ສະຖານະການໃນອັຟການີສຖານ: ລະເບີດທ່ີຫ້າງໄວ້ແຄມທາງລູກນຶ່ງໄດ້ລະເບີດຂຶ້ນໃນວັນເສົາມື້ນີ້ຢູ່ໃກ້ໆ
ກັບຂະບວນລົດຄຸ້ມກັນຈຸນຶ່ງຂອງທະຫານເຢຣະມັນໃນພາກເໜືອຂອງອັຟການີສຖານ ນຶ່ງມື້ຫລັງຈາກພວກຜູ້ບັນຊາການທະຫານເຢຣະມັນອອກຄຳສັ່ງໃຫ້ທຳການໂຈມຕີທາງອາກາດຂອງກຸ່ມ NATO ໃນຂົງgຂດດັ່ງກ່າວຊຶ່ງຍັງຜົນເຮັດໃຫ້ປະຊາຊົນຈຳນວນຫລາຍເຖິງ 90 ຄົນເສັຍຊີວິດ ຊຶ່ງຫລາຍ ຄົນເປັນພວກພົນລະເຮືອນ. ທາງການກ່າວວ່າ ການລະເບີດດັ່ງກ່າວໄດ້ສ້າງຄວາມເສັຍຫາຍໃຫ້ແກ່ລົດຫລາຍຄັນ ແຕ່ ບໍ່ມີລາຍງານແຈ້ງໃຫ້ຊາບກ່ຽວກັບຜູ້ບາດເຈັບສາຫັດຈາກລະເບີດທ່ີແຕກຂຶ້ນໃນວັນເສົາມື້ນີ້.ອົງການ NATO ຮຽກ ຮ້ອງໃຫ້ມີການສືບສວນການໂຈມຕີທາງອາກາດໃນວັນສຸກວານນີ້ ທ່ີໄດ້ເຮັດໃຫ້ລົດບັນ ທຸກນ້ຳມັນສອງຄັນລະເບີດ ຂຶ້ນຢ່າງຫລວງຫລາຍນັ້ນ. ການໂຈມຕີທາງອາກາດໃນຕອນເຊົ້າມືດ ໄດ້ຮັບຄຳສັ່ງຈາກພວກບັນຊາການກອງທັບເຢຣະມັນ ຫລັງຈາກລົດບັນທຸກນ້ຳມັນຖືກຈີ້ໄປໃນກ່ອນໜ້ານັ້ນ ໂດຍພວກຫົວຮຸນແຮງຕາລີບັນ ທ່ີພົບເຫັນໃນແຄມແມ່ນ້ຳແຫ່ງນຶ່ງໃນແຂວງ Kunduz ໃນພາກເໜືອຂອງປະເທດ ທ່ີປາກົດວ່າຖືກພວກກະບົດອ້ອມໄວ້ ໃນຂະນະທ່ີລົດບັນທຸກນ້ຳມັນກຳລັງເອົານຳມັນອອກນັ້ນ. ບັນດາເຈົ້າໜ້າທ່ີເຢຣະມັນກ່າວວ່າ ຄຳສັ່ງການໂຈມຕີນີ້ມີຂຶ້ນ ເພາະວ່າ ພວກລົດບັນທຸກນ້ຳມັນທ່ີຖືກຈີ້ໄປນີ້ສາມາດໃຊ້ເປັນອາວຸດໄດ້ໃນການວາງລະ ເບີດສະລະຊີບຕໍ່ພວກທະຫານເຢຣະມັນທີ່ີປະຈຳການຢູ່ໃກ້ໆກັນນັ້ນ.
ກອງປະຊຸມກຸ່ມ20 ປະເທດ:ນາຍົກຣັຖມຸນຕີ Gordon Brown ແຫ່ງອັງກິດກ່າວຕໍ່ບັນດາຣັຖ
ມຸນຕີການເງິນຈາກກຸ່ມ20ປະເທດຫລື G-20 ທ່ີກຸງລອນດອນໃນວັນເສົາມື້ນີ້ວ່າ ເຖິງແມ່ນພາວະ ເສດຖະກິດຕົກຕ່ຳຄັ້ງຮ້າຍແຮງທ່ີສຸດນັບແຕ່ສົງຄາມໂລກຄັ້ງທີສອງເປັນຕົ້ນມາປາກົດວ່າຜ່ອນຄາຍລົງແດ່ແລ້ວ
ນັ້ນກໍຕາມ ໂລກກໍບໍ່ສາມາດທ່ີຈະສະແດງຄວາມດີອົກດີໃຈຫລືມີຄວາມໝັ້ນໃຈເກີນໄປ. ທ່ານ Brown ກ່າວຕໍ່ບັນດາເຈົ້າໜ້າທ່ີຈາກບັນດາປະເທດທ່ີຈະເຣີນການພັດທະນາແລະຮັ່ງມີແລະຈາກພວກຕລາດສຳຄັນທ່ີກຳລັງໂຜ່ໂຕຂຶ້ນມາວ່າ ໂລກໄດ້ຕົກຢູ່ໃນຈຸດຫົວລ້ຽວຫົວຕໍ່ ແລະວ່າຈະຕ້ອງໄດ້ດຳເນີນງານຫລາຍ ຂຶ້ນເພື່ອຮັບປະກັນການຟື້ນໂຕຄືນທ່ີໝັ້ນຄົງ. ກຸ່ມ 20 ປະເທດທ່ີວ່ານີ້ມີການເກດຖະກິດເກືອບວ່າກວມເອົາ ທັງໝົດຂອງໂລກ. ພວກຣັຖມຸນຕີການເງິນແລະເຈົ້າໜ້າທ່ີອື່ນໆເຫລົ່ານີ້ກຳລັງພົບປະກັນເປັນມື້ທີສອງ ແລະເປັນມື້ສຸດທ້າຍເພື່ອຫາທາງຕົກລົງກັນເຣື່ອງລາຍການປະຊຸມສຸດຍອດສຳລັບບັນດາຜູ້ນຳຂອງກຸ່ມ20ປະເທດ ຊຶ່ງມີໝາຍກຳນົດຈະພົບປະກັນທ່ີນະຄອນ Pittsburghຣັດ Pennsylvania ຂອງສະຫະຣັດໃນ ທ້າຍເດືອນນີ້.
ເຣື່ອງນີວເຄລັຍຂອງເກົາຫລີເໜືອ:ບັນດາຫົວໜ້າທູດພິເສດດ້ານນີວເຄລັຍຈາກສະຫະຣັດແລະເກົາຫລີ
ໃຕ້ໄດ້ທຳການພົບປະຫາລືກັນໃນວັນເສົາມື້ນີ້ທ່ີກຸງໂຊນ ເພື່ອຫາທາງໃຫ້ເກົາຫລີເໜືອກັບຄືນມາຮ່ວມ ການພົບປະເຈຣະຈາກັນເຣື່ອງການປົດອາວຸດນີວເຄລັຍຂອງເກົາຫລີເໜືອນັ້ນ. ທ່ານ Stephen Bosworth ຜູ້ຕາງໜ້າພິເສດຂອງສະຫະຣັດກ່ຽວກັບເກົາຫລີເໜືອ ໄດ້ພົບປະກັບທ່ານ Wi Wung-Lac ຫົວໜ້າຄນະຜູ້ຕາງໜ້າເກົາຫລີໃຕ້ໃນການພົບປະເຈຣະຈາ6 ຝ່າຍກ່ຽວກັບການປົດອາວຸດຂອງເກົາຫລີເໜືອນັ້ນ.
ທ່ານ Bosworth ທ່ີກຳລັງທຳການຢ້ຽມຢາມຂົງເຂດເພື່ອທຳການໂອ້ລົມສົນທະນາກັນທ່ີມີວັດຖຸປະສົງ ເພື່ອຟື້ນການເຈຣະຈາ 6 ຝ່າຍຄືນນັ້ນ ບໍ່ໄດ້ກ່າວຖ້ອຍຖແລງໃດໆກ່ຽວກັບລາຍລະອຽດຂອງການພົບປະກັນ ນີ້. ໃນວັນສຸກ ວານນີ້ ເກົາຫລີເໜືອກ່າວວ່າ ຕົນໄດ້ບັນລຸຂັ້ນສຸດທ້າຍໃນການຫລອມທາດຢູຣານຽມຂອງຕົນແລ້ວ ອັນເປັນການດຳເນີນຂັ້ນຕອນ ຖ້າຫາກສຳເຣັດ ຈະເປັນພາຫະນະຂັ້ນທີສອງຊຶ່ງໝາຍຄວາມວ່າ ຈະສ້າງລະເບີດນີວເຄລັຍຂຶ້ນໄດ້ນັ້ນ.
ຄວາມບໍ່ສງົບໃນຈີນ: ນະຄອນຫລວງຂອງເຂດຊິນຈຽງຂອງຈີນໄດ້ກັບຄືນສູ່ສະພາບບໍ່ສງົບອີກໃນວັນເສົາມື້ນີ້ ພາຍໃຕ້ການສິ້ງຊອມເບິ່ງຢ່າງໃກ້ຊິດຂອງກຳລັງຮັກສາຄວາມປອດໄພຫລາຍພັນຄົນທ່ີພາກັນ ທຳການລາດຕາເວັນຢູ່ຕາມຖນົນຫົນທາງສາຍຕ່າງໆໃນເມືອງUrumqi ແລະຈັດຕັ້ງດ່ານກວດກາຄວາມປອດໄພຂຶ້ນ ໃນທົວຕົວເມືອງ. ການຮັກສາຄວາມປອດໄພເພ່ີມຂຶ້ນນີ້ ມີຂຶ້ນຫລັງຈາກປະຊາຊົນເສັຍຊີວິດ 5 ຄົນ ແລະບາດເຈັບ 14 ຄົນໃນລະຫວ່າງການປະທ້ວງທ່ີຮຸນແຮງໃນວັນພະຫັດຜ່ານມານີ້ ຊຶ່ງໄດ້ເກີດໃຫ້ມີການໂຈມຕີດ້າວຍການເອົາເຂັມສັກຢາໄລ້ແທງກັນນັ້ນ. ທ່ານ Zhang Hong ຮອງເຈົ້າຄອງກຳແພງ ກ່າວຕໍ່ບັນດານັກຂ່າວໃນວັນສຸກວານນີ້ວ່າ 2 ຄົນໃນຈຳນວນພວກທ່ີເສັຍຊີວິດໄປ 5 ຄົນໃນວັນພະຫັດຜ່ານມານີ້ເປັນ ພວກພັນລະເຮືອນທ່ີບໍ່ມີຄວາມຜິດຫຍັງ ແຕ່ທ່ານບໍ່ໄດ້ບອກລາຍລະອຽດໃຫ້ຊາບ. ນອກນັ້ນທ່ານ Zhang ຍັງ ກ່າວຕື່ມວ່າ ຊົນເຜົາ Uighurs 21 ຄົນໄດ້ຖືກຈັບກຸມ ຮວມທງັ 4 ຄົນທ່ີໄດ້ຖືກຮ້ອງຢ່າງເປັນທາງການໃນຂໍ້ກ່າວຫາຖານ ມີສ່ວນພົວພັນໃນ ການໂຈມຕີກັນດ້ວຍການໃຊ້ເຂັມສັກຢາແທງກັນນັ້ນ. ສື່ມວນຊົນແຫ່ງຣັດຂອງຈີນ ແຈ້ງໃຫ້ຊາບວ່າ ພວກທ່ີໄດ້ຮັບເຄາະຮ້າຍສ່ວນຫລາຍເປັນຊົນເຜົ່າຫັ້ນ.
ບໍລິສັດນ້ຳມັນ BP ແລະເຫດການໃນເມືອງLockerbie:ຣັຖມຸນຕີຂັ້ນອາວຸໂສຂອງອັງກິດ ທ່ານນຶ່ງກ່າວວ່າ ຂໍ້ຕົກລົງການຄ້າແລະນ້ຳມັນກັບລີເບັຍໄດ້ມີບົດບາດທ່ີສຳຄັນທ່ີສຸດໃນການຕັດສິນໃຈຂອງອັງກິດທ່ີຮວມທັງຜູ້ວາງລະເບີດໃນເມືອງ Lockerbieໃນຂໍ້ຕົກລົງການໂອນນັກໂທດກັນລະຫວ່າງສອງປະເທດ. ທ່ານ Jack Straw ຣັຖມຸນຕີກະຊວງຍຸຕິທັມກ່າວຕໍ່ໜັງສືພິມ DailyTelegraph ໃນວັນເສົາມື້ນີ້ວ່າ ທ່ານອະໄພໃຫ້ບໍ່ໄດ້ ກ່ຽວກັບການຮວມເອົານາຍ Abdel Baset al-Megrahi ຜູ້ວາງລະເບີດໃສ່ສາຍການບິນ Pan Am ທ່ີຕົກລົງໃນເມືອງ Lockerbie ທ່ີຖືກຂັງຢູ່ໃນຄຸກເຂົ້າຢູ່ໃນຂໍ້ຕົກລົງກັນກັບລີເບັຍ ທ່ີໄດ້ລົງນາມ ກັນເມື່ອ 2 ປີຜ່ານມາ ໃນຂະນະທ່ີບໍລິສັດນ້ຳມັນຍັກໃຫຍ່ BP ຂອງອັງກິດກຳລັງຫາທາງເຮັດສັນຍາເປັນມູນຄ່າຫລາຍ ລ້ານດອນລາກັບລີເບັຍນັ້ນ. ໃນຕົ້ນສັບປະດານີ້ ນາຍົກຣັຖມຸນຕີອັງກິດ ທ່ານ Gordon Brown ກ່າວວ່າ ບໍ່ມີການປົກປິດໃດໆແລະບໍ່ສັນຍາໃດໆກ່ຽວກັບນ້ຳມັນ ທ່ີພົວພັນກັບການປ່ອຍໂຕນາຍ Megrahi ກ່ອນກຳນົດໃນເດືອນແລ້ວນີ້ຈາກຄຸກແຫ່ງນຶ່ງຂອງ Scottland ນັ້ນ.ນາຍ Megrahi ເປັນຄົນດຽວທ່ີມີ ຄວາມຜິດໃນການວາງລະເບີດໃສ່ສາຍການບິນ Pan Am ທ່ີຕົກລົງໃນເມືອງ Lockerbie ໃນປີ1988ທ່ີໄດ້ເຮັດ ໃຫ້ຜູ້ຄົນເສັຍຊີວິດໄປ270 ຄົນນັ້ນ.
ວັນເສົາ, ໒໗ ກໍລະກົດ ໒໐໒໔
