ລິ້ງ ສຳຫລັບເຂົ້າຫາ

Laos to Waive Visa Extention Fee for Certain Age Groups of Visitors


Lao authorities say they are waiving visa extension fees for foreign tourists under 15 years of age and older than 65, adding that overseas Laotians who wish to return to live in Laos and reclaim their citizenship are able to file their application.

Finance Ministry officials recently revealed that Mr. Choummaly Sayasone, President of the Lao PDR, signed an important document formally modifying Presidential Decree #3 in November 2008, waiving visa extention fee for foreign tourists, aged 15 years and younger and 65 years and older, so that they can stay in the country longer.

Currently, foreigners have to pay a visa fee of $30 to $40, depending on their nationalities. Until now, they had to pay the same rate if they wanted to extend their visas during their visit. Those who overstayed without applying for an extension after their visa expired had to pay a penalty of $2 per day. But from now on, foreign visitors to Laos who between the ages of 15 and 65, are not required to pay the extension fee if they want to stay longer.
Currently, only Japanese, South Korean and Russian visitors and those who are citizens of member countries of the Association of Southeast Asian Nations, or ASEAN, are exempt from obtaining visa when they travel to Laos, as long as they bring with them their passports or border passes.
However, this exemption of visa extension fee will have an impact on the Lao government's revenues to some extent. Therefore, the government of Laos plans to charge an extra $2 fee on top of the regular entry visa fee for every foreign tourist with a passport, and an additional $1 for those who carry border passes.
Lao officials added that overseas Laotians who wish to return to their homeland for good are eligible to apply for permanent resident status as well as to file petition to reclaim their Lao citizenship, provided they have no criminal record in Laos or abroad. The Lao National Assembly will be the government agency in charge of considering and approving all applications, which will be done generally within three months from the date of application, according to Mr. Ting Souksan, First Secretary and Director of the Consular Section of the Lao Embassy in Bangkok, who added that applicants must explain clearly their reasons for wanting to go back and live in Laos.
Songrit Pongern reported from Bangkok. (English translation by Buasawan Simmala and Dara Baccam)

Listen to our audio in Lao by clicking the right top button.

For Lao text read below

ລັດຖະບານລາວ ຍົກເວັ້ນຄ່າທໍານຽມຕໍ່ວິຊາໃຫ້ນັກທ່ອງທ່ຽວບາງກຸ່ມອາຍຸ

ທາງ​ການ​ລາວຍົກ​ເວັ້ນຄ່າ​ທຳນຽມ​ໃນການ​ຕໍ່ວີ​ຊ້າ​ໃຫ້​ກັບ​ບັນດານັກ​ທ່ອງ​ທ່ຽວຊາວຕ່າງ​ຊາດ ທີ່​ມີ​ອາຍຸ​ຕ່ໍາກວ່າ 15 ປີ ​ແລະ ອາຍຸເກີນ​ກວ່າ 65 ປີ ຂຶ້ນ​ໄປ. ສ່ວນ​ຄົນ​ລາວ​ທີ່ຢູ່​ໃນ​ຕ່າງ ປະ​ເທດ​ນັ້ນ ຖ້າ​ຫາກ​ວ່າ​ຕ້ອງການ​ທີ່​ຈະ​ກັບ​ຄືນ​ໄປ​ຢູ່​ໃນ​ລາວ ຫລື​ ຕ້ອງການ​ທີ່​ຈະ​ໄດ້​ຮັບ​ສັນຊາດ​ລາວ​ກັບ​ຄືນ ກໍ​ສາມາດ​ທີ່​ຈະ​ປະກອບ​ຄຳ​ຮ້ອງ​ໄດ້​ເຊັ່ນ​ດຽວກັນ.

ທາງ​ການ​ກະ​ຊວງ​ການ​ເງິນ​ຂອງ​ລາວ ​ໄດ້​ລາຍ​ງານ​ວ່າ ທ່ານ ຈຸມມະ​ລີ ​ໄຊ​ຍະ​ສອນ ປະ ທານ​ປະ​ເທດ​ລາວ ​ໄດ້​ລົງ​ນາມ​ໃນ​ເອກະສານສຳຄັນ ​ເພື່ອ​ດັດ​ແກ້ດຳ​ລັດ​ປະທານ​ປະ​ເທດ ສະບັບ​ເລກທີ່ 3 ຢ່າງ​ເປັນ​ທາງ​ການ​ນັບ​ຕັ້ງ​ແຕ່ ​ເດືອນ ​ພຶດສະ​ຈິກາ ປີ​ກາຍ​ເປັນຕົ້ນມາ​ແລ້ວ ​ໂດຍ​ການ​ລົງ​ນາມ​ດັ່ງກ່າວ ກໍ​ໄດ້​ເປັນ​ຜົນ​ເຮັດ​ໃຫ້​ຊາວ​ຕ່າງຊາດທີ່​ເດີນ ທາງ​ເຂົ້າ​ໄປ​ທ່ອງ​ທ່ຽວຢູ່​ໃນ​ລາວ ທີ່​ມາ​ອາຍຸ​ບໍ່​ເກີນ 15 ປີ ​ແລະ ອາຍຸ​ເກີນ​ກວ່າ 65 ປີ ຂຶ້ນ​ໄປ​ນັ້ນ ຈະ​ໄດ້​ຮັບ​ການ​ຍົກ​ເວັ້ນຄ່າ​ທຳນຽມ​ໃນການ​ຂໍຕໍ່ວີ​ຊ້າ​ ​ເພື່ອ​ຂະຫຍາຍ​ໄລຍະ​ເວ​ລາ ຢູ່​ໃນ​ລາວ​ໃຫ້​ໄດ້​ອີກຕໍ່​ໄປ. ​ໂດຍ​ໃນ​ປະຈຸ​ບັນນີ້ ຊາວຕ່າງ​ຊາດ​ທີ່​ເດີນທາງ​ເຂົ້າ​ໄປ​ໃນ​ລາວ ຈະ​ຕ້ອງ​ເສຍຄ່າ​ທຳນຽມວີ​ຊ້າ ​ໃນ​ອັດຕາ​ລະຫ​ວ່າງ 30 ​ໂດ​ລ້າ​ສະ​ຫະ​ລັດ ຫາ 42 ໂດ​ລ້າ​ສະ​ຫະ​ລັດ ຕໍ່ຄົນ ​ໂດຍຂຶ້ນຢູ່​ກັບ​ສັນຊາດ​ຂອງ​ນັກ​ທ່ອງ​ທ່ຽວ​ເປັນສຳຄັນ ​ແລະ ການ​ທີ່​ຈະ​ຂໍ​ຕໍ່ວີ​ຊ້າ​ຢູ່​ໃນ​ລາວ ​ໃຫ້ຢູ່​ເກີນ​ກວ່າ​ໄລຍະ​ເວລາ​ທີ່​ໄດ້​ຮັບ​ອານຸຍາດ​ນັ້ນ ກໍ​ຍັງ​ຈະ​ຕ້ອງ​ເສຍຄ່າ​ທຳນຽມ​ໃນ​ອັດຕາ​ດຽວກັນ​ກັບຄັ້ງທຳ​ອິດ, ສ່ວນ​ນັກ​ທ່ອງ​ທ່ຽວທີ່ຢູ່​ໃນ​ລາວ​ເກີນ​ກຳນົດ ​ໂດຍ​ບໍ່ມີ​ການ​ຂໍ​ຕໍ່​ວີ​ຊ້າ ນັ້ນ ກໍ​ຈະ​ຖືກ​ປັບ​ໄໝ​ໃນ​ອັດຕາ 2 ​ໂດ​ລ້າ ສະຫະ ຣັດ ​ຕໍ່​ວັນ.

ຫາກ​ແຕ່​ໃນ​ໄລຍະ​ຕໍ່​ໄປ​ນີ້ ສຳລັບ​ຊາວ​ຕ່າງປະ​ເທດ​ທີ່​ມີ​ອາຍຸ​ຕໍ່າ​ກວ່າ 15 ປີ ຫລື ​ເກີນ​ກວ່າ 65 ປີ ຂຶ້ນ​ໄປ​ນັ້ນ ກໍ​ຈະ​ບໍ່ມີ​ຄວາມ​ຈຳ​ເປັນທີ່​ຈະ​ຕ້ອງ​ເສຍຄ່າ​ທຳນຽມ​ໃນ​ການ​ຂໍ​ຕໍ່ວີ​ຊ້າຢູ່​ໃນ​ລາວ​ອີກ​ຕໍ່​ໄປແລ້ວນັ້ນ​ເອງ. ​ແຕ່​ຢ່າງ​ໃດ​ກໍ​ຕາມ ສຳ ລັບ​ນັກທ່ອງ​ທ່ຽວ ທີ່​ເປັນ​ພົນລະ​ເມືອງຂອງ​ຍີ່​ປຸນ, ​ເກົາຫລີ​ໃຕ້, ຣັດ​ເຊຍ ແລະ ບັນດາ​ປະ​ເທດ​ສະ​ມາ​ຊິກ​ສ່ວນ​ໃຫຍ່​ໃນ​ກຸ່ມ​ອາຊຽ​ນດ້ວຍ​ກັນກັບ​ລາວ​ນັ້ນ ​ໃນ​ປະຈຸ​ບັນນີ້ ກໍ​ໄດ້​ຮັບການ​ຍົກ​ເວັ້ນ ການ​ຂໍອະນຸ​ຍາດ​ວີ​ຊ້າ​ເຂົ້າ​ໄປ​ໃນ​ລາວແລ້ວ ​ໂດຍ​ສາມາດ​ທີ່​ຈະ​ເດີນທາງ​ເຂົ້າ​ໄປ​ໃນ​ລາວດ້ວຍ​ການ​ຖືໜັງສື​ເດີນທາງ ຫລື ພາ​ສປອດ ​ເທົ່າ​ນັ້ນ ກັບ​ທັງ​ຍັງ​ບໍ່ມີ​ການ​ເສຍຄ່າ​ທຳນຽມ ແຕ່ຢ່າງ​ໃດອີກ​ດ້ວຍ. ​

ຫາກ​ແຕ່​ວ່າ ດ້ວຍ​ການ​ຍົກ​ເວັ້ນວີ​ຊ້າ ​ແລະ ການ​ຍົກ​ເວັ້ນຄ່າ​ທຳນຽມ​ໃນ​ການ​ຂໍ​ຕໍ່ວີ​ຊ້າ ​ດັ່ງ ກ່າວ​ນີ້ ​ໄດ້​ສົ່ງ​ຜົນ​ກະທົບ​ຕໍ່ລະດັບ​ລາຍ​ຮັບ​ຂອງ​ທາງ​ການ​ລາວ​ຫລາຍ​ພໍ​ສົມຄວນ. ດ້ວຍ​ເຫດ​ນີ້ ຈຶ່ງ​ເຮັດ​ໃຫ້​ທາງ​ການ​ລາວ ​ໄດ້​ວາງ​ແຜນການ​ໄວ້​ວ່າ ຈະ​ເກັບ​ຄ່າ​ທຳນຽມ​ເພີ້ມ​ຕື່ມ​ຈາກ​ຊາວ​ຕ່າງ​ຊາດທຸກ​ຄົນ ທີ່​ເດີນທາງ​ເຂົ້າ​ໄປ​ໃນ​ລາວ ​ໂດຍ​ຈະ​ເປັນ​ການ​ຈັດ​ເກັບ​ໃນ​ອັດ​ຕາ 2 ໂດ​ລ້າ​ສະ​ຫະ​ລັດຕໍ່ຄົນ ສຳລັບນັກ​ທ່ອງ​ທ່ຽວທີ່​ຖື ພາ​ສປອດ ​ແລະ 1 ໂດ​ລ້າ​ສະ​ຫະ​ລັດ ຕໍ່ຄົນ ສຳລັບ​ນັກ​ທ່ອງ​ທ່ຽວຈາກ​ປະ​ເທດເພື່ອ​ນບ້ານ ທີ່​ຖືໜັງສື​ຜ່ານ​ແດນ ຫລື border-pass ​ເຂົ້າ​ໄປ​ໃນ​ປະ​ເທດ​ລາວ. ​

ແຕ່​ສຳລັບ​ຄົນ​ລາວ​ທີ່ຢູ່​ໃນ​ຕ່າງປະ​ເທດ​ນັ້ນ ນອກຈາກ​ຈະ​ປະຕິບັດ​ຕາມ​ເງື່ອນ​ໄຂ​ອັນດຽວ ທີ່​ກ່າວ​ມາ​ຂ້າງ​ເທິງ​ແລ້ວ ຄົນ​ລາວ​ໃນ​ຕ່າງປະ​ເທດກໍ​ຍັງ​ມີ​ສິດ​ທີ່ຈະ​ຂໍ​ຢູ່​ໃນ​ປະ​ເທດ​ລາວ​ຢ່າງ​ຖາວອນ ​ແລະ ຍັງ​ສາມາດທີ່​ຈະ​ປະກອບ​ຄຳ​ຮ້ອງ​ຂໍກັບ​ຄືນ​ມາ​ຖື​ສັນຊາດ​ລາວ​ໄດ້​ອີກ​ດ້ວຍ. ທັງນີ້ ​ໂດຍ​ມີ​ເງື່ອນ​ໄຂ​ວ່າ ຄົນ​ລາວ​ທີ່ຢູ່​ຕ່າງປະ​ເທດ ທີ່​ຕ້ອງການ​ຈະ​ກັບ​ຄືນ​ໄປ​ຢູ່​ລາວ​ຢ່າງ​ຖາວອນ ຫລື ຕ້ອງການ​ຢາກ​ຈະ​ໄດ້​ຮັບ​ສັນຊາດ​ລາວ​ກັບ​ຄືນ​ນັ້ນ ຈະ​ຕ້ອງ​ເປັນ​ບຸກຄົນທີ່​ບໍ່ມີ​ບັນຫາ​ທີ່​ກ່ຽວກັບ​ການ​ກະທຳ​ຜິດ​ກົດໝາຍຕ່າງໆ ທັງ​ທີ່ຢູ່​ໃນ​ລາວ ​ແລະ ຢູ່​ໃນຕ່າງປະ​ເທດ​ໂດຍ​ພາກສ່ວນ​ທີ່​ຈະ​ເປັນ​ຜູ້ອະນຸມັດ​ຕາມ​ການ​ຮ້ອງ​ຂໍ​ດັ່ງກ່າວ​ໃນ​ຂັ້ນສຸດ​ທ້າຍ​ນັ້ນ ກໍ​ຄືສະພາ​ແຫ່ງ​ຊາດ​ລາວ ຊຶ່ງ​ຕາມ​ປົກກະຕິ​ແລ້ວ ຈະ​ໃຊ້​ເວລາ​ໃນ​ການ​ພິຈາ​ລະນາ​ເພື່ອ​ອະ​ນຸມັດ ບໍ່​ເກີນ​ສາມ​ເດືອນ ດັ່ງ​ທີ່ ທ່ານ ຕິ່ງ ສຸກ​ສັນ ​ເລຂາ​ນຸການ​ເອກ ​ແລະ ຫົວໜ້າພະ​ແໜກກົງສຸນ ປະຈຳ​ສະຖານທູດ​ລາວຢູ່​ບາງກອກ ​ໄດ້​ໃຫ້ການ​ຊີ້​ແຈງ​ກັບ VOA ວ່າ:


ຄົນ​ລາວ​ຢາກ​ກັບ​ຄືນ ກໍ​ມີ​ແຕ່​ປະ​ກອບ​ເອກະສານ​ວ່າ ຜູ້ກ່ຽວ​ຫັ້ນຢາກກັບ​ຄືນປະ​ເທດ​ລາ​ວ ຄືນແລະ ອີງໃສ່​ເງື່ອນໄຂ​ທີ່​ວ່າ​ອັນ​ໃດນໍ ຕ້ອງອ້າງເຫດອ້າງຜົນ ອັນ​ສອງ​ມານີ້ ​ປະ​ກອບ​ເອກະສານ​ຕາມຂັ້ນຕອນ​ທີ່​ເຂົາ​ອະທິບາຍ. ຕາມ​ປົກກະຕິ ກໍ​ປະມານ​ 3 ​ເດືອນ ​ເພາະວ່າ ​ເອກະສານ​ໂຕນີ້ ມັນ​ໄປ​ຜ່ານທາງສະພາ​ແຫ່ງ​ຊາດ ນໍ, ສະພາ​ແຫ່ງ​ຊາດ ​ເປັນ​ຜູ້​ທີ່ຕັດ​ສິນຕົກລົງ. ຄຸນສົມບັດ​ກໍ​ມີ​ແຕ່​ວ່າ ​ໃນໄລຍະ​ເບື້ອງຕົ້ນທີ່​ວ່າຜູ້ກ່ຽວຢູ່​ລາວ ນໍ ມັນ​ມີ​ບັນຫາ​ຫຍັງ, ຖ້າວ່າ ບໍ່ມີ​ບັນຫາ​ຫຍັງ ​ແລະ ອອກ​ໄປ​ແລ້ວ ​ໄປ​ຢູ່​ປະ​ເທດ​ເຂົາ​ແລ້ວ​ ບໍ່ມີ​ບັນຫາ​ຫຍັງ ຕ້ອງ​ໄດ້​ເກັບ​ກຳ​ສະພາບ​ໂຕນັ້ນ. ຖ້າວ່າ ​ຕອນ​ຢູ່​ລາວ​ກໍບໍ່ມີ​ບັນຫາ ​ແລະ ກໍ​ໄປຢູ່ປະເທດທີ​ສອງກໍ​ບໍ່ມີ​ບັນຫາ ກັບ​ຄືນ​ມາກໍຖືວ່າ​ ເຂົາກໍພິຈາລະນາເລີຍ. ຖ້າວ່າ​ຜູ້​ໃດ​ບໍ່ມີ​ຄະ​ດີ​ໃດ​ຖືວ່າບໍ່ມີ​ບັນຫາ.


ຟັງສຽງພາສາລາວໄດ້ ໂດຍການກົດປຸ່ມຢູ່ຂວາມືຂ້າງເທິງ


XS
SM
MD
LG