ການປ່ອນບັດຂອງຊາວ Kurds ໃນອິຣັກ: ການນັບບັດຄະແນນສຽງຢ່າງເປັນທາງການກຳລັງດຳເນີນໄປຫລັງຈາກ ການເລືອກຕັ້ງໃນເຂດເຄີດດີສຖານຂອງອິຣັກ ທ່ີສາມາດສົ່ງຜົນກະທົບຍາວນານ ຕໍ່ຂົງເຂດປົກຄອງຕົນເອງຂອງຊາວເຄີດແລະສາຍພົວພັນກັບນະຄອນຫລວງແບກແດ໊ດ ບ່ອນທີ່ການນັບຄະແນນສຽງກຳລັງດຳເນີນໄປຢູ່ ໃນເວລານີ້. ຄາດກັນວ່າຈະຮູ້ຈັກຜົນຂອງການເລືອກຕັ້ງພາຍໃນອີກ2 ຫລື 3 ມື້ ແຕ່ຫົວໜ້າກຳກັບການເລືອກຕັ້ງປະຈຳຂົງເຂດເຕືອນວ່າ ບັນຫາດ້ານເທັກນິກຕ່າງໆ ອາດສາມາດຖ່ວງດຶງການປະກາດຜົນຂອງການເລືອກຕັ້ງຢ່າງເປັນທາງການ ອອກໄປເປັນຫລາຍສັບປະດາກໍໄດ້. ບັນດາເຈົ້າໜ້າທ່ີກຳກັບການເລືອກຕັ້ງພາຍໃນທ້ອງຖ່ິນກ່າວວ່າ ໂຕເລກຂັ້ນຕົ້ນສະແດງໃຫ້ເຫັນວ່າ ປະຊາຊົນຜູ້ມີສິດເລືອກຕັ້ງຈຳນວນຫລາຍກວ່າ 78 ເປີເຊັນພາກັນອອກໄປປ່ອນບັດໃນວັນເສົາວານນີ້. ຂົງເຂດ Kurdistan ໃນພາກເໜືອຂອງອິຣັກໄດ້ປະສົບກັບບັນຫາຂັດແຍ່ງທ່ີຂົ່ມຂື່ນກັນມາກັບກຸງແບກແດ໊ດ ກ່ຽວກັບທ່ີດິນແລະນ້ຳມັນ.
ສະຫະຣັດແລະພາກຕາເວັນອອກກາງ: ເຈົ້າໜ້າທີ່ລະດັບຈາກສະຫະລັຖ ຈະທຳການຢ້ຽມຢາມຕາເວັນ ອອກ ກາງຫລາຍໆບັ້ນໃນອາທິດຂ້າງໜ້ານີ້ ຊຶ່ງເປັນພາກສ່ວນລ່າສຸດປະການນຶ່ງຂອງສະຫະລັຖເພື່ອຊຸກ
ຍູ້ສັນຕິພາບອັນຄົບຖ້ວນສົມບູນໃນຂົງເຂດ ຕາເວັນອອກກາງ.
ທ່ານ George Mitchell ທູດພິເສດສະຫະລັດໄດ້ເດີນທາງໄປເຖິງ ປະເທດຊີເຣຍ ເພື່ອທ່ານຈະໄດ້
ພົບປະກັບປະທານາທິບໍດີຊີເຣຍ ທ່ານ Bashar al-Assad ໃນວັນອາທິດມື້ນີ້ ເຈົ້າໜ້າທີ່ການ ທູດທັງສອງປະເທດຄາດຫວັງກັນວ່າ ຈະທຳການປຶກສາ ຫາລືກັນດ້ານຄວາມສຳພັນສອງປະເທດ ແລະມີຄວາມເປັນໄປໄດ້ທີ່ ຈະຟື້ນຟູການເຈລະຈາສັນຕິພາບກັນຄືນອີກລະວ່າງຊີເຣຍ ແລະອີສຣາ ແອລ. ຊີເຣຍໄດ້ໂຈະການເຈລະຈາສັນຕິພາບໄວ້ ຫລັງຈາກທີ່ອີສຣາ ແອລໄດ້ໂຈມຕີດ້ວຍກຳລັງທະຫານຂອງ ຕົນຕໍ່ກຸ່ມຫົວຮຸນແຮງຮາມາສ ເມື່ອເດືອນທັນວາປີຜ່ານມາ
ໃນຂະນະດຽວກັນນີ້ ທ່ານໂຣເບີດ ເກທສ໌ ລັຖມຸນຕຣີປ້ອງກັນປະເທດ ສະຫະລັຖ ກໍໄດ້ເດີນທາງໄປໃນຂົງເຂດຕາເວັນອອກກາງນີ້ເຊັ່ນດຽວ ກັນ ຊຶ່ງຈະເດີນທາງໄປເຖິງອີສຣາແອລໃນວັນຈັນມື້ອື່ນນີ້. ເຈົ້າໜ້າທີ່ ກະຊວງປ້ອງກັນປະເທດສະຫະລັຖກ່າວວ່າ ທ່ານ ເກທສ໌ ຈະທຳການ ປຶກສາຫາລືກັບນາຍົກລັຖມຸນຕຣີອີສຣາແອລທ່ານ ເບນຈາມິນ ເນຕັນຢາຮູ ແລະຣັຖມຸນຕຣີປ້ອງກັນປະເທດອີສຣາແອລ ທ່ານ Ehud Barak ໃນຫລາຍໆບັນຫາດ້ວຍ ກັນໂຮມທັງບັນຫານີວເຄລຍຂອງ ອີຣ່ານນັ້ນນຳ.
ທົ່ວໂລກ ພາກັນປະທ້ວງ ອິຣ່ານ ພວກປະທ້ວງພາກັນໂຮມຊຸມນຸມ ຢູ່ໃນຫລາຍສິບຫົວເມືອງໃນທົ່ວໂລກ ໃນວັນເສົາວານນີ້ ໃນອັນທ່ີພວກຈັດການປະທ້ວງເອີ້ນວ່າ ມື້ແຫ່ງການເຄື່ອນໄຫວ ເພື່ອປະທ້ວງຕໍ່ການລະເມີດສິດທິມະນຸດ ທ່ີມີການກ່າວຫາ ໃນອິຣ່ານ ລຸນຫລັງຈາກການເລືອກຕັ້ງປະທານາທິບໍດີທ່ີເປັນບັນຫາໂຕ້ ແຍ່ງກັນໃນເດືອນແລ້ວນີ້. ທ່ີນະຄອນເຈນີວາ ພວກປະທ້ວງປະມານ 80 ຄົນທ່ີທຳການປະທ້ວງຢູ່ຕໍ່ໜ້າສຳນັກງານງານໃຫຍ່ສະຫະປະຊາຊາດໃນຢູໂຣບ ໄດ້ພາກັນໃສ່ ເຄື່ອງນຸ່ງສີຂຽວ ຊຶ່ງເປັນສີຂອງຂະບວນການປະທ້ວງຂອງອິຣ່ານ. ທ່ີນະຄອນນີວຢອກພວກປະທ້ວງທ່ີພາກັນສົ່ງສຽງ ຮ້ອງໂຮຫລາຍຮ້ອຍ ຄົນ ໄດ້ພາກັນຍ່າງຈາກ Times Square ໄປຫາສຳນັກງານໃຫຍ່ຂອງສະຫະປະຊາຊາດ. ພວກເດີນຂະບວນປະທ້ວງໃນຫລາຍຫົວເມືອງພາກັນຖືຮູບພາບນາງ Neda Agha-Soltan ວັຍ 27ປີ ທ່ີໄດ້ເສັຍຊີວິດໄປໃນການປະທ້ວງຫລັງຈາກການເລືອກຕັ້ງທ່ີກຸງເຕຮິຣ່ານນັ້ນ. ການຊຸມນຸມປະທ້ວງທ່ີໄດ້ຮັບການສນັບສນຸນຈາກບັນດາກຸ່ມປົກປ້ອງ
ສິດທິມະນຸດທ່ີຮວມທັງກຸ່ມ Amnesty International ແລະ Human Rights Watch ໄດ້ມີຂຶ້ນໃນຫົວເມືອງໃຫຍ່ອື່ນໆເຊັ່ນກັນ ຮວມທັງໃນ ກຸງລອນດອນ ປາຣີ ເບີລິນ ແລະອີສລາມາບັດ.
ສັນຕະປາປາ Benedict ແຕ່ງຕັ້ງສັງຄະນາຍົກ3 ອົງທ່ີວຽດນາມ:
ສັນຕະປາປາ Benedict ໄດ້ແຕ່ງຕັ້ງສັງຄະນາຍົກກາໂຕລິກໃໝ່ 3 ອົງ ທ່ີວຽດນາມໃນວັນເສົາວານນີ້ ບ່ອນທ່ີນະຄອນວາຕິກັງກຳລັງດຳ ເນີນງານ ເພື່ອຮື້ຟື້ນສາຍພົວພັນກັນຄືນກັບຣັຖບານຄອມມິວນິດວຽດ ນາມນັ້ນ.
ວາຕິກັງ ປະກາດໃຫ້ຮູ້ວ່າ ປະມຸກສາສນາກາໂຕລິກ ໄດ້ຄັດເລືອກເອົາ Monsignor Joseph Vu Duy Thong ເປັນສັງຄະນາຍົກປະຈຳ ເມືອງ Phan Thiep ໃນພາກຕາເວັນອອກສຽງໃຕ້ແລະ Monsignor Ngyen Van De ເປັນສັງຄະນາຍົກປະຈຳເມືອງ Thai Binh ໃນພາກເໜືອຂອງວຽດນາມ ຂນະທີ່ຄຸນພໍ່ Joseph Nguyen Nang ໄດ້ຖືກຄັດເລືອກເປັນສັງຄະນາຍົກປະຈຳເມືອງ Phat Diem ທີ່ຕັ້ງຢູ່ ທາງທິດໃຕ້ຂອງນະຄອນຫລວງຮາໂນຍ.
ໃນຕົ້ນສັບປະດາຜ່ານມານີ້ ພວກອົງການຂ່າວທ່ີກ່ຽວຂ້ອງກັບນະຄອນ ວາຕິກັງ ອ້າງຄຳເວົ້າຂອງຣາຊາຄະນະຫລື Cardinal Pham Minh Man ຂອງວຽດນາມວ່າ ຄນະຜູ້ຕາງໜ້າຂອງຣັຖບານວຽດນາມຈະໄປ ຢ້ຽມຢາມນະຄອນວາຕິກັງໃນເດືອນພະຈິກປີນີ້.
ຄນະນຳພາຄອມມິວນິດວຽດນາມຕັດສາຍພົວພັນກັບນະຄອນວາຕິກັງ ຫລັງຈາກເຂົ້າຍຶດອຳນາດໃນປີ 1954 ແລະໄດ້ຍຶດເອົາຊັບສິນສ່ວນ ໃຫຍ່ຂອງໂບດສາສນາກາໂຕລິກໃນວຽດນາມນັ້ນ.
ປະຊາຄົມໂຣມັງກາໂຕລິກໃນວຽດນາມມີສະມາຊິກປະມານ 6 ລ້ານຄົນ ຊຶ່ງເປັນນຶ່ງໃນບັນດາປະຊາຄົມໃຫຍ່ທ່ີສຸດໃນເອເຊັຍ. ມີລາຍງານຂ່າວ ຢູ່ເລື້ອຍໆທ່ີວ່າພວກຊາວກາໂຕລິກວຽດນາມຖືກກັ່ນແກ້ງຈາກທາງການ ວຽດນາມ.
ມຽນມ້າໂຈມຕີທ່ານນາງຄລິນຕັນ: ໜັງສືພິມທາງການຂອງມຽນມ້າສະບັບນຶ່ງ ກ່າວຫາທ່ານນາງຮິນລາລີຄລິນຕັນ ຣັຖມຸນຕີການຕ່າງປະເທດສະຫະຣັດວ່າ ເຂົ້າແຊກແຊງໃນກິດຈະການພາຍໃນຂອງກຸ່ມອາຊຽນ ຫລັງຈາກທ່ານນາງໄດ້ຮຽກຮ້ອງ ໃຫ້ພວກປະເທດສະມາຊິກອາຊ່ຽນ ທຳຄວາມກົດດັນຕໍ່ມຽນມ້າເພື່ອໃຫ້ທຳການລິເລີ່ມການປະຕິຮູບໄປສູ່ລະບອບປະຊາທິປະໄຕຫລາຍຂຶ້ນນັ້ນ. ໜັງສືພິມລາຍວັນ Myanma Ahlin ສະບັບວັນອາທິດມື້ນີ້ ກ່າວວ່າ ຖ້າທາງກຸ່ມອາຊຽນດຳເນີນການໄປຕາມຄຳຮຽກຮ້ອງຂອງທ່ານນາງ ຄລິນຕັນ ກຸ່ມອາຊຽນກໍຈະກາຍເປັນຜູ້ຮັບໃຊ້ຫລືລູກນ້ອງຂອງສະຫະຣັດ. ໜັງສືພິມສະບັບນີ້ຍັງກ່າວຕື່ມວ່າ ຄຳຮຽກຮ້ອງຂອງທ່ານນາງ ຄລິນຕັນ ໃຫ້ປ່ອຍໂຕທ່ານນາງອອງຊານຊູຈີ ຜູ້ນຳເພື່ອປະຊາທິປະໄຕໃນມຽນມ້ານັ້ນ ສະແດງໃຫ້ເຫັນເຖິງການບໍ່ເອົາຫົວຊານຳກົດໝາຍ. ທ່ານນາງຄລິນຕັນໄດ້ໄປຮ່ວມກອງປະຊຸມກຸ່ມອາຊຽນໃນສັບປະດາຜ່ານມາທ່ີໄທ ບ່ອນທ່ີທ່ານນາງໄດ້ຮຽກຮ້ອງໃຫ້ກຸມອາຊຽນດຳເນີນງານເພື່ອໃຫ້ມີການປ່ຽນແປງໃນມຽນມ້ານັ້ນ. ນອກນັ້ນທ່ານນາງຍັງກ່າວວ່າ ຊະຕາກັມຂອງທ່ານນາງອອງຊານຊູຈີ ຈະກຳນົດອະນາຄົດຂອງຄວາມສັມພັນສອງຝ່າຍ ລະຫວ່າງສະຫະຣັດກັບມຽນມ້ານັ້ນ.
