ທີ່ສີລັງກາ: ສະຖານີໂທຣະພາບແຫ່ງຊາດສີລັງກາໄດ້ປະກາດໃຫ້ຊາບວ່າ ທ່ານ Velupillai
Prabhakaran ຜູ້ນຳພວກກະບົດເສືອທະມິນໄດ້ເສັຍຊີວິດແລ້ວ.
ລາຍງານຂ່າວສື່ມວນກ່ອນໜ້ານີ້ກ່າວວ່າ ທ່ານ Prabhakara
ໄດ້ຖືກຂ້າຕາຍ ໃນຂະນະທ່ີຜູ້ກ່ຽວກຳລັງພະຍາຍາມເອົາໂຕຫລົບໜີ
ຈາກເຂດສົງຄາມໃນຕອນເຊົ້າວັນຈັນມື້ນີ້ ໃນລົດໂຮງໝໍຄັນນຶ່ງ.
ບັນດານາຍທະຫານສີລັງກາ ກ່າວວ່າທ່ານ Prabhakaran
ເສັຍຊີວິດພ້ອມກັບຜູ້ຮອງຂັ້ນສູງສຸດ 2 ຄົນ.
ແຫລ່ງຂ່າວຈາກທຳນຽບປະທານາທິບໍດີ ມາຮິນດາ ຣາຊາພັກ
ທີ່ໃຫ້ຂ່າວກັບວິທຍຸວີໂອເອໂດຍມີເງື່ອນໄຂບໍ່ໃຫ້ບອກຊື່ ເວົ້າວ່າ
ຈະມີການປະກາດໃຫ້ຮູ້ຢ່າງເປັນທາງການຫລັງຈາກມີການຢັ້ງຢືນໂຕຜູ້ກ່ຽວໄດ້ຄັກແນ່ແລ້ວ. ພ້ອມດຽວກັນ ໃນວັນຈັນມື້ນີ້
ຫົວໜ້າກອງທັບສີລັງກາ
ກໍໄດ້ປະກາດຂ່າວການສິ້ນສຸດລົງຂອງການປະຕິບັດງານການສູ້ຣົບ
ທີ່ໄດ້ຍັງຜົນໃຫ້ໝົດທັງປະເທດກັບຄືນມາຢູ່ພາຍໃຕ້ການຄວບຄຸມ
ຂອງຣັຖບານເປັນເທື່ອທຳອິດນັບແຕ່ປີ 1983
ເປັນຕົ້ນມາ.
ທີ່ເກົາຫລີ: ຄວາມເຄັ່ງຕຶງລະຫວ່າງສອງເກົາຫລີຣັຖມຸນຕີທ້ອນໂຮມແຫລມເກົາຫລີ
ຂອງເກົາຫລີໃຕ້ ຮຽກຮ້ອງໃຫ້ເກົາຫລີເໜືອກັບຄືນສູ່ໂຕະເຈຣະຈາກັນອີກ
ແລະໃຫ້ຢຸດທຳການຂົ່ມຂູ່ທ່ີຈະອັດເຂດອຸດສາຫະກັມຮ່ວມກັນລົງ
ຊຶ່ງຕັ້ງຢູ່ເໜືອເຂດຊາຍແດນຂອງເກົາຫລີໃຕ້ຂຶ້ນໄປນັ້ນ. ທ່ານ
Hyun In-taek ຣັຖມຸນຕີທ້ອນໂຮມແຫລມເກົາຫລີ
ກ່າວຕໍ່ກອງປະຊຸມສັມມະນາບັນດານັກຊ່ຽວຊານໃນວັນຈັນມື້ນີ້ວ່າ
ເຂດອຸດສາຫະກັມຮ່ວມ Kaesong ກຳລັງຕົກຢູ່ໃນວິກິດການ.
ຝ່າຍເກົາຫລີເໜືອໄດ້ປະກາດໃຫ້ຮູ້ໃນວັນສຸກຜ່ານມາວ່າ
ຕົນຈະລົບລ້າງ ສັນຍາຕ່າງໆທ່ີເຊັນກັບພວກບໍລິສັດເກົາຫລີໃຕ້
ທີ່ດຳເນີນການຢູ່ໃນເຂດອຸດສາຫະກັມ Kaesong ນັ້ນ
ແລະວ່າຕົນຈະຂຽນກົດລະບຽບໃໝ່ອອກມາ
ກ່ຽວກັບການຄວບຄຸມຄ່າຈ້າງເງິນເດືອນ ການເຊົ່າແລະການເສັຍພາສີ
ຊຶ່ງທາງຣັຖບານກຸງພຽງຢ້າງກ່າວວ່າ ທາງເກົາຫລີໃຕ້
ຈະຕ້ອງຮັບເອົາເງື່ອນໄຂໃໝ່ ຫລືບໍ່ດັ່ງນັ້ນ ກໍຈະຕ້ອງຖອນອອກຈາກ ເຂດນີ້ໄປ.
ທີ່ມຽນມ້າ : ທະນາຍຄວາມຄົນນື່ງຂອງທ່ານນາງອອງຊານ ຊູຈີ
ຜູ້ນຳຝ່າຍຄ້ານໃນມຽນມ້າ ກ່າວວ່າ ການດຳເນີນຄະດີທ່ານນາງ
ໃນຂໍ້ຫາລະເມີດເງື່ອນໄຂໃນການກັກບໍລິເວນທ່ານນາງນັ້ນ
ໄດ້ອັດລົງແລ້ວສຳລັບມື້ນີ້ ແລະຈະໄຂຂຶ້ນຄືນໃໝ່ໃນວັນອັງຄານມື້ອື່ນ.ທ່ານນາງອອງຊານຊູຈີ
ແລະຜູ້ຊ່ອຍວຽກທ່ານນາງອີກ 2 ຄົນຖືກກ່າວ ຫາ
ຫລັງຈາກຜູ້ຊາຍອະເມຣິກັນ ນາຍ John Yettaw ລອຍຂ້າມທະເລສາບ
ແລ້ວລັກລອບເຂົ້າໄປຢູ່ໃນບ້ານພັກຂອງທ່ານນາງ. ຖ້າຖືກຕັດສິນວ່າມີຄວາມຜິດແທ້
ທ່ານນາງກໍຈະປະເຊີນກັບການລົງໂທດຈຳຄຸກເຖິງ 5 ປີໄດ້.
ກ່ອນການດຳເນີນຄະດີໃນວັນຈັນມື້ນີ້ ບັນດາເຈົ້າໜ້າທ່ີມຽນມ້າ
ໄດ້ຮັດເຄັ່ງການຮັກສາຄວາມປອດໄພຂຶ້ນໃນເຂດອ້ອມແອ້ມຄຸກ Insein
ໃນຂະນະທ່ີພວກຄັດຄ້ານຣັຖບານຫລາຍຄົນ
ພາກັນໂຮມຊຸມນຸມທຳການປະທ້ວງຢ່າງສັນຕິຢູ່ຕໍ່ໜ້າຄຸກ.
ພວກນັກການທູດຈາກອອສເຕຣເລັຍແລະສະຫະພາບຢູໂຣບ
ທີ່ຢາກເຂົ້າໄປເບິ່ງການດຳເນີນຄະດີ ຖືກຫ້າມບໍ່ໃຫ້ເຂົ້າໄປໃນຄຸກ
ແຕ່ເຈົ້າໜ້າທີ່ກົງສູນຂອງສະຫະຣັດໄດ້ຮັບອະນຸຍາດໃຫ້ເຂົ້າໄປໄດ້
ເພາະວ່ານາຍ John Yettaw ຊື່ງເປັນພົນລະເມືອງອາເມລິກັນ
ກໍກຳລັງຖືກດຳເນີນຄະດີເຊ່ນກັນ.ທະນາຍຄວາມຄົນນື່ງຂອງທ່ານນາງອອງ
ຊານ ຊູຈີ ຜູ້ນຳຝ່າຍຄ້ານໃນມຽນມ້າ ກ່າວວ່າ ການດຳເນີນຄະດີທ່ານນາງ
ໃນຂໍ້ຫາລະເມີດເງື່ອນໄຂໃນການກັກບໍລິເວນທ່ານນາງນັ້ນ
ໄດ້ອັດລົງແລ້ວສຳລັບມື້ນີ້ ແລະຈະໄຂຂື້ນຄືນໃໝ່
ໃນວັນອັງຄານມື້ອື່ນ.ທ່ານນາງອອງຊານຊູຈີ
ແລະຜູ້ຊ່ອຍວຽກທ່ານນາງອີກ 2 ຄົນຖືກກ່າວ ຫາ
ຫລັງຈາກຜູ້ຊາຍອະເມຣິກັນ ນາຍ John Yettaw ລອຍຂ້າມທະເລສາບ
ແລ້ວລັກລອບເຂົ້າໄປຢູ່ໃນບ້ານພັກຂອງທ່ານນາງ. ຖ້າຖືກຕັດ
ສິນວ່າມີຄວາມຜິດແທ້
ທ່ານນາງກໍມີສິດປະເຊີນກັບການລົງໂທດຈຳຄຸກເຖິງ 5 ປີໄດ້.
ກ່ອນການດຳເນີນຄະດີໃນວັນຈັນມື້ນີ້ ບັນດາເຈົ້າໜ້າທ່ີມຽນມ້າ
ໄດ້ຮັດເຄັ່ງການຮັກສາຄວາມປອດໄພຂຶ້ນໃນເຂດອ້ອມແອ້ມຄຸກ Insein
ໃນຂະນະທ່ີພວກຄັດຄ້ານຣັຖບານຫລາຍຄົນ
ພາກັນໂຮມຊຸມນຸມທຳການປະທ້ວງຢ່າງສັນຕິຢູ່ຕໍ່ໜ້າຄຸກ.
ພວກນັກການທູດຈາກອອສເຕຣເລັຍແລະສະຫະພາບຢູໂຣບ
ທີ່ຢາກເຂົ້າໄປເບິ່ງການດຳເນີນຄະດີ ຖືກຫ້າມບໍ່ໃຫ້ເຂົ້າໄປໃນຄຸກ
ແຕ່ເຈົ້າໜ້າທີ່ກົງສູນຂອງສະຫະຣັດໄດ້ຮັບອະນຸຍາດໃຫ້ເຂົ້າໄປໄດ້
ເພາະວ່ານາຍ John Yettaw ຊື່ງເປັນພົນລະເມືອງອະເມລິກັນ
ກໍກຳລັງຖືກດຳເນີນຄະດີເຊັ່ນກັນ.
ທີ່ອິຣັກ: ການເລືອກຕັ້ງຄັ້ງຕໍ່ໄປຂອງອິຣັກ
ຈະມີຂຶ້ນໃນວັນທີ30 ເດືອນມັງກອນ ປີ2010.
ຮອງປະທານສະພາແຫ່ງຊາດກ່າວໃນວັນຈັນມື້ນີ້ວ່າ ສານຣັຖບານກາງອິຣັກໄດ້ກຳນົດເວລາການເລືອກຕັ້ງດັ່ງກ່າວ
ເພື່ອຕອບສນອງຕໍ່ຄຳຮຽກຮ້ອງຂອງສະພາແຫ່ງຊາດ ທ່ີປະກອບດ້ວຍສະມາຊິກ
275 ທ່ານນັ້ນ. ການເລືອກຕັ້ງແຫ່ງຊາດຊຸດໜ້ານີ້
ຈະເປັນການເລືອກຕັ້ງທົ່ວໄປຄັ້ງທີສອງຂອງອິຣັກ
ນັບແຕ່ອະດີດຜູ້ຜະເດັດການ ຊັດດັມຮູສເຊນ ໄດ້ຕົກ ຈາກອຳນາດໄປເມື່ອ 6 ປີຜ່ານມາ.
ການເລືອກຕັ້ງທົ່ວໄປຂອງອິຣັກເທື່ອແລ້ວນີ້
ມີຂຶ້ນໃນເດືອນທັນວາປີ2005 ເວລາພວກປະຊາຊົນຜູ້ມີ ສິດເລືອກຕັ້ງ
ປ່ອນບັດເລືອກເອົາພວກສະມາຊິກຂອງພັກປະສົມທີ່ນັບຖືນິກາຍຊີໄອ
ເຂົ້ານັ່ງໃນສະພາເປັນສ່ວນຫລາຍນັ້ນ.
ທີ່ອັຟການີສຖານ: ນ້ອງຊາຍຂອງປະທານາທິບໍດີ Hamid Karzai
ແຫ່ງອັຟການີສຖານ ກ່າວວ່າ
ທ່ານລອດຊີວິດຈາກການດັກໂຈມຕີຕໍ່ຂະບວນລົດຂອງທ່ານ
ໃນວັນຈັນມື້ນີ້ ແຕ່ຜູ້ອາຣັກຂາຄົນນຶ່ງຂອງທ່ານເສັຍຊີວິດ. ທ່ານ
Ahmad Wali Karzai ກ່າວວ່າ ທ່ານກຳລັງເດີນທາງມາຈາກ
ພາກຕາເວັນອອກຂອງອັຟການີສຖານ ໄປຍັງນະຄອນຫລວງ ຄາບູລ
ເວລາຖືກໂຈມຕີນັ້ນ.
ບໍ່ເປັນທ່ີຈະແຈ້ງວ່າຜູ້ໃດຢູ່ເບື້ອງຫລັງຂອງການ ໂຈມຕີ
ແຕ່ເວລານີ້ອັຟການິສຖານກຳລັງຕົກຢູ່ໃນທ່າມກາງການກະບົດ
ຂອງພວກກຸ່ມຕາລີບັນ ທ່ີທະວີຄວາມຮ້າຍແຮງຂື້ນນັບມື້ .
ວັນອັງຄານ, ໐໓ ທັນວາ ໒໐໒໔