ລິ້ງ ສຳຫລັບເຂົ້າຫາ

ໂຊມາເລຍ ຖືກປິດລ້ອມ


<!-- IMAGE -->

ການ​ປະ​ທະ​ກັນໄດ້​ທະວີ​ຄວາມ​ຮຸນ​ແຮງ​ຂື້ນໃນ​ປະ​ເທດໂຊ​ມາ​ເລຍ​ ລະ​ວ່າງພວກ​ນັກລົບ​ທີ່​ນິຍົມ ຣັຖບານ​ແລະ​ກຸ່ມກອງ​ຫລອນ​ຂອງພວກຫົວຮຸນ​ ແຮງ ຊື່​ງ​ເປັນ​ການ​ເພິ່ມຕື່ມ​ໃສ່ວິ​ກິດ​ການດ້ານ​ມະນຸດສະທຳທີ່​ຮ້າຍ​ແຮງ​ຢູ່​ແລ້ວໃນ​ໂຊມາ​ເລຍ​ນັ້ນ.

ໝົດ​ທຸກ​ພັກຝ່າຍ​ທີ່ອ້າງ​ວ່າ​ຕົນ​ເຫັນ​ແກ່ຜົນປະ​ໂຍດ​ອັນດີ​ທີ່​ສຸດ​ຂອງປະ​ເທດຊາດ​ດ້ວຍ​ນ້ຳໃສໃຈຈິງ ຄວນຈະຍຸຕິການສູ້ລົບກັນແລະນຳເອົາສັນຍາສັນຕິພາບທີ່ເຊັນກັນຢູ່ຈີບູຕີມາ ປະຕິບັດຜ່ານການດຳເນີນງານທາງການເມືອງທນທີ່ຈະສືບຕໍ່ປະຫັດປະຫານກັນ ດ້ວຍອາວຸດທີ່ສ້າງຄວາມຫາຍະນະຢ່າງໃຫຍ່ຫລວງນັ້ນ

ນັບ​ຕັ້ງ​ແຕ່​ຕົ້ນ​ເດືອນ​ນີ້ມາ ນະຄອນຫລວງ​ໂມ​ກາ​ດີ​ສຊູ ​ຂອງ​ໂຊ​ມາ​ເລຍ​ ​ໄດ້ຖືກ​ປິດ​ລ້ອມ​ໂດຍພວກກຸ່ມ​ຫົວ​ຮຸນ​ແຮງ ​ໂຮມ​ທັງ​ພວກ​ນັກ​ລົບ Al Shabaab ທີ່​ມຸ່ງ​ໝັ້ນ​ຈະພະຍາຍາມ​ໂຄ່ນລົ້ມ​ຣັຖບານລະຍະຂ້າມ​ຜ່ານ​ຂອງ​ປະທາ​ນາ​ທິບໍດີ Sheikh Sharif Sheikh Ahmed.ພວກ​ຫົວ​ຮຸນ​ແຮງດັ່ງກ່າວທີ່​ມີ​ສາຍ​ພົວພັນ​ກັບ​ເຄືອ​ຂ່າຍກໍ່​ການ​ຮ້າຍ​ ອາ​ລ ​ເຄ​ອີ​ດາ ​ໄດ້​ໂຈມ​ຕີ​ນະຄອນຫລວງ​ໂມ​ກາ​ດີ​ສຊູ ດ້ວຍ​ລູກຈລວດ​ແລະ​ປືນ​ຄົກໃນ​ການ​ກໍ່ຄື້ນຟອງ​ຂອງ​ຄວາມ​ຮຸນ​ແຮງ ທີ່ ໄດ້​ເຂັ່ນຂ້າພົນລະ​ເຮືອນໄປຢ່າງ​ໜ້ອຍ 110 ຄົນ​ແລ້ວ ​ແລະບີບ ບັງຄັບ​ໃຫ້ປະຊາຊົນ ​ອີກ​ຫລາຍ​ພັນ​ຄົນ​ຕ້ອງຫລົບ ໜີຈາກ​ບ້ານ​ເຮືອນ. ອົງການ ສະຫະພາບ​ອາ​ຟຣິກາ ກ່າວ​ວ່າຕົນ​ຈະ​ເພີ່ມ​ຄວາມ​ເຂ້​ມ​ແຂງໃຫ້​ແກ່ ພາລະກິດ​ການ​ຮັກສາ​ສັນຕິພາບ​ຂອງ​ຕົນ​ຢູ່​ໃນ​ໂຊ​ມາ​ເລຍ ດ້ວຍການ​ສົ່ງທະຫານ​ຈາກ Sierra Leone ​ແລະ ບຸຣຸນດີ ຫລາຍ​ກວ່ານຶ່ງພັນ​ຄົນ​ໄປ​ເສີມ​ກຳລັງ​ຮັກສາ​ສັນຕິພາບ​ຂອງ​ຕົນຢູ່​ທີ່​ນັ້ນ.

​ເຖິງ​ແມ່ນ​ບໍ່​ມີ​ການ​ສູ້​ລົບ​ກັນກໍ​ຕາມ ​ໂຊ​ມາ​ເລຍ​ກໍ​ກຳລັງ​ປະ​ສົບກັບຄວາມ ຫາ​ຍະ​ນະ​ດ້ານ​ມະນຸດສະທຳ​ ທີ່​ໂຫດຮ້າຍ​ທີ່​ສຸດບັ້ນນື່ງຂອງໂລກ. ຄວາມ​ແຫ້ງ​ແລ້ງ​ພາຍ​ໃນ​ປະ​ເທດ​ທີ່​ເກີດ​ຂື້ນຕິດ​ຕໍ່​ກັນ​ເປັນ​ເວລາ​ສີ່​ປີ​ນັ້ນ ​ໄດ້​ຜັກ​ດັນ​ໃຫ້ປະ​ເທດ ຊາດ​ຕົກ​ຢູ່​ໃນ ສະພາບການ ເກືອບ​ເຖິງ​ຂັ້ນອຶດຫິວ ​ຍ້ອນຂາດ​ແຄນ​ສະບຽງ​ອາຫານ​ຢ່າງ​ສາຫັດ ແລະ​ການ​ທີ່​ປະຊາຊົນ​ຕ້ອງ​ຖືກ​ພັດ​ຖິ່ນ​ອີກຫລາຍ​ລ້ານ​ຄົນ ກໍ​ໄດ້​ສ້າງ​ຄວາມ​ເສັຍຫາຍ​ຢ່າງ​ໜັກ​ໃຫ້​ແກ່ໂຄງ​ລ່າງພື້ນຖານຂອງ​ຊາດ​ ທີ່​ອ່ອນ​ແອ​ມາ​ແຕ່​ຕົ້ນຢູ່​ແລ້ວນັ້ນ​.ດ້ວຍ​ເຫດ​ໃດກຸ່ມ al Shabaab ​ແລະ​ພວກຫົວຮຸນ​ແຮງ​ອື່ນໆ​ ຈຶ່ງ​ພາກັນ​ເຊື່ອ​ວ່າການ​ລົ້ມລ້າງ ຣັຖ ບານ​ຊຸດ​ປັດຈຸບັນ​ທີ່ໄດ້​ຮັບ​ການສະ​ນັບ​ສະນຸນ​ ແລະ​ຄວາມ​ຊ່ວຍ​ເຫລືອ​ດ້ານ​ການ​ເງິນ​ຈາກ​ປະ​ເທດເພື່ອນ​ບ້ານ​ ແລະ​ປະ​ເທດ​ອື່ນໆ​ໃນ​ປະຊາ​ຄົມ​ໂລກນັ້ນ ຈະ​ຊ່ວຍ​ແກ້​ໄຂ​ບັນຫາ​ທີ່​ສາຫັດ ຕ່າງໆ​ຂອງ​ໂຊ​ມາ​ເລຍ​ໄດ້?​ ຄວາມ​ຈິງແລ້ວ​ນັ້ນ​ພວກ​ເຂົາ​ມີ​ແຕ່ເຮັດ ໃຫ້ສະພາບ​ການ​ໃນ​ໂຊ​ມາ​ເລຍ​ ຊ້ຳຮ້າຍລົງໄປອີກເທົ່າ​ນັ້ນ.

ສະຫະຣັຖ​ອາ​ເມ​ລິ​ກາ​ປະນາມ​ການໂຈມ​ຕີແລະ​ປະ​ທະ​ກັນ​ນັ້ນ ​ແລະ​ຮຽກຮ້ອງ​ໃຫ້ທຸກ​ຝ່າຍ​ກັບ​ຄືນ​ສູ່​ໂຕະ​ເຈ​ລະ​ຈາ​ກັນ ​ເພື່ອ​ບັນລຸ​ຄວາມ​ປອງ​ດອງ​ຊາດ. ພ້ອມ​ດຽວ​ກັນ​ນີ້ ​ສະຫະຣັຖ ຮຽກຮ້ອງໄປ​ຍັງຣັຖບານ​ທັງ​ໝົດໃນຂົງ​ເຂດ​ ​ໂດຍ​ສະ​ເພາະ​ປະ​ເທດ​ເອຣິ​ເຕຣຍນັ້ນໃຫ້ສະ​ນັບ​ສະນຸນປະຊາ​ຊົນ​ໂຊ​ມາ​ເລຍ​ ໂດຍໃຫ້ການ​ຊ່ວຍ​ເຫລືອແກ່ການ​ດຳ​ເນີນ​ຂັ້ນ
XS
SM
MD
LG