ລິ້ງ ສຳຫລັບເຂົ້າຫາ

ບັນຫາການຂາດແຄນນ້ຳແລະເຂດຕາເວັນຕົກຂອງອາເມຣິກາ

  • Ted Landphair

ສຽງຮ້ອງຫາ! ນ້ຳ! ນ້ຳ! ນ້ຳກຳລັງດັງກ້ອງ

ວານໄປທົ່ວພາກຕາເວັນຕົກຂອງອາເມຣິກາ

ເນື່ອງຈາກການພັດທະນາ ແລະ ໄພແຫ້ງ

ແລ້ງຢູ່ໃນຂົງເຂດ ໄດ້ເຮັດໃຫ້ບັນຫາຂາດ

ເຂີນນ້ຳຊຶ່ງເປັນບັນຫາຊ້ຳເຮື້ອແກ່ຍາວມາ

ແຕ່ດົນນານນັ້ນ ເພີ້ມຄວາມຮຸນແຮງ.

ພາກ​ຕາ​ເວັນ​ຕົກ​ ​ເປັນ​ເຂດ​ທີ່​ແຫ້ງ​ແລ້ງທີ່​ສຸດແຕ່​ໃນ​ຂນະ​ດຽວ​ກັນ ກໍ​ເປັນ​ເຂດ​ທີ່​ພັດທະນາ

ໄວ​ທີ່​ສຸດຂອງອາ​ເມຣິກາ. ລັດ​ທີ່ແຫ້ງ​ແລ້ງຕ້ອງການນ້ຳຫລາຍທີ່ສຸດຂອງປະເທດຄື,ລັດ

Arizona ພຽງລັດດຽງນັ້ນ ດຽວນີ້ແມ່ນມີ​ພົລ​ເມືອງໜາ​ແໜ້ນເພີ້ມຂຶ້ນ​ເຖິງ 55%​ເມື່ອ

​ທຽບ​ໃສ່ ​ໃນປີ 1990. ​ໄດ້​ມີ​ພວກ​ນັກທຸລະກິດ​ໃໝ່, ພວກ​ກໍ່ສ້າງສະຖານ​ທີ່​ພັກຜ່ອນ

ຫລື resorts ​ແລະ​ ປະຊາຊົນ​ທຳ​ມະ​ດາສາມັນພາກັນ​ຫລັ່ງ​ໄຫລເຂົ້າ​ໄປສ້າງ​ອາຄານ

ບ້ານ​ເຮືອນ ທີ່​ແຜ່​ລາມ​ອອກ​ໄປ​ຮອດ​ເຂດ​ທະ​ເລຊາຍ ແລະຕາມ​ຈ້າຍ​ພູ ຢູ່​ອ້ອມ​ແອ້ມ​ຫົວ

ເມືອງ​ຕ່າງໆ ເຊັ່ນນະ​ຄອນ Phoenix ລັດ Arizona ແລະ Las Vegas ລັດ

Nevada ທີ່​ມີ​ຊາຍ​ແດນ​ຕິດ​ກັນນັ້ນ ຊື່​ງພວກ​ເຂົາເຈົ້າພາກັນໃຊ້ນ້ຳຫລາຍກວ່າພວກ

ສັດລ້ຽງ,ຄື ງົວ ຫລື ຝູງແກະ ທີ່ເຄີຍເລາະຫາກິນໄປຕາມ​ປະສາຂອງ​ມັນຢູ່​ຕາມ​ບໍລິ

ເວນ​ທີ່​ດິນ​ແຫ້ງ​ແລ້ງນັ້ນ.


ຍ້ອນວ່າ​ມີລະ​ບົບວິດສະວະກຳອັນ​ທັນສະ​ໄໝ, ພວກ​ຫົວ​ເມືອງຢູ່ໃນເຂດ​ຕາ​ເວັນ​ຕົກຈື່ງ

ສາມາດ​ຫັນປ່ຽນ​ທິດ​ທາງ​ໄຫລຂອງແມ່ນ້ຳ, ແລະ ເກັບຮັກສານ້ຳອັນມີຄ່າຈາກນ້ຳຫ້ວຍ

ທີ່ໄຫລອອກມາຈາກເທິງພູນັ້ນມາໄວ້ໃຊ້ໄດ້. ​


ແມ່ນ້ຳ Colorado ທີ່ໄຫລແຮງສາຍດຽວເທົ່ານັ້ນ ໄດ້ສະໜອງນ້ຳເພື່ອລ້ຽງປະຊາຊົນ

30 ລ້ານ​ຄົນ ຢູ່​ໃນ 7 ລັດ ​ແລະ ປະ​ເທ​ດແມັກຊິກ​ໂກ. ​ໃນ​ປີ 1922, 7 ລັດທີ່​ວ່ານີ້

ໄດ້​ເຊັນ​ສັນຍາກັນຕົກລົງວ່າ ​ບັນດາ​ລັດ​ທີ່ຢູ່​ທາງ​ຫົວແມ່ນ້ຳ, Colorado ຈະຕ້ອງປ່ອຍ

ໃຫ້ນ້ຳຈາກແມ່ນ້ຳດັ່ງກ່າວໄຫລລົງມາຫລາຍ, ເພື່ອສະໜອງນ້ຳຢ່າງພຽງພໍ, ໃຫ້ແກ່

ລັດ New Mexico, ​ແລະລັດ Arizona ກັບ Nevada ​ເຊິ່ງເປັນ ລັດທີ່​ມີ​ການຂະ

ຫຍາ​ຍໂຕຢ່າງ​ວ່ອງໄວຫລາຍ​ໃນເວລານີ້ ແລະ ປະ​ເທດ Mexico ທີ່ຢູ່​ປາຍ​ນ້ຳນັ້ນ.


ຫາກ​ແຕ່​ວ່າ ສະພາບ​ແຫ້ງ​ແລ້ງ​ທີ່​ແກ່ຍາວ​ມາ​ເປັນ​ເວລາ​ດົນ​ນານ ​ໄດ້ເຮັດ​ໃຫ້ລະ​ດັບ​ນ້ຳ

ຢູ່ໃນ​ອ່າງ​ເກັບ​ນ້ຳ ທີ່​ເປັນ​ໜອງ​ໃຫຍ່ໆ ​ເຊັ່ນ Lake Powell ຢູ່ Arizona ​ແລະ Lake

Mead ຢູ່ Nevada ຫລຸດ​ນ້ອຍ​ລົງຢ່າງ​ຫລວງຫລາຍ. ແລະ ການສຶກສາຄົ້ນຄວ້າ ທີ່

ໄດ້​ພິມ​ອອກ​ໃນ​ວາລະ​ສານ ວິທຍາ​ສາດ ຫລື Science ​ໃນ​ປີ​ກາຍ​ນີ້​ ໄດ້​ຄົ້ນພົບ​ວ່າ

ອາຍແກັສ​ເຮືອນ​ແກ້ວ​ທີ່​ຄົນເຮັດ​ໃຫ້​ເກີ​ດມານັ້ນ ​ໄດ້​ເຮັດ​ໃຫ້​ອຸນຫະພູມ ​ໃນ​ລະດູໜາວຢູ່​

ເທິງ​ພູໃນ​ພາກ​ຕາເວັນຕົກຂອງ​ອາ​ເມຣິກາເພີ້ມຂຶ້ນ ເຊິ່ງ​ໄດ້​ເຮັດ​ໃຫ້​ ​ຫິມະຢູ່​ເທິງ​ພູ​ເປື່ອຍ

ໄວ ແລະ ນ້ຳຫ້ວຍທີ່ໄຫລລິນລົງມາຈາກພູເຂົານັ້ນ, ເຫືອດແຫ້ງໄປ, ຊຶ່ງຕາມປົກກະຕິ

ແລ້ວ ນ້ຳຈາກສອງແຫລ່ງນີ້, ຈະໄຫລໄປທົດແທນນ້ຳໃນແມ່ນ້ຳທີ່ບົກລົງນັ້ນ.


ເພື່ອຫລຸດຜ່ອນສະພາບການທີ່ຕ້ອງເພິ່ງພາອາໃສກາງ

ຕໍ່ ນຳນ້ຳທີ່ມາຈາກແມ່ນ້ຳ, ເຖິງແມ່ນພຽງແຕ່ໜ້ອຍດຽວ

ກໍ​ຕາມ, ລັດ​ນຶ່ງ ​ຄືລັດ Colorado ດຽວນີ້ ​ແມ່ນໄດ້​ອະ

ນຸຍາດເປັນຄັ້ງທຳ​ອິດ ໃຫ້ປະຊາຊົນ​ໂຕ່ງ​ເອົາ​ນ້ຳຝົນ

ແລະ ເກັບ​ນ້ຳຝົນ​ໄວ້​ໃຊ້​ໄດ້. ທາງ​ການ​ໂຄ​ໂລຣາ​ໂດ

ໄດ້ອະນຸຍາດ​ໃຫ້ເຮັດ​ແນວ​ນັ້ນ​ໄດ້ ພາຍຫລັງ​ທີ່​ການ​ສຶກສາຄົ້ນຄວ້າ​ຢູ່​ທີ່​ນັ້ນ ​ໄດ້​ສະ​ແດງ

ໃຫ້ເຫັນວ່າ 97% ຂອງນ້ຳຝົນໃນຂົງເຂດທີ່ເປັນດິນຊາຍຂອງລັດ,ໄດ້ເຫີຍເຂົ້າສູ່ບັນຍາ

ກາດຫລືບໍ່​ ກໍຖືກ​ດູດ​ຊຶມ​ເອົາ​ ໂດຍຕົ້ນ​ໄມ້​ທີ່​ຫີ​ວກະຫາຍ​ນ້ຳ. ສະນັ້ນ ​ເປັນ​ຫຍັງ​ຈຶ່ງ​ບໍ່​ໃຫ້

ພວກປະຊາຊົນທີ່ມີບ້ານເຮືອນ ເອົາຖັງນ້ຳ, ແລະ ອ່າງນ້ຳ,ໄປຕັ້ງໄວ້ກ້ອງຮາງລິນຂອງ

ເຂົາເຈົ້າ ເພື່ອໂຕ່ງເອົານ້ຳໄປໄວ້ໃຊ້?


ການ​ເຮັດ​ແນວ​ນີ້ ອາດຈະ​ຊ່ວຍ​ພວກ​ທີ່​ປູກ​ຜັກ​ປູກ​ໝີ່ ເຮັດ​ຮົ້ວ ​ເຮັດ​ສວນໄດ້ ​ແຕ່​ວ່າ​ມັນກໍ

ຈະບໍ່ສາມາດ​ແກ້​ໄຂ ບັນ​ຫາ​ທີ່ໃຫຍ່​ກວ່າ​ນັ້ນ​ໄດ້ ຄື​ບັນຫາ​ທີ່​ວ່າ ເຮັດ​ແນວ​ໃດເຂດ​ຕາ​ເວັນ

​ຕົກຂອງສະຫະຣັດ ຈຶ່ງຈະສາມາດຊອກຫານ້ຳ,ມາແກ້ໄຂບັນຫາຄວາມແຫ້ງແລ້ງຂາດ

ແຄນນ້ຳຂອງຕົນໄດ້ຢ່າງສຳເລັດຜົນ.

XS
SM
MD
LG