ສະຖານະການໃນອັຟການີສຖານ: ເຈົ້າໜ້າທ່ີກອງທັບອັຟການີສຖານທ່ານນຶ່ງກ່າວວ່າ ກຳລັງປະສົມຂອງຝ່າຍພັນທະມິດໄດ້ສັງຫານພວກນັກຕໍ່ສູ້ກຸ່ມຕາລີບັນປະມານ 50 ຄົນໃນການສູ້ຣົບກັນ ທ່ີມີຂຶ້ນຫລັງຈາກກຸ່ມຕາລີບັນທຳການດັກໂຈມຕີລົດ ທະຫານຂອງສະຫະຣັດແລະອັຟການີສຖານຂະບວນນຶ່ງ ທ່ີພາໃຫ້ມີ ຄົນເສັຍຊີວິດໄປນັ້ນ. ພັນຕີ Abdul Basir Ghori ໂຄສົກກອງທັບອັຟການີສຖານ ກ່າວວ່າ ການສູ້ຣົບກັນໄດ້ເກີດຂຶ້ນໃນວັນເສົາວານນີ້ ໃນເມືອງ Bala Baluk ແຂວງ Farah ໃນພາກຕາເວັນຕົກຂອງອັຟການີສຖານ. ກ່ອນໜ້ານັ້ນ ໃນຕອນເຊົ້າວັນເສົາ ການດັກສະກັດໂຈມຕີຂອງກຸ່ມຕາລີບັນໃນເຂດດັ່ງ ກ່າວໄດ້ເອົາຊີວິດທະຫານອະເມຣິກັນໄປ 3 ຄົນ ແລະທະຫານອັຟການີສຖານ 7 ຄົນ. ພັນຕີ Ghori ກ່າວວ່າ ກຳລັງປະສົມໄດ້ທຳການຕອບໂຕ້ດ້ວຍການໂຈມຕີທາງອາກາດ ແຕ່ບໍ່ມີການຢືນຢັນຈາກແຫລ່ງຂ່າວ ທ່ີເປັນອິດສະລະ ກ່ຽວກັບການຕາຍຂອງຝ່າຍຕາລີບັນ. ທະຫານອະເມຣິກັນອີກ 2 ຄົນເສັຍຊີວິດໃນວັນເສົາວານນີ້ ໃນເຫດການວາງລະເບີດໂຈມຕີຢູ່ພາກຕາເວັນອອກຂອງອັຟການີສຖານ. ການໂຈມຕີອື່ນໆອີກຂອງກຸ່ມຕາລີບັນໃນທົ່ວປະເທດໄດ້ເຮັດໃຫ້ພົນລະເຮືອນແລະພວກເຈົ້າໜ້າທ່ີຮັກສາຄວາມປອດພັຍ ເສັຍຊີວິດໄປຢ່າງນ້ອຍ 28 ຄົນ. ຄວາມຮຸນແຮງໄດ້ ເພີ່ມທະວີຂຶ້ນຢ່າງສມ່ຳສເມີມາ ໃນອັຟການີສຖານໃນ ຫວ່າງບໍ່ເທົ່າໃດປີຜ່ານມານີ້ ໃນຂະນະທ່ີພວກກຸ່ມຕາລີບັນທຳການຕໍ່ສູ້ເພື່ອຂະຫຍາຍການຄວບຄຸມຂອງພວກເຂົາ ອອກໄປທົ່ວເຂດຊົນນະບົດ ຂອງປະເທດ. ກອງທັບສະຫະຣັດແລະກຸ່ມ NATO ໄດ້ສົ່ງທະຫານ ຈຳນວນຫລາຍເປັນປວັດການ ໄປປະຈຳການໃນອັຟການິສຖານ ເພື່ອພະຍາຍາມຊ່ອຍກຳລັງວຂອງອັຟການີສຖານ ທັບມ້າງການກະບົດໃນປະເທດນັ້ນ.
ສະຫະຣັດແລະອັຟການີສຖານ: ລາຍງານໜັງສືພິມຫລາຍສະບັບ ເວົ້າວ່າ ອີກບໍ່ດົນລັດຖະບານຂອງ ປະທານາທິບໍດີໂອບາມາ ຈະອະນຸມັດໃຫ້ພວກຖືກກັກຂັງທີ່ຄຸກຂອງ ສະຫະລັດໃນອັຟການີສຖານ ມີຄວາມສາມາດເພີ່ມຂື້ນໃນການທ້າ ທາຍຕໍ່ການຖືກຄຸມຕົວຂອງພວກເຂົາເຈົ້າ.ລາຍງານທີ່ລົງພິມ ໃນໜັງສືພິມ New York Times ແລະ Washington Post ເມື່ອວັນເສົາວານນີ້ ໄດ້ອ້າງເອົາຄຳເວົ້າຂອງ ພວກເຈົ້າ ໜ້າທີ່ທີ່ບໍ່ອອກຊື່ຂອງລັດຖະບານໂອບາມາ ທີ່ເວົ້າວ່າ ຈະມີການມອບສິດທິພິເສດທີ່ວ່ານີ້ ໃຫ້ພວກຖືກກັກ ຂັງຈຳນວນປະມານ 600 ຄົນ ຢູ່ຄຸກທີ່ຄວບຄຸມໂດຍສະຫະລັດທີ່ຖານທັບອາກາດບາກຣາມ ທາງກ້ຳເໜືອຂ ອງນະຄອນຫລວງກາບູລ. ພວກເຈົ້າໜ້າທີ່ກ່າວວ່າ ພາຍໃຕ້ລະບົບໃໝ່ນີ້ ກອງທັບສະຫະລັດ ຈະ ແຕ່ງຕັ້ງ ຜູ້ຕາງໜ້າໃຫ້ນັກໂທດແຕ່ລະຄົນທີ່ຄຸກບາກຣາມ ເປັນເທື່ອທຳ ອິດ. ພວກຜູ້ຕາງໜ້າດັ່ງກ່າວຈະບໍ່ ແມ່ນທະນາຍຄວາມ ແຕ່ມີຄວາມ ສາມາດທີ່ຈະຮຽກພະຍານ ແລະຍື່ນຫລັກຖານເພື່ອວ່າຄວາມໃຫ້ ພວກ ຖືກກັກຂັງນັ້ນ. ກອງທັບສະຫະລັດໄດ້ຄຸມຂັງພວກນັກໂທດເຫລົ່ານັ້ນທີ່ຄຸກບາກຣາມໃນ ຂໍ້ຫາວ່າເປັນ “ພວກສູ້ລົບຂອງສັດຕູ” ຊື່ງບາງຄົນຖືກກັກຂັງມາໄດ້ 6ປີ ແລ້ວກໍມີ. ພວກນັກໂທດເຫລົ່ານີ້ ບໍ່ໄດ້ຮັບອະນຸຍາດໃຫ້ມີທະນາຍ ຄວາມ ທ້າທາຍການກັກຂັງຂອງພວກເຂົາເຈົ້າ ຫລືຮັບຟັງຂໍ້ກ່າວຫາ ຕ່າງໆ ຕໍ່ພວກເຂົາເຈົ້ານັ້ນ ຊຶ່ງບໍ່ຄືກັນກັບພວກຕ້ອງສົງໄສວ່າເປັນ ພວກກໍ່ການຮ້າຍທີ່ຖືກກັກຂັງຢູ່ຄຸກຂອງສະຫະລັດ ທີ່ອ່າວກວນຕາ ນາໂມ ເທິງເກາະຄິວບານັ້ນ.
ກ່ຽວກັບບັນຫາສັນຕິພາບໃນພາກຕາເວັນອອກກາງ: ຄາດວ່າ ທ່ານ George Mitchell ທູດພິເສດ ວ່າດ້ວຍກິດຈະການກ່ຽວກັບພາກຕາເວັນອອກກາງຂອງສະຫະຣັດ ຈະທຳການຊຸກຍູ້ບັ້ນ ສຸດທ້າຍ ເພື່ອຮື້ຟື້ນການເຈຣະຈາສັນຕິພາບໃນພາກຕາເວັນອອກກາງ ຄືນອີກໃນລະຫວ່າງການຢ້ຽມຢາມຂອງທ່ານໃນຂົງເຂດ ກ່ອນກອງປະ ຊຸມສະມັດຊາໃຫຍ່ສະຫະປະຊາຊາດໄຂຂຶ້ນໃນສັບປະດາໜ້າ. ທ່ານ Mitchell ເດີນທາງໄປ ຮອດອີສຣາແອນໃນຕອນເດິກວັນເສົາ ວານນີ້ ກ່ອນຈະທຳການພົບປະກັນຕ່າງຫາກກັບບັນດາຜູ້ນຳອີສຣາແອນແລະປາເລສໄຕນ໌. ຫົວຂໍ້ສຳຄັນທ່ີສຸດໃນການພົບປະຂອງທ່ານ ຈະແມ່ນເຣື່ອງການຂະຫຍາຍການກໍ່ສ້າງບ້ານເຮືອນຂອງອີສຣາແອນໃນເຂດຍຶດຄອງນັ້ນ. ສະຫະຣັດໄດ້ຮຽກຮ້ອງໃຫ້ອີສຣາແອນຢຸດການກໍ່ສ້າງ ບ້ນເຮືອນໃນເຂດຍຶດຄອງ ຄືເຂດຝັ່ງຕາເວົນຕົກຂອງແມ່ນນ້ຳຈໍແດນແລະເຂດກ້ຳ ຕາເວັນອອກຂອງນະຄອນ Jerusalemແຕ່ທ່າງຝ່າຍອີສຣາແອນກ່າວວ່າ ການກໍ່ສ້າງບ້ານເຮືອນໃໝ່ແມ່ນເປັນສິ່ງຈຳເປັນ ເພື່ອສນອງບ່ອນຢູ່ໃຫ້ພຽງພໍກັບການເຕີບໂຕຂອງພົນລະເມືອງ. ຝ່າຍປາເລສໄຕນ໌ ກ່າວວ່າ ພວກຕົນຈະບໍ່ກັບຄືນສູ່ການເຈຣະຈາສັນ ຕິພາບອີກ ຈົນກວ່າທາງອີສຣາແອນຢຸດການກໍ່ສ້າງບ້ານເຮືອນັ້ນເສັຍກ່ອນ. ນາຍົກຣັຖມຸນຕີອີສຣາແອນ ທ່ານ Benjamin Netanyahu ກຳນົດ ຈະທຳການພົບປະກັບປະທາທນາທິບໍດີ Hosni Mubarark ແຫ່ງເອ ຈິບໃນວັນອາທິດມື້ນີ້ ເພື່ອທຳການໂອ້ລົມສົນທະນາກັນເຣື່ອງການຮື້ຟື້ນການເຈຣະຈາສັນຕິພາບກັບພວກປາເລສໄຕນ໌ ກ່ອນການພົບປະ3ຝ່າຍ ທ່ີອາດມີຂື້ນໄດ້ກັບສະຫະຣັດ ນອກກອງປະຊຸມສະມັດຊາໃຫຍ່ນັ້ນ.
ທີ່ກາຊັກສະຖານ: ລັດຖະບານປະເທດກາຊັກສະຖານກ່າວວ່າ ໄຟໄໝ້ທີ່ສູນກາງສາທາ ລະນະສຸກ ປິ່ນປົວພວກຕິດຢາເສບຕິດແຫ່ງນຶ່ງ ທີ່ຍັງຜົນໃຫ້ມີຜູ້ເສຍຊີ ວິດ 38 ຄົນ. ກະຊວງເຫດການສຸກເສີນ ຂອງກາຊັກສະຖານກ່າວວ່າ ໄຟໄດ້ໄໝ້ສູນ ປິ່ນປົວດັ່ງກ່າວໃນຕອນເຊົ້າວັນອາທິດມື້ນີ້ ໃນເມືອງ Taldykorgan ທາງພາກຕາເວັນອອກສຽງໃຕ້ຂອງປະເທດ. ທາງການກະຊວງເວົ້າ ຕື່ມວ່າ ພວກຄົນງານກູ້ພັຍໄດ້ຊ່ວຍຄົນເຈັບ ແລະພະນັກງານແພດໃນ ຕຶກສູນກາງດັ່ງກ່າວ ໄວ້ໄດ້ 40 ຄົນ.
ສາເຫດໄຟໄໝ້ຄັ້ງນີ້ ຍັງບໍ່ຮູ້ໄດ້ໃນທັນທີນີ້ເທື່ອ. ການຝ່າຝືນກົດຕ່າງໆດ້ານຄວາມປອດພັຍນັ້ນ ຖືວ່າເປັນເລຶ່ອງປົກກະຕິ ທຳມະດາໃນປະເທດກາຊັກສະຖານ ຊື່ງເຄີຍເປັນລັດນື່ງຂອງອະດີດ ສະຫະພາບໂຊວຽດນັ້ນ ເຮັດໃຫ້ສະຖານທີ່ອຳນວຍຄວາມສະດວກຕ່າງໆ ທີ່ບໍລິຫານໂດຍລັດຖະບານນັ້ນ ມັກເກີດໄຟໄໝ້ຢູ່ເລື້ອຍໆ.
ກ່ຽວກັບນີວເຄລັຍຂອງອິຣ່ານ: ສະຫະຣັດກ່າວວ່າ ຕົນວາງແຜນທີ່ຈະເພ່ງເລັງໃສ່ເຣື່ອງໂຄງການນີວເຄລັຍຂອງອິຣ່ານໃນການໂອ້ລົມສົນທະນາກັບກັບກຸງເຕຮິຣ່ານ ທ່ີຈະມາເຖິງນີ້ ເຖິງແມ່ນທາງອິຣ່ານໄດ້ປະຕິເສດທີ່ຈະສົນທະນາກ່ຽວກັບເຣື່ອງນີ້ກໍຕາມ. ທ່ານ Robert Gibbs ໂຄສົກປະຈຳທຳນຽບຂາວ ກ່າວວ່າ ອິຣ່ານມີຄວາມຮັບຜິດຊອບ ທ່ີຈະຕ້ອງປະຖິ້ມ ອັນທ່ີທ່ານບັນລະຍາຍວ່າ ເປັນໂຄງການຜລິດອາວຸດນີວເຄລັຍທ່ີຜິດກົດໝາຍຂອງອິຣ່ານນັ້ນ ແລະວ່າ ເຣືອງນີ້ຈະເປັນເປົ້າໝາຍຂອງສະຫະຣັດໃນການເຈຣະຈາກັບອິຣ່ານ.
ໃນວັນສຸກຜ່ານມານີ້ ສະຫະຣັດແລະປະເທດມະຫາອຳນາດອື່ນໆໄດ້ຮັບເອົາຂໍ້ສະເໜີໃໝ່ຂອງອິຣ່ານສຳລັບການເຈຣະຈາກັນນັ້ນ ເຖິງແມ່ນທາງ ກຸງເຕຮິຣ່ານກ່າວວ່າຕົນຈະບໍ່ເຈຣະຈາເຣື່ອງໂຄງການນີວເຄລັຍກໍຕາມ.
ບັນດາເຈົ້າໜ້າທ່ີອິຣ່ານກ່າວວ່າ ເຂົາເຈົ້າມີຄວາມປິຕິຍິນດີທ່ີສະຫະຣັດ ແລະປະເທດມະຫາອຳນາດອື່ນໆຮັບເອົາຂໍ້ສະເໜີຂອງອິຣ່ານ ແຕ່ທ່ານ Manouchehr Mottaki ຣັຖມຸນຕີການຕ່າງປະເທດຂອງອິຣ່ານກ່າວວ່າ ອິຣ່ານຈະບໍ່ທຳການປະນີປະນອມໃດໆກ່ຽວກັບ ເຣື່ອງສິດທິທ່ີແຍກອອກບໍ່ໄດ້ ຂອງຕົນ.