ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ການລ້ຽງລູກດ້ວຍນໍ້ານົມແມ່ ສາມາດຊ່ວຍຊີວິດຂອງເດັກນ້ອຍ ໄວ້ໄດ້ຫລາຍກວ່າລ້ານຄົນໃນແຕ່ລະປີ


ອົງການ ອະນາໄມໂລກ ຫລື WHO ເວົ້າວ່າ ການຊຸກຍູ້ໃຫ້ຜູ້ຍິງ ທີ່ມີລູກເປັນເທື່ອທຳອິດ ເອົາລູກນ້ອຍກິນນົມເຂົາເຈົ້ານັ້ນສາມາດ ຊ່ວຍຊີວິດເດັກນ້ອຍໄດ້ເຖິງ 1,3 ລ້ານ ຄົນ ໃນແຕ່ລະປີ.

ອົງການນີ້ຍັງເວົ້າອີກ ວ່າ ມີແມ່ລູກ​ອ່ອນ ຈຳນວນບໍ່ເຖິງ 40% ໃນທົ່ວໂລກທີ່ລ້ຽງ ລູກດ້ວຍນໍ້ານົມຂອງຕົນໃນໄລຍະ 6 ເດືອນ ທຳອິດທີ່ລູກເກີດມາ.

ທ່ານນາງ Constanza Vallenas ເຊິ່ງເປັນເຈົ້າ ໜ້າທີ່ການແພດຂອງອົງການ WHO ປະຈຳພະແນກສຸຂະພາບ ແລະ ການຈະເລີນເຕີບໂຕຂອງເດັກນ້ອຍ ແລະເດັກໄວລຸ້ນເວົ້າວ່າ ຖ້າຫາກພວກເຮົາຍົກອັດ ຕາຂອງຈຳນວນຜູ້ຍິງທີ່ລ້ຽງລູກດ້ວຍນົມແມ່ຂຶ້ນ​ໄດ້​ຮອດ 90% ​ເຮົາ​ກໍຈະສາມາດ ປ້ອງ ກັນເດັກນ້ອຍ​ໄວ້ໄດ້ປະມານ 13% ຂອງຈຳນວນເດັກ ນ້ອຍທັງໝົດໃນປະເທດກຳລັງພັດ ທະນານັ້ນບໍ່ໃຫ້ຕາຍກ່ອນອາຍຸ5ປີ​ເພາະ​ນ້ຳນົມແມ່ເຮັດໃຫ້ລູກນ້ອຍມີສຸຂພາບແຂງແຮງ. ທ່ານນາງກ່າວວ່າ:

“ມັນໃຫ້ຄຸນປະໂຫຽດທາງດ້ານອາຫານແລະພູມຕ້ານທານ ພະຍາດເປັນສວ່ນສຳຄັນໃນ ການປົກປ້ອງ ຄຸ້ມຄອງເດັກນ້ອຍທາຣົກເກືອບວ່າຕໍ່ໂຣກທີ່ຮ້າຍແຮງທັງຫຼາຍທັງປວງທີ່ ພວກເຂົາເຈົ້າເຫຼົ່ານີ້ ສາມາດຕິດແປດໄດ້. ແລະ ມັນສາມາດປ້ອງກັນໂຣກຂາດອາຫານ ໂຣກທ້ອງຊຸແລະ ໂຣກປອດບວມນຳອີກ.

ພວກເຮົາເຫັນພ້ອມກັບອົງການUNCEF ທີ່ແນະນຳວ່າ ພວກເດັກນ້ອຍທາຣົກທັງ ຫຼາຍນັ້ນ ຄວນດື່ມ ແຕ່ນ້ຳນົມແມ່ເທົ່ານັ້ນຊຶ່ງຫມາຍຄວາມວ່າຈະບໍ່ດື່ມແມ້ກະທັ້ງນ້ຳລ້າໆໆ ນັ້ນເລີຍຈົນກວ່າອາຍຸຮອດຫົກເດືອນ. ແລະ ຫຼັງຈາກນັ້ນກໍຄວນສືບຕໍ່ດື່ມນ້ຳນົມແມ່ ແລະກິນອາຫານເສີມຢ່າງອື່ນທີ່ເຫັນວ່າມີຄຸນປະໂຫຍດແລະເຫມາະສົມຈົນຮອດອາຍຸ ສອງຂວບຫຼືຫຼາຍກວ່ານັ້ນຂຶ້ນໄປ. ”

Dr. Vallenas ເວົ້າວ່າ ບັນດາແມ່ທີ່ມີ ລູກນ້ອຍຫລາຍຄົນ ບໍ່ ຢາກໃຫ້ລູກກິນ ນົມຕົນເອງກໍຍ້ອນບໍ່ຮູ້ຈັກ ວ່າຈະອູ້ມລູກ ແນວໃດເພື່ອໃຫ້ດູດນົມ ຢ່າງຖືກຕ້ອງ ຫລືບໍ່ກໍຍ້ອນວ່າຂົາເຈົ້າ ຮູ້ສຶກເຈັບເວລາ​ລູກ​ດູດ​ນົມ ຫລື​ເວລາ​ນົມ​ເບັງ ​ແລະ​ ທົນບໍ່ໄດ້. ທ່ານ Dr. ເວົ້າວ່າ ບັນຫານີ້ ຊື່​ງ​ເຮັດ ໃຫ້ຜູ້ຍິງບໍ່ວ່າຢູ່ໃນປະເທດ ຮັ່ງມີ ກໍຄື ຢູ່ປະເທດທຸກຈົນຮູ້ສຶກໝຸດໝັດ ບໍ່​ສະບາຍ​ໂຕນັ້ນ ສາມາດແກ້ໄຂໄດ້ດ້ວຍການໃຫ້ ຄວາມສະໜັບສະໜູນ ທີ່ແທດເໝາະກັບຕົວຈິງ.

ກ່ຽວກັບອີກບັນຫານື່ງທີ່​ພົວພັນ​ກັບສຸຂະພາບເດັກນ້ອຍນັ້ນ ອົງ ການອະນາໄມໂລກ WHO ແນະນຳວ່າ ຄວນຈະອະທິບາຍໃຫ້ ຜູ້ຍິງທີ່ຖືພາເຂົ້າໃຈວ່າ ພວກເຂົາເຈົ້າ ສ່ຽງໄພຕໍ່ພັຍ​ອັນຕລາຍ ທັງ​ຈາກການເປັນຫວັດ ທຳ​ມະ​ດາ ທີ່ມັກເກີດຂຶ້ນ ຕາມລະດູ ແລະ ການແຜ່ລະບາດຂອງເຊື້ອໄຂ້ຫວັດສາຍ​ພັນ​ໃໝ່ H1N1. ອົງການ WHO ກ່າວ​ວ່າ ສະນັ້ນຜູ້ຍິງຖືພາ ຫລື ແມ່ມານຄວນຈະໄດ້ຮັບການ​ສັກຢາ ຕ້ານເຊື້ອໂຣກເຊັ່ນຢາ Tamiflu ນັ້ນກ່ອນໝູ່ໝົດ.

XS
SM
MD
LG