<!-- IMAGE -->
ໃນຄຳປາໃສຄັ້ງລ່າສຸດ ໃນຫລາຍໆຄັ້ງທີ່ທ່ານໄດ້ກ່າວມາຢ່າງຕໍ່ເນື່ອງເພື່ອເນ້ນໜັກ ຈຸດເດັ່ນຂອງທິດທາງໃໝ່ຂອງນະໂຍ ບາຍຕ່າງປະເທດຂອງສະຫະລັຖນັ້ນ ປະທານາທິບໍດີ ບາຣັກ ໂອບາມາໄດ້ຮຽກຮ້ອງໃຫ້ປະຊາຊົນ ພົລເມືອງຂອງຂົງເຂດ ອາຟຣິກາ ຈົ່ງເປັນຜູ້ຄວບຄຸມແລະກຳໂຊກຊະຕາຂອງເຂົາເຈົ້າເອງ ໂດຍການກໍ່ສ້າງລະບອບ ປະຊາທິປະໄຕ ສ້າງໃຫ້ມີໂອກາດໃນດ້ານເສດຖະກິດ ແລະປາບປາມການສໍ້ລາດ ບັງຫລວງ.ເຖິງແມ່ນໄດ້ມີການສ້າງຄວາມກ້າວໜ້າແດ່ ແລ້ວຢູ່ໃນທົ່ວທະວີບ ອາຟຣິກາ ໃນໄລຍະຫລາຍສິບປີຜ່ານ ມານີ້ກໍຕາມ ແຕ່ຄຳໝັ້ນສັນຍາຫລາຍໆຢ່າງຂອງອາຟຣິກາ ກໍຍັງບໍ່ທັນໄດ້ບັນລຸຜົນ. ປະທານາທິບໍດີໂອບາມາຈື່ງໄດ້ຮຽກ ຮ້ອງແລະຊຸກ ຍູ້ໃຫ້ຊາວອາຟຣິກາທັງຫລາຍລົງມືປະຕິບັດ ການໃນບັດນີ້ ເພື່ອຮັປະກັນໃຫ້ມີການປົກຄອງທີ່ດີ ຊຶ່ງເປັນກະແຈໄປສູ່ການພັທະນາສ້າງສາປະເທດນັ້ນ.
ປະທານາທິບໍດີໂອບາມາ ກ່າວໃນຄຳປາໃສ ເມື່ອວັນທີ່ 11 ກໍລະກົດ ທີ່ນະຄອນຫລວງ Accra ປະເທດການາວ່າ “ນັ້ນຄືການປ່ຽນແປງທີ່ຈະໄຂ ຄວາມສາມາດບົ່ມຊ້ອນຂອງອາຟຣິກາອອກມາໄດ້ ແລະນັ້ນແມ່ນຄວາມຮັບຜິດຊອບທີ່ມີແຕ່ປະຊາຊົນຊາວອາຟຣິກາເທົ່ານັ້ນຈະສາມາດປະຕິບັດໄດ້.
ໃນເລຶ່ອງນີ້ທັງສະຫະລັຖ ແລະປະເທດອື່ນໆໃນໂລກຕາເວັນຕົກກໍມີ ຄວາມຮັບຜິດ ຊອບນຳເຊັ່ນກັນຄວາມໝັ້ນ ໝາຍຂອງປະເທດເຫລົ່ານີ້ ຕໍ່ການຊຸກຍູ້ສົ່ງເສີມອາຟຣິ ການັ້ນ ຈະຕ້ອງບໍ່ແມ່ນແຕ່ການໃຫ້ເງິນຊ່ວຍເຫລືອລ້າພຽງ ຢ່າງດຽວເທົ່ານັ້ນແຕ່ພວກ ເຂົາເຈົ້າຈະຕ້ອງພັທະນາການຮ່ວມງານເປັນພາຄີກັນ ເພື່ອສ້າງຄວາມສາມາດສຳລັບທຳການປ່ຽນແປງທີ່ມີການປະຕິຮູບ.ປະທານາທິບໍດີ ໂອບາມາ ກ່າວຕໍ່ໄປວ່າ “ວັດຖຸ ປະສົງຂອງການຊ່ວຍເຫລືອ ຂອງຕ່າງປະເທດນັ້ນ ຕ້ອງແມ່ນການກໍ່ສ້າງໃຫ້ມີສະພາບ ການ ຫລືເງື່ອນໄຂຕ່າງໆ ທີ່ພາໃຫ້ບໍ່ມີຄວາມຈຳເປັນສຳລັບການຊ່ວຍເຫລືອຂອງຕ່າງປະເທດນັ້ນຕໍ່ໄປອີກແລ້ວ.”
ສິ່ງທ້າທາຍທີ່ກຳລັງປະເຊີນໜ້າຂົງເຂດອາຟຣິກາຢູ່ ກ່ຽວກັບເລຶ່ອງນີ້ ແມ່ນມີຫລາຍ ຢ່າງຫລາຍປະການ. ແມ່ນແຕ່ໃນຂນະທີ່ປະທານາທິບໍດີໂອບາມາກຳລັງກ່າວເຖິງເລື່ອງນີ້ຢູ່ນັ້ນ ລັຖບານຂອງຫລາຍໆປະເທດແມ່ນກຳລັງຕົກຢູ່ໃນ ຄວາມປັ່ນປ່ວນວຸ້ນວາຍ ນັບຕັ້ງແຕ່ປະເທດ Mauritania ແລະ ໄນເຈີ ໄປຈົນເຖິງປະເທດ ມາດາກາສກາ ແລະ ຊິມບາບເວ.ແຕ່ກໍຍັງມີບາງປະເທດທີ່ປະສົບຜົນສຳເລັດ ເຊັ່ນກັນ ໂຕຢ່າງ ປະເທດການາຊື່ງເມື່ອບໍ່ນານມານີ້ໄດ້ ທຳການໂອນອຳນາດຢ່າງສັນຕິເປັນຄັ້ງທີ່ສາມ ນັບຕັ້ງແຕ່ການສິ້ນສຸດລົງຂອງການປົກຄອງ ໂດຍທະຫານເປັນຕົ້ນມາ ແລະລະບອບ ປະຊາທິປະໄຕກໍກຳລັງຈະເຣີນຮຸ່ງເຮືອງໃນປະເທດຊາມເບຍ ແລະອີກຫລາຍ ປະເທດອື່ນໆ.
ປະທານາທິບໍດີໂອບາມາ ກ່າວໃນທີ່ສຸດວ່າ “ໃນສັດຕະວັດທີ່ 21 ນີ້ ພວກສະຖາບັນ ທັງຫລາຍທີ່ກາງຕໍ່ໄດ້ມີ ຄວາມສາມາດ ແລະມີຄວາມໂປ່ງໃສ ແມ່ນເປັນກະແຈໄປ ສູ່ຄວາມສຳເລັດ: ພວກສະຖາບັນເຫລົ່ານີ້ມີຄື ສະພາແຫ່ງຊາດທີ່ເຂັ້ມແຂງກຳລັງຕຳ ລວດທີ່ຊື່ສັດ ຜູ້ພິພາກສາຫລືຫົວໜ້າສານທີ່ຕັດສິນຢ່າງອິສະລະວົງການ ຂ່າວທີ່ມີ ອີສະລະພາກສ່ວນເອກກະຊົນທີ່ແຂງແຮງ ແລະສັງຄົມທີ່ມີອາລະຍະທຳ. ພວກສະຖາບັນເຫລົ່ານີ້ແມ່ນເປັນສິ່ງທີ່ໃຫ້ຊີວິດ ແກ່ລະບອບປະຊາທິປະໄຕ ເພາະວ່ານັ້ນຄືສິ່ງທີ່ສຳຄັນແລະຈຳເປັນທີ່ສຸດໃນຊີວິດປະຈຳວັນຂອງປະຊາຊົນ.
ອິສລະພາບແມ່ນສິ່ງທີ່ໄດ້ຮັບສືບທອດກັນມາຂອງຊາວອາຟຣິກາໝົດທຸກຄົນ. ບັດນີ້ມັນ ເປັນ ຄວາມຮັບຜິດຊອບຂອງພວກເຂົາເຈົ້າ ທີ່ຈະຕ້ອງເສີມສ້າງ ຕໍ່ຈາກພື້ນຖານຂອງ ອິສລະພາບນັ້ນ.
