<!-- IMAGE -->
ທາງການຣັຖບານຈີນ ກຳລັງເພິ່ມທະ ວີຄວາມພະຍາຍາມຂື້ນອີກ ເພື່ອຈຳ ກັດຮັດແຄບເສລີພາບໃນການປາກເວົ້າ ສະແດງ ຄວາມຄິດເຫັນໂດຍການສັ່ງ ປິດເວບໄຊ້ທ໌ ສົນທະນາຕ່າງໆ ເຊັ່ນເວບໄຊ້ທ໌ Twitter, Flickr, ແລະ Hotmail ເປັນຕົ້ນ. ການວາງ ຂໍ້ຈຳກັດຮັດແຄບ ຕໍ່ເຄືອ ຂ່າຍອິນເຕີແນັດ ທີ່ກ່າວມານັ້ນ ແມ່ນໂຮມຢູ່ໃນພວກມາດຕະການຕ່າງໆ ຈຳນວນນື່ງ ທີ່ລັຖບານຈີນ ໄດ້ປະຕິບັດ ເມື່ອ ຫລາຍໆ ອາທິດຜ່ານມານີ້ ເພື່ອ ປາບປາມການສະແດງອອກເຖິງ ຄວາມບໍ່ພໍໃຈ ແລະຄັດຄ້ານ ຕໍ່ລັຖບານ ໃນໂອກາດວັນຄົບຮອບ ການປາບປາມຢ່າງຮຸນແຮງ ຕໍ່ການປະທ້ວງຢູ່ ຈະຕຸ ລັດຕຽນອັນເໝິນ (Tienanmen) ເມືອວັນທີ່ 4 ມິຖຸນາ ໃນປີ 1987 ນັ້ນ.
ທ່ານນາງ Jennifer Windsor ຜູ້ອຳນວຍການຝ່າຍບໍລິຫານຂອງອົງການ ສົ່ງເສີມເສຣີພາບ Freedom House ກ່າວວ່າ ການທີ່ພວກຊາວໜຸ່ມໃນ ປະເທດຈີນ ບໍ່ໄດ້ຮັບການບອກເລົ່າ ຫລືສິດສອນໃຫ້ຮູ້ກ່ຽວກັບການປະ ທ້ວງເພື່ອປະຊາທິປະໃຕໃນປີ 1987 ແລະການສັງຫານໝູ່ພວກປະທ້ວງ ຢ່າງສັນຕິເປັນຈຳນວນຫລວງຫລາຍ ຖ້າບໍ່ຮອດຫລາຍພັນຄົນ ກໍຫລາຍ ຮ້ອຍຄົນນັ້ນ ຖືວ່າເປັນເລື່ອງທີ່ໜ້າເສຍໃຈຢ່າງຍິ່ງຢູ່ແລ້ວ ແຕ່ການທີ່ຈີນ ຕັດສິນໃຈຂັດຂວາງເວບໄຊ້ທ໌ເຫລົ່ານີ້ ແມ່ນເປັນການໂຈມຕີຄັ້ງລ່າ ສຸດຂອງ ຈີນ ໃນການປຸກລະດົມຢ່າງບໍ່ມີການລົດລະຜ່ອນຜັນໃດໆ ເພື່ອທີ່ຈະ ລືບ ອະດີດນັ້ນ.
ປົກກະຕິແລ້ວ ທາງການຈີນຈະປິດເຄືອຂ່າຍອິນເທີເເນັທ ເປັນບາງສ່ວນ ເປັນປະຈຳ ໃນລະວ່າງເຫດການຕ່າງໆທີ່ມີລັກສະນະລໍ່ແຫລມທາງການເມືອງ ເຊັ່ນໃນລະວ່າງທີ່ຈີນເປັນເຈົ້າພາບຈັດງານແຂ່ງຂັນກິລາໂອລິມປິກ ລະດູຮ້ອນ ແລະລະວ່າງກອງປະຊຸມຫລວງຂອງພັກຄອມມິວນີສເປັນຕົ້ນ.ອິງຕາມອົງການ Freedom House ນັ້ນ ຣັຖບານຈີນແມ່ນນຳໃຊ້ກົນໄກສອດແນມເບິ່ງແລະກວດກາ ການເຄື່ອນໄຫວທາງອິນເທີເເນັທ ທີ່ກ້າວ ໜ້າທັນສະໄໝທີ່ສຸດໃນໂລກ.
ອີງຕາມລາຍງານສະບັບລ່າສຸດຂອງກະຊວງຕ່າງປະເທດສະຫະລັດວ່າດ້ວຍການປະຕິບັດສິດທິມະນຸດຂອງປະເທດຕ່າງໆໃນໂລກນັ້ນ ກໍແມ່ນວ່າເຈົ້າ ໜ້າທີ່ຕຳຫລວດກວດກາອິນເທີເເນັທຂອງຈີນ ສາມາດຂັດຂວາງແລະຍັບຍັ້ງໄດ້ໂດຍອັດຕະໂນມັດ ອີເມລແລະການສົນທະນາກັນທາງອິນເທີເເນັທ ທີ່ອິງໃສ່ລະຫັດທີ່ສຳຄັນໆທີ່ປ່ຽນໄປປ່ຽນມາຢູ່ເລື້ອຍໆ ເຊັ່ນຄຳວ່າ ຟາລຸນກົງ ແລະເອກກະລາດຂອງທິເບດເປັນຕົ້ນ.ຢ່າງໃດກໍຕາມ ເຖິງແມ່ນຈະມີການຄວບຄຸມຢ່າງເຄ່ງຄັດເຊັ່ນນີ້ກໍຕາມ ເຄືອຂ່າຍອິນເທີແນັທ ຂອງຈີນກໍໄດ້ຂະຫຍາຍໂຕຂື້ນມາເປັນເວທີສົນທະນາອັນກວ້າງໃຫຍ່ ທີ່ມີຜູ້ຊົມໃຊ້ເຂົ້າໄປສະແດງຄວາມຄິດເຫັນຂອງເຂົາເຈົ້າຫລາຍລ້ານຄົນຢູ່ໃນເວລານີ້.
ສະຫະຣັຖອາເມລິກາເປັນຫ່ວງກ່ຽວກັບພືດຕິການເຊັ່ນນີ້ຂອງຈີນ ທີ່ພະຍາ ຍາມຈະຈຳກັດຮັດແຄບການເຂົ້າຫາອິນເທີເເນັດ ພ້ອມທັງຈຳກັດຮັດແຄບ ການຊົມໃຊ້ສິດທິເສລີພາບໃນການສະແດງຄວາມຄິດເຫັນ ທີ່ຮັບຮູ້ໂດຍນານາຊາດນັ້ນ.
ປະທານາທິບໍດີໂອບາມາ ກ່າວວ່າປະຊາທິປະໃຕ ການປົກຄອງດ້ວຍກົດໝາຍ ເສລີພາບໃນການປາກເວົ້າ ເສລີພາບໃນການເຊື່ອຖືສາສນາ ທັງໝົດນັ້ນ ບໍ່ແມ່ນຫລັກການຂອງສະເພາະແຕ່ກຸ່ມປະເທດຕາເວັນຕົກແຕ່ຝ່າຍດຽວເທົ່ານັ້ນ ແຕ່ ຂ້າພະເຈົ້າເຊື່ອຖືວ່າມັນເປັນຫລັກການຂອງທຸກປະເທດໃນໂລກ.
