ຂ່າວການເມືອງອິຣ່ານ: ສະພາແຫ່ງຊາດອິຣ່ານໄດ້ຮັບຮອງເອົາຣັຖມຸນຕີ 18 ທ່ານທ່ີປະທານາ ທິບໍດີ Mahmoud Ahmadinejad ໄດ້ສເນີແຕ່ງຕັ້ງໄປ ສຳລັບຄນະ ຣັຖບານ 21 ຂອງທ່ານ ຊຶ່ງຮວມທັງແມ່ຍິງຄົນທຳອິດທ່ີຈະໄດ້ເປັນຣັຖ ມຸນຕີ ນັບແຕ່ການປະຕິວັດອີສລາມໃນປີ 1979 ເປັນຕົ້ນມາ. ພວກສະ ມາຊິກສະພານິຕິບັນຍັດໄດ້ລົງມະຕິຮັບຜ່ານການແຕ່ງຕັ້ງດັ່ງກ່າວໃນວັນ ພະຫັດມື້ນີ້ ຫລັງຈາກມີການອະພິປາຍກັນເປັນເວລາ 5 ມື້ລຽນຕິດ. ແມ່ຍິງຄົນດຽວທ່ີຖືກຮັບ ຮອງເອົາ ຄື ທ່ານນາງ Marzieh Vahid Dastjerdi ຊື່ງຈະເປັນຣັຖມຸນຕີກະຊວງສາທາຣະນະສຸກ. ສຳລັບພວກ ທ່ີຖືກສເນີແຕ່ງຕັ້ງໃຫ້ເປັນຣັຖມຸນຕີກະຊວງພລັງງານ ການສຶກສາແລະ ສວັດດີການ ໄດ້ຖືກປະຕິເສດ. ສອງຄົນໃນນັ້ນແມ່ນແມ່ຍິງ. ໃນບັນດາຣັຖມຸນຕີທ່ີຖືກຮັບຮອງເອົາ 18 ທ່ານນັ້ນ ມີທ່ານ Ahmad Vahidi ທ່ີທ່ານ Ahmadinejad ຄັດເລືອກໃຫ້ເປັນຣັຖມຸນຕີປ້ອງກັນປະເທດ. ປະເທດ Argentina ກ່າວວ່າ ທ່ານ Vahidi ໄດ້ມີສ່ວນພົວພັນໃນການວາງລະເບີດໃສ່ສູນກາງພວກຊາວຢີວທ່ີກຸງ Buenos Aires ໃນປີ 1994 ແລະອົງການຕຳຫລວດສາກົນຫລື Interpol ກໍ ຕ້ອງການໂຕທ່ານ Vahidi ໄປດຳເນີນຄະດີໃນຂໍ້ຫາມີສ່ວນພົວພັນ ໃນການວາງລະເບີດໂຈມຕີຄັ້ງນັ້ນ ທ່ີຍັງຜົນໃຫ້ຜູ້ຄົນເສັຍຊີວິດໄປ 85 ຄົນ.
ແຜ່ນດິນໄຫວທີ່ອິນໂດເນເຊັຍ: ພວກພນັກງານຊ່ອຍກູ້ໄພໃນເກາະ Java ຂອງອິນໂດເນເຊັຍ ກຳລັງຂຸດຄົ້ນຕາມເງ່ນຫິນ ແລະຊາກຫັກພັງດ້ວຍມືເປົ່າ ໃນຄວາມຫວັງວ່າ ຈະໄດ້ພັບເຫັນ ພວກຊາວບ້ານທ່ີເຊື່ອກັນ ວ່າ ຖືກຝັງຢູ່ກ້ອງ ກອງດິນທ່ີເຈື່ອນລົງມາຖົມ ຍ້ອນແຜ່ນ ດິນໄຫວ ທ່ີມີຄວາມແຮງນັ້ນ. ບັນດາເຈົ້າໜ້າທ່ີກ່າວວ່າ ແຜນດິນໄຫວທ່ ີມີຄວາມແຮງ 7.4 ຕາມເຄື່ອງວັດແທກ Richter ທີ່ເກີດຂຶ້ນ ຢູ່ນອກຝັ່ງທະເລ ເກາະ Java ໃນວັນ ພຸດວານນີ້ ໄດ້ເອົາຊີວິດ ຜູ້ຄົນໄປຢ່າງນ້ອຍ 49 ຄົນ ແລະ ເຮັດໃຫ້ບາດເຈັບຫລາຍກວ່າ 300 ຄົນ.
ການເດີນຂບວນປະທ້ວງ ທີ່ຈີນ:ສື່ມວນຊົນຈີນຢືນຢັນ ລາຍງານຂອງຜູ້ທ່ີເຫັນເຫດການວ່າພວກປະທ້ວງ ໄດ້ພາກັນເດີນຂະບວນຢູ່ຕາມຖນົນຫົນທາງສາຍຕ່າງໆໃນເຂດຊິນຈຽງ ໃນພາກຕາເວັນຕົກຂອງຈີນ ເພື່ອສະແດງຄວາມເປັນຫ່ວງຂອງເຂົາເຈົ້າ ກ່ຽວກັບອັນທ່ີເຂົາເຈົ້າເວົ້າວ່າ ສະຖານນະການທີ່ຊຸດໂຊມລົງກ່ຽວກັບ ຄວາມປອດໄພຂອງປະຊາຊົນ. ພວກພົນລະເມືອງ ໃນເຂດນັ້ນ ເວົ້າວ່າ ຊົນເຜົ່າຫັ້ນຊຶ່ງເປັນຊົນກຸ່ມໃຫຍ່ ຂອງຈີນຫລາຍຮ້ອຍຄົນ ພາກັນໂຮມຊຸມນຸມໃນເມືອງຫລວງ Urumqi ຂອງເຂດຊິນຈຽງ ເພື່ອເວົ້າອອກມາກ່ຽວກັບການຂາດຄວາມສາມາດຂອງຣັຖບານໃນການຮັບປະກັນຄວາມປອດໄພໃນຂົງເຂດ. ການກໍ່ຄວາມວຸ້ນວາຍລະຫວ່າງຊົນເຜົ່າໃນເຂດຊິນຈຽງໃນເດືອນກໍລະກົດແລ້ວນີ້ ໄດ້ເຮັດໃຫ້ປະຊາຊົນເກືອບ 200 ຄົນເສັຍຊີວິດ. ມີລາຍງານຂັດແຍ່ງ ກັນກ່ຽວກັບວ່າ ການປະທ້ວງຄັ້ງຫລ້າສຸດນີ້ ໄດ້ດຳ ເນີນໄປຢ່າງສັນຕິຫລືບໍ? ອົງການຂ່າວຊິນຫັວຂອງຈີນກ່າວວ່າ ປະຊາຊົນໄດ້ ໂຮມຊຸມນຸມກັນຢູ່ ຫລາຍບ່ອນໃນ Urumqi ໃນວັນພະຫັດມື້ນີ້ ແລະໃຫ້ຂໍ້ສັງເກດວ່າ ການປະທ້ວງມີຂຶ້ນ ຫລັງຈາກລາຍງານທ່ີວ່າມີການໄລ່ເອົາເຂັມສັກຢາແທງກັນ ໃນເມືອງດັ່ງກ່າວ. ຂ່າວຊິນຫົວເວົ້າວ່າ ຕຳຫລວດໄດ້ຈັບກຸມຜູ້ຄົນ 15 ຄົນ ຍ້ອນເອົາເຂັມ ສັກຢາ ໄລ່ແທງຄົນອື່ນ.
ທີ່ມຽນມ້າ: ພວກທະນາຍຄວາມຂອງທ່ານນາງອອງຊານຊູຈີ ຜູ້ນຳຝ່າຍຄ້ານໃນມຽນມ້າ ໄດ້ຍື່ນຄຳອຸທອນຕໍ່ສານໃນວັນພະຫັດມື້ນີ້ ຄັດຄ້ານຕໍ່ການຕັດສິນຄວາມຜິດໃນເດືອນແລ້ວນີ້ ທ່ີໃສ່ໂທດກັກທ່ານນາງອອງຊານໃຫ້ຢູ່ແຕ່ໃນບໍລິເວນບ້ານເຮືອນຕື່ມອີກ 18 ເດືອນນັ້ນ. ໃນເດືອນແລ້ວນີ້ ສານຊັ້ນຕົ້ນແຫ່ງນຶ່ງໃນມຽນມ້າ ຕັດສິນວ່າ ທ່ານນາງອອງຊານ ວັຍ 64 ປີ ທ່ີໄດ້ຮັບລາງວັນໂນແບນຂແນງສັນຕິພາບ ມີຄວາມຜິດຖານລະເມີດເງື່ອນໄຂໃນການກັກບໍລິເວນທ່ານນາງ ຄັ້ງກ່ອນນັ້ນ. ທ່ານ Kyi Win ຫົວໜ້າທະນາຍຄວາມຂອງທ່ານນາງອອງຊານ ກ່າວວ່າ ຄຳອຸທອນທ່ີວ່ານີ້ໄດ້ຍື່ນໄປຫາສານສູງໃນນະຄອນຢ້າງກຸ້ງ. ທ່ານນາງອອງຊານຊູຈີ ໄດ້ຢືນຢັດມາຕລອດທ່ີວ່າທ່ານນາງບໍ່ມີຄວາມຜິດຫຍັງ ໃນລະຫວ່າງການດຳເນີນຄະດີທ່ີຄຸກ Insein ທ່ີມີຊື່ສຽງເນົ່າເໝັນນັ້ນ.
ແຜນການຮັກສາສຸກຂະພາບຂອງທ່ານໂອບາມາ: ປະທານາທິບໍດີສະຫະຣັດ ທ່ານບາຣັກ ໂອບາມາ ມີໝາຍກຳນົດທ່ີຈະ ກ່າວຄຳປາໄສຄັ້ງສຳຄັນ ຕໍ່ຣັດຖະສະພາກ່ຽວກັບໂຄງການຮັກສາສຸກ ຂະພາບຂອງທ່ານໃນວັນທີ 9 ເດືອນນີ້. ເຈົ້າໜ້າທ່ີປະຈຳທຳນຽບຂາວ ປະກາດຂ່າວນີ້ໃຫ້ຮູ້ ໃນວັນພຸດວານນີ້ ຂະນະທ່ີທ່ານໂອບາມາສືບຕໍ່ຊຸກຍູ້ໃຫ້ພວກສະມາຊິກສະພາ ຮັບຜ່ານຮ່າງກົດໝາຍວ່າດ້ວຍການປະຕິຮູບລະບົບຮັກສາສຸກຂະພາບ ຂອງທ່ານ. ໃນການຄຳໄສທາງວິທຍຸແລະທາງ Internet ຫວ່າງໄວໆມານີ້ ທ່ານ ໂອບາມາໄດ້ພະຍາຍາມຢຸດການກ່າວຫາຕ່າງໆຈາກພວກຄັດຄ້ານແຜນ ການຂອງທ່ານ ທ່ີວ່າການປະຕິຮູບຂອງທ່ານຈະກວມເອົາການປະກັນ ສຸກຂະພາບສຳລັບພວກຊາວຕ່າງດ້າວທ່ີເຂົ້າເມືອງຜິດກົດໝາຍ ການໃຫ້ເງິນຊ່ວຍເຫລືອຂອງຫລວງສຳລັບຮີດລູກອອກ ແລະອັນທ່ີເອີ້ນວ່າ ກຸ່ມຕັດສິນຄວາມເປັນຄວາມຕາຍ ຫລື death panels ທ່ີຈະເປັນຜູ້ລົງຄວາມເຫັນວ່າ ຄົນເຈັບຜູ້ໃດສົມຄວນທີ່ຈະໄດ້ຮັບການຮັກສາສຸກຂະພາບຕໍ່ໄປນັ້ນ.
ທ່ານໂອບາມາກ່າວວ່າ ຄຳເວົ້າເຫລົ່ານັ້ນເປັນຄຳກ່າວອ້າງທີ່ຈອມປອມທ່ີມີເປົ້າໝາຍເພື່ອແບ່ງແຍກຄົນອະເມຣິກັນ.
