ລາວ
ກັບ ໄທ ປະກອບພິທີເປີດຂະບວນລົດໄຟເຊື່ອມຕໍ່ລະຫວ່າງທ່ານາແລ້ງ ກັບໜອງຄາຍຢ່າງ
ເປັນທາງການແລ້ວ ຫາກແຕ່ວ່າ ກໍຍັງຄົງບໍ່ສາມາດທີ່ຈະເປີດໃຫ້ບໍລິການກັບປະຊາຊົນທົ່ວໄປໄດ້
ເພາະທາງການຂອງທັງ 2 ຝ່າຍຍັງຄົງບໍ່ສາມາດຕົກລົງກັນໄດ້ໃນບາງບັນຫາ.
ທ່ານ ບຸນຍັງ ວໍລະຈິດ ຮອງປະທານປະເທດລາວ ພ້ອມດ້ວຍສົມເດັດພະເທບ ຣັດຕະນະຣາຊສຸດາ ສະຢາມບູຣົມ ຣາຊະກຸມມາຣີ ແຫ່ງຣາຊອານາຈັກ ໄດ້ຮ່ວມກັນເປັນປະທານໃນພິທີເປີດການເຊື່ອມຕໍ່ການເດີນ ຂອງຂະບວນລົດໄຟລະຫວ່າງສະຖານນີທ່ານາແລ້ງ ກັບສະຖານີຈັງຫວັດ ໜອງຄາຍ ໂດຍຂ້າມຂົວມິດ ຕະພາບລາວ-ໄທ ແຫ່ງທຳອິດຢ່າງເປັນທາງການ ໃນຕອນເຊົ້າຂອງ ວັນທີ 5 ມີນາທີ່ຜ່ານມານີ້. ໂດຍການເຂົ້າຮ່ວມໃນພິທີດັ່ງກ່າວ ຍັງປະກອບດ້ວຍ ທ່ານ ອະພິສິດ ເວດຊາຊີວະ ນາຍົກລັດຖະມົນຕີໄທ ແລະ ບັນດາລັດຖະມົນຕີ ກະຊວງຄົມນະຄົມຂົນສົ່ງຂອງທັງສອງຝ່າຍ ພ້ອມທັງເຈົ້າໜ້າທີ່ຂັ້ນສູງຂອງທັງ ສອງປະເທດ ຈຳນວນຫລາຍຮ້ອຍຄົນ. ການເດີນ ຂອງຂະບວນລົດໄຟຕາມເສັ້ນທາງດັ່ງກ່າວນີ້ ໄດ້ມີການກຳນົດຮ່ວມກັນວ່າ ຈະມີການເດີນຂອງຂະບວນລົດໄຟໄປມາລະຫວ່າງ ທ່ານາແລ້ງ ກັບໜອງຄາຍ ແລະ ໜອງຄາຍ ກັບ ທ່ານາແລ້ງ ມື້ລະ 2 ຖ້ຽວ ເຊົ້າ ແລະ ແລງ ດ້ວຍອັດຕາຄ່າໂດຍສານ 50 ບາດ ສຳລັບ ຕູ້ນອນ, 30 ບາດ ສຳລັບ ຕູ້ມີເຄື່ອງປັບອາກາດ ແລະ 20 ບາດ ສຳລັບຕູ້ທຳມະດາ.
ແຕ່ເຖິງຢ່າງໃດກໍຕາມ ຫລັງຈາກພິທີການເປີດການເດີນຂອງຂະບວນລົດໄຟໄດ້ສຳເລັດລົງແລ້ວນັ້ນ ກໍປາກົດວ່າ ອົງການລົດໄຟຂອງທັງສອງປະເທດ ກໍຍັງຄົງບໍ່ສາມາດທີ່ຈະເປີດໃຫ້ບໍລິການແກ່ປະຊາຊົນທົ່ວໄປໄດ້ ເນື່ອງຈາກວ່າ ທັງສອງຝ່າຍ ຍັງຄົງບໍ່ສາມາດຕົກລົງກັນໄດ້ໃນບັນຫາບາງປະການ ທີ່ກ່ຽວຂ້ອງກັບລະບຽບການເດີນລົດໄຟ ແລະ ການກວດຄົນເຂົ້າເມືອງ ຊຶ່ງກໍໝາຍ ຄວາມວ່າ ການໃຫ້ບໍລິການພາກຕົວຈິງນັ້ນ ຈະສາມາດປະຕິບັດໄດ້ກໍຕໍ່ເມື່ອວ່າ ທາງການຂອງ ທັງສອງຝ່າຍ ສາມາດຕົກລົງໃນບັນຫາຕ່າງໆ ຮ່ວມກັນໄດ້ຢ່າງເປັນທາງການແລ້ວນັ້ນເອງ. ທັງນີ້ ໂດຍສາເຫດທີ່ສຳຄັນປະການໜຶ່ງທີ່ເຮັດໃຫ້ທາງການລາວ-ໄທ ຍັງຄົງບໍ່ສາມາດເປີດໃຫ້ບໍລິການຂົນສົ່ງໂດຍສານລົດໄຟໄດ້ໃນໄລຍະນີ້ກໍຄື ການທີ່ທາງການໄທຍັງຄົງຈະຕ້ອງນຳສະເໜີ ບັນດາຂໍ້ຕົກລົງລະບຽບຕ່າງໆ ທີ່ກ່ຽວຂ້ອງກັບການເດີນຂອງຂະບວນລົດໄຟເຊື່ອມ ຕໍ່ກັບລາວນັ້ນ ໃຫ້ລັດຖະສະພາໄທລົງມະຕິຮັບຮອງ ແລະ ອະນຸມັດຢ່າງເປັນທາງການເສຍກ່ອນ ຊຶ່ງທັງລວມໄປເຖິງ ລະບຽບປະຕິບັດກ່ຽວກັບການກວດຄົນເຂົ້າເມືອງທີ່ທາງການໄທຍັງຄົງກໍ່ສ້າງ ສຳນັກງານ ກວດຄົນເຂົ້າເມືອງຢູ່ສະຖານນີລົດໄຟ ຈັງຫວັດໜອງຄາຍຍັງບໍ່ທັນແລ້ວເທື່ອອີກ ດ້ວຍ.
ແຕ່ຢ່າງໃດກໍຕາມ ສຳລັບທາງຝ່າຍລາວແລ້ວ ກໍໄດ້ຢືນຢັນເຖິງຄວາມພ້ອມໃນທຸກໆດ້ານ ໃນການທີ່ຈະເລີ້ມເປີດການເດີນຂອງຂະບວນລົດໄຟເຊື່ອມຕໍ່ກັບໄທໄດ້ທຸກເມື່ອ ທີ່ທາງການໄທມີຄວາມພ້ອມ ໂດຍເຖິງແມ່ນວ່າ ເສັ້ນທາງລົດໄຟຢູ່ໃນເຂດປະເທດລາວ ຈະມີລະຍະທາງຍາວພຽງແຕ່ 3 ກິໂລກເມັດເຄິ່ງເທົ່ານັ້ນກໍຕາມ ຫາກແຕ່ທາງການລາວກໍເຊື່ອໝັ້ນວ່າ ຈະສົ່ງຜົນດີຕໍ່ການພັດທະນາທາງເສດຖະກິດຂອງລາວ ໂດຍສະເພາະແມ່ນຈະເຮັດໃຫ້ຄ່າຂົນສົ່ງສິນຄ້າ ແລະ ໂດຍສານຫລຸດລົງຈາກເດີມເຖິງເຄິ່ງໜຶ່ງ ເມື່ອທຽບໃສ່ກັບ ການຂົນສົ່ງທາງລົດຍົນ ລວມທັງຍັງຈະເປັນການຊ່ອຍຍືດອາຍຸໃນການໃຊ້ງານຂອງຖະໜົນ ໃນເຂດນະ ຄອນຫລວງວຽງຈັນອີກດ້ວຍ ດັ່ງທີ່ ທ່ານ ສອນສັກ ນໍຍານຊະນະ ຮອງຜູ້ອຳນວຍການອົງການ ການລົດໄຟຂອງລາວ ໄດ້ໃຫ້ການຊີ້ແຈງວ່າ:
ມັນກໍມີ 2 ດ້ານ ເນ໋າະ: ດ້ານໜຶ່ງ ກໍແມ່ນດ້ານການຂົນສົ່ງສິນຄ້າຈະໄດ້ວ່ອງໄວ ເນ໋າະ ແລ້ວ ລາ ຄາກໍຈະຖືກລົງ ຢ່າງໜ້ອຍກໍຫລຸດໄປຫາ 50% ເພາະຂົນເທື່ອດຽວມັນໄດ້ຫລາຍໂຕນນ໊ະ ແລ້ວ ທາງເຮົາກໍຈະບໍ່ເພອີກ ທາງເຂົ້າວຽງຈັນ ເພາະວ່ານ້ຳໜັກຂອງລົດກໍບໍ່ໃຊ້ລົດຂົນສົ່ງຫລາຍ ກໍຈະ ມາທາງຂະບວນລົດໄຟນີ້ກໍຈະເປັນການດີ.
ສຳລັບກ່ຽວການເຊື່ອມຕໍ່ທາງລົດໄຟອີກ 9 ກິໂລແມັດ ເຂົ້າໄປໃນເຂດນະຄອນຫລວງວຽງຈັນນັ້ນ ກ່ອນໜ້ານີ້ ທ່ານ ອະພີສິດ ເວຊາຊີວະ ນາຍຍົກລັດຖະມົນຕີຂອງໄທ ກໍໄດ້ໃຫ້ການຢືນຢັນກັບທ່ານ ບົວສອນ ບຸບຜາວັນ ນາຍຍົກລັດຖະມົນຕີລາວວ່າ ລັດຖະບານໄທຈະໃຫ້ຄວາມຊ່ວຍເຫລືອແກ່ລາວໃນອານາຄົດບໍ່ໄກນີ້ ໂດຍຈະຕ້ອງລໍຖ້າ ແຜນການງົບປະມານໃໝ່ຂອງລັດຖະບານໄທ ທີ່ຈະນຳສະເໜີເຂົ້າສູ່ລັດຖະສະພາໄທໃນໄຕມາດທີ 3 ຂອງປີນີ້ອີກຕໍ່ໄປ.
ຊົງຣິດ ໂພນເງິນ ລາຍງານຈາກບາງກອກ ເມື່ອວັນທີ 06 ມີນາ 2009
ຟັງສຽງພາສາລາວໄດ້ ໂດຍການກົດປຸ່ມຢູ່ຂວາມືຂ້າງເທິງ
ທ່ານ ບຸນຍັງ ວໍລະຈິດ ຮອງປະທານປະເທດລາວ ພ້ອມດ້ວຍສົມເດັດພະເທບ ຣັດຕະນະຣາຊສຸດາ ສະຢາມບູຣົມ ຣາຊະກຸມມາຣີ ແຫ່ງຣາຊອານາຈັກ ໄດ້ຮ່ວມກັນເປັນປະທານໃນພິທີເປີດການເຊື່ອມຕໍ່ການເດີນ ຂອງຂະບວນລົດໄຟລະຫວ່າງສະຖານນີທ່ານາແລ້ງ ກັບສະຖານີຈັງຫວັດ ໜອງຄາຍ ໂດຍຂ້າມຂົວມິດ ຕະພາບລາວ-ໄທ ແຫ່ງທຳອິດຢ່າງເປັນທາງການ ໃນຕອນເຊົ້າຂອງ ວັນທີ 5 ມີນາທີ່ຜ່ານມານີ້. ໂດຍການເຂົ້າຮ່ວມໃນພິທີດັ່ງກ່າວ ຍັງປະກອບດ້ວຍ ທ່ານ ອະພິສິດ ເວດຊາຊີວະ ນາຍົກລັດຖະມົນຕີໄທ ແລະ ບັນດາລັດຖະມົນຕີ ກະຊວງຄົມນະຄົມຂົນສົ່ງຂອງທັງສອງຝ່າຍ ພ້ອມທັງເຈົ້າໜ້າທີ່ຂັ້ນສູງຂອງທັງ ສອງປະເທດ ຈຳນວນຫລາຍຮ້ອຍຄົນ. ການເດີນ ຂອງຂະບວນລົດໄຟຕາມເສັ້ນທາງດັ່ງກ່າວນີ້ ໄດ້ມີການກຳນົດຮ່ວມກັນວ່າ ຈະມີການເດີນຂອງຂະບວນລົດໄຟໄປມາລະຫວ່າງ ທ່ານາແລ້ງ ກັບໜອງຄາຍ ແລະ ໜອງຄາຍ ກັບ ທ່ານາແລ້ງ ມື້ລະ 2 ຖ້ຽວ ເຊົ້າ ແລະ ແລງ ດ້ວຍອັດຕາຄ່າໂດຍສານ 50 ບາດ ສຳລັບ ຕູ້ນອນ, 30 ບາດ ສຳລັບ ຕູ້ມີເຄື່ອງປັບອາກາດ ແລະ 20 ບາດ ສຳລັບຕູ້ທຳມະດາ.
ແຕ່ເຖິງຢ່າງໃດກໍຕາມ ຫລັງຈາກພິທີການເປີດການເດີນຂອງຂະບວນລົດໄຟໄດ້ສຳເລັດລົງແລ້ວນັ້ນ ກໍປາກົດວ່າ ອົງການລົດໄຟຂອງທັງສອງປະເທດ ກໍຍັງຄົງບໍ່ສາມາດທີ່ຈະເປີດໃຫ້ບໍລິການແກ່ປະຊາຊົນທົ່ວໄປໄດ້ ເນື່ອງຈາກວ່າ ທັງສອງຝ່າຍ ຍັງຄົງບໍ່ສາມາດຕົກລົງກັນໄດ້ໃນບັນຫາບາງປະການ ທີ່ກ່ຽວຂ້ອງກັບລະບຽບການເດີນລົດໄຟ ແລະ ການກວດຄົນເຂົ້າເມືອງ ຊຶ່ງກໍໝາຍ ຄວາມວ່າ ການໃຫ້ບໍລິການພາກຕົວຈິງນັ້ນ ຈະສາມາດປະຕິບັດໄດ້ກໍຕໍ່ເມື່ອວ່າ ທາງການຂອງ ທັງສອງຝ່າຍ ສາມາດຕົກລົງໃນບັນຫາຕ່າງໆ ຮ່ວມກັນໄດ້ຢ່າງເປັນທາງການແລ້ວນັ້ນເອງ. ທັງນີ້ ໂດຍສາເຫດທີ່ສຳຄັນປະການໜຶ່ງທີ່ເຮັດໃຫ້ທາງການລາວ-ໄທ ຍັງຄົງບໍ່ສາມາດເປີດໃຫ້ບໍລິການຂົນສົ່ງໂດຍສານລົດໄຟໄດ້ໃນໄລຍະນີ້ກໍຄື ການທີ່ທາງການໄທຍັງຄົງຈະຕ້ອງນຳສະເໜີ ບັນດາຂໍ້ຕົກລົງລະບຽບຕ່າງໆ ທີ່ກ່ຽວຂ້ອງກັບການເດີນຂອງຂະບວນລົດໄຟເຊື່ອມ ຕໍ່ກັບລາວນັ້ນ ໃຫ້ລັດຖະສະພາໄທລົງມະຕິຮັບຮອງ ແລະ ອະນຸມັດຢ່າງເປັນທາງການເສຍກ່ອນ ຊຶ່ງທັງລວມໄປເຖິງ ລະບຽບປະຕິບັດກ່ຽວກັບການກວດຄົນເຂົ້າເມືອງທີ່ທາງການໄທຍັງຄົງກໍ່ສ້າງ ສຳນັກງານ ກວດຄົນເຂົ້າເມືອງຢູ່ສະຖານນີລົດໄຟ ຈັງຫວັດໜອງຄາຍຍັງບໍ່ທັນແລ້ວເທື່ອອີກ ດ້ວຍ.
ແຕ່ຢ່າງໃດກໍຕາມ ສຳລັບທາງຝ່າຍລາວແລ້ວ ກໍໄດ້ຢືນຢັນເຖິງຄວາມພ້ອມໃນທຸກໆດ້ານ ໃນການທີ່ຈະເລີ້ມເປີດການເດີນຂອງຂະບວນລົດໄຟເຊື່ອມຕໍ່ກັບໄທໄດ້ທຸກເມື່ອ ທີ່ທາງການໄທມີຄວາມພ້ອມ ໂດຍເຖິງແມ່ນວ່າ ເສັ້ນທາງລົດໄຟຢູ່ໃນເຂດປະເທດລາວ ຈະມີລະຍະທາງຍາວພຽງແຕ່ 3 ກິໂລກເມັດເຄິ່ງເທົ່ານັ້ນກໍຕາມ ຫາກແຕ່ທາງການລາວກໍເຊື່ອໝັ້ນວ່າ ຈະສົ່ງຜົນດີຕໍ່ການພັດທະນາທາງເສດຖະກິດຂອງລາວ ໂດຍສະເພາະແມ່ນຈະເຮັດໃຫ້ຄ່າຂົນສົ່ງສິນຄ້າ ແລະ ໂດຍສານຫລຸດລົງຈາກເດີມເຖິງເຄິ່ງໜຶ່ງ ເມື່ອທຽບໃສ່ກັບ ການຂົນສົ່ງທາງລົດຍົນ ລວມທັງຍັງຈະເປັນການຊ່ອຍຍືດອາຍຸໃນການໃຊ້ງານຂອງຖະໜົນ ໃນເຂດນະ ຄອນຫລວງວຽງຈັນອີກດ້ວຍ ດັ່ງທີ່ ທ່ານ ສອນສັກ ນໍຍານຊະນະ ຮອງຜູ້ອຳນວຍການອົງການ ການລົດໄຟຂອງລາວ ໄດ້ໃຫ້ການຊີ້ແຈງວ່າ:
ມັນກໍມີ 2 ດ້ານ ເນ໋າະ: ດ້ານໜຶ່ງ ກໍແມ່ນດ້ານການຂົນສົ່ງສິນຄ້າຈະໄດ້ວ່ອງໄວ ເນ໋າະ ແລ້ວ ລາ ຄາກໍຈະຖືກລົງ ຢ່າງໜ້ອຍກໍຫລຸດໄປຫາ 50% ເພາະຂົນເທື່ອດຽວມັນໄດ້ຫລາຍໂຕນນ໊ະ ແລ້ວ ທາງເຮົາກໍຈະບໍ່ເພອີກ ທາງເຂົ້າວຽງຈັນ ເພາະວ່ານ້ຳໜັກຂອງລົດກໍບໍ່ໃຊ້ລົດຂົນສົ່ງຫລາຍ ກໍຈະ ມາທາງຂະບວນລົດໄຟນີ້ກໍຈະເປັນການດີ.
ສຳລັບກ່ຽວການເຊື່ອມຕໍ່ທາງລົດໄຟອີກ 9 ກິໂລແມັດ ເຂົ້າໄປໃນເຂດນະຄອນຫລວງວຽງຈັນນັ້ນ ກ່ອນໜ້ານີ້ ທ່ານ ອະພີສິດ ເວຊາຊີວະ ນາຍຍົກລັດຖະມົນຕີຂອງໄທ ກໍໄດ້ໃຫ້ການຢືນຢັນກັບທ່ານ ບົວສອນ ບຸບຜາວັນ ນາຍຍົກລັດຖະມົນຕີລາວວ່າ ລັດຖະບານໄທຈະໃຫ້ຄວາມຊ່ວຍເຫລືອແກ່ລາວໃນອານາຄົດບໍ່ໄກນີ້ ໂດຍຈະຕ້ອງລໍຖ້າ ແຜນການງົບປະມານໃໝ່ຂອງລັດຖະບານໄທ ທີ່ຈະນຳສະເໜີເຂົ້າສູ່ລັດຖະສະພາໄທໃນໄຕມາດທີ 3 ຂອງປີນີ້ອີກຕໍ່ໄປ.
ຊົງຣິດ ໂພນເງິນ ລາຍງານຈາກບາງກອກ ເມື່ອວັນທີ 06 ມີນາ 2009
ຟັງສຽງພາສາລາວໄດ້ ໂດຍການກົດປຸ່ມຢູ່ຂວາມືຂ້າງເທິງ
