ການເລືອກຕັ້ງທີ່ເລບານອນ: ປະທານາທິບໍດີຂອງເລບານອນກໍຮວມຢູ່ໃນຈຳນວນພວກຜູ້ຄົນທ່ີອອກ ໄປປ່ອນບັດ ໃນຕອນເຊົ້າວັນອາທິດມື້ນີ້ ໃນການເລືອກຕັ້ງທ່ີມີການແຂ່ງຂັນກັນຢ່າງເຜັດຮ້ອນ ເພື່ອເລືອກເອົາສະພາຊຸດໃໝ່. ຫລັງຈາກປ່ອນບັດທ່ີບ້ານເກີດເມືອງນອນຂອງທ່ານ ທາງທິດເໜືອຂອງກຸງເບຣຸດແລ້ວ ປະທານາທິບໍດີ Michel Suleiman ກ່າວຕໍ່ບັນດາ ນັກຂ່າວວ່າ ລະບອບປະຊາທິປະໄຕເປັນສິ່ງທີ່ດີທີ່ສຸດອັນນຶ່ງທ່ີເຮັດໃຫ້ ເລບານອນ ແຕກຕ່າງໄປຈາກປະເທດອື່ນໆໃນພາກຕາເວັນອອກກາງ.
ການເລືອກຕັ້ງໃນວັນອາທິດມື້ນີ້ ເປັນການແຂ່ງຂັນກັນລະວ່າງສມາຊິກສ່ວນຫລາຍຂອງສະພາຊຸດປັດຈຸບັນ ທ່ີໄດ້ຮັບການໜຸນຫລັງຈາກສະ ຫະຣັດນັ້ນ ກັບຄນະປະສົມພາຍໃຕ້ການນຳພາຂອງກຸ່ມ Hezbollah ຂອງພວກຫົວຮຸນແຮງນິກາຍ Shi’ite ຊຶ່ງໄດ້ຮັບການໜຸນຫລັງຈາກອິຣ່ານແລະຊີເຣັຍ ຊື່ງຜົນຂອງການເລືອກຕັ້ງຄັ້ງນີ້ອາດສາມາດກຳໜົດ ພັນທະມິດໃນອານາຄົດຂອງປະເທດໄດ້. ການສຳຫລວດຫາງສຽງປະຊາຊົນທຳນາຍວ່າ ການແຂ່ງຂັນຈະດຳເນີນໄປຢ່າງສູສີ ເພື່ອຍາດເອົາບ່ອນນັ່ງ 128 ບ່ອນຢູ່ໃນສະພາ ຊຶ່ງເບິງຄືວ່າ ທັງສອງກຸ່ມຈະໄດ້ຮັບບ່ອນນັ່ງ ລື່ນກັນພຽງບໍ່ເທົ່າໃດບ່ອນເທົ່ານັ້ນ.
ອີສຣາແອນແລະປາເລສໄຕນ໌: ນາຍົກຣັຖມຸນຕຣີອີສຣາແອລ ທ່ານ ເບນຈາມິນເນຕັນຢາຮູ ກ່າວວ່າ ໃນບໍ່ຊ້ານີ້ ທ່ານຈະກ່າວຄຳປາໃສທີ່ສຳຄັນ ກ່ຽວກັບນະໂຍບາຍຂອງທ່ານ ໃນດ້ານສັນຕິພາບແລະຄວາມໝັ້ນຄົງ. ທ່ານເນຕັນຢາຮູໄດ້ບອກຄະນະຣັຖມຸນຕຣີຂອງທ່ານໃນວັນອາທິດມື້ນີ້ ວ່າ ທ່ານຈະກ່າວຄຳປາໄສ “ໃນອາທິດໜ້ານີ້” ແຕ່ບໍ່ໄດ້ແຈ້ງໃຫ້ຊາບວ່າຈະເປັນມື້ໃດແທ້. ທ່ານນາຍົກຣັຖມຸນຕຣີອີສຣາແອລກ່າວວ່າ ຣັຖບານຂອງທ່ານຕັ້ງໃຈທີ່ຈະໃຫ້ບັນລຸສັນຕິພາບກັບຊາວປາເເລສຕາຍ ແລະບັນດາປະເທດອາຫລັບທັງຫລາຍ ໃນຂະນະດຽວກັນກໍຈະພະຍາຍາມສ້າງຄວາມເຂົ້າໃຈອັນດີກັບສະຫະຣັດ. ທ່ານບາຣັກ ໂອບາມາ ປະທານາທິບໍດີສະຫະຣັຖ ໄດ້ຮຽກຮ້ອງໃຫ້ອີສ ຣາແອລ ຍຸຕິການກໍ່ສ້າງບ່ອນຢູ່ອາໃສໃໝ່ຂອງຊາວຍິວ ໃນດິນແດນຂອງຊາວປາແລສຕາຍ ໃນຖານະເປັນບາດກ້າວໄປສູ່ການເຈລະຈາສັນຕິພາບກັບປາເເລສຕາຍ ຊຶ່ງທ່ານເນຕັນຢາຮູໂຕ້ຕອບວ່າ ຄຳຮຽກຮ້ອງດັ່ງກ່າວ ແມ່ນບໍ່ມີເຫດມີຜົນໃດໆເລີຍ. ນາຍົກຣັຖມຸນຕຣີອີສຣາແອລ ທ່ານ ເບນຈາມິນ ເນຕັນຢາຮູ ກ່າວວ່າ ໃນບໍ່ຊ້ານີ້ ທ່ານຈະກ່າວຄຳປາໃສທີ່ສຳຄັນ ກ່ຽວກັບນະໂຍບາຍຂອງ ທ່ານ ໃນດ້ານສັນຕິພາບແລະຄວາມໝັ້ນຄົງ. ທ່ານເນຕັນຢາຮູໄດ້ບອກຄະນະຣັຖມຸນຕຣີຂອງທ່ານໃນວັນອາທິດມື້ນີ້ ວ່າ ທ່ານຈະກ່າວຄຳປາໄສ “ໃນອາທິດໜ້ານີ້” ແຕ່ບໍ່ໄດ້ແຈ້ງໃຫ້ຊາບວ່າຈະເປັນມື້ໃດແທ້. ທ່ານນາຍົກຣັຖມຸນຕຣີອີສຣາແອລກ່າວວ່າ ຣັຖບານຂອງທ່ານຕັ້ງໃຈທີ່ຈະໃຫ້ບັນລຸສັນຕິພາບກັບຊາວປາເເລສຕາຍ ແລະບັນດາປະເທດອາຫລັບທັງຫລາຍ ໃນຂະນະດຽວກັນ ກໍຈະພະຍາຍາມສ້າງຄວາມເຂົ້າໃຈອັນດີກັບສະຫະຣັຖ. ທ່ານບາຣັກ ໂອບາມາ ປະທານາທິ
ບໍດີສະຫະຣັຖ ໄດ້ຮຽກຮ້ອງໃຫ້ອີສຣາແອລ ຍຸຕິການກໍ່ສ້າງບ່ອນຢູ່ອາໃສໃໝ່ຂອງຊາວຍິວ ໃນດິນແດນຂອງຊາວປາແລສຕາຍ ໃນຖານະເປັນບາດກ້າວໄປສູ່ການເຈລະຈາສັນຕິພາບກັບປາເເລສຕາຍ ຊຶ່ງທ່ານເນຕັນຢາຮູໂຕ້ຕອບວ່າ ຄຳຮຽກຮ້ອງດັ່ງກ່າວ ແມ່ນບໍ່ມີເຫດມີຜົນໃດໆເລີຍ.
ຄີວບາແລະສະຫະຣັດ: ອະດີດປະທານາທິບໍດີຄີວບາ ທ່ານຟີແດນກາສໂຕຣ ກ່າວວ່າກໍລະນີ ກ່ຽວກັບຄົນອະເມຣິກັນ 2 ຄົນ ທ່ີຖືກກ່າວຫາວ່າທຳການສອດແນມໃຫ້ ຄີວບານັ້ນ ເປັນເຣື່ອງທ່ີໝ້າຢາກຫົວຫລາຍທ່ີສຸດ. ໃນບົດຂຽນສັ້ນໆທ່ີຂຽນລົງໃນ Web site ຂອງຄີວບາ ທ່ານກາສ ໂຕຣ ບໍ່ໄດ້ຢືນຢັນ ຫລືປະຕິເສດຕໍ່ ການກ່າວຫາຂອງເຈົ້າໜ້າທ່ີສະຫະ ຣັດ ຕໍ່ອະດີດເຈົ້າໜ້າທ່ີກະຊວງການຕ່າງປະເທດຄົນນຶ່ງ ທ່ີໄດ້ຜ່ານ ການກວດປວັດດ້ານຄວາມປອດໄພຂັ້ນສູງສຸດ ພ້ອມທັງພັນລະຍາຂອງຜູ້ກ່ຽວ ມາແລ້ວນັ້ນ. ບັນດາເຈົ້າໜ້າທ່ີສະຫະຣັດໄດ້ກ່າວຫາຜົວເມັຍຄູ່ນີ້ວ່າທຳການສອດແນມ ໃຫ້ຄີວບາ ມາໄດ້ເກືອບ30 ປີແລ້ວ ແລະວ່າທັງສອງເຄີຍພົບປະກັບອະດີດປະທານາທິບໍດີກາສໂຕຣໃນສໄມປີ 1955. ແຕ່ທ່ານກາສໂຕຣ ກ່າວວ່າ ທ່ານຈື່ບໍ່ໄດ້ວ່າໄດ້ພົບປະກັບຜົວເມັຍຄູ່ນີ້. ທ່ານ Walter Kendall Myers ແລະນາງ Gwendolyn Stein-graber Myers ໄດ້ໃຫ້ການຕໍ່ສານຣັຖບານກາງແຫ່ງນຶ່ງ ທ່ີກຸງວໍຊິງຕັນ ໃນວັນສຸກຜ່ານມານີ້ ວ່າຕົນບໍ່ໄດ້ຮັບຜິດຕໍ່ຂໍ້ກ່າວຫາເຫລົ່ານັ້ນ ຊື່ງຮວມທັງຂໍ້ກ່າວຫາ ສົມຮູ້ຮ່ວມຄິດກັນວາງແຜນເປັນສາຍລັບທ່ີຜິດກົດ ໝາຍໃຫ້ຣັຖບານຄີວບາ ແລະສົ່ງຂ່າວຂໍ້ມູນທ່ີເປັນຄວາມລັບໃຫ້ແກ່ບັນດາເຈົ້າໜ້າທ່ີຄີວບາທ່ີກຸງຮາວານາ. ທັງສອງສາມາດຖືກຕັດສິນລົງໂທດຈຳຄຸກໄດ້ເຖິງ 20 ປີ ຖ້າມີຄວາມຜິດແທ້.
ອົງດາໄລລາມະທ່ີຢູໂຣບ: ອົງດາໄລລາມະ ຜູ້ນຳທາງດ້ານຈິດໃຈຂອງຊາວທິເບດ ໄດ້ກ່າວຫາຈີນວ່າ ຕັດສິນໂທດໃຫ້ມີ “ການຕັດສິນປະຫານຊີວິດ” ທິເບດ". ອົງດາໄລລາມະ ໄດ້ສະແດງຄວາມເຫັນນີ້ ຫລັງຈາກເດີນທາງໄປຮອດນະຄອນຫລວງປາຣີ ຂອງປະເທດຝຣັ່ງ ເມື່ອວັນເສົາວານນີ້ ຊຶ່ງພະອົງໄດ້ຊົງກ່າວຕື່ມວ່າ ພະອົງເຊື່ອວ່າເວລານີ້ ມູນເຊື້ອມໍລະດົກແລະວັດທະນະທຳຂອງທິເບດ ແມ່ນຕົກຢູ່ພາຍໃຕ້ອັນຕະລາຍ.ທ່ານ ຕາຊີວັງດູ ຜູ້ຕາງໜ້າຣັຖບານພັດຖິ່ນຂອງຊາວທິເບດ ບອກຜູ້ສື່ຂ່າວວີໂອເອ ຈາກນະຄອນຫລວງ Brussels ຂອງປະເທດແບລຢ່ຽມວ່າ ນອກຈາກເລຶ່ອງທີ່ກ່າວມານີ້ແລ້ວ ອົງດາໄລລາມະຍັງມີຄວາມເປັນຫ່ວງນຳ ເລື່ອງທີ່ຊາວພື້ນເມືອງຈີນ ຈຳນວນຫລວງຫລາຍໄດ້ພາກັນຍົກຍ້າຍເຂົ້າໄປຢູ່ໃນທິເບດນັ້ນ
ອົງດາໄລລາມະ ຜູ້ໄດ້ຮັບລາງວັນໂນແບລຂະແນງສັນຕິພາບກຳລັງຢູ່ທີ່ກຸງປາຣີ ເພື່ອຮັບສັນຊາດກິຕິມະສັກທີ່ມອບຖວາຍໃຫ້ໂດຍອຳນາດປົກຄອງກຳແພງນະຄອນຫລວງປາຣີ ທີ່ໄດ້ລົງຄະແນນສຽງເຫັນດີ ຖວາຍສັນຊາດໃຫ້ພະອົງເມື່ອເດືອນເມສາຜ່ານມາ ລຸນຫລັງການກວດ ລ້າງຄື້ນຟອງແຫ່ງການປະທ້ວງຕໍ່ຕ້ານຣັຖບານຈີນ ໃນທິເບດເມື່ອເດືອນຜ່ານມານີ້ ຈີນໄດ້ກ່າວເຕືອນປາຣີ ຕໍ່ການຖວາຍສັນຊາດໃຫ້ ອົງດາໄລລາມະ. ສາຍສຳພັນລະວ່າງຈີນກັບຝລັ່ງໄດ້ຊຸດໂຊມລົງຢ່າງ ໄວ ເມື່ອເດືອນທັນວາປີຜ່ານມາ ຫລັງຈາກທີ່ປະທານາທິບໍດີຝລັ່ງ ທ່ານ Nicholas Sarkozy ໄດ້ໄປພົບປະກັບອົງດາໄລລາມະ ທີ່ປະເທດໂປໂລຍ.
ໂອບາມາກັບຄືນປະເທດ: ປະທານາທິບໍດີບາຣັກໂອບາມາ ກຳລັງເດີນທາງກັບຄືນສູ່ສຫະຣັຖໃນມື້ນີ້ ຫລັງຈາກຢ້ຽມຢາມນະຄອນຫລວງປາຣີກັບຄອບຄົວຂອງທ່ານ ຊື່ງ ພວກທ່ານໄດ້ໄປຊົມຫໍພິພິທພັນສິລປະສໄໝໃໝ່ Pompidou Center ໃນ ເຊົາມື້ນີ້. ໃນແລງວານນີ້ ທ່ານໂອບາມາແລະຄອບຄົວ ໄດ້ໄປຊົມໂບດ Notre Dame ທີ່ມີຊື່ສຽງຂອງຝຣ່ັງ ແລະຫລັງຈາກນັ້ນ ກໍໄປກິນເຂົ້າແລງຢູ່ໃກ້ໆກັບຫໍ Eiffel Tower.
ໃນມື້ວັນເສົາ ກ່ອນໜ້ານັ້ນ ປະທານາທິບໍດີໂອບາມາ ໄດ້ໄປຮ່ວມກັບປະທານາທິບໍດີຝຣັ່ງທ່ານ Nicolas Zarkozy ແລະພວກຜູ້ນຳປະເທດ ອື່ນໆທ່ີເມືອງ Normandy ໃນພິທີເຄັ່ງຂຶມເພື່ອສລອງວັນຄົບຮອບ 65 ປີ ຂອງມື້ D-Day ຫລືມື້ບຸກຂິ້ຶນຝັ່ງຂອງພວກທະຫານພັນທະມິດເພື່ອຂັບໄລ່ພວກທະຫານ Nazi ເຢຣະມັນ ທ່ີຄອບຄອງເຂດດັ່ງກ່າວຂອງຝຣັ່ງ ໃນສໄມສົງຄາມໂລກຄັ້ງທີສອງນັ້ນ. ປະທານາທິບໍດີໂອບາມາໄດ້ກ່າວຕໍ່ພວກທີ່ໄປຮ່ວມໃນພິທີ ຢູ່ປ່າຊ້າທະຫານອະເມຣິກັນວ່າ ໂລກຈະບໍ່ລືມການກະທຳຂອງພວກທະຫານຝ່າຍພັນທະມິດທີ່ພາກັນບຸກຂຶ້ນຝັ່ງທະເລແຫ່ງຕ່າງໆຂອງ Normandy ໃນປີ 1944 ນັ້ນ.
ວັນສຸກ, ໒໗ ທັນວາ ໒໐໒໔
