ກຳປັ່ນຂ້າມຟາກຫລົ້ມກາງທະເລທ່ີຟີລິບປິນ :
ໜ່ວຍທະຫານຍາມຝັ່ງຂອງຟີລິບປິນ ກ່າວວ່າ ຈຳນວນຜູ່ເສັຍຊີວິດຈາກອຸບັດເຫດເຮືອຂ້າມຟາກທ່ີບັນທຸກຄົນໂດຍສານຈຳນວນເກືອບ 1 ພັນຄົນໄດ້ເພ່ີມຂຶ້ນເປັນ 5 ຄົນແລ້ວ ແລະຫລາຍກວ່າ 60 ຄົນຍັງຫາຍສາບສູນໄປຢູ່. ບັນດາເຈົ້າໜ້າທ່ີຝ່າຍເດີນທະເລກ່າວວ່າ ພວກໜ່ວຍກູ້ໄພໄດ້ຍົກຍ້າຍ ຄົນໂດຍສານຈຳນວນ 900 ຄົນ ໄປໃສ່ພວກ ເຮືອລຳອີ່ືນໆ ຈາກກຳປັ່ນຂ້າມຟາກ Super Ferry 9 ທີ່ງ່ຽງໃກ້ຈະຫລົ້ມ ໃນທ່າມກາງທະເລທ່ີປັ່ນປ່ວນ ຢູ່ນອກຝັ່ງ ທະເລໃນພາກໃຕ້ຂອງ ປະເທດ. ແຕ່ມີບາງຄົນຍັງຊອກ ຫາບໍ່ເຫັນຍ້ອນຄວາມສັບສົນວຸ້ນວາຍ. ທາງການຟີລິບປິນກ່າວວ່າ ພວກເຮືອກອງທັບເຮືອແລະຝູງເຮືອບິນເຮ ລີຄອບ ເຕີກອງທັບອາກາດ ໄດ້ຖືກສົ່ງໄປຍັງບ່ອນເກີດເຫດເພື່ອຊອກ ຫາພວກທ່ີຍັງຫາຍສາບສູນຢູ່. ພວກເຮືອບິນເຮລີຄອບເຕີຂອງສະຫະ ຣັດ ທ່ີກຳລັງທຳການຊ້ອມຣົບ ຢູ່ໃນພາກໃຕ້ຂອງຟີລິບປິນ ແລະເຮືອ ສນັບສນຸນລຳນຶ່ງຂອງສະຫະຣັດ ທ່ີມີໜ່ວຍພະຍາບານຢູ່ໃນເຮືອ ກໍໄດ້ ຖືກສົ່ງໄປຍັງບ່ອນເກີດເຫດເຊັ່ນກັນ.
ບັນດາເຈົ້າໜ້າທ່ີຍາມຝັ່ງ ກ່າວວ່າ ຈະມີການດຳເນີນການສືບສວນ ຫາສາຍເຫດຂອງອຸບັດເຫດເຮືອຫລົ້ມນີ້ ໃນເວລາໄວເທົ່າທ່ີຈະໄວໄດ້ ຫລັງຈາກການຊ່ອຍກູ້ໄພຜູ້ຄົນ ເສັດສີິ້ນລົງແລ້ວ.
ນີວເຄລັຍຂອງເກົາຫລີເໜືອ: ທູດພິເສດສະຫະລັດຝ່າຍກິດຈະການເກົາຫລີເໜືອ ສະແດງຄວາມ ເປັນຫ່ວງໃນວັນອາທິດມື້ນີ້ ກ່ຽວກັບການກ່າວອ້າງຂອງເກົາຫລີເໜືອ ທີ່ວ່າຕົນກຳລັງກ້າວເຂົ້າໄປ ໃກ້ຄວາມສາມາດໃນການເສີມສະມັດຖະ ພາບທາດຢູເຣນຽມຫລາຍຂຶ້ນ ສຳຫລັບການຜະລິດ ອາວຸດນີວເຄລຍນັ້ນ. ທ່ານສະຕີເວິ່ນ ບອສເວີທ ກ່າວຕໍ່ຜູ້ສື່ຂ່າວໃນກຸງໂຊລວ່າ ເກົາຫລີເໜືອ ຈະຕ້ອງໃຫ້ຄວາມກະຈ່າງແຈ້ງ ກ່ຽວກັບບັນຫານີ້ ຖ້າຢາກຈະໃຫ້ມີ ຄວາມກ້າວໜ້າໃດໆ ໃນການເຮັດໃຫ້ແຫລມເກົາ ຫລີປອດນີວເຄລຍນັ້ນ.ທ່ານບອສເວີທ ໄດ້ພົບປະກັບ ທ່ານ ວີວັງລັກ ຫົວໜ້າເຈລະຈາເລຶ່ອງ ນີວເຄລຍຂອງເກົາຫລີໄຕ້ ເມື່ອວັນສຸກຜ່ານມານີ້. ອົງການຂ່າວຢົນ ຮັບ ຂອງເກົາຫລີໄຕ້ ອ້າງເອົາຄຳເວົ້າຂອງເຈົ້າໜ້າທີ່ຄົນນື່ງ ທີ່ເວົ້າວ່າ ທັງສອງທ່ານໄດ້ປຶກສາຫາລືກັນ ກ່ຽວກັບການເອົາທ່າທີຕອບໂຕ້ຮ່ວມ ກັນ ຕໍ່ການຂົ່ມຂູ່ຂອງເກົາຫລີເໜືອກ່ຽວກັບນິວເຄລຍເມື່ອໝໍ່ໆມານີ້ ແລະສະແດງທ່າທີປອງດອງຕໍ່ເກົາຫລີເໜືອ.
ຄວາມບໍ່ສງົບໃນພາກໃຕ້ຂອງໄທ: ຕຳຫລວດໃນພາກໃຕ້ຂອງໄທກ່າວວ່າ ມືປືນຈຸນຶ່ງທ່ີບໍ່ຮູ້ຊື່ ໄດ້ສັງຫານຊາວມຸສລິມ 3 ຄົນຈາກຄອບຄົວດຽວກັນໃນຈັງຫວັດຢາລາໃນຄືນວັນເສົາຜ່ານມານີ້. ພວກເຄາະຮ້າຍເປັນພໍ່ບ້ານຄົນນຶ່ງ ວັຍ 61 ປີ ແລະ ລູກສາວວັຍ 33 ປີ ພ້ອມທັງລູກເຂີຍ ວັຍ 42 ປີ. ຕຳຫລວດກ່າວ ໃນວັນອາທິດມື້ນີ້ວ່າ ພວກຫົວແບກແຍກດິນແດນກຸ່ມນື່ງໄດ້ບຸກເຂົ້າໄປ ໃນເຮືອນຂອງພວກກ່ຽວ ແລ້ວເປີດສາກຍິງປືນໃສ່ເຂົາເຈົ້າ ແລ້ວພາ ກັນເອົາໂຕຫລົບໜີໄປ. ຫລາຍຈັງຫວັດໃນພາກໃຕ້ຂອງໄທ ຊຶ່ງປະຊາ ຊົນສ່ວນຫລາຍເປັນຊາວມຸສລິມ ໄດ້ປະສົບກັບການກໍ່ຄວາມຮຸນແຮງເພ່ີມຂຶ້ນໃນຫວ່າງບໍ່ເທົ່າໃດມື້ຜ່ານມານີ້ ຊຶ່ງເກີດຂຶ້ນພ້ອມໆກັບເດືອນບຸນ Ramadan ຂອງຊາວມຸສລິມ. ໃນວັນສຸກຜ່ານມານີ້ ພວກເຈົ້າໜ້າທ່ີຮັກສາຄວາມສງົບກ່າວວ່າລະເບີດ ລູກນຶ່ງໄດ້ແຕກຂຶ້ນຢູ່ທາງໜ້າຮ້ານອາຫານແຫ່ງນຶ່ງໃນເມືອງຢາລາ ເຮັດໃຫ້ຕຳຫລວດຄົນນຶ່ງເສັຍຊີວິດແລະປະຊາຊົນຕື່ມອີກ 12 ຄົນໄດ້ ຮັບບາດເຈັບ. ແລະໃນມື້ກ່ອນນັ້ນ ຄືໃນວັນພະຫັດ ລະເບີດລູກນຶ່ງທ່ີຫ້າງໄວ້ໃນລົດຈັກຄັນນຶ່ງ ກໍໄດ້ແຕກຂຶ້ນຢູ່ນອກຮ້ານອາຫານແຫ່ງນຶ່ງໃນຈັງຫວັດປັດຕະນີ ເຮັດໃຫ້ຜູ້ຊາຍຄົນນຶ່ງເສັຍຊີວິດແລະປະຊາຊົນຕື່ມອີກຫລາຍກວ່າ 20 ຄົນໄດ້ຮັບບາດເຈັບ.
ທິ່ອັຟການີສຖານ: ຜູ້ບັນຊາການກຳລັງທະຫານຂອງສະຫະລັດ ແລະເນໂຕໃນອັຟການີສ ຖານ ໄດ້ໄປກວດກາສະຖານທີ່ທີ່ຖືກໂຈມຕີທາງອາກາດເມື່ອໝໍ່ໆມານີ້ ໃນແຂວງຄັນດູຊ ທີ່ເຈົ້າໜ້າທີທ້ອງ ຖິ່ນກ່າວວ່າ ເຮັດໃຫ້ພົລະເຮືອນ ເສຍຊີວິດນັ້ນ. ວັນເສົາວານນີ້ ນາຍພົນ Stanley McChrystal ແຫ່ງກອງທັບບົກ ສະຫະລັດ ໄດ້ໄປຢ້ຽມຢາມເຂດນື່ງໃນພາກເໜືອຂອງອັຟການີສຖານ ບ່ອນທີ່ມື້ກ່ອນນັ້ນ ເຮືອບິນຂອງສະຫະລັດໄດ້ໄປຖິ້ມລະເບີດໃສ່ເພື່ອ ທຳລາຍລົດບັນທຸກນ້ຳມັນສອງຄັນ ທີ່ຖືກພວກຕາລິບັນ ຈີ້ເອົາໄປ. ການຖິ້ມລະເບີດຄັ້ງນີ້ ຍັງຜົນໃຫ້ມີຜູ້ເສຍຊີວິດ 90 ຄົນ. ແຕ່ຍັງບໍ່ ເປັນທີ່ແຈ້ງຂາວເທື່ອວ່າ ມີພົນລະເຮືອນຈັກຄົນຮວມຢູ່ໃນຈຳນວນດັ່ງກ່າວ. ອົງການເນໂຕໄດ້ເລີ່ມທຳການສືບສວນເລຶ່ອງນີ້ແລ້ວ ແລະສັນຍາວ່າຈະ ແຈ້ງຜົນການສືບສວນໃຫ້ສາທາລະນະຮູ້.
ການປະຕິບັດງານຂອງນັກເຫາະອາວະກາດຂອງສະຫະຣັດ:
ອົງການ NASA ຂອງສະຫະຣັດກ່າວວ່າ ນັກອາວະກາດ 2 ຄົນໄດ້ເສັດສິ້ນການອອກໄປປະຕິບັດງານເປັນເວລາ 7 ຊົ່ວໂມງ ຢູ່ນອກສະ ຖານີອາວະກາດນາໆຊາດ. ທ່ານ Danny Olivas ນັກອາວະກາດອະເມຣິກັນແລະທ່ານ Christer Fuglesang ຈາກ Sweden ພາ ກັນມາຍສາຍ cable ຍາວ 18 ແມັດອອກສຳລັບຫ້ອງໃໝ່ຊຶ່ງກຳນົດຈະຕິດຕັ້ງໃສ່ສະຖານີອາວະກາດໃນຕົ້ນປີໜ້ານີ້. ແຕ່ນັກອາວະກາດທັງສອງປະສົບກັບບັນຫາໃນຕອນສຸດທ້າຍ ເພາະບໍ່ສາມາດເກາະສົ້ນນຶ່ງຂອງສາຍ cable ໄດ້. ພວກຄວບຄຸມທາງພາກ ພື້ນດິນ ກໍເລີຍບອກໃຫ້ພວກນັກອາວະກາດຫໍ່ສາຍcableໄວ້ ເພື່ອເອົາໄວ້ພະຍາຍາມໃໝ່ ໃນການປະຕິບັດງານເທ່ືອໜ້າ. ນອກນັ້ນ ນັກອາວະກາດ ທັງສອງໄດ້ຕິດຕັ້ງແທ່ນມ້ຽນເຄື່ອງບ່ອນນຶ່ງແລະສາຍ antennas 2 ສາຍ ສຳລັບຊອກຫາຈຸດທີ່ຕັ້ງທາງພາກພື້ນດິນ ແລະສ້ອມແປງເຄື່ອງວັດການໝຸນກັບ ທ່ີໃຊ້ສຳລັບຄວບຄຸມທິດ ທາງການໝຸນຂອງສະຖານີອາວະກາດນັ້ນ.
ວຽກງານເທື່ອນີ້ແມ່ນເປັນ Space walk ຫລືການໄປເຮັດວຽກຢູ່ນອກ ສະຖານີອາວະກາດຄັ້ງທີສາມແລະຄັ້ງສຸດທ້າຍ ຂອງການປະຕິບັດງານ ໃນຖ້ຽວບິນຊຸດປັດຈຸບັນ ຂອງຍານອາວະກາດໄປກັບDisCovery ຊຶ່ງກຳນົດຈະອອກຈາກສະຖານີອາວະກາດ ກັບຄືນສູ່ໂລກໃນວັນອັງຄານຈະມານີ້.
ວັນເສົາ, ໑໒ ຕຸລາ ໒໐໒໔
