ມີໂຮງຮຽນມະຫາວິທະຍາໄລນ້ອຍ ແລະ ໃຫຍ່ຫລາຍ ແຫ່ງໃນສະຫະຣັດ ອາເມຣິກາ ໄດ້ໃຫ້ຂໍ້ແນະນຳ ກ່ຽວກັບ ການວາງແຜນຈັດສັນເງິນຄຳ ເພື່ອໃຊ້ຈ່າຍສ່ວນຕົວທີ່ທາງໂຮງຮຽນ ຄິດວ່າ ເໝາະສົມສຳລັບ ນັກຮຽນຕ່າງປະເທດ.
ທ່ານນາງ ເສເນັມ ບາກຄາຣ (Senem Bakar), ຮອງຜູ້ອຳນວຍການພະແນກບໍລິການນັກສຶກສາ ຕ່າງປະເທດຢູ່ມະຫາວິທະຍາໄລ American University ທີ່ກຸງ Washington ສະເໜີວ່າ ນັກຮຽນ ຄວນມີງົບປະມານຢ່າງຕ່ຳ 1.300 ໂດລ້າ ສະຫະຣັດ ສຳລັບໃຊ້ ຈ່າຍໃນໄລຍະເກົ້າເດືອນ ຂອງ ສົກການສຶກສາໜຶ່ງ. ເງິນກ້ອນນີ້ຈະຊ່ວຍໃນ ການໃຊ້ຈ່າຍ ສໍາລັບສິ່ງຕ່າງໆ ເຊັ່ນຄ່າລົດໄປມາ, ຄ່າໂທລະ ສັບ, ເຄື່ອງໃຊ້ ໃນການຮຽນ ແລະ ກິດຈະການ ມ່ວນຊື່ນຕ່າງໆ.
ທ່ານ ພອລ ບັດເລີ (Paul Butler) ຜູ້ຈັດການດ້ານການເງິນ ຂອງຫ້ອງການບໍລິການນັກສຶກສາຕ່າງປະເທດຢູ່ມະຫາວິທະຍາໄລ ບລູມິງເທິນ (Bloomington) ແຫ່ງຣັດອິນດີແອນາ ເວົ້າວ່າ ທ່ານຢາກແນະນຳໃຫ້ ນັກສຶກ ສາມີເງິນຢ່າງຕ່ຳສອງພັນສີ່ຮ້ອຍ (2.400) ໂດລ້າສະຫະລັດ ເພື່ອໃຊ້ຈ່າຍເວລາຮຽນຢູ່ໃນ ສະຫະຣັດ ອາເມຣິກາເປັນເວລາສິບສອງເດືອນນັ້ນ.
ໂຮງຮຽນຢູ່ຣັດອິນດີແອນາ ແລະ ໂຮງຮຽນອື່ນໆ ກໍໃຫ້ຄຳແນະ ນຳກ່ຽວກັບວິທີທາງຈັດແຈງ ແລະ ປະຢັດເງິນ, ຕົວຢ່າງເຊັ່ນ ສຳລັບການໄປທ່ຽວຊົມແຫ່ງຕ່າງໆໃຫ້ຊອກເບິ່ງ ການສະແດງດົນຕີຫລືຫໍພິພິດທະພັນທີ່ຟຣີ ຫລື ບໍ່ເສັຽຄ່າ. ຖ້າຢາກໄປເບິ່ງ ຮູບເງົາ ສ່ວນຫລາຍລາຄາມັກຈະຖືກກວ່າຖ້າໄປເບິ່ງໃນຕອນບ່າຍ ແທນທີຈະໄປຕອນແລງ.
ມະຫາວິທະຍາໄລAmerican University ແນະນຳໃຫ້ ນັກສຶກ ສາກວດເບິ່ງໃບໂຄສະນາຢູ່ໜັງສືພິມ ເພື່ອຊອກຫາ ບັດກູປອນ ສິນຄ້າທີ່ຫລຸດລາຄາ. ທ່ານນາງ ເສເນັມ ບາກຄາຣ (Senem Bakar) ເວົ້າວ່າ ຢູ່ໃນສະຫະຣັດອາເມຣິກາພວກນັກສຶກສາ ສາ ມາດຊອກຫາສິນຄ້າເກືອບໝົດທຸກຊະນິດຂາຍຫລຸດ ລາຄາ ຫລື on sale ຢູ່ບ່ອນໃດບ່ອນໜຶ່ງ.
ພ້ອມກັນນັ້ນ ທະນາຄານຫລາຍແຫ່ງກໍມີການບໍລິການພິເສດສຳລັບນັກຮຽນ ຄື ໃຫ້ເປີດບັນຊີທະນາຄານກະແສ ລາຍວັນ ລວມທັງເຮັດ debit card ໃຫ້ຟຣີ. Debit cards ສາມາດໃຊ້ໄດ້ເກືອບໝົດທຸກບ່ອນທີ່ເຂົາໃຊ້ credit cards ໄດ້.
ດຽວນີ້ ຊາວອາເມລິກາຈຳນວນເປັນລ້ານໆຄົນ ໃຊ້ debit card ຫລື credit card ເພື່ອຊື້ເຄື່ອງຂອງ ທີ່ເຂົາເຈົ້າຕ້ອງການແທນເງິນສົດ ຫລື ເຊັກເງິນໂດຍການໃຊ້ credit card ທ່ານແມ່ນຢືມເງິນທະນາຄານທຸກເທື່ອທີ່ທ່ານໃຊ້ມັນ. ແຕ່ວ່າ debit cards ແມ່ນແຕກຕ່າງຈາກ credit card, ເພາະວ່າບັດນີ້ໄດ້ຖືກເຊື່ອມຕໍ່ໂດຍກົງກັບບັນຊີເງິນ ທະນາຄານຂອງທ່ານ ສະນັ້ນທ່ານແມ່ນກຳລັງໃຊ້ເງິນຕົວເອງ ຊື້ເຄື່ອງ.
Debit cards ຍັງຖືກເອີ້ນໃນຊື່ອື່ນອີກວ່າ “Check cards” ຊຶ່ງ ບໍ່ໄລ່ເອົາຄ່າດອກເບັ້ຽ ຫາກແຕ່ວ່າ ຜູ້ໃຊ້ບັດນີ້ຈະຕ້ອງເສັຽຄ່າ ດອກເບັ້ຽຖ້າວ່າເຂົາເຈົ້າຈ່າຍເງິນຫລາຍກວ່າຈຳນວນທີ່ເຂົາເຈົ້າມີຢູ່ໃນບັນຊີທະນາຄານນັ້ນ.
