ເປັນທີ່ນ່າເສັຽໃຈຍິ່ງ ທີ່ປະເທດ Niger ໄດ້ເຂົ້າຮ່ວມຢູ່ໃນບັນຊີ ອັນຍາວຢຽດຂຶ້ນເລື້ອຍໆຂອງບັນດາປະເທດອັຟຣິກາທັງຫຼາຍທີ່ສັ່ນສະເທືອ ນຍ້ອນການຕໍ່ສູ້ກັນກ່ຽວ ກັບອຳນາດຂອງປະທານາທິບໍດີນັ້ນ. ໃນການຊຸກຍູ້ໃຫ້ຈັດຕັ້ງການລົງປະຊາມະຕິຂຶ້ນ ເພື່ອເສີມຂຍາຍອຳນາດຂອງຜູ້ກ່ຽວນັ້ນ ປະທານາທິບໍດີ ມາມາດູ ຕັນຢາ ໄດ້ເອົາບົດບາດອັນເປັນການຂົ່ມຂູ່ສະເຖັຽຣະພາບແລະປະຊາທິປະໄຕໃນປະເທດຂອງເຂົາ ຊື່ງພາໃຫ້ ສຫຣ ຈຶ່ງຕ້ອງໄດ້ຕິດຕາມເບິ່ງສະຖານະການດ່ັງກ່າວຢ່າງໄກ້ຊິດ.
<!-- IMAGE -->ວິກິຕການທີ່ວ່ານີ້ໄດ້ເຣີ່ມຂຶ້ນເມື່ອເດືອນແລ້ວນີ້ ເວລາສານສູງສຸດຂອງ Niger ໄດ້ອອກດີກາຢ່າງຜິດກົດໝາຍ ໃຫ້ ປ. ຕັນຢາ ດຳເນີນການຢັ່ງປະຊາມະຕິທີ່ວ່ານັ້ນ ເພື່ອແນໃສ່ການແກ້ໄຂຣັຖທັມມະນູນ ເພື່ອໃຫ້ຜູ້ກ່ຽວເອງ ໄດ້ສມັກເປັນ ປ. ຕື່ມສມັຍນຶ່ງອີກສາມປີ. ປ. ຜູ້ຊຶ່ງມີກຳນົດຈະອອກໄປ ໃນຕອນທ້າຍເທີມທີສອງ ໃນທ້າຍປີນີ້ ໄດ້ທຳການປ່ຽນແປງ ໂດຍໄດ້ຍຸບສານແລະປະກາດວ່າ ຕັ້ງແຕບັດນີ້ເປັນຕົ້ນໄປຕົນຈະປົກຄອງດ້ວຍຄຳສັ່ງຫຼືດີກາ. ຄວາມເຄັ່ງຕຶງໄດ້ທວີຂຶ້ນ ເວລາ ຜູ້ກ່ຽວປະກາດພາວະສຸກເສີນ ຍຸບສະພາແຫ່ງຊາດ ໄດ້ກັກຂັງໄລຍະນຶ່ງ ທ່ານ ມາຫາມາດູ ອີຊູຟູ ຜູ້ນຳທີ່ມີຊື່ສຽງຂອງຝ່າຍຄ້ານ ແລະໄດ້ສັ່ງໃຫ້ທັບມ້າງສື່ມວນຊົນຂອງຊາດ ເພື່ອຈຳກັດຮັດແຄບການສົນທະນາກັນເຣື່ອງການການກະທຳຂອງຜູ້ກ່ຽວ. ສະຫະພັນອັຟຣິກາໄດ້ສົ່ງຜູ້ແທນຄນະນ່ຶງໄປຍັງ Niger ເພື່ອຊ່ອຍເຫຼືອທຸກພັກຝ່າຍໃຫ້ແກ້ ໄຂຄວາມຂັດແຍ້ງຂອງພວກເຂົາເຈົ້າ ແລະເພື່ອຊອກຫາຂໍ້ແກ້ໄຂບັນຫາວິກິຕການນີ້ຢ່າງສັນຕິ.ນອກຈາກນີ້ແລ້ວ ປະຊາຄົມເສຖກິດຂອງອັຟຣິກາຕາເວັນຕົກ ຍັງມີຄວາມກັງວົນ ແລະໃນຖແລງການສບັບນຶ່ງຍັງເວົ້າວ່າ ອາດຈະມີການລົງໂທດທາງດ້ານເສຖກິດຕໍ່ປະທານາທິບໍດີດັ່ງກ່າວຖ້າວ່າ ບົດບາດຂອງຜູ້ກ່ຽວຫາກຂັດກັບຫຼັກການປະຊາທິປະໄຕ. ຖ້າເປັນແນວນັ້ນກໍຈະເປັນໂຊກຮ້າຍຫຼາຍເພາະວ່າມັນຈະເປັນຜົນສະທ້ອນ ໜັກໄປຕ່ືມທ່ີຈະສ້າງຄວາມລຳບາກຍາກແຄ້ນໃຫ້ແກ່ປະຊາຊົນຂອງຊາດນຳ.
ປະເທດNigerໄດ້ທຳຄວາມກ້າວໜ້າມາຢ່າງຫຼວງຫຼາຍ ເມື່ອບໍ່ຫຼາຍປີຜ່ານມານີ້ ໄປສູ່ການສົ່ງເສີມການປົກຄອງທ່ີດີແລະການມີຕົວບົດກົດໝາຍທ່ີດີ. ແຕ່ບົດບາດອັນມໍ່ໆມານີ້ຂອງປ. ຕັນຢາ ໄດ້ຢຽບຢຳທຳລາຍຄວາມກ້າວໜ້າທ່ີວ່ານັ້ນ ຊ່ຶງ ສຫຣ ຈະປຶກສາຫາລືແລະປະຕິບັດງານຮ່ວມກັບຄູ່ຮ່ວມງານຂອງປະເທດດ່ັງກ່າວໃນຂົງເຂດນັ້ນ ເພື່ອຊ່ອຍແກ້ໄຂວິກິຕການທີ່ວ່ານີ້.
