນຣາແອນ ແລະ ໃຫ້ການສັນບສນຸນທາງດ້ານການເງິນແລະການເມືອງຫລາຍຂຶ້ນ ແກ່ ປະທານາທິບໍດີ Mahmoud Abbas ແຫ່ງປາເລສໄຕນ໌ ທີ່ໄດ້ຮຽກ ຮ້ອງໃຫ້ອີສຣາແອນເຄື່ອນໄຫວໂດຍໄວເຊັ່ນກັນ ແລະໃຫ້ກັບຄືນສູ່ການເຈຣະຈາກັນ. ໃນລະຫວ່າງທຳການຢ້ຽມຢາມກຸງຮາວານາ ນະ ຄອນຫລວງຂອງຄີວບາ ໃນວັນເສົາວານນີ້ ທ່ານ Abbas ເຕືອນວ່າອີກທາງເລືອກນື່ງນັ້ນແມ່ນຄວາມຮຸນແຮງ ແລະອັນນີ້ບໍ່ແມ່ນສິ່ງທ່ີທ່ານຕ້ອງການສຳລັບປະຊາຊົນ ຂອງທ່ານ ຫລື ຂົງເຂດນັ້ນ.
ວັນພຸດ, ໑໖ ຕຸລາ ໒໐໒໔
