<!-- IMAGE -->
ໃນເດືອນພືດສະພາຜ່ານມານີ້ ປະທານາທິບໍດີ ບາຣັກ ໂອບາມາ ໄດ້ປະກາດນະໂຍບາຍແຫ່ງ ຊາດຊຸດໃໝ່ທີ່ແນເປົ້າໝາຍໃສ່ທັງການປະຢັດ ນ້ຳມັນຫລາຍຂື້ນ ແລະຫລຸດຜ່ອນການປ່ອຍອາຍ ແກສເຮືອນແກ້ວລົງ ສຳຫລັບລົດໂອໂຕແລະລົດ ບັນທຸກທີ່ຜລິດອອກມາໃໝ່ທັງໝົດໃນສະຫະຣັຖ ອາເມຣິກາ. ມີການຄາດຄະເນກັນວ່າ ມາດຕະ ຖານໃໝ່ທີ່ວ່ານີ້ ຊຶ່ງກວມເອົາລົດລຸ້ນປີ 2010 ຫາ ລຸ້ນປີ 2016 ທີ່ຕ້ອງເປັນລົດທີ່ສາມາດປະຢັດນ້ຳ ມັນໄດ້ໂດຍສະເລັ່ຍປະມານ 35 ໄມເຄິ່ງຕໍ່ນຶ່ງແກລ ລອນ ຄືແລ່ນໄດ້ໄກ 35 ໄມເຄິ່ງຕໍ່ນ້ຳມັນນຶ່ງແກລລອນ ຫລືເກືອບ 16 ກິໂລແມັດຕໍ່ນຶ່ງ ລິດໃນປີ2016 ນັ້ນແມ່ນຈະສາມາດປະຢັດນ້ຳມັນລົດໄດ້ຮອດນຶ່ງພັນແປດຮ້ອຍລ້ານ ຖັງໃນຊົ່ວອາຍຸຂອງໂຄງການດັ່ງກ່າວ ໂດຍຈະສາມາດປະຢັດນ້ຳມັນໄດ້ເຖິງຫ້າເ ປີເຊັນຕໍ່ປີ ແລະພ້ອມດຽວກັນກໍຫລຸດຜ່ອນອາຍແກສເຮືອນແກ້ວລົງໄດ້ປະມານ 900 ລ້ານໂຕນ
ມາດຕະຖານໃໝ່ຂອງການສ້າງລົດລຸ້ນດັ່ງກ່າວເຫລົ່ານີ້ ແມ່ນກວ້າງໄກກວ່າຂໍ້ກຳໜົດ ຂອງກົດໝາຍວ່າດ້ວຍການປະຢັດນ້ຳມັນ ນໂດຍສະເລັ່ຍຂອງບໍລິສັດ ຫລື CAFE ທີ່ໄດ້ປະກາດໃຊ້ໂດຍ ສະພາຄອງແກຣສ ຫລືຣັຖສະພາສະຫະຣັຖ ໃນປີ 2007 ຊື່ງບັງຄັບໃຫ້ຜລິດລົດທີ່ປະຍັດນ້ຳມັນ ແລ່ນໄດ້ໄກຮອດ 35 ໄມຕໍ່ນ້ຳມັນນື່ງແກລລອນ ຫລືປະມານ 14 ຈຸດ 88 ກິໂລແມັດຕໍ່ນື່ງລິດໃນປີ 2020.ນະໂຍບາຍໃໝ່ຂອງ ຣັຖບານໂອບາມາ ແມ່ນສະທ້ອນໃຫ້ເຫັນເຖິງການຮ່ວມມືກັນ ແບບທີ່ບໍ່ເຄີຍມີມາກ່ອນ ລະວ່າງຫລາຍຝ່າຍ ອັນປະກອບດ້ວຍກະຊວງຂົນສົ່ງຂອງສະຫະຣັຖ ອົງການພິທັກສະພາບແວດລ້ອມສະຫະຣັຖ ພວກບໍລິ ສັດຜລິດລົດທີ່ໃຫຍ່ທີ່ສຸດຂອງໂລກ ສະຫະພັນກຳມະບານລົດໂອໂຕ ພວກຜູ້ນຳໃນວົງການສະພາບແວດລ້ອມ ຕະຫລອດທັງຣັຖແຄລິຟໍເນຍ ແລະ ຣັຖບານຂອງລັດອື່ນໆໃນສະຫະຣັຖອາເມຣິກາ.
ທ່ານນາງ Lisa Jackson ຜູ້ອຳນວຍການອົງການພິທັກສະພາບແວດລ້ອມສະຫະຣັຖ ຫລື EPA ກ່າວວ່າ ມາດ ຕະຖານລົດຍົນໃໝ່ນີ້ “ແມ່ນຈະເຮັດໃຫ້ຊາວອາເມລິກັນທຸກຖ້ວນໜ້າມີສຸຂະພາບດີຂື້ນ ແລະກຳຈັດອາກາດເປັນພິດທີ່ເຮົາຫາຍໃຈເຂົ້າໄປນັ້ນລົງໄດ້ຫລາຍໆໂຕນ ພ້ອມກັບຜ່ອນສົ່ງການລົງທືນໃສ່ການກຳຈັດອາຍແກ໊ສເຮືອນແກ້ວຂອງພວກເຮົາຢ່າງຖາວອນນັ້ນນຳ.”
ສ່ວນທ່ານ Ray LaHood ຣັຖມຸນຕຣີກະຊວງຂົນສົ່ງກ່າວວ່າ “ໂຄງ ການນີ້ ຈະເຮັດໃຫ້ພວກເຮົາອາໃສນ້ຳມັນນຳເຂົ້າຈາກປະເທດອື່ນນັ້ນໜ້ອຍລົງ ແລະເປັນສິ່ງທີ່ດີສຳຫລັບອາເມຣິກາແລະໂລກ.”
ປະທານາທິບໍດີໂອບາມາກ່າວວ່າ “ແຕ່ກ່ອນນີ້ ການຕົກລົງກັນກ່ຽວກັບເລຶ່ອງທຳນອງນີ້ ແມ່ນຈະຖືກພິຈາລະນາວ່າມັນເປັນໄປບໍ່ໄດ້. ດ້ວຍເຫດນີ້ ການປະກາດນະໂຍບາຍໃໝ່ຂອງຂ້າພະເຈົ້າໃນຄັ້ງນີ້ຈື່ງຖືວ່າສຳຄັນທີ່ສຸດ ເພາະວ່າ ມັນບໍ່ໄດ້ໝາຍເຖິງສະເພາະແຕ່ການປ່ຽນແປງນະໂຍບາຍຢູ່ໃນນະຄອນຫລວງວໍຊິງຕັນພຽງເທົ່ານັ້ນ ແຕ່ຍັງໝາຍເຖິງ ການເລີ່ມຕົ້ນກ້າວໄປສູ່ການປ່ຽນແປງໃນແນວທາງການດຳເນີນງານ ຂອງທຸລະກິດໃນນະຄອນຫລວງວໍຊິງຕັນດີຊີ ນຳອີກ ຊື່ງຜົນທີ່ຈະໄດ້ຮັບຈາກການຕົກລົງດັ່ງກ່າວນີ້ ກໍແມ່ນວ່າພວກເຮົາຈະສາມາດປະຢັດນ້ຳມັນລົດໄດ້ເຖິງນຶ່ງພັນແປດຮ້ອຍລ້ານຖັງ ໃນຊົ່ວຊີວິດຂອງລົດຍົນທີ່ໄດ້ຂາຍໃນລະຍະຫ້າປີຂ້າງໜ້ານີ້ ແລະໃນຊ່ວງເວລາແຫ່ງວິກິດຄັ້ງ ປະວັດສາດຂອງອຸດສາຫະກຳລົດຍົນຂອງພວກເຮົາ ທີ່ເປັນຢູ່ໃນເວລານີ້ ກົດລະບຽບທີ່ອອກໃໝ່ແມ່ນສະນອງຄວາມແນ່ນອນຢ່າງແຈ້ງຂາວໃຫ້ ຊື່ງຈະອຳນວຍໃຫ້ພວກບໍລິສັດເຫລົ່ານີ້ ສາມາດວາງແຜນການໄວ້ສຳລັບອະນາຄົດຂ້າງໜ້າ ທີ່ພວກເຂົາເຈົ້າຈະໄດ້ສ້າງລົດຍົນແຫ່ງສັດຕະວັດທີ່ 21 ນັ້ນ.
